元豐園

營業中

休息中

上星期五和男朋友仔在尖沙咀找韓野食,最後決定去'豐園'.入座時大約7點3,那時人不太多,不用等位.我地點了:炆牛肋骨:好味道,味濃,牛肋骨好淋,食到停唔到.人蔘雞湯:不太似湯,似粥多d,雞算滑,不過人蔘味唔夠.石頭鍋飯:味道一般,間間都差不多,勝在多料.最後每人有2件organge俸送.

我地一共7人,一早經已訂位,訂左7點,諗住來試下姐....入到去個環境已經扣晒分...一陣油煙味..無通風系統不但止..仲要有陣"酸叔味"...都無計啦訂左位係咪都要食...我地4個人來先..明明有張大臺係度..一直都唔比我地埋位..真係唔明咩意思囉??唔通我地唔係佢地果族?(韓國人)...加上佢地d態度極之粗鄙...我地同佢講我地等左好耐喇..明明有臺點解唔比我地坐..佢仲要用唔喊唔淡既廣東話講加好大手勢話..{坐啦..坐啦..坐啦}好似我地幾個來黑食咁..依d咁既態度我真係接受唔到囉!!!下次貼錢比我來食..我都唔會再來囉...極之氣憤!!!

I think they have too many guests and the business is over their ability. They have such an attitude problem, I cannot imagine that once it was such a good restaurant with nice atmosphere, now they treat the guests like .... Are we paying the bill? Are we making trouble in their restaurant? I understand there's a language barrier but the fact is, I had experience in this restaurant and used to visit them every 10 days in winter. we want to have another clean tureen to heat up the remaining Vermi

我平日都有食豐園，不過通常是十點后的非繁忙時間，今次朋友生日想話食韓燒，見平日都幾好味，所以就訂了八位八點。七點十我們到了六個人，佢地有位都唔比我地坐，話一定要齊人先坐得，但我眼見韓國人入到去未齊人都坐得低，到八點我們到了七個人，都費事問佢地我地就坐低。我都明白你繁忙時間想做多轉，所以我地未齊人都先叫一個四人餐，費事你眼望我眼，食住等!落order時那個伙計叔叔就有以下對話:<四人餐你地唔食喎> (我知喇我地食住等) <你地八點未齊人就唔好訂位喇!下次未齊人唔准入!邊有人訂八點，八點都唔齊人!> (叔叔有下次先算喇!) <你地咪唔好離囉，無所謂wor!我地唔洗做你生意喎!> 跟住重唔同我地落order !! 咩服務態度，真係第一次見!! 如果唔係朋友生日，應該都開咗戰理論一下! 如果豐園想淨做韓國人生意或想揀客做，其實可以在門口寫住member only ! 最後在飯局中發覺佢地收拾枱時會將食物分類，即可再用的不會重叠放上盤上，不可再用的會重叠放。大家不防留意下!!

早兩日去呢度食飯... 預先book左所以唔駛等... 叫左炆牛肋骨.. 石頭飯.. 炒粉絲... 全部都好好味... 之後有好多人等位... 估唔到閒日都咁多客.. 其中好多仲係韓國人... 所以應該係幾正宗既韓國菜... 不過因為人多所以傾偈就唔係咁好.. 況且咁多人等位佢地都想你快啲埋單...

無下次的“豐人園”，為左尊嚴千其唔好食！谷氣的生日飯，當晚同朋友食飯慶祝生日，訂左位7點，我同朋友未到7點已經到餐廳，因為未有枱，所以要等一陣，其實等都唔係問題，好多餐廳訂左而未有位都要等，我都唔介等，但個果應該係老闆娘既女人，一ｄ待客之道都無，好唔耐煩對我地講等等呀，到有位時，個女人同我地講，張枱要8點交返，話有客訂左，但個時已經7點3，試問45分鐘點可能食一餐韓國燒烤，食碗麵都要十五分鐘啦，我地當然唔坐啦！再等一陣終終有位啦，個女人極度之無禮貌地用手指我地去個位度，連講句話都無，只係指，我心諗，指咩呀，我係犯呀？？但佢對韓國人同日本人好好架，係比晒手請人地入座！簡直係唔想做香港人生意，係我地香港人既地方，居然咁歧視香港人，實在過份！！！如果你咁唔想做香港人生意，應該係門口打明只招待韓國人及日本人！跟住我地點菜，同我地落單個男人比較有禮貌，比較好ｄ，點完菜後，我望下個女人點樣對待客人，結果係對住ｄ韓國人同日本人，好有禮貌，好好笑容，仲同d客整下d烤肉，但對香港人呢，唔理唔采，有香港人入座呢，只係用手指人！講咁耐佢地態度，係時候講一下食物，只能用四個字形容“非常難食”！！！ｄ牛肋骨，佢

去之前一晚才決定食韓國食物，想訂位卻不得要領原來兩個人訂唔到檯。沿著金馬倫道行行行最終到了接近街尾才看見過間店子，七時半入到去座無虛席等了大約二十分鐘才有位。周遭有七成都是韓國人頓時間香港人成為少數，在我心目中韓國人跟日本人有八分相似，這間店子的員工，除了兩位外籍傭工外全都是韓國人，感覺幾好，因為可以帶朋友仔黎練習韓文，嘻嘻。想燒烤，但對著menu又唔知食乜好，最終落order時叫左個識中文的待應介紹給我們。點了石頭飯、牛骨窩、泡菜pancake，但忘記了會有十碟前菜！我真係失敗啦！！石頭飯沒有添加辣醬味道偏淡，後來我加了泡菜一起放入口，味道就好返Ｄ啦！牛骨窩水準很好，肉很鮮詌，蘿蔔很入味，想起又想食啦！泡菜pancake倒是沒有太大驚喜，可能太多野食唔切，凍了一點的pancake沒有口感，幸好泡菜的味道又救了佢\一命。值得再去！下次可以試試在正宗韓國食店食韓燒的滋味！（不過要儲定銀兩，兩個人食了三百大元呵！）

剛過去的星期五，一行4人特意前來試菜，果然不負所望，非常好食!先講十小碟，話是小吃但比起坊間的大碟。味道方便算不錯，尤其是那碟煎蛋餅，掂!主菜方面我們叫了全燒烤宴! 點了什錦海鮮拼盤(包括：大蝦4隻，帶子6隻，青口6隻，魚柳大約4/5件，魷魚大約6件，小塊牛扒8件左右)，羊肉，及豬肋骨肉。海線拼盤材料非常新線，沒有醃，也不用點任何醬汁都好好食。牛扒超級美味，配上麻油醬料(應該是麻油加黑椒和鹽)同吃是我和朋友們的心水推介!羊肉只屬不過不失。豬肉醃得不錯，肉質鬆軟，不怕燒老了咬不動。環境方面，此餐廳唯一決點是比較細(枱與枱的距離比較近，有點噪)及不夠通風，其他尚算滿意。總結：一定要訂位，非常好生意。要有耐性，因為大部分侍應為Korean，中文比較差。食物方面非常好，絕對值得再去!

由於朋友非常熱愛韓國, 在他的誘惑之下,終於一試"比較" 正宗的韓國菜. 本來想試試其他, 但因為那位朋友未能忘懷豐園老闆娘的上一次的對他的熱情招待, 於是又再來一次. 看了餐牌後決定點烤肉二人餐. 有湯. 有雞及牛. 包白飯和前菜x 10. 有別於一般在爐上烤, 我們選了在一塊好像石板上烤, 很不錯呢~~ 確實很喜歡韓國小菜. 包括有豆腐,香腸,薯仔,黑豆,魚仔,泡菜,泡菜煎餅,芽菜, 綠色的菜等. 加上烤肉, 份量是很足夠的.整體來說不錯, 可推介大家試試.埋單: $ 240

Hi everyone, We have had supper here last Sat. Although it's already 1200AM, it's still quite crowd. Original Korean food with great Beef Ribs! We love the Ribs and we ordered 2 dishes. $100 each.Side dishes are all complimentary with a variety of flavours, good to eat with some cold Korean Rice Wine @$60 each.nothing impressive again, but good for normal dinner.

天氣突轉冷，想食熱辣辣的石頭飯及辛辣的湯麵暖身。本來想去明洞express，但見其買相唔多吸引，又轉移陣地。慣例又是十小碟前菜，其中黑豆最為好食，甜甜地有點蜜糖味，好有咬口，而其他泡菜亦好入味，唔算太鹹，比同區的草苑好食好多。老公叫了一枝天菊酒，聞落好有菊花香，有點似菊花茶，我試了少少，有點甜味。海鮮辣湯麵-材料好豐富，蝦、魷魚同蜆等十分之多，好似食極都食唔完。麵身雖然不算太彈牙，但口感都唔錯。而最正就是湯底，除了辣味之外，還帶點點鮮味，我連飲幾碗，立即好暖胃。雜錦石頭飯-材料亦不少，好像比飯還要多，但味道略淡，可能先食辣湯麵的關係，幸好有好多飯焦。本來之前想叫多一客炆牛肋骨，幸好沒叫，因為實在太飽。在座有不少韓國人，相信呢間應該幾正宗，而且又有唔少香港人等位，呢間都值得再去食，而且又值得推介的。

之前同屋企人去過,覺得D嘢幾好,於是介紹班朋友去食,約咗佢哋下午七點去到及打電話去Book位.點知有D人習慣遲到,待應唔比位住,佢話要嚟齊至比位,但係識講韓文就立刻有位,吓!咁都得,咩叫Book位呢,國藉有別.在三吹四請之下叫班人到整至可以入座,好肚餓,叫咗1) 泡菜海鮮火鍋- 好大個,好多,不過唔可2) 炒粉絲- 超正!好好味!3) 牛肋骨煲- 本人唔食牛,但係D friend話好.4) 煎餅- 好正,不過要即食,如果唔係會好油我哋只係叫咗4樣嘢,再加D前菜,五個人都食到好飽,

雖然間鋪唔算大，但都坐到爆晒，好多韓國人，連埋我有四個人，因為得一個餐牌有中文，所以只可以叫餐牌上面個啲(-_-)" 好多前菜，都ok，但啲泡菜食落好似有啲 "宿宿地"，一開始飲牛尾湯，但係好淡，另外有個牛骨鍋，非常"正" 我地搶住食^^，仲有幾碟野比我地燒，有蝦有牛有雞，份量ok，夠食。九成都係韓文(-_-)"，應該專for韓國人，所以感覺上幾正宗，實際都唔錯，因為係出面叫親啲套餐，好多時淨係for燒，好少有其他野，呢度就有其他野食^^，而且真係好"正" 。我去食個日係年初四，個晚有武龍武獅係度游街，仲入埋鋪，勁熱鬧，食得勁開心，仲有，一入到去就見到鍾麗淇同兩個朋友(一男一女)坐係近門口的角位度，但唔見男主角...開頭仲以為娛樂版講啲野係真...不過過左好耐男主角(梁榮忠)終於出現啦...

之前有一位朋友的韓國朋友介紹說這間韓國料理幾正宗，所以就打算約朋友去一試。一入間店舖，好多日本人和韓國人，manu全都是韓文日文同英文。整體感覺幾好…不過可能太多人，所有侍應有點兒手忙腳亂。等了很久才有人拿餐牌過來，本想叫他介紹些招牌菜，但無奈介紹了等於沒有介紹…可能真的太多人客了吧。和朋友兩個人叫了一個泡菜火鍋($200)，前菜很多亦很好吃，不過我就覺得和其他比較好的韓國料理餐廳差不多。個鍋都好大~~^^ 不過就有點頹，好多午餐肉同腸仔。最後發現原來個鍋底有豬肉，不過我就覺得好多肥肉所以沒多吃。總括而言間餐廳個感覺好正宗，食物亦幾好，但遠遠比不上之前我真的在韓國食過的韓國菜。可能我們點的還不是當店最好吃的吧，下次還會試下去那裡(四個人個餐好像不錯)，而且就最好早點去(大概7點半前啦)，因為真的很多人排隊。^^

好細心幫你爆埋蒜頭好正宗0既伴菜連醬油都好認真地分開0左兩碟