元綠壽司 (已結業)

雖然現在已經無生日半價,但還有"指定"生日半價套餐,很超值!所以都游說身邊朋友做會員,生日前後三天可享用呢很多人都說元綠的三文魚壽司比其他店舖貴,但我都鍾情於元綠-- 燒雞比薩,清酒著蜆及太卷是我的最愛,尤其是比薩,即叫即焗,很新鮮,餡料剛好,批又脆,完全不覺得膩,價錢亦不高不過,曾經叫過牛脷串燒,真的很硬,咬得很辛苦

元綠隔夜飯包卷連shusi,夜晚d shusi 賣唔晒會返shusi上d魚生聽日再用（我親手做ｇｅ）最嚴重有3樣大家唔好食~~*辣味三文魚~~~有次d三文魚刺身臭左大佬(文西)叫拎去做(辣味三文魚)我照做lo~~做左出黎個樣好靚仔~我一試>,<完全入唔到口,我一食就知變左,我同(文西)講,佢到係要出有計la*帆立貝天婦羅or鐵板帆立貝~~~d帆立貝臭ge,已經出現湖湖地ge液體!!照用*青花魚~~~同帆立貝一樣臭ge,出現湖湖地ge液體所以大家唔好食我會再留意公司有d咩問題講比大家知

黎過呢度前後兩次, 感覺都幾舒服! 地方大環境好, 坐度食野都幾relax! 服務水準就幾一般啦, 唔會對你差囉, 不過又唔覺特別好!坦白講有咩野壽司係特別吸引呢, 我諗淨係個蟹子沙律手卷同埋北寄貝沙律壽司係最好味, 其仔野就真係普普通通, 真係不過不失! 唔會好差但都未到推介, 有時貪佢地唔使點等位, 可以拿拿臨醫肚!我覺得佢地逢係沙律壽司都真係幾好, 其他壽司店又真係好似冇佢地咁好囉, 所以我有時心思思都會想去食架!

杯2隻, 豉油碟2隻, 碟2隻, 合共6隻可洗用餐具, 一隻有海苔屑, 一隻有豉油漬, 2隻杯就一隻有粒飯, 一隻有七味粉。好言跟侍應說請替我換過杯碟, 換來的, 飯粒七味粉拿走了, 海苔屑刮走了, 豉油碟仍然有豉油漬。手寫了8碟壽司, 味道只可用"不過不失"形容。漏單情況是, 落單兩次, 平均每次都漏一碟壽司。以上兩段, 除了味道涉及個人意見成分, 其他的, 都是fact。幫唔幫襯, 就睇大家對衛生及服務的要求有幾"基本"。收得人錢, 咁打工, 老細一定鍚曬你。

同bf 2個人食都係o個d sushi 呀o個o野la~(8碟)芝麻醬冷麵好味金菇牛肉卷d牛好乾炸蝦天婦羅...好求其o既天婦羅...不過埋單只係$150...仲想點??!! 好飽

因為住得近, 所以我成日都幫襯呢一間元綠, 好熟悉佢地的運作. 請得: 1. 如果你唔食煙, 就一定唔好坐bar, 唔好信佢話"都唔係好煙呀!" 因為如果有人食煙, 就算你坐係迴轉, 都會聞到煙味. 所以如果無迴轉, 無卡位, 我會選擇走人.2. 講明選卡位- 卡位係呢一間元綠最正的原因. 但係記得, 唔好信明口個女仔, 因為佢無紀錄, 每次話要坐卡位, 佢梗係好似開錄音機咁話: "卡位滿晒喎!" 但係我行入去, 4 個卡位3個吉. 唔好信人, 信自己對眼.3. 食物- 唔講得好食, 但總叫做乾淨.4. 服務態度- 唔叫得好, 但如果經理去食飯或未返, d staff就好似未醒咁. 有日我見識到全間鋪有經理同無經理的服務態度. 個新男經理好係朱江, 好高大, 又有禮貌, 一眼關七, 個個staff即刻打醒精神. 所以最好等有經理係度先好幫襯.5. 仲有, 水吧奇慢, 如果叫餐包飲品, 最好一早叫埋, 等食完個餐先叫野飲, 都唔知等到幾時.

真係唔寫哩間野唔得呀!!如果唔係果晚有位都唔會食哩間!!講真~d野又唔係好食~又成日加價~最最重要係次次都計多我地$$呀!我地仲要係出左門口先至醒覺~你話嬲唔嬲呢??有得揀~~唔會再食呢間!!

前兩日同舊同事傾o野,入到去講明係非吸煙者,想坐非吸煙區卡位,點知個侍應話"我地呢度只有迥轉帶位係非吸煙區"!於是我地被迫坐吸煙區!有冇搞錯咁都得!!食物方面都只係一般中o既一般水準,只記得炸蠔最好吃,手卷o既紫菜又"林"又韌,冷素麵太多沙律汁...

26 April 2006 (Wed) - Birthday Lunch (4)可能我早放lunch，又我所坐既位都夠當眼，所以服務唔見得太差，反而都密密加茶！一個久遺了既朋友百忙中抽空請我食個lunch，心感榮幸，仲又食又’扐’(因為佢又請我食飯又送禮物比我)，真係好開心！我哋叫咗少少壽司(八款)，再加一個午餐share食，都真係好飽肚，由於全部都係佢發版，我全部都唔知啲名，但係壽司應該係有：三文魚，吞拿魚，生帶子，墨魚，海膽，香葱燒吞拿魚，仲有兩種唔知係乜！至於個午餐就係咩燒牛肉飯咁上下．．．樣樣都係普普通通啦，都係一般元綠水準，無驚亦無喜，冇肚痛算係咁啦！不過我幾鍾意呢間元綠既環境，坐得幾舒服同有privacy，唔錯！多謝久遺了既朋友請我食飯，我好懷念以前相聚既日子．．．．

D服務員個個都係聾同瞎既明明已經唔係坐得好corner叫極都冇人應舉起隻手fing晒都冇人理

I walked into this restaurent, and the waiter asked us if we wanted to sit in the smoking/non smoking area. I told her that we were non smokers, and she looked at the non-smoking area which was empty, and advised us to sit in the smoking area.I believe the waiters wanted to group people in one area, so it would be easier to serve and take orders.As I was allocated to a smoking area, when the non smoking area were vacant, I felt that I should not spend my money here due to their convenience.Henc

平日間中都會O黎依間元綠食，但今次發現進步左好多，特別係ｄ服務。今次坐到最入ｏ既ｓｏｆａ，飲完即刻有人密密斟水，食完野又即刻收～ｗaiter 們後生但好勤力，全場走冇停過傾計，而且好有禮貌～走有好多人講ｂyebye。哈～俾起之前係進步左勁多！〔反而之前坐近門口ｄ　ｔａｂｌｅ～想飲杯水都難囉。〕壽司仍然普普通通，但都合格有餘，最鍾意魷魚沙律壽司，好爽口！熱食都唔錯，次次都叫芝士火腿比薩餅！好好味，有ｄ似烤餅，細細件好濃芝士味！另外叫左個和風豬扒鍋，＄２２聽落去好抵，但其實真係得一塊豬扒，底下連ｄ菜都冇，得ｄ洋蔥。仲有個海鮮炒飯＄３５，有ｄ青口，其餘既都係粟米綠豆蟹柳咁～ａnyway 都幾大兜，咁既價錢都唔可以要求ｄ乜啦^^服務超讚！２個人食到好飽都係百幾蚊～下次會再黎〔唔洗再等個幾鐘位的話．．．〕

可能對元綠無乜好感，所以都無抱好大期望入去。D 野食都係咁啦~D麵豉湯都一般。不過個火焰雪山就好麻麻，反而個刨冰都幾好食。

lunch 黎試過...d野好難食囉..d waiter又唔知做乜咁..落幾個人既單都錯漏百出...唔怪之得越黎越易搵位...試過咁多間元緣依間最唔掂...

因生日有半價的關係,前兩日同男友和屋企人一齊來這裏食飯,六點半來到,人流十分多,等了差不多半小時.環境是比其它還未裝修的元綠標青,地方亦夠大.我們是坐在迴轉位,一坐下覺得迴轉帶高了點,很難望真食物的樣貌,而放在迴轉上的食物來來去去都是這些,想食其它的都要另外order, 減低了我們的興趣.食物味道都是這些,不用多說.六人總共食了$450,以這裏的質數,不是便宜亦不會有滿足的感覺.下次就算有半價亦不是再幫襯.