光榮冰室 (登龍街) (已結業)

天氣凍凍地，最好都係食熱嘢。光榮冰室除了三眼仔飯最出名，煲仔飯都係晚市中最受歡迎的選擇之一。是晚銅鑼灣晚餐，諗來諗去都唔知食咩好，就簡簡單單食個普通茶記啦。如果外賣的話，加12元就可以原個拎走。招牌煲仔飯係即叫即做，需要等約20分鐘，如果心急想食快餐，就唔好喇。🍴蝦醬豬頸肉煲仔飯🍴鹹蛋肉餅煲仔飯即口即製，勁熱辣辣。睇得出每一份都係由生米煲飯，自己加埋自家制豉油，豬頸肉的蝦醬味非常入味，非常爽口。肉餅質地不錯，係淋身，鹹蛋味不錯，似住家味道。每一煲食到飯焦，焦香脆口。價錢合理，質素不錯。奶茶好茶底太濃，今次改叫茶走，好香滑，好好飲