光榮冰室 (登龍街) (已結業)

銅鑼灣私心推介茶記冰室 本身已經成日食 今日心血來潮直接$50 買4個⭐️沙嗲牛肉飽 番屋企陪多多 講明私心推介 睇完唔該即刻like左佢 分享比朋友 直接去買啦.⭐️沙嗲牛肉飽 如果堂食跟餐連飲品$28呢次又用左外賣app優惠 $100-$50$24一個 $96 四個 捐多$4 齊頭$100 再減$50最後$50/4個 平均一個$12.5.先講講味道 係最傳統 最多人鐘意沙嗲口味👍🏻仲要係特濃多汁版本 偏深色👍🏻沙嗲牛肉仲要幾大片 唔會碎濕濕👍🏻買完即食包暖笠笠 啖啖都爆汁🤣醬汁比較濃 就咁大啖食沙嗲牛會覺得小甜但夾埋包一齊食其實岩岩好同埋呢款沙嗲汁唔係 粒粒花生香 果種沙嗲唔鐘意請自行回避.最重要圍番$12一個 超抵必買.題外話 其實仲試左佢地小窩米線感覺酸辣湯底唔夠重口味 唔建議.仲有仲有最後果2張圖係重點…..多多真係好可愛🤣.#hkfunfoodrecord窮遊香港#hkfunfoodrecord_銅鑼灣.#光榮冰室 (登龍街) (銅鑼灣)地址：銅鑼灣登龍街37號地舖九龍灣 旺角 荃灣 元朗都有分店.⭐️評分：味道：4/5環境：-/5 外賣服務：-/5 自取抵食：5/5.鐘意睇野食

行經登龍街，見佢新品就試吓個米線，真係一試難忘，可能係個人口味問題，真心未試過咁難食嘅米線😬好彩佢塊雞扒救番我個肚😋,下次都你跟返餐牌上嘅嘢，新品嘅嘢真係唔好亂挑戰

間中都會光顧光榮，最經常吃他的招牌菜之一，三眼仔飯，而今次配搭豬扒✨豬扒三眼仔飯（$62）3隻太陽蛋配上一塊大豬扒，貌相吸引，令人食指大動，豬扒肉質鬆軟，還帶有少許的脂肪，一上桌時發現其中一隻蛋已經破裂，但並不影響他的美味，將蛋液撈入白飯裡，加上豉油和蔥油，口感極為豐富，好好味餐廳光顧的人流不減，但依然能維持到食物水平，有一定的實力，除了三眼隻飯，餐廳還提供很多款午餐，日日吃都不會膩，而且店員服務態度也非常親切

嘩～呢度啲野食嘅分量，簡直會令人誤會佢係唔係開善堂😂😂 我今次食咗呢個早餐，飽到去晏晝三點🙈🙈🙈真係大癲😂 金牌早餐($36) 沙嗲牛肉辛辣麵+煎雙蛋+牛油方包+熱飲沙嗲牛肉辛辣麵🌶️辛辣麵竟然唔使加錢，仲會配返個原裝味粉俾你～啲沙嗲牛多到呢🫶🏻🫶🏻🫶🏻 煎雙蛋🍳🍳煎度有啲糖心🥹 好好食💯可惜唔係成日都會經過～如果做嘢行過嗰頭都想支持吓🫶🏻 而家真係好難搵咁高CP值嘅茶記

銅鑼灣抵食早餐選擇 位於登隆街開得好早 外賣自取 落左單好快就有得拎五分鐘就有了雙拼麵餐$32 包熱飲叫左 雪菜肉𢇁 煎蛋 （熟蛋）出前一丁 熱奶茶麻油同調味粉可以自己落 幾貼心推薦打工仔 好抵食⭐️CP值;⭐️⭐️⭐️👩🏻回頭指數;👩🏻👩🏻👩🏻📸打卡比分;📸📸📸

今日晏晝諗唔到有咩食，咁就諗住去登龍街睇吓有冇咩特別嘢食啦， 跟住見到呢間光榮冰室係啲friend成日推薦我去食但我都未食過，跟住嗌咗個雞扒三眼仔飯，個飯嚟到真係哇出聲，塊雞扒仲大過張A4紙！仲要塊雞扒好多肉汁😱大家一定要去試吓！

出名嘅茶記，侍應爽快，安排入座迅速，圓枱圓櫈定卡位都唔會坐得唔舒服，今日食窩蛋肉醬飯，飲凍好立克碟頭極大，飯同肉醬份量都極多，完全咁可以食飽兩餐，飯粒粒分明，肉醬多牛，夠味得嚟唔會太濃，撈埋蛋汁好正，凍好立克好夠濃，好好味，價錢平，份量多，凍飲唔洗加錢，絕對抵食

天氣凍凍地，最好都係食熱嘢。光榮冰室除了三眼仔飯最出名，煲仔飯都係晚市中最受歡迎的選擇之一。是晚銅鑼灣晚餐，諗來諗去都唔知食咩好，就簡簡單單食個普通茶記啦。如果外賣的話，加12元就可以原個拎走。招牌煲仔飯係即叫即做，需要等約20分鐘，如果心急想食快餐，就唔好喇。🍴蝦醬豬頸肉煲仔飯🍴鹹蛋肉餅煲仔飯即口即製，勁熱辣辣。睇得出每一份都係由生米煲飯，自己加埋自家制豉油，豬頸肉的蝦醬味非常入味，非常爽口。肉餅質地不錯，係淋身，鹹蛋味不錯，似住家味道。每一煲食到飯焦，焦香脆口。價錢合理，質素不錯。奶茶好茶底太濃，今次改叫茶走，好香滑，好好飲

好耐冇食過煲仔飯🍚，趁呢排天氣凍凍地就嚟試吓光榮冰室雞扒🐥三眼仔🍳🍳🍳飯出晒名，但其實佢嘅煲仔飯都好好食今次就叫咗個蝦醬豬頸肉煲仔飯，同埋鹹蛋肉餅煲仔飯佢真係即叫即整，熱辣辣，一打開個蓋，啲煙噴出黎，淋豉油嘅時候炸一聲好爽，豬頸肉🐷有好多，每一舊都好大舊，咬落去好爽口，仲有好香嘅蝦醬味🦐，但又唔會太鹹，而且食到最後煲仔飯仲有飯焦添😋😋肉餅好冧好好食，鹹蛋味好大粒都好香佢係茶餐廳嘅Level唔係太油嘅家庭煲仔飯，但係好食既，冬天嘅時候食返個煲仔飯都唔錯茶餐廳必飲嘅就係茶走🥛🍵，從個茶底就可以睇得出呢個茶餐廳嘅水吧好唔好，第一次見到嘅茶走嘅煉奶有咁多，飲落去加埋煉奶好滑，個茶底都好香，質素真係好好

中午食個簡單常餐 $49埋單 而家第五波疫情後連下午茶都唔止呢個價🥲叉燒湯意可以免費轉辛辣麵🍜我好欣賞辣粉自己落 我平時都係咁 雖然我係全包落哂 同埋佢煮麵全部都係一散開就起，所以一定唔會過稔 叉燒就唔好預咩靚叉，係差少少嘅 茶仔貨色另外套餐我就揀咗西式煎雙蛋 🍳仲可以揀炒蛋/火腿奄列/西班牙奄列，煎蛋我以為係太陽蛋原來係荷包蛋😍仲係流心㗎！啲蛋偏橙黃色！正麵包我加$1轉丹麥多士好食好多，牛油🧈即溶，熱辣辣上！凍飲🥤同價仲可以挑剔啲咩？冬天天氣凍 想食個暖笠笠嘅 揀咗煲仔上嘅沙嗲牛肉麵 雖然常餐都有沙嗲牛肉麵餐 $48仲有麵包同蛋 但係好想食煲仔飯 所以叫住個煲仔麵先沙嗲牛肉比想像中嘅好濃味 食到最後都仲係好濃嘅沙嗲湯！麵條值得一讚👍🏻都係啱啱好仲係屬於爽彈嘅公仔麵🍜不過留意返 唔係間間有得食旺角原來係冇嘅！#光榮冰室唔係唔支持呀嘛

點解一個普通嘅叉燒湯意，啲叉燒可以乾到好似臘肉咁，又乾又柴又咬唔開。就算當佢一個普通清湯意粉咁樣亦都好難食。牛乳炒滑蛋又變咗一個幾乎全熟既奄列，其實知唔知咩叫做炒滑蛋？其實個廚整唔到可以出少樣野，而唔係比啲咁嘅嘢人哋食。真係好想問吓啲店員，你哋覺得啲叉燒無問題咩，不過我放棄左，因為無論如何都唔會再去。最後連係肚餓既情況下都冇辦法食晒一個早餐，完全係一個bad morning，忍唔住打出黎警惕大家千祈唔好食呢間嘢嘅叉燒。好恐怖。

數年前，我曾多次光顧位於在尖沙咀的光榮冰室，最喜愛他的XO醬叉燒炒蛋飯，若10分是神級的滿分分數，我會給9.3分。 後來，不知是否換了廚師，我已經吃不到那種水準了。今天，在銅鑼灣的光榮冰室，我點了一客滑蛋叉燒飯，水準又如何呢？在我心中，怎樣才稱得上神級呢？1. 蛋要夠厚夠多，完全覆蓋所有的飯、必須嫩且滑，但滑得來不能水溜溜的，吃時要熱騰騰，入口充滿濃郁的蛋味，顏色香味不在話下。 (銅鑼灣光榮：8分)2. 叉燒要用上等的肉，要夠厚(太薄的沒嚼勁、不好吃)、絕不可太硬，微微焦香、多肉汁帶甜味。(銅鑼灣光榮：5分，叉燒太薄了，完全不是那感覺)3. 飯不需太多，但要有飯香，也要夠熱，不然滑蛋叉燒會涼得很快，吃了幾口後便大失水準。(銅鑼灣光榮：7分)4. 最後一點是最難的： 叉燒和雞蛋必須成為一體， 吃叉燒時帶有蛋味，吃雞蛋時又帶有叉燒的肉香味， 但又要賣相了得，不可給人凌亂的感覺。 (銅鑼灣光榮：6分，賣相還可，水準還差了一大截)雖然我給的分數看似不算高， 但我仍是給好評，因為我知是我的要求甚高。但基本上銅鑼灣光榮仍弄得好吃的，大家不妨一試。我會繼續尋找心中完美又失落了的神級XO醬叉燒炒蛋飯。

💛🇭🇰光榮冰室🎈沙嗲牛煲仔麵熱辣辣上枱/ 茶記沙嗲牛味 唔算好濃花生味但沙茶味夠🎈厚切午餐肉烘底三文治午餐肉超好CP值高/ 炒蛋可以更滑

原本食完覺得難食少少都由得佢，發現其他食客個餐包狀態咁新鮮健康，相比我個發育不良嘅包、有少少唔對路。黎到個炒蛋隻碟周邊已經好污糟同唔熱，個塊包咬落勁乾勁唔新鮮仲好似切左一邊咁縮哂水，塊雞扒好乾好柴無雞味，其他都唔想講當買個教訓無下次。食完先見其他食客個包好新鮮脹卜卜咁，我極度懷疑係其他食客食淨回收嘅餐包再比我食⋯無野好講。

下午茶嚟光榮冰室真係好抵食，佢嘅巨型豬扒包配搭沙律或者薯角，雖然薯角係比較少。薯角嘅味道就真係普普通通，可能因為唔係好夠熱，同埋都唔算好脆嘅關係，但係個豬扒包呢，即係真係好好食，豬扒炸得好熱辣辣，同埋好鬆脆，再配合埋醬汁，佢個豬扒係好Juicy ，所以食嘅時候要小心因為會漏好多汁。而個大熱狗，都唔錯㗎，個包烘看得脆既，仲有熱狗嘅醬汁，條腸呢就唔係普通出邊嘅廚師腸，係有少少脆皮嘅，所以係外脆內脆再內軟。兩個下午茶餐加埋都係大概$90左右，都算係好抵食㗎。(喺銅鑼灣區嚟講)不過員工方面，服務真係有啲似澳洲牛奶公司，因為叫員工落單嘅時候，佢係喺好遠距離叫我講啦，呢方面就真係減咗少少分