光榮冰室 (厚福街) (已結業)

早前食過一次，都想再次黎食既飯，有滿滿既滑蛋，餸多過飯，好吸引。叉燒炒蛋飯+凍熱飲同價（set） $50滿滿既蛋同叉燒，上次無蔥，今次有蔥，老公唔食蔥，所以要撩走啲蔥，唔食蔥既記得叫走青啦！三蛋秘製鼓油蔥油雞扒飯+凍熱飲同價（set) $58三蛋真係好吸引，佢啲蔥油真係好食。原來多左款式，可以選擇三蛋拼：雞髀/雞扒/吉豬扒/吉魚柳/吉雞扒飯，仲可以揀汁，下次要試下咖喱汁先。今次塊雞扒就比較老啦，煎得過左火甘不過整體都好好食跟餐叫凍熱飲同價，但飲品就無乜特別啦！呢個價錢，包埋飲品，都抵呀！要再次encore

必食推介：叉燒蛋飯 + 凍或熱飲 $50豐富滿滿的蛋，蛋滑叉燒半肥瘦，黎到見到就滿足開心浩園餐-三蛋蔥油雞扒飯 + 凍或熱飲 $56三蛋+仲有多蔥油加厚雞扒，美味滿足餸多過飯，真心抵食，所以人流多，坐位比較窄

每次嚟到光榮冰室，都話想食呢樣食嗰樣，但最後都係點滑蛋叉燒飯，滑蛋配埋自家製甜豉油好易送飯，成碟飯都係蛋，大大碟又唔貴，好抵食。厚福街呢間冷氣夠凍，大熱天時啱晒怕熱嘅我😂

光榮一直以黎都係厚福街排隊之王，日日夜夜都好多人排，今日都排隊食了，由於本人好中意食炸雞髀，所以點咗「三眼仔炸雞髀飯」加一杯凍齋啡，「三眼仔」其實就是三隻蛋的意思，一上檯三隻蛋都煎到好靚，三隻係太陽蛋下仲要「靚邊」，脆口到好好食，仲有三隻可以食，夫復何求；至於炸髀就正正常常，但食第一啖食到「姜蓉」味，原來侍應見我走汁所以加了姜蓉俾我，姜蓉加炸髀都係第一次試，個效果都幾好食幾夾。最想提就係杯野飲，凍飲加兩蚊已經好似係大家日常生活咁，但係光榮所有餐都係包晒飲品，即係凍飲都唔洗加兩蚊，好好呀！

叫了一個吉列豬扒包下午茶，等了25分鐘仍未有，叫工作人員跟進，完全唔理睬，一係就話唔係佢落單，推卸責任，簡直垃圾。再好食都唔會再幫襯，服務態度差劣，自己做衰過招牌，想支持都冇用！

真心嘅 淨係想出黎撐下黃店 專登出去尖沙咀到食 見到網上面咁多人讚 都想試一試嘅 一去到見到咁舊式feel就好中意 本身都冇乜野 點知叫個侍應落單 個女仔個樣已經寸寸地 真心唔係想要你好似餐廳serve客咁 但你對住客嘅態度都應該好少少啊？要咖喱吉列魚柳飯 冇魚柳 要咖喱雞扒飯 冇雞扒 最後叫左個咖喱雞脾飯 終於有但個雞脾乾到乜咁 個咖喱咸到落味精咁 成餐飯係杯凍檸樂同紅豆冰最好飲 真係唔會再去食 個態度寸到咁 又唔好食 真係黃店都係咁講 唔會再黎食😀

今日係落大雨的一個下午，但我地堅持要lunch 去食光榮！可能天氣差的關係無咩人龍加上我地個衰仔腳長行得快跳得快一到店就填form直入，每個人都有晒選擇，3分鐘完成落單細佬我就食Happy餐🤣-$52三隻靚蛋加蔥油雞扒飯，雞扒煎得香口加上蔥油撈飯一流，三隻香煎荷包蛋同鼓油係錦上添花，茶記有咁的質素咁的價錢係無得輸，感覺同年半前來係更加好食左另外叫的有蔥油雞扒飯（同happy餐一樣但少左D開心😂），黑椒豬扒腸仔飯（衰仔食，見佢笑住食晒好滿足咁，正常發揮，我無試過就唔評論了）女仔s食的就係叉燒炒蛋飯加蔥油喇（正常無得加架，係哥哥仔好人加左比佢地🤭）係滑蛋，炒得靚一D都唔會老，差燒都無嚡口好咬好，又係撈飯一流，食晒✌️茶記來講食物質素，價錢，服務都無得輸，光榮加油！

環境比較一般的茶餐廳，order左店內名物「開心餐」，即是3隻煎蛋+蔥油雞扒飯+1杯熱凍飲，「開心餐」在餐牌中找不到，此餐只有手寫在牆上，傍晚6點左右進入餐廳，落單出餐速度相當爽快，好快有野飲有飯食，而且食物賣相十分吸引淋上了特製甜豉油的三隻太陽蛋煎得十分滑嫩，甜豉油味道鹹甜適中，下面的雞扒極大件厚身，外皮香脆雞肉實滑，但少部位肉質偏乾柴，加上蔥油略覺偏鹹。米飯粒粒分明，飯香雖一般，但有特製甜豉油蔥油提味及流心蛋黃蛋白增加返滑順口感。成個飯整體脆口鹹香濃味，比較適合重口味人士。如此大份的厚脆雞扒仲配搭了3隻靚滑煎蛋，用料夠實在，而且無論熱飲凍飲一律買單只需五十出頭，感覺超值！！下次試下另一顏值滿分的窩蛋沙嗲牛肉煲仔麵！（（請留意，7月31號「開心餐」已加左價，堂食$56，外賣加$2））

沙嗲牛肉煲仔麵 $55叉燒滑蛋飯 $50排一陣就入得🌟個煲仔麵見到都流口水🤤，撈埋隻蛋超正🌟🌟叉燒滑蛋夠晒襯🌟🌟全部店小二著住白色制服都咁入型入格，點可以唔撐？🌟

哇！好耐冇食過喇🥰❤️見今日咁開心，梗係要去食個開心餐啦😆🥳份量多到，比咗隻蛋個朋友，蔥油真係好好味😋🤤😋🤤，雞扒炸完勁好味😍全部都好夾😍勁好味👍🏻果然係招牌菜👍🏻另外一碟係窩蛋免治牛肉飯，牛肉好大粒😍😆份量又多，個個汁用黑椒底，好惹味👍🏻正🤤-開心餐（蔥油雞扒三蛋飯）$54-窩蛋免治牛肉飯 $50-餐飲 凍檸茶 凍奶茶

係尖沙咀行完街攰攰地，諗住平平地搵間茶記開餐，就決定幫襯光榮冰室☺️係卡位坐底後，火速望咗下餐牌就落單。今次無叫到馳名嘅煲仔飯同開心餐，普通點咗個光榮快餐 － 滑蛋叉燒飯。作為茶餐廳快餐餐牌上嘅常客，相信滑蛋叉燒飯同扒飯類最能夠反映間茶餐廳食物嘅水平去到邊！等咗無耐，熱辣辣嘅滑蛋叉燒飯就到咗。靚仔嘅叉燒炒滑蛋淋上滿滿嘅鼓油，賣相都幾吸引！🤩一啖入口，嫩滑嘅炒蛋同瘦叉燒果然係絕配，加上肚餓，好快就將E碟滑蛋叉燒飯清得一乾二淨！少少挑剔嘅地方係蔥花可以多番d，同埋可以減番少少鼓油。🤣作為一間平民港式茶餐廳，光榮冰室係一個味道同性價比兼備嘅飯堂！👍🏼

今天到 isquare 睇戲, 在openrice 搜尋早餐茶餐廳, 找到光榮冰室不少好評,於是便去試試, 點知坐低後叫早餐好似睇麥兜咁, 叫熱奶茶冇熱奶茶叫熱檸茶冇熱檸茶, 因為趕時間睇戲就照落單, 怎料落單哪位紮馬尾姐姐錯漏百出,餐廳人手不足之餘叫天不應叫地不聞,每次經過叫她都說等等,其他比我們遲來的食客都先上食物, 等了十分鐘才得一杯凍檸水, 最後找最年長那位女士可能是老闆娘才跟我們追單找回食物,這樣的服務態度食一次都嫌多,另外食物方面普通到唔普通,根本好難有下次

🍴光榮冰室 - 熱辣辣煲仔麵🇭🇰香港良心推介💛 光榮冰室💛光榮冰室可算是筆者的飯堂，除了食物味美外，價格相宜，是性價比俱備的一間餐店，更是筆者糧尾救星餐廳。這次筆者沒有點滑蛋叉燒飯，或開心浩園餐了⋯⋯改一改新意思，這次吃砂鍋沙嗲牛肉麵。這一道是讓筆者充滿期待的單品，因為每次看到鄰桌的客人在吃煲仔麵吃得津津有味時，筆者都會想下次試試。📍砂窩沙嗲牛肉麵$46 （包凍熱飲品）下單後大概等了10分鐘，一個熱騰騰的砂鍋奉上。砂鍋內的湯麵仍在呼呼作滾，十分吸引。沙嗲湯底濃郁，香氣撲鼻，十分惹味，湯麵掛汁度高。牛肉的份量亦頗多，肉質嫩滑，掛上沙嗲汁後味道剛好。🔸小總結湯和麵整體夾在一起吃味道適中，當然如客人單呷一口湯會偏咸。湯麵即叫即製熱辣辣，要小心燙口。👅 味道：4.6/5💰CP值：5/5🕴🏻服務：5/5🔰餐廳環境：4/5👀回頭率：5/5🍽 餐廳：光榮冰室🌐地址: 尖沙咀厚福街5-6號地下6號舖

去過呢間三次都係叫叉燒炒蛋飯, 第一次去已瀨野, 落order後又追單又盛最終等左25分鐘先有得食, 我見遲過我嚟d人都已有得食😠, 第二次諗住比多次機會, 咁真係正常番5-6分鐘就有, 點知第三次又係咁, 等左20幾分鐘(有追單但一d用都冇, 伙記一副你等得就等嘅姿態, 你話爆哂場我都理解, 但現場係唔full, 出面亦冇人等緊), 到最後真係嬲到頂唔順起身走人, 但佢地連一句sorry都唔會有, 由得你走就算, 所以若大家趕時間, 肚餓真係唔好去, 只會食到一肚氣! 唔會再有下次!!😠😠

黃到發光嘅光榮冰室喺正我公司隔離，放lunch梗係要去支持下經濟圈。佢呢度裝修得好企理好光猛，手寫嘅每日Menu好有人情味。做野太辛苦太大壓力，決定叫個開心餐安慰下自己。其實佢個開心餐就係蔥油雞扒飯加三隻太陽蛋。打孖都唔夠，仲要係三隻，真係聽到都大快人心。佢個雞扒係炸過黎，炸到脆卜卜，入面啲雞油仲保住哂，撈哂啲豉油一齊食好香。仲要另外再有蔥油俾，油都係三款，加埋一齊點會唔好食。佢嘅太陽蛋隻隻都係流心，篤穿佢個蛋黃之後啲蛋漿流哂出黎個下真係好治癒，食蛋一定係要食半熟嘅！呢度嘅分量真係好多，飯底又多，蛋又多人兩隻，雞扒又大塊，係覆蓋哂成個碟。我食到一半都放棄左，諗住打包走啦，點知一裝完嘅分量居然同平時出面茶餐廳嘅外賣份量差唔多，我見到都呆左。用$55喺尖沙咀地區食到呢個分量加呢個質素，買一餐送一餐嘅感覺，抵到爛。