元豐園

營業中

休息中

尋晚行過入咗去食第一次.基本上同以前既食家評語一樣: (1) 夠地道: 好多韓人食客(2) 招呼差, 冇乜禮貌: 入到去原本右手邊有枱, 一個女人(我估係老板娘, 因為佢坐係隔離枱食緊!)話訂咗架, 叫咗我地坐最入面近廚房張枱. 一陣酸宿味(3) 催命符: 未食完收檯又俾橙, 自動波叫埋單 果晚2人燒咗兩碟肉另加泡菜煎餅, 前後唔夠1小時走人, 係我食過最快既韓餐BBQ!(4) 衛生有懷疑: 唔知點解我地個燒烤俾係石窩(其他枱都唔係), 可惜個窩有Y型大裂痕(基本上個窩己分為三件!), 有裂痕會藏污冇衛生. 同之前幾篇食評所講, 執枱時收未食完既小食似乎太小心(例如平放而不會叠起, 食客用完面紙不會放在上面等), 唔似一般食肆做法, 而且我地坐正係廚房, 見到果D小食碟係會連托盤放番係廚房出小食個小窗口度 做法另人極之懷疑其實食物唔差, 可惜...價錢比其他有名既餐廳差唔多, 以後唔會再去!

一家三口落街想食韓國野,見到佢唔洗等位就諗住入去試下啦環境： 入面環境唔係太污糟,最少最少韓燒地下唔會"油粒粒"服務：我地一坐低個waiter就企係我汁邊好似趕住落單咁,唔係幾舒服想叫人既時候佢地就cc然,有時冇反應價錢：叫左個二人餐,八碟前菜兩肉白飯加湯,230蚊..價錢都ok, 再叫左個炒粉絲,100蚊..依個就好貴啦味道：d肉係醃得幾好,不過d肉本身質素唔好,d牛肉好"un"衛生：見到d waiter 幫人收野時八碟前菜如果冇點食過就會好小心咁收令人有番用既關想......我就覺得唔好食,由其係d牛肉...

今次食左一餐同平時唔係好同既韓國餐,因為今次唔係食燒肉,而係食另類野首先係一個酸辣豬骨煲,個煲一到,我聞到一陣好大陣既葉味,味道有d似九紀葉!一大煲豬骨煲一路滾一路食,仲有一d蘿蔔滾到入哂味,幾好食!跟住點左個炸醬麵,當然唔係一般雲吞麵店嗰種,而係一pet黑黑地既醬撈嚟食,有d豬肉碎,青瓜絲,最9第一啖食唔覺好食,點知越食越好食!再加埋個野味牛筋骨煲,份量超多,蘿蔔入味好食,另外仲有十多碟前菜,埋單五百六,可以食得過!

晚飯係食韓國餐,同埋仔仔去食一個二人套餐,有兩款燒肉,我地揀左牛肉同雞肉,另外仲有一煲辣豆腐海鮮湯添,以為會唔夠食要再加野食之際,原來仲有八碟前菜,有泡菜,菠菜,魚仔乾,大豆芽菜等等,想讚吓佢地個泡菜真係做得好有水準!!正!想叫白飯之際,侍應已經把白飯送到面前,因為原來個餐係包埋白飯架,都唔知點解佢地唔寫埋落個餐牌度..個辣湯好好味,好鍾意食佢既脆肉瓜,好甜,湯入面仲有海鮮,有蝦,魚,令到個湯更加鮮甜!燒肉醃得好好味,特別係牛肉,唔會太過咸!燒到一半,侍應自動自覺幫我地換埋個鐵板,因為中間已經燒到黑哂,服務都幾好,埋單三百幾,其實唔算平,但係食物幾有水準,所以都會再嚟幫襯架!

一家人到此店吃韓國餐,好好味的一間餐廳呢!四個人食,所以點了一個四人set,燒肉方面有牛肉,雞肉,蝦,醃得很好味!服務其實不錯,因為侍應當個鍋燒得黑黑時會主動換個鍋!另外有個辣豆腐海鮮湯係跟餐的,味道都好好,白飯不用點,都是跟餐的前菜給了我們九碟,泡菜都做的不錯,另外泡菜汁做的煎旦都係十分美味!價錢算中上,不過食物有水準,所以下次都會幫襯架!

尋晚我一行三人去食, 七點半左右去到有兩三張吉檯o既, 不過都係執緊檯咁老闆娘(疑似)就指示我地坐埋一邊等下先(等位o個o的)等佢執好檯, 就安排我地坐入去啦暫時服務都冇乜問題, 問題咪就係佢地o的staff 好多都唔識講中文囉!但ok 丫, 都冇俾人不禮貌對待食客當中都有約一半係韓國人三個人, 叫o左個四人餐, 有哩o的o野食:十幾款前菜(食完可refill)牛, 雞, 豬, 蝦各一碟(豬最好食)燉牛肋骨煲(勁好食!!!!)牛尾湯(冇落鹽的, 佢俾o的鹽你自己加... 另外牛尾都好正)白飯三碗三個人食哩個餐, 真係飽到反肚都食唔哂一路食o既期間, 加茶, refill 泡菜, 換鐵板都冇問題丫...燒燒下仲有個阿嬸教我地點燒(我完全聽唔明佢講乜囉, 不過我側邊o個個又好似明喎)最後埋單就 $528 ($480 加一)尋晚唔算好滿, 可能因為咁我地冇俾人不禮貌對待掛...anyway, 整體都係滿意o既

*** 服務員之差, 是韓人同港人之恥***例證: 1. 黑面神- 到了餐廳(其實不能叫餐廳, 比快餐店還要哀幾佰倍) 完全唔理你. 有位又唔比人坐, 邊個多D 人就邊個坐先. 如果你係只得兩個人, 比人打幾次占都未到你!!!!2. 白眼- 如果你叫少D , 會比面色你睇. 又話如果叫得咁少無得用個BBQ 爐, 廚房會幫你煮出來. 我心諗... 如果來廚房煮, 我來這裡做乜??????3. 催命符- 由訂菜開始, 就好似催命符, 不斷催住你.. 好想你快D 食完.. 如: 不由分說, 自把自為...幫你張所有的肉都放到個鐵板. 你都未食完, 不斷有人催你找數..!!!!! 4. 濫收費- 自己伙計比多左泡菜到我枱, 之後我都覺得怪... 怪唔係我知道多左泡菜, 而係見到店東係咁鬧個伙計. By the way, 最後找數的時候, 比我地發現左多收. 問佢點解.. 佢話比多左泡菜我地.... 平時泡菜是免費的, 現在濫收費. 真是荒天下之大謬.5. 豬肉的肉質硬如石頭.********************************************如此的無禮服務和不誠實態度,

同朋友一行7個人1 月尾去食一餐晚飯..... (平日, 非六日/假期)總結: 超唔得!!!原因如下:1) 服務差到極!! 要水無水; 加order 又無人take2) 問下有無白飯, 又唔理睬; 最後追了幾次之後, 送上一碗"凍冰冰" 的飯~3) 湯未飲完, 就馬上送催趕; 放上一碟橙, 就要閣下埋單(當時我仲有朋友睇menu, 餸 未食完, 湯仲有, 只係燒哂所有燒烤食品)4) 因為我朋友仲未夠飽, 想叫多幾樣小食, 幾個侍應好似隱型咁, 係咁講2個字: 埋單, 埋單, 埋單........................ 如事者共有8次之多; 但係我們當時只要食了個多小時咋!!!!總之, 又唔係限時任食入座時又唔係講明要幾點走絶對無理由要俾$$$$$$$ 而咁受氣~~(由頭到尾, 無講一句唔好意思/ 解釋原因..... 以及多謝, 而係不停講: 埋單, 埋單, 埋單~~~)我唔反對其食品係有韓國地道特色但這樣的環境+ 服務..........我一定不會再去~~~~~~~~~~~(衰在因為去之前無看過openrice/ 其他search 過就去, 如知有咁都去....真係自作自受!

同朋友一行6人來聚會，我地一向都好愛食韓國野，但我之前未來過哩間。之前上網見到D食評咁差，但有朋友之前來食過覺得食物質素唔錯，所以我今次想點都來試一試。朋友早左來所以等左位先，之後我地到左冇耐就有位坐喇!坐低就即刻點左...1. 敦牛肋骨- 牛肋骨d肉非常"林"~好味!2. 石頭拌飯- 同一般冇咩分別~3. 炒年糕- 比起香港開ge其他韓式餐廳辣，較正宗，食得辣會覺得好味!4. 炒粉絲- 好味, 送埋飯會仲正5. kimchi煎餅- 又係好好味! 辣辣地咁總括來講食物係唔錯~~夠正宗同埋好味!講下服務啦, 其實d侍應都唔係咁差, 有個大嬸見我地好難"筆"d牛肋骨出來，仲特登俾個大匙羹我地，笑笑口咁。到後來我地差唔多食完d野，佢就上橙俾我地，我地就望住佢啦，佢就話: 唔好意思呀，今日星期6好多人等位呀，真係唔好意見呀!!我地就話唔緊要啦，反正來之前都預左架喇!!後來俾完錢，朋友去toilet我地坐響到等未走住，個大嬸黎收野，就係咁不停同我地講韓文: 真係好對唔住呀對唔住呀對唔住呀......因為我朋友之前點餐有講韓文，所以佢知我地識韓文，不停用韓文同我地講對唔住講左好多次，好有禮貌。雖然

今次食既係韓國餐，流哂口水！二人餐包括左一碟牛肉同雞肉燒，辣豆腐海鮮湯同埋幾碟前菜，白飯都包埋！牛肉同雞肉醃得好味，燒起上嚟好香，食落都好味！最掂係個辣豆腐海鮮湯，好開胃！二百五蚊，好似好貴，但係都夠飽！

與老友衝刺完後十分肚餓，即來個early bird dinner，幸好5:30已開舖，可以立即有得食。慣例先上9小碟前菜，少了以前最好食的的黑豆。泡菜煎餅-只見魷魚不見泡菜，以為送錯，再細問下真是泡菜煎餅，一點泡菜的辛辣味也沒有，與前菜的小煎餅沒有分別。而且是凍的，我要將它放在燒爐裡加熱。石頭飯-因為老友唔食牛，所以轉了豬肉，可能心理作用關係，像是欠缺了香味，幸而飯身粒粒煙韌，不會腍腍的，飯焦又多。燒豬肉-帶點辣，好惹味，肉質鬆軟，不會又乾又韌。我通常只在冬天才食韓國料理，第一次在夏天食，原來在空調的環境下仍然是好熱的。

只去過一次,是上年冬天的事.印象最深刻的是那可憎的態度.本以為是自己太過挑剔,及至今天到此一遊,才發現原來也有不少食客受不住這種極品韓式招待. 話說上次朋友連位也訂了,準時到達,服務員卻不給我們桌子. 搞來搞去大半個小時,眼見到處都有空桌,根本不明白為何要搞這麼久,而服務員也不在乎給我們一個合理解釋. 最後終於可以坐下,那服務自然是難頂的,在付款的一刻,真的有點吐血的感覺.本人做人的宗旨是絶不貼錢買難受. 任你食物再好吃,這樣一肚氣,我就吃不下了. 或者,這是只有韓國人去才能得到像樣一點的招待的地方吧.

相比莊園,其實豐園味道更好,更地道!燒烤值得食,炆牛肋骨都好,辣海鮮鍋夠味,白飯比你食唔計錢!配菜多到食唔哂,泡菜,魚干,煎旦樣樣有,但係最鍾愛菠菜同西蘭花!人蔘雞湯味道濃郁,飲完個人都精神d..但係最唔應該錯過係個生牛肉沙律,泡菜味既汁野味無窮,用生菜包嚟食係一絕,問題係:睇你夠唔夠膽食!!?不過問題係,d阿姐好似個個朦查查..十問九唔應,向老闆娘反映..答案係..d伙計係韓國人,有時唔明d客講mug..所以無應到,我話咁唔掂..d客會好嬲!!老闆娘即刻say sorry,但我話,都唔係我嬲,sorry有mug用?d野真係好好食,但服務見人見智,去唔去,大家自己決定啦!

韓國老細介紹下,今次第二次黎呢度食飯.不過唔洗錢都唔會有下次...話說今次我地BOOK 左7:00食晚飯,我因為有D事要遲9個字到.期間我老細不斷打比我問我到未,我都覺得好奇怪原來係餐廳D人不斷吹佢地走之前去果次都真係排晒隊,我趕到去一打開門.好多吉檯喎...仲要係星期六.冇客點解唔可以比人坐耐D傾下計呢??難道因為冇生意改左8:00關門??入到餐廳,已經見到有個女既服務員"啤"住我地張檯,到我坐低佢先行開.order 左一碗白飯,佢地就飛落黎.究竟我地做錯乜野呢????埋單時,老細唔明白10% service charge , 問下都要比人鬧.仲話:"你地韓國人唔識香港咁多野架啦,比你就比啦..." 一餐飯入面,老細已經同佢地嘈過幾次.比完錢我地討論緊既時候,隔離執緊檯果個聽到我地講野,仲問"下,咩冇禮貌?" 我地同佢講"話你地冇禮貌啊!!比都唔黎啊!!" 佢仲係度笑...嘩,呢d咩態度啊..以為佢地對香港人衰,原來對自己人都一樣簡直破壞晒我地香港"好客之都"既形象,果日我地深圳同事黎香港玩同我地一齊食飯都嚇到呆左.難怪星期六都冇人幫襯...聽執啦..

星期五19 JAN 2007 去這裡食Dinner我地一行2人, 一去到就要等, 等都唔緊要, 因為未肚餓.不過d服務員的態度就好有問題, 可能她們是韓國人?首先, 如客人是韓國人, 他們會特別好招呼的.第二, 排隊等位冇秩序, 她們鐘意比位誰就比誰(若你係韓國人就比你先)我地坐係入面等了45分鐘, 而在等侯期間, 服務員曾多次問了我地幾多位, 而下一張枱應該輪到我地的, 當有位時,後面剛來等了不久的3個港人(他們也知我地排在佢地前面),極度自私和無禮貌地佔據那張枱, 而我地向服務員投訴,服務員就說你們只得兩個, 很快便輪到你地啦,完全沒有安排番張枱比我地.港人如此的無禮貌加上服務員的服務態度, 有錢派我都唔會再去!!!