全日雞實驗所 (通菜街)

營業中

休息中

呢間小店被譽為全港最好味海南雞平日夜晚都大排長龍睇嚟係有佢嘅原因😋✨ 溫泉雞胸柳套餐 $63海南雞用雞胸同雞柳去整嘅難度真係好高一唔小心就鞋到食唔到但佢哋嘅雞胸柳仲keep到嫩滑唔鞋口！雞皮仲有層薄薄啫喱絕對係增肌減脂人士最愛🧡小菜係醬油小黄瓜同雞一齊食好清新醬料有黑醬油、辣醬同薑蓉薑蓉竟然係磨到見唔到薑嘅影子有啲驚喜！跟餐靚湯有淡淡椰子香冇味精嘅雞湯～蔥油乾撈麵 +$5見到好多人嗌左呢個撈麵原來都好有驚喜！蔥油同乾蒜嘅組合加埋麵質煙韌有咬口簡簡單單已經好好味～熱柚子蜜酸酸甜甜冬天飲暖笠笠～✨蒜香娃娃菜 +$12娃娃菜煮得好腍好入味～✨桑拿瑤柱肉餅（3件） +$36食到肉餅入面有唔少瑤柱香氣撲鼻肉餅口感軟綿綿果然係焗過桑拿嘅肉餅🤣✨溫泉雞髀套餐 $73雞髀全部啖啖肉仲要冇骨岩晒懶人🤣雞嘅嫩滑程度比起雞胸柳更高～雞油香飯粒粒分明香氣仲好濃郁～呢個餐都係跟靚湯同醬油小黄瓜～今次揀左熱鳥龍茶✨咖央多士 +$25多士兩面都烘到金黃色脆卜卜入面夾左甜甜嘅咖央醬同勁大舊牛油牛油仲要溶溶地滲入多士入面雖然係卡路里炸彈🤰🏻但食完真係好回味👛人均消費 ~$100 (冇加一)⏱冇限時🔎地址旺角通菜街80號

🐓 溫泉雞胸柳套餐配香飯（$63）呢個套餐有雞胸同雞柳、無味精靚湯、醬油小黃瓜，三色醬汁同飲品，全部都係無骨，啱晒我呢啲唔鍾意𦧲骨嘅人，無味精靚湯係椰子雞湯，飲落口清甜唔油膩，醬油小黃瓜清甜爽脆，雞胸雞柳用咗自家研發嘅「浸雞機」烹調，就咁食好鮮味嫩滑，鍾意食濃味嘅朋友可以蘸埋三色醬汁（黑醬油、辣汁，姜蓉），油飯同出面嘅油飯唔同，加左乾蔥，香口得嚟唔油膩🐓 溫泉雞套餐配香飯（$63）呢個套餐有雞翼，雞胸同上髀、無味精靚湯、醬油小黃瓜，三色醬汁同飲品，呢個亦係佢哋其中一個招牌套餐，朋友將原本跟嘅香飯改為蔥油干撈面（+$5），干撈面有蔥油同炸蒜，麵條十分彈牙，味道同某品牌嘅撈麵好似🤭飲品方面揀咗佢哋自家製冷泡烏龍，入口茶味香濃，甘甜解渴🐔 3件桑拿瑤柱肉餅（+$36）肉餅厚身，肉味香濃，口感結實彈牙，食到一絲絲嘅瑤柱，瑤柱嘅鮮味相當突出亦唔會搶過肉餅嘅味道🥚 醬油溏心蛋（+$10）溏心蛋好香，佢嘅溏心亦啱啱好，唔會過生都唔會過熟，佢用咗甜醬油製成所以味道帶甜🥬 蒜香娃娃菜（半份）（+$12）娃娃菜雖然寫係半份但都有唔少份量，整體味道偏淡，蒜香味如果突出多少少就完美喇🐻‍❄️ 要品嘗到佢哋嘅溫泉

旺角多嘢食就係人都知，成日都見呢間咁多人排隊，原來係食海南雞！今日我都想試吓😙外賣一個接一個，好采今次堂食都好快入到座，我同朋友各點咗一個餐:1） 溫泉雞套餐：雞翼：雞胸：上髀，蔥油乾撈麵，冇味精湯，醬油小黃瓜，三色醬汁（黑醬油、辣醬及薑蓉）咖央多士，冷泡烏龍茶$93青瓜脆卜卜好新鮮，配合店舖的醬料。鹹鹹的唔錯，好開胃！多士外脆內軟，外面暖暖的，裏面的牛油原本是小小冰凍的，一咬就溶😍甜甜地真係好正! 個清湯超級好飲！清甜好香椰子味，真係冇味精，真材實料😍雞肉幼嫩，連雞胸都唔鞋口，犀利，雞皮啲毛拔得好乾淨，平時小編最怕見到雞毛🥲三個醬都10分好食！薑蓉醬仲好特別，因為打成泥，平時出邊見到嗰啲會有油份的，但這個已經打成泥醬，好味！😋撈麵個面底幾厚實，有咬口，撈埋一齊唔會好鹹，令到面底剛剛好，加埋蔥和炸蒜，特別香口好吃😗2） 溫泉雞套餐：雞翼、雞胸、神秘，多香飯，味精湯，醬油小黃瓜，三色醬汁（醬油、辣醬及薑蓉），三件桑拿瑤柱肉餅，冷泡烏龍茶$105飯香油味，唔錯，仲係好大碗添！瑤柱肉餅下便有啲汁，肉餅甜甜的，好有瑤柱味道，真材實料，肉質好嫩，而且每件都好大件，好食！😍咁抵食，原來全日雞實驗所

今日去依間餐廳食咗1號餐同3號餐再加碟娃娃菜，咁個餐都好快到齊，冇錯漏。之後對面嗰台食完離開，店員擺低張qr code喺對面。之後另一個店員收走咗對面同我地張qr code，隔咗一陣先還返張QR code俾我哋。本身以為冇事，但去埋單嗰陣收銀個店員淨係講$154，冇俾張單我哋對。咁我照俾錢之後有問佢攞張單睇。發現張單都唔係我哋叫嘅嘢食之後再計返我哋嗰餐都係$146！又返去問佢攞返錢，佢都有俾。但係依間餐廳相當唔老實！一個客收錯$6，一日幾百台客就收錯幾千蚊！極度唔推薦去食，就算食都好要睇清楚張單，小心俾人收錯錢！

其實我認識呢一間舖頭，並唔係喺IG或者任何關注組嗰度見到我係睇YouTube見到有YouTuber介紹馬來西亞吉隆坡有一間香港人開嘅雞飯，後尾發現呢一間係嗰間雞飯嘅分店一直book mark咗，但係未有機會去試。今日終於同朋友去咗試我食雞胸雞柳肉，冇平時啲雞胸咁韌。我覺得好嫩滑醬汁都調得好好，而且呢個價錢又有湯又有小食又有嘢飲，真係搵唔到性價比咁高嘅店。雖然門口要排隊，但係都好快入得去下次會再返嚟試佢嘅假多士同埋撈麵

7點45左右去到，要等大約3-4枱客👀15分鐘左右都算幾快！鋪頭位置比較窄加上又多人，所以坐得唔係幾舒服🤣但都接受到嘅。叫左兩個海南雞飯同加左個肉餅。雞肉幾嫩👍但未去到好驚豔😂可以係網上食評太誇張太大expectation。雞，飯同醬只可以用average去形容👀不過配菜幾有surprise🔥桑拿瑤柱肉餅肥瘦比例剛好，食到好香嘅油脂味⭐️而且肉餅口感唔會腍啤啤，真係食到一舊舊豬肉，個人幾喜歡呢一種口感嘅肉餅。肉餅蒸到出油，配埋豉油，送飯真係一流😋不過價錢比較貴，性價比唔太高。 總結而言，雞同肉餅味道不錯👍但性價比不高，試過一次就夠了。

餐廳只賣溫泉雞都吸引到咁多人排隊一定唔簡單晚餐時段排到隔2間鋪咁遠真係好誇張原來有最佳食法次序：雞湯＞青瓜＞雞＞飯＞飲品🍚雞湯完全唔油膩 清香雞味🍚溫泉雞套餐有齊雞胸雞翼上脾肉質好滑好嫩雞味香濃🍚溫泉雞胸肉套餐啖啖肉適合唔鍾意噒骨🍚三色醬黑醬油 辣醬及薑蓉每款醬各有特色薑蓉好細滑 好有心均勻係雞表面唔會遮蓋雞香味跟餐仲有醬油小黃瓜 香飯 一杯飲品非常 豐富選擇🍚熱柚子蜜及熱烏龍茶柚子蜜 柚子香味十足 好新鮮消膩暖胃餐廳仲有小食🍚咖央多士 好大份 香脆咖央味濃牛油唔算厚不過剛剛好好抵食🍚蒜香娃娃菜蒜香汁味好濃🍚桑拿瑤柱肉餅 肉質口感非常豐富又滑又彈牙咸咸地又香一啖肉餅一啖飯配合埋好好食隔離有幾枱會叫嗌全隻/半隻拎走真係好食到 又食又拎🙂排隊排咁耐 一切都值得另一間分店 唔知係咪都咁多人呢🍽北角和富道21-53號和富地庫B50-51號舖和富美食廣場C1及C2號舖

溫泉雞髀飯（$73）呢個係想試左好耐既一間餐廳每次經過都大排長龍 今次終於試到佢喇🤣夜晚去都排左大半個鐘先有位野食符合預期中既味道 雞髀都幾嫩滑件數都唔少 但就唔會好驚艷既感覺味道偏向似普通鹽焗雞飯方面可以揀白飯/香飯 份量都有少飯同正常揀都係一個貼心既選擇最值得一提應該係跟餐既湯 味道似椰子雞湯入口清甜 唔會有雞湯既油膩感

聽講係由深水埗發市，開到黎旺角女人街，幾大都黎試下有幾好食。心海南雞飯，雞肉滑，油飯都算香，餐配青瓜仔，幾解食完唔覺濟，不過雞肉無乜肉味，海南雞3色醬同其他舖頭差唔多，我覺得名過其實，但食物質素對得住個價錢。另外叫左蔥油撈面，香蔥油味夠香，醬油亦夠味，粗面有咬口，成個面食落都幾惹味，唔錯。咖央多士就好好食，亦好邪惡。面包烘到外脆內軟，夾住個塊牛油係入口即溶，配埋咖央醬，呢個組合好夾好食！食物，餐廳環境同服務 overall 都唔錯，經過又鐘意食雞可以試下

呢日去咗旺角一間細細間既全日雞，試咗幾款平民美食，真係有啲驚喜！ 首先係**咖央多**，啲多士烘得香脆，冇嗰啲燶咗嘅味，咖央醬塗得啱啱好，夠甜但又唔膩，仲有少少椰香味，入口即溶，唔會有啲假假嘅感覺，絕對係小店嘅靈魂小食！ 至於**溫泉雞飯**，雞肉滑得嚟好嫩，啲豉油調味啱啱好，唔會太鹹，飯底係出色既雞油飯，嗰陣香味一陣陣飄上嚟，食落好滿足。個湯我仲飲到有小小椰子味最後講下**蒸肉餅飯**，呢個真係最有媽媽味嗰碟嘢。肉餅我估係手打嘅，夠晒彈牙，即刻食出一種家嘅感覺。肉餅底下嗰層汁更加好食。 整體嚟講，呢幾樣嘢都係簡單但暖胃嘅選擇，又平又好味，絕對值得推介俾鐘意食啖啖肉既朋友

4/1/2025📍全日雞實驗所呢間海南雞專門店近期都幾出名 星期六中午去到要排十幾分鐘隊 舖頭細細 座位都有啲逼 張枱都偏細⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨温泉雞胸柳套餐（$63）配蔥油乾撈麵（+$5）標榜冇味精嘅湯的確幾好飲 係椰子雞湯 幾清甜 唔會好油前菜有醬油青瓜 調味適中 口感爽脆雞胸雞柳都好嫩 唔鞋口 去晒骨 啖啖肉😍蔥油撈麵食落有少少似印尼撈麵 因為佢撈咗好多炸蒜 醬油非常夠味 麵質粗身有咬口 好好食😋✨温泉雞下庄套餐配香飯（$80）加桑拿瑤柱肉餅（+$13） 加蒜香娃娃菜 （+$12）有三色醬汁 甜醬油唔會太重味 薑蓉磨到超細滑 辣醬都頗辣香飯即係雞油飯 唔會好油 可以接受 但唔明點解轉白飯要加錢😅肉餅好特別 好似食緊肉丸 好彈牙 瑤柱味好出👍但都唔平 細細嚿 兩啖就食完無論食咩都好 最鍾意加啲菜🤣呢度嘅娃娃菜用咗大量蒜頭去煮 所以好香⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單~$170（冇加一）全部野食都無可挑剔 份量夠飽 性價比幾高 推薦指數🌟：5/5📍旺角通菜街80號地舖

•溫泉雞脾套餐 $73 (⭐️9/10)真係好好食🥰！雞脾超滑，肉質好淋🤟🏻，好似真係浸完溫泉出嚟咁🧖🏻‍♀️🤣但令我更有驚喜係蔥油乾撈麵 (+$5)🥢 ，麵條粗身煙韌✨，蔥油好香，必食💯！仲加咗温泉蛋🥚 （$10）煮得好perfect又入味😛🤌🏻。咖央多士 （+25） 又係每枱必叫item，每份夾住好大pat牛油🧈，十分邪惡🙂‍↕️📍全日雞實驗所 (通菜街) (旺角)▫️旺角通菜街80號地舖▫️北角和富道21-53號和富地庫B50-51號舖和富美食廣場C1及C2號舖

《全日雞實驗所の食評》 by@ihungry.hk專係食海南雞嘅餐廳，你有食過未，今日會同大家介紹一間位於旺角嘅全日雞實驗室👏🏻！全日雞實驗室係深水埗西九龍中心名物，憑著人氣嫩滑海南雞飯深得民心🧚🏻‍♂️，主打多款海南雞套餐同埋無味精靚湯，高質素絕對令到你回味無窮，絕對不負海南雞飯關注組Top 1之名🔥！🔸『溫泉雞髀套餐配香噴噴油飯 - $73』唔至賣相吸引，連味道都好吸引！溫泉雞髀超足料🐔，雞肉絕對唔係難，食落口超級嫩滑，而且肥膏脂肪啱啱好，雞髀超多肉7超正！🔸『溫泉雞套餐配蔥油拌麵 - $63』溫泉雞真係名不俱全🐓，雞嘅嫩滑程度絕對係上等，再加埋超級惹味嘅蔥油拌麵，同埋熱辣辣嘅冬瓜湯，絕對係三重享受😍！🔸『咖央多士 - $25』估唔到專係做海南雞店，都會有咖央多士！央多士有塊超厚牛油，再加埋香濃嘅斑斕醬，同埋脆卜卜嘅多士，簡直係超級邪惡👿！

鍾意食海南雞嘅朋友都話全日雞一定要去試試！講咗咁耐，終於去旺角店試吓咩料！星期五嘅晚上，排隊！同友人等咗大約半小時就入座。店舖唔算大，枱與枱之間都幾密下！坐低掃QRcode落單，方便快捷！我同友人都要咗雞髀位置配香飯，成set嘢有湯、青瓜、飲品！我呢個貪心鬼想一次過試埋多人讚嘅肉餅同咖央多士，有得加配喎！當然試埋佢！青瓜粒～爽，好食雞～係好嫩滑，但冇乜雞嘅味道，所以只能夠話普通。香飯～一樣係質感做得好，但爭咗個啲香味！湯～Ok，趁熱飲！肉餅～又係質感幾好，但味道唔算驚艷。咖央多士～今餐最欣賞嘅食物！！多士烘得剛好，牛油同咖央醬嘅用量配合得非常好！熱柚子蜜～好飲！整體係合格嘅，抵食！環境就迫左少少啦！

有食家朋友推介左呢間餐廳既海南雞，一去試完，發現除左海南雞之外，原本其他食物都好出色！多士十分優秀！一件接一件停唔到口，甜甜地再加牛油真係無得輸。而肉餅又好搶鏡，好有鮮味