入麵 (已結業)

在石門附近開會，完事後，仍是下午茶時間～醫一醫肚先!隨意走了一圈，想試試這一間的麵同台茶!入到去職員態度唔錯，主動招呼，有禮。叫左個下午茶!「鹽酥雞球薑葱撈麵配珍珠奶茶」從點餐到送到枱前都非常快，不用等太耐。先說說份量，麵非常夠、鹽酥雞球適量！未吃薑葱撈麵時，薑葱的氣味也濃郁，再親自撈一撈。我個人太喜歡薑葱，所以多一點也無妨。鹽酥雞球幾乾身唔錯～沒有油油！這是重點!雞肉是軟滑，熱度差少少。珍珠奶茶 好好飲!個茶底茶味夠濃，珍珠軟度適合正常發揮，都好味～ps:個人喜歡這小店播香港電台的特輯

味道：⭐️⭐️⭐️⭐️石門小店林立 黃店仲特別多💛💛要突圍而出一啲都唔容易呢度既性價比高 成日都好多人排隊👭🏻👬🏻$50左右就已經有一個面加台式飲品😈❶日式燒汁雞配麻香醬撈麵 🍜$54雞既份量很大 雞肉鹹中帶小小甜 不過就偏干🐓另外麵條係自家製 粗幼適中 口感較為軟綿 👍🏻醬汁既麻香味香氣四溢 質感濃稠厚郁撈埋啲麵同配料會見到麵條既掛汁力不錯 非常滋味🤤❷荔枝玉露半糖🥤(跟餐）淡淡的荔枝味 清甜解渴 半糖既甜度剛剛好 仲有好多爽口既椰果😍

其實石門呢個小社區真係有好多黃店～入麵主打撈麵條配一個小食口味嘅餸菜，你話佢似台灣風又唔完全係，但飲品加上配麵嘅餸我又覺得有幾分台灣感覺🤣▪️蒙古風沙風味燒雞🐔($58)唔係辣嘅口味，但炸蒜加上蒙古風本身都較重口味，食落啖啖肉好惹味😋▪️日式燒汁風味豚肉🐖($56)豚肉切得都幾厚，點綴並唔多只係豬肉片加燒汁，對比燒雞味道相對較清淡～▪️豬骨湯麵(+$2)我個人比鐘意湯麵多D，豬骨湯底好濃～麵條有D似上海麵嘅質地，掛湯一流🤤▪️蕃茄湯麵(+$2)同樣湯底濃，食到粒粒茄蓉🤤▪️跟餐送冬瓜茶/珍珠奶茶/白桃綠茶/檸汁紅茶/荔枝玉露 (冷熱同價)呢個價錢有台式飲嘢我唔會太高要求喇～不過味道幾有質素，幾好飲！而我最鍾意係冬瓜茶同埋白桃綠茶😽😻私心推介另外食過嘅餸俾大家～🔸回味醬骨架🔸鹽酥雞球🔸豬骨濃湯野菜鍋(出街想食菜呢個好正🤤)

叫左兩個下午茶set，第一次嚟，好似撈麵出名啲，就先試下佢其中兩款撈麵。鹽酥雞球麵配珍珠奶茶$46叫左麻香醬撈麵底，落咗好多麻油，麻香味十足，好惹味。鹽酥雞球正正常常，炸粉唔會好口厚，都有啲肉食下，質素ok珍珠奶茶就正正常常冇乜特別，啲珍珠都整得幾好，甜甜地有嚼口。回味醬骨架麵配珍珠奶茶$50日式撈麵底，有啲豉油麻油咁，個麵一樣都是很惹味。回味醬骨有啲似豬手，店家提供膠手套，開頭諗唔明膠手套用黎做乜，原來用手食真係易好多😯，食唔出佢用咩醃，鹹鹹地咁，不過好入味，肉質唔老，又唔可以話真係好”回味”，正正常常的一味菜，ok啦😂個糖心蛋幾正😋唔知呢一餐係咪油得滯，食完好濟，夜晚都唔想再食嘢了，慳返餐又幾好😅

沙田黃金之地《石門》搵食篇，點少得呢間入麵 entrance。平靚正，真係經濟又實惠。午餐$5-60就有大大碟麵，仲有好多款餸可以配搭，再包多杯飲品，真係抵到爆。最鐘意食佢地既薑蔥蒜撈麵😋喜歡佢地好早已表態之外，好食同埋店員服務態度好好有一次，店員姨姨見到我地有「蘋果」，埋單時走黎同我地講，打開蘋果入面有個廣告，可以有全單5折。好誠實既店員姨姨，不過我地最後都無用個優惠，以家疫情攪到好多飲食業生意都唔好，支持得幾多就幾好

牛仔肉份量都唔少 不過塊肉被肉鬆粉醃到好腍同冇肉味！雖然餐牌話係微辣 但食唔出有辣味 所以唔食辣既人 一定叫得🤣撈麵有幾款選擇 或者加錢轉湯麵都可以！麻香醬撈麵好食 係麻醬加埋甜醬油 而且個麵底掛哂汁 👍🏻 -另外鹽酥雞球揀咗薑蔥蒜撈麵！麵底薑蔥味都夠 兼蒜香味好重我鍾意😝不過呢間既麵底偏軟 未必啱同我一樣係鍾意食硬身既人！鹽酥雞球唔會炸得好乾 味道還好有少少鹽酥味！呢度有6嚿都算俾唔少 之前係其他地方食過得4嚿左右 仲要一樣都係細細嚿🙊-冬瓜茶味道較淡 飲落少少黑糖味 同埋啲冰上餐時已經溶晒 如果可以多返啲冰會更好！-價錢親民味道都👌🏻而且套餐包埋杯台式飲品 對比之前係同一商場食船麵好好多🤣

呢間餐廳好抵食，五十幾六十蚊有個鹽酥雞，湯麵/撈麵，然後仲有珍珠奶茶。午膳有好多人，不過佢上餐好快，客人岀岀入入速度都快。我最鐘意食佢嘅鹽酥雞，因為好夠脆又夠味，味道同喺台灣食嘅都好似，而且份量好多，好正！至於佢個麵，其實都算大份，我食過撈麵同麻辣湯底，我覺得麻醬撈麵比較好食。最後就係珍珠奶茶，係正正常常幾好飲嘅珍珠奶茶。因為係出面買一杯珍珠奶茶都要十幾二十蚊。所以我覺得呢個餐大份有包埋珍珠奶茶真係好抵食！不過就真係要早啲去搵位啦。

措施其實真是針不吉到肉不知痛，因為有時你不是真的想要吃東西，而是有需要在某個地方附近等候，那麼吃個東西或是喝杯咖啡便是最好的選擇，可以消磨一兩個小時然之後再回頭。🤷🏾‍♂️但因為晚市不能堂食的禁令仍然存在，不能這樣做，於是另一次再次來石門才能試試午餐。😱看到地下那間車仔麵非常之多人😱因此就上來這層看看這個，見到有個桂花五花叉燒，就試一次，配了口水汁撈麵。所謂的桂花五花叉燒，其實沒有什麼特別，反而看一看它的肉質，肥膏還肥膏😅瘦肉還瘦肉，上面那層肥膏其實挺厚，都不像五花腩肉半肥瘦相間幾層的。😲口水汁撈麵都不錯，坊間好像多了不少這類口水汁食品，🤓撈麵的質地還好，但還是有些部份是麵條黏着一團的，口水汁都不算太過辣，辣中帶點麻香，還算是不錯的。另外餐就可以跟一杯珍珠奶茶，跟住不太煙韌，奶茶味道亦都不濃，少冰就不會令到茶味淡化。雖然以港式台式杯子盛載，但茶味及珍珠質地與台式飲品店差得遠店內的員工亦都是一名年輕的高瘦男子，髮型不修邊幅，是隨意的自然短髮，雖然沒有什麼表情，但是卻禮貌彬彬，要什麼幫你下單，後來發現我沒有餐具，他就主動說不好意思，在現今世上，這種服務態度確實難得。

千揀萬揀起果頭既野食，最差係呢間！！！！！！！唔記得影相，但千祈千祈唔好嗌 五花腩片！！！成60蚊 但好似人地食剩既野咁！！！同佢反映 啲侍應話不嬲都係咁係我無睇清楚😑真係講到好似我錯咁，個侍應就係帶眼鏡紮頭髮既女仔，真係好差搞到我完全唔想回應佢醬汁骨都係又鞋又實，我老公都話好難食，得個貴字，完全唔明點解會有咁多好評，明明大把野好食過佢起附近呢間野態度又差，野食又差，環境又唔好，疫情期間難得出黎食第一餐就食左咁既野呢世都唔會再幫襯

日式燒汁牛仔肉$58  轉蕃茄面+$2牛仔肉配上燒汁 好惹味蕃茄面都可以 但可以更濃面係中式面個種平時我都唔鐘意食中式面 但呢個我OK-蒙古風沙燒雞配口水汁撈面$48蒙古風沙燒雞聽個名 好似幾特別原來係孜然粉 果然好有蒙古風味但好似重手左DD 咸左D但口水汁撈面真係好推介 好好味辣辣地又撈面 係夏天好開胃-荔枝玉露滿滿果肉 唔會太甜-白桃汁綠茶呢個朋友都話OK-店員快手有禮 又唔貴 都係$50-60一個 可以再來喔

間唔中都會同媽媽去入麵食碗麵🍜因為呢度既配料夠多選擇 有素有肉岩哂鍾意食素既媽媽 同埋鍾意試新野既我✌🏽😌講下今次食左咩啦💁🏽‍♀️我唔知戚起邊條筋 想食辣 叫左👇🏽馬拉沙嗲豚肉 配口水汁撈麵 ($58)個口水汁不得了 唔好以為睇落無咩辣油就唔辣~~食兩啖麵就發現自己低估左個辣度 愛吃辣的必試😌馬拉沙爹系列雖然列入辣味之選但係對比起個口水汁 我覺得沙爹係唔辣既🤭點左沙嗲既豚肉食落仲有沙沙既口感 應該係撈左砂糖 所以食落甜甜地~~仲有附上兩塊脆卜卜既蝦片同解辣一流既菠蘿🍍 正！泰式脆皮素鴨 配麻香醬撈麵 ($54)素鴨份量大大份! 👍🏽素鴨外皮煎到好脆 幾厚身 咬落去覺得入面有千層腐竹咁🤭套餐仲有配台式飲品一杯💁🏽‍♀️ 可以揀甜度同冰量👍🏽白桃汁綠茶 *少甜少冰睇個色澤就知唔係用cheap cheap糖漿沖!果味同茶味夾得幾好~~整體黎講💁🏽‍♀️配料選擇多 價錢又合理 會繼續再幫襯💛

石門京瑞都幾多食店，其中的入麵定位都幾有趣，平日lunch time去都好多人買外賣，好彩等一陣就入得去！入麵看似係普通台式麵店但估唔到又有蒙古、馬拉、川味嘅主食又有日式嘅撈麵，本身只係抱住支持嘅心態去試，點知都幾有驚喜！清酒豬手個湯非常重酒味，但食落個豬手入味得嚟又唔會令人覺得陣酒味太搶，啖啖充滿脂肪同骨膠原，同埋隻溏心蛋都唔錯不過可以再流心啲，但明明應該好入味嘅蘿蔔就明顯煮唔夠耐同有渣略可惜。至於個麵就係上海麵質感，薑蔥蒜油撈埋啲麵都幾甜，同埋都好飽肚！呢間絕對可以encore！

其實之前都食過幾次入麵 但次次都係堂食今次就食下午茶 外賣自取仲有九折添今次就想試吓新野 所以就嗌左 炸雞翼麵配口水汁撈麵 白桃綠茶雞翼係有3隻 再配左少少薯角同生菜雞翼應該係生炸手法 好好味 第一啖咬落去已經好多汁😌本身好期待口水汁撈麵 但個撈麵就一般般 覺得唔夠辣 扣左少少分🥺普通 但就唔太推介 下次應該唔會再嗌反而會揀反以前食開既蕃茄湯麵再加辣😊呢個蕃茄湯麵真係好好味架👍🏻就算落左辣椒都唔會遮咗番茄湯陣味👍🏻而杯飲品都係正常味道 無咩特別但今次因為太肚餓 唔記得左要影相😣整體黎講 性價比幾高 30幾蚊包埋野飲😚另外 之前食過鹽酥雞都係好好味👍🏻👍🏻份量都幾多又夠味🤡推薦大家可以試下食呢個☺️

下雨天☔️去石門搵食 ， 京瑞廣場都近地鐵出口。 本來想嚟食泰式船麵， 轉咗手變做台灣嘢， 一場嚟到緊要試吓。入去前， 員工有認真量體溫， 睇Menu點餐， 菜式排得唔夠簡潔， 好難搵出要打。 菜式混合了台灣 蒙古 日本菜。 搞特色菜， 我建議佢專攻台式會好啲，太離開主題。 叫咗鹽酥雞 ， 清酒豬手， 日式撈麵。 清酒豬手夠入味， 又夠， 值得一試。 建議店主推神介吓。 晚餐$144食得飽， 價錢算係公道。 欣賞佢嘅珍珠奶茶， 用獨立包裝俾我， 餐具都用即用即棄， 哩方面值得讚吓。 但環境衛生要改進， 雖然頂返嚟做。 都應該執下先開店。 牆身好多塵又有污跡， 吊燈全部都係塵。 周圍擺得好亂， 唔夠整齊， 啲公仔放晒出嚟積塵。 做開放式廚房， 應該對衛生有自信， 但廚房地下階磚有裂紋又積水， 睇落好唔衛生。 見到佢樓面員工行四個 ， 所以服務都算到位。 但都為店主擔憂， 20-30個位。 成間鋪員工多個五個都好難做。 希望店主繼續提升質素， 特別係環境方便。 下次經過會再試吓支持💪🏻👍

尼間黃店主打唔同辣味/日台式口味既食物，素食者亦適合，夠貼心。入座前要量體溫，仲會有消毒搓手液。lunch set價錢大約$55-60，可以揀1款主食，1款撈麵/湯麵，1杯台式飲品。叫左主食回味醬骨架set($60)，鹽酥雞球set($56)。回味醬骨架有3大件，侍應貼心地提供膠手套及盛骨碗，方便食。醬骨架煮得夠入味，肉嫩唔乾。伴碟仲有糖心蛋、榨菜、青瓜、紅蘿蔔。日式撈麵好大份，男仔食可能都覺得好多。面頭灑上柴魚乾、粟米，攪拌日式醬汁一齊食。麵身屬硬，個人覺得口感更好，因為如果麵條煮得太軟，就會撈唔起，變成一patpat，所以餐廳煮麵時間控制得好。鹽酥雞球有起碼7件，炸得夠脆，食落唔會覺我好熱氣，而且肉滑仲有d肉汁。伴碟仲有薯角、青瓜、紅蘿蔔，有心思唔會單調。將麻香醬拌勻之後，成碟麵都好香麻醬味，再加d粟米點綴。跟餐飲品揀左珍珠奶茶、冬瓜茶，正正常常唔會過甜，難得珍珠奶茶唔駛加錢。整體，抵食既lunch set，而且睇menu會眼花，因為真係好多選擇，咩都想試。