全聚德烤鴨店 (已結業)

今晚一家人到尖東睇聖誕燈飾所以去咗附近的全聚德食北京填鴨我哋穿過噴水池去到行人天橋底見到呢個牌「鳳城皇宴全聚德北京烤鴨店」再轉咗就見到有樓梯行落去其實呢度主要都係做遊客生意! 不過我知道呢度一定唔駛點等位就有得食職員安排咗我哋坐喺廳內中間圓柱附近張枱上菜唔算耐, 我估大約10分鐘度北京填鴨就到啦, 呢度幾乎所有要花少少工夫既餸都會先推到枱前喺你面前切鴨或分湯鴨送到枱上既時侯都係熱辣辣, 皮都係脆卜卜!餅皮用蒸籠上! 唔會硬邊, 好柔軟!鴨肉唔多肥, 肉身唔會太乾! 夾埋乾葱同海鮮醬真係好好味, 價錢$198但係佢哋兩個小朋友食皮唔食鴨! 笑咗...另外叫咗西蘭花炒蝦球同埋半隻砂窩雲吞雞同樣成煲雲吞雞係推到去面前先幫你分!裡面大約有8-10粒雲吞(我冇數過唔記得, 總之分咗5碗之後都仲有好幾粒)個湯好甜好香好有雞味!雲吞就肉感重D, 冇原隻蝦喺入面

一大班好朋友生日garthering，最好梗係book間房夠舒服、夠靜又可以傾倒計！地方寛敞舒服，小朋友又可以休息！最主要係我至鐘意食片皮鴨，呢度嘅片皮鴨絕對可以媲美其他老字號！所有菜式都好有水準！又夠大碟！片皮鴨好選擇！

一班朋友相約食飯，訂咗呢度！因為已經食厭廣東式套餐！轉下口味！今次食片皮鴨！去到比咗一張靠牆大枱！都係中式酒樓格局！略為殘舊！部長問咗我們人齊就開始上菜！冷盤拼盤--海蜇、叉燒、五香牛𦟌，幾樣都幾好食！片皮鴨--由師傅片皮！拼成一朵花！用蒸籠蒸好麵皮！包住鴨肉、大蒜、青瓜同甜醬一齊食！鴨肉唔乾，配埋其他配料食！good!宮保蝦球--炸蝦球配宮保汁！辣辣地！肥髀都食到！炸漿唔厚！外脆內軟！good!炸蝦球--呢個無個辣汁！相比之下失色少少！松子魚--酸酸甜甜配炸魚肉！魚肉炸得唔老！又無散！good!砂鍋雲吞雞--雲吞鮮味皮薄！雞湯濃厚！唔會過咸！另外將雞肉拆肉上碟！肥髀一個食咗半碟！正！上湯津白--自己本身唔鍾意食對津白！食咗兩條都ok!雞絲米線--好淡，無乜味！米線好碎！雞肉嚡！唔好食！素菜包--餡料係菇同菜絲，唔多但好咸！唔好味！紅豆椰汁榚--凍食！椰汁榚無乜椰子味！紅豆面又無乜味！普通！服務唔錯！侍應勤快！換碟加水都有禮！部長仲送多碟紅豆椰汁榚比我們！成餐飯食得盡興！

老豆鍾意食鴨，屋企又住TST，雖然上網睇話全聚德麻麻地，但家父依然堅持，唯有試下啦，其實食落都唔錯呀！主角當然係片皮鴨，佢捧上黎個野簡直流哂口水，一大兜無骨既鴨係碟上面簡直想一啖食哂佢。食落雖然唔太熱，同埋鴨肉倩向乾身，但鴨皮既脆口感同罵油依然係到，包起黎食感覺好豐富好滿足。跟住仲有個翅，同正常翅既質素差不多，但佢落左莞茜，分數已扣。平時我見到莞茜就一定要挑走佢，如果有唔食莞茜既朋友記得叫佢唔好落呀！！總括黎講，其實環境幾闊落，岩哂一家大細黎喜慶聚會。至於食物，就不過不失既，鍾意食鴨既可以試試。

上兩週正值家父壽辰，今次就由家妹安排下，循例地共聚晚餐一頓。選的就是尖東的全聚德，基於早輪已去了一躺北京，想到又要再吃京式烤鴨，心中確實有點不太情願。依時到達指定地點之後，發覺門口掛上的招牌，竟然亦是供應順德菜的鳳城?! 稍為錯愕之後，終於想起箇中玄機，其實這間所謂的全聚德，只是某本地飲食集團所購之特許經營品牌，與北京的直屬店關係不大，如今再與「分家」後的鳳城同併經營，即是於一間食肆之內，既可點上北方京菜，亦可選擇順德的河鮮小炒，正是既來之，則安之，還是吃完後再作定奪。除了預訂的烤鴨之外，當晚所點的東西，多是與家妹即時商議下而決定的。最先上的是大良炒鮮奶，賣相上也算對辦，論質感亦是滑溜，相對上奶香則有所不足。內裡配料除蟹肉之外，還有表層的些許松子，席間有人提到與京式的賽螃蟹有點相似，所以不排除加了蛋白炒製之嫌。接著上的是啫啫唐生菜，期間熱氣樸面而來，上桌時滋滋作響，入口的生菜也算爽脆，只是調味上稍為淡身，作為這種熱燙的砂窩做法，多要配上濃身的醬汁，起碼令香氣層面上，來個先聲奪人之勢。自身還有些許觀察力，當晚雖然遲來，已發覺桌上擺放著京式的蔥段、青瓜及甜麵醬，到了適當時間後，侍者奉上兩個

嘩~估5到對上一篇食評已經係上年呢間我都唔算第一次食,因為係尖沙咀返工,有時lunch都會食下,感覺不過不失啦~今次自己去食晚飯,可能平日冇咩人唔洗等都有位又可能人少所以有位記得有次同事叫左個雞絲粉皮...之前我未食過唔知咩泥,點知一食就上癮所以今次去都要叫雞絲粉皮之後當然有出名既片皮鴨啦~可能係即叫即烤?所以都要等下先有得食嫁~師傅仲會係面前片燻魚:甜甜地都幾好食白切肉:呢味唔多岩我口味干煸四季豆:都唔差,幾好食拔絲香蕉:好食呀可能我鍾意食甜野,都會有人係面前整總括今餐好岩我口味又好好食

大家看下一個post，都應該知道我好欣賞全聚德的烤鴨。所以後期再經團購多買兩張coupon，是烤鴨加點心拼盤，由於點心拼盤只在中午供應，若晚上去就只能吃烤鴨，點心拼盤留下一次午市食。因此我決定食午餐。7月份加上今次都食午餐，可惜食物品質已變差，所以要多寫這一篇食評。總括兩次經驗，烤鴨已加了價，但size變細了，從前有兩大碟片好的烤鴨，如今只有兩中碟。烤鴨的肉質有點"鞋"，鴨的香味沒了---失望。點心拼盤都ok，不過我更喜愛一般粵式酒樓的點心。鳳城炒飯，排骨炒麵，蟮糊炒麵都幾好。七味魷魚鬚沒有味道，又細條，而且好油，差。鳳城水餃，皮好薄，好味。千層峰有特色，一般酒樓是沒有的，可以一試。最後提一提，酒樓內冷氣不均，坐近圓柱會較涼，近牆邊的位置會熱。

買了ubib coupon,預早幾天訂了位,不用等候,直接入座,坐近門口有點冷.沒有滿座情況,有不少旅客包括外國人光顧.首先遞上ubib coupon,再加兩個餸, 心想三個女子應該足夠了.可能片皮鴨要加工,等了好一陣子仍未出場,大家都大叫肚餓.看著已在桌上的青瓜跟蔥,有點風乾,應該跟天氣有關.片皮鴨的皮很香脆,沒有肥肉,正!麵粉皮有麵粉香味,又夠熱,好味,如果青瓜跟蔥有多點水份,這道餸就完美.黃魚炸得皮脆肉嫩,而且夠厚肉又小骨,正!拉麵看似有點粗,鱔糊少了點,顏色較淡,但吃起來味道剛好,沒有太濃醬汁反而更好.正!用了coupon,實收$275,冇coupon就加$300.服務很好,有禮貌,加水快,食得很愉快.

一行１０個人訂全聚德 (8大2小)； 大部分既場做婚宴 , 全場只有幾枱散客, 安排我地坐8人檯; 幾擠。全聚德既野食片皮鴨 - ok, 唔係太肥, 伴吃的麵包皮厚得多軟熟 BUT 要 HK$300, 而且甜醬. 麵包皮好細碟,再要竟然要收費HK$50 大元!片完皮後，想拎個鴨殼返去煲粥或煲湯; 竟然無???!松子桂魚 - 是我食過最差的, 魚肉’梅’既?! 冇酸甜味水煮牛肉 - 辣味濃,牛肉OK。蒜爆蟮糊 - OK but 幾油。抄豆苗 - OK炒拉麵 - 竟然是全晚最好食既。高力豆沙 - 冇甜味而且幾油膩。鳳城既野食 :窩貼大明蝦 - OK 炒鮮奶 - 都冇鮮奶味 : "”冇味既!”上湯炸粉果 - 失望抄豆苗 - OK炒飯 - 麻麻地旺角鳳城好得多!!d侍應servise : 用十個差形容 : 忙著做婚宴, 冇加水冇換碟冇笑容!最後, 廁所竟然男女共用 ( 因為正式的廁所在婚宴那邊, but 條路封住左); 衛生差差差!Total $1,6XX, 竟然 連free parking 都冇!真失望, 唔會再黎..

美國朋友過境，一心去鹿鳴春食京菜，又冇位！日本朋友轉訂呢度貪佢有房。 叫左個十人餐，有填鴨，有翅。 前菜鴨舌 又冇味又硬。。。填鴨 又凍又硬。。。松子黃魚 個獻仲勁酸過醋。。。一個字，服！ 名不虛傳，勁差！

好似話公司某一funding 有錢剩, 就成office 的人一齊去0左尖東0個間全聚德 吃午飯. 早就聽人講過話0的0野唔係好得, 但唔駛錢, 試0下無妨呢~~ 睇0下個Menu 先... 好似好正咁… 第一度冷盤… 有牛肉, 醉雞同唔知乜0黎… 我諗係用豬耳整的啫喱, 同埋蒜泥拍青瓜. 最好味係--- 個青瓜! 同事話醉雞都好味, 但我唔吃雞, 所以冇試過… 之後… 呢個蝦多士… 0個塊面包好似油浸咁, 唔係油炸! 隻蝦… OK 啦, 有蝦0既腥味, 証明佢係新鮮蝦.跟住… 炒+炸鮮奶. 終於有個鮮奶菜式係阿媽吃到的--- 都冇鮮奶味!! 我只係吃0左一件炸鮮奶就收手了… 中間的炒鮮奶, 0的同事話”冇味0既!” 所以我冇試了…之後, 基於環保理由, 個雞絲翅係冇0左0架… 換0黎係--- 烏雞花膠響螺湯! 0岩晒我細妹飲--- 味精湯!但都幾足料0既…跟住… 北京填鴨… ER… 我比較喜歡個包住鴨肉吃0既0個塊皮呢! 隻鴨, 好處係佢夠瘦, 唔肥, 但係, 就唔夠香了, 而且, 唔脆0既! 吃落去, 靠舊青瓜先有脆感! 唉…之後, 呢隻豬手… 我sure佢係跟法

新年大家一齊食飯~間間野都話係春茗時間,間間野都好差貴~一個10人餐~見得人既餐單都講緊$2500,有無攪錯~老細佢有aig信用卡~有半價~所以要左佢個招牌片皮鴨8人既半價套餐(原價$1600)。 我打去訂位~好有禮貌~ok~之後亦有confirm我會唔會到~都ok~仲多謝我訂座tim~攪到我同我條仔幾鬼驚ar....因為上次我又係openrice睇自助餐,簡左間"紅煙槍"黎食~比亞媽同家姐小到我呢......依家簡呢間野,openrice d 食評好差喎,我打算唔信你地,自己上去try 下~ 未去之前係有d驚~但係人地已經搬左la~呢到新修架la~算ok la~一般飲茶酒樓囉~叫野食先~*五福拼盤,有牛碾、海蜇、醺蹄、青瓜 (可以la~無咩特別,唔係特別好食,又唔食特別難食囉)*烤鴨,即片皮鴨(ok喎~幾好食喎~個師傅係你面前片片片~幾好feel姐~睇得出真係好熱架喎)*雞湯翅(內含少量排翅，用料唔係話好差.似bowl仔次,你比咁既價錢,唔好諗住好多翅囉)*雲腿扒津白(好好味喎~因為我個人喜好la~加上魚湯去整~好味)*咩咩魚面 - 勁好味,即使好飽都食得曬~*咩咩炒飯

打電話去訂的，是全聚德；被安排的座位，卻在鳳城。無所謂，反正兩家店其實是一夥的，兩個餐牌上的菜也可以點。先來個冷盤醬豬手，無甚特別。再來招牌及例牌菜烤鴨半隻，評價好壞參半：有人喜歡它皮脆，又不太肥膩；有人卻嫌它肉厚得來偏乾。啜魚兩食，即是煎焗魚身及欖角蒸魚腩。前者單看也覺得魚肉肥美嫩滑，惹得我也忍不住吃了一件半（第二件比較多骨，吃了半件就要投降了！）。簡單地以蔥蒜來爆，本來不差，但吃到一半便發覺太油膩了。後者的欖角經過處理，那獨特的味道變得很淡，雖會令人較易接受，但卻顯得毫無個性了。魚腩比魚身油份更重，但魚身的肉質卻較細緻，總體而言，這啜魚也算好吃。大良野雞卷入口沒想像中肥膩，但亦不特別好味。好久沒吃過滿意的炒鮮奶了，當晚依然執意一試。那鮮奶炒得軟綿粉嫩而不油膩，廚子炒功一流，問題出在味道，無奶香亦無奶膻味，白白浪費了那出色的質感。可惜啊！魚湯腐竹莧菜是為了吃蔬菜而點的，平平無奇，而且有人投訴莧菜太老。用某信用卡簽賬，可獲贈蓮蓉西米焗布甸一客，大家都對「贈品」不存厚望，豈料水準頗高，表面焗得微焦，甜度又恰到好處，讚。反而另外點的宮廷桂花糕，大部分是椰汁糕來的，桂花少得可憐，被騙了...

父親大人生日，老媽子吩咐落一定要食片皮鴨，仲要唔可以太貴，佢又唔鍾意鹿嗚春呢類舊式酒家，最後揀左黎呢度，貪佢隻招牌片皮鴨同埋有半價套餐(原價$1600)。一坐低竟然話片皮鴨已賣哂，正當家姐同肥外甥發完惡想走人時，又話原來有留到比我地，呢個世界真係欺善怕惡…我地懷疑逢親叫半價餐的佢地都會話片皮鴨賣哂。招牌片皮鴨肉質算嫩，皮亦香口，伴吃的麵包皮厚得多軟熟，整體上ok。雞湯翅內含少量排翅，用料不算劣。冷拼盤有青瓜、海及牛，味道一般，但牛被雪至過份冰涷。其他菜式味道都唔錯，炒蝦仁夠爽口、奶油津白亦嫩、鮮肉餃子皮軟餡鮮、鼠子魚酸味突出，眾人都說好，吃到尾聲，哥哥突然發現有一大隻烏蠅被淹在獻汁內，向侍應投訢，她立即向我們道嫌，兼主動送了我們一盤焗西米布甸，雖然麻麻哋好吃，不夠乾身，蓮蓉又超甜。Service、環境同衛生都麻麻，即使味道OK都唔會再嚟。懶惰的P字

尋晚兩個人黎食晚飯叫o左半隻京鴨,同埋鴨湯京鴨真係完全唔掂首先個餅底唔夠熱,亦都唔好食,仲有太厚鴨就完全唔肥,冇鴨油,咁叫乜鬼京鴨?!?切又切埋d肉..食京鴨係食皮同鴨油o既香味要食鴨胸我去法國餐廳食血鴨啦個鴨湯就幾好味開頭位叔叔好nice但係之後個阿姐粒聲唔出走黎拎走d 餐牌冇人教佢點serve 客架咩?