全聚德烤鴨店 (已結業)

得閒一家人去食中午自助餐，$58 一位，連加一，非常抵食，間野係食北方菜既，算幾多野食，有薰魚，雞絲粉皮，餃子，飽......好多中國菜，試都試唔晒，認真幾正，咁既價錢，直得推介！

都成兩三個月前了!我同事响報紙剪左coupon,於是我地一行九人,去到叫左coupon果個八人餐,原價要$12xx,而家$6xx,差唔多係半價,我地初時都想,一定唔夠食啦!點知d野都好多同好大蝶喎!而且頌好好味,我唔係太記得有乜食,大約係有片皮鴨,生菜包鴨肉鬆,水餃,xo醬西芹炒乜貝,最好味係甜品-高力豆沙,簡直係無械可擊呀!埋單每人都只係九十幾,有片皮鴨又有高力豆沙,真係抵!

睇到D食評話呢度有自助餐食，咪響上星期六嚟試試囉！發覺真係幾多嘢食，其間仲會不停轉款，各樣包點都唔錯，紅油抄手特別好，熱葷都唔少，尤其干煸四季豆、排骨、炒飯等都幾好味，冷盆o既拍小黃瓜整得好正宗，仲有擔擔麵及大鹵麵﹝唔係太好食﹞，仲有埋沙律俾你揀，而甜品都有幾樣─高力豆沙就最好，但反而要喺門口排隊攞o既片鴨片就麻麻哋，就算任飲都有豆漿、五花茶同果汁，以HKD58/大人，HKD48/小童另加一，食足成三個鐘有多，真係幾抵，而且D嘢食都唔差吖，我都諗住再去多次。To : Editor (請加番呢度o既電話號碼：2316 7218，謝！)

星期六同男友黎食lunch buffet,如果食11:45至12:45就收$48位再加一,如果唔係12:45埋單,繼續食呢,就收$58位再加一,咁我本來都諗住食到12:45走既,不過我地又遲左去到喎,成12點幾先去到,所以就唔走住....佢都幾多野食,味道亦ok,門口排片皮鴨,不過係鴨肉片,普通,因為係涷既....紅油抄手,水餃,煎餃,生煎飽,當然唔會差得去邊蔥油餅好味,豆沙鍋餅麻麻,雞絲粉皮唔夠涷有隻雞幾滑,擔擔面一般,炒飯ok,炸排骨幾好味我男友仲食左唔少串串馬蹄,話平時好少有得食喎..其實都仲有其他野食架,寫唔晒...仲有豆漿同果汁任飲...豆漿係唔甜個隻,我個人接受到,覺得ok,不過飲慣甜既可能就覺得唔好飲呢個lunch buffet,日日都有架....

香港的全聚德由新光集團經營。美心的外省菜只包括北京樓、京華飯莊、又一棧、北京人家、中國芳、洞庭樓、錦江春、紫玉蘭。北京樓只曾在帝國中心設有分店，但已於本年二月結業。

星期四下午兩個人Book了11:45 的一轉的自助餐, 因塞車關係, 遲了10 分鐘, 幸好也有位坐呢! (因之前電話預約, Walk in 就無位了!入門口, 見到排了一條片皮鴨的龍,要等10 分鐘才可取2 片吃(但注意餡料是鴨肉而非片鴨皮,但都O.K. 啦),其他京式的食物包括紅油炒手(但漿料較甜), 擂沙湯丸, 豆沙窩餅,飽點類(如生煎包,菜肉包),上海粗炒,豆漿橙汁任飲, 兩人雖趕, 但45分鐘內, 吃了三四轉,都已捧腹而走了! 臨走前好似看見有青炒蝦仁呢! 不大好吃的有啖啖麵,酸辣湯.大家要注意呢! 總括而言,2 人連貼士$100 吃Buffet, 都算拭食了, 因看見晚上的餐牌都要幾百元一餐!呀! 最後一提的是原來全聚德是美心集團的呢!

我都食過,以呢個價錢來講都好ok啦,野食都萛係咁啦!

本人听聞tst 開左間全聚德, 仲係lunch buffet, 諗住去試下佢地既小菜, 佢既buffet 時間係由11:45 am 至3:00pm, 12:45 pm 之前埋單有優惠( $40), 其他就$55 一位~~入到去都ok 多人啦~~~ 一入門口已經見到門口旁有個類似片皮鴨既counter, 個師父o係度包緊野~~~ 睇真d, 原來係包緊鴨胸肉~~ 之後坐底就開始食野...... d 食物種類比較普通, 竟然有薯條.....好攪笑~~~ 仲有黑椒雞翼, 炸腸仔...冷盤有鴨腎, 白雲鳳爪, 雞絲粉皮.... 熱盤只係有d 菜呀果d... 冇咩特別~~ 另外有沙律, 生果, 雷沙湯圓(幾好食), 少少糕點! 仲有一個counter 可以食擔擔面...細細碗~~ 味道都係普通! 有炸饅頭, 值得一提係, d 炸饅頭切到一片片, 上面仲有d garlic... 食入口好似食蒜蓉多士! 仲有煎餃子, 生煎包! 野食就有兩種任飲, 豆漿or 果汁(唔知咩果汁).overall 黎講,呢度既lunch buffet 太過港式, 唔係太好....野食太過普通, 冇咩驚喜!!!