全記海鮮菜館

營業中

休息中

已經有一段日子冇同 #爸爸媽媽 出去食好嘢，不過係呢個非常時期，真係唔方便去得太遠，唯有近近地入去 #西貢 食個 #海鮮餐，等佢哋可以行吓、輕鬆吓。呢日我哋去到海旁嘅「全記」，諗住食吓 #海鮮、叫啲 #點心... 咩都試吓。#海鮮午市套餐 $268一位，我哋三個人要咗二人份，諗住四個海鮮加啲點心，應該都好夠食。不過大家可能餓咗太耐，兩三吓手腳已經K.O哂啲海鮮🤣 四款海鮮比較有睇頭嘅係 #蒸倉魚，#師傅 將 #倉魚 蒸到剛剛熟，淋上熟油豉油，魚肉鮮甜、啲蔥又香口😋 不過 #龍蝦 太瘦無咩肉，#元貝 一般啦，#蝦球 過份迷你，唔夠攝牙罅😅 所以最後我哋再叫咗四個點心，#煎腸粉、#鮮竹卷、#綿花雞 都ok 啦，但係碟 #牛柏葉 似比人偷食咗幾舊先拎上枱，我向服務員指吓碟牛柏葉，佢已經知咩事... 真係唔係我偷心啦👉🏻👈🏻 真係估爸爸唔到，臨尾仲加咗碟 #菜遠斑腩炒飯，可惜 #眼闊肚窄.. 最終都係要打包返屋企😅不過「全記」整體服務都唔差嘅，起碼唔使叫到口乾先有人嚟加水... 難怪我間唔中都要返嚟幫襯啦😉

食物水準還可以，不過好似太多味精因為食完冇耐已經口渴。都真係維持到不過周邊既海洋酒家開始後來車上。我哋點左個三人餐(可能因為咁而睇唔起我哋) 每逢我哋食淨一兩舊餸佢走過來問我哋仲要唔要。。停下都唔得。。其實我睇返時間我哋只係食咗45分鐘。。所以係時候比教訓呢一間餐廳

昨天到西貢走走，正準備想下午餐吃什麼，食中餐還是西餐，因為同伴好喜歡飲咖啡食西餐，西貢亦都有好多好嘅選擇。正行到海旁 見到「全記」已經坐滿了客人，好熱鬧，這裏又變得跟疫情前一樣，好多歡樂笑聲。正想開口話不如食海鮮啦，但兩個人其實好難點菜，好彩米芝蓮最佳食府的「全記」有超值的龍蝦鮑魚全包宴，每位只$248。全包宴包括四款主菜，送油菜一碟及糖水或鮮果。選了「芝士焗龍蝦伊麵」這碟都好有睇頭，龍蝦雖然唔係好大 但係肉質鮮爽，芝士汁又真係特濃，唔錯。「薑蔥炒蟹 」炒得好香，薑片炸到金金黃黃伴以爽口的青蔥，隻蟹有少少膏好香口，好新鮮有鮮甜味。「蒜蓉粉絲蒸鮮元貝」滿滿的蒜蓉和鮮味的元貝。「古法椒鹽鮑魚」賣相非常之靚，椒鹽唔會好重蓋過鮑魚的味道，新鮮脆口。一邊吃一邊欣賞海濱美景，不用自己動手煑 也能品嚐到一頓經濟的海鮮餐。大家要多啲出外活動😎 回復昔日的生氣💪😋😊。

今日去咗西貢食海鮮，見到間自唱12年米芝蓮推薦嘅餐館，咁就試一試你，咁海鮮就當然係海鮮價啦，睇你好唔好彩啦，價錢都唔算係重點最緊要食物質素係點樣，我對佢期望非常之高，今日叫咗有賴尿蝦，芝士龍蝦焗伊面，椒鹽魷魚啊，鮑魚同東風螺，先唔講嘢食，個環境非常惡劣，勁多飛蟻飛來飛去，直程可以幫你加餸，食物個份量都幾多，但係食物質素總體而言係高過屋村嘅酒樓少少咁多，咁價錢就當然比屋村㗎貴唔少啦，唔知嗰日我條脷有問題定係真係佢啲海鮮冇乜味，唔講真係唔知佢即場喺個魚缸拿出來，都係果句有時間自己去街市買返屋企整好好多，我都有興趣想睇吓12年米芝蓮推薦咗佢啲乜嘢定係2012年推薦過咋😂呢啲正宗叫俾錢買經驗

全記食左好多耐好多次，依家班侍應服務態度差，人多去食時未坐轉枱無問題，人少去食或飲茶比個門口位‼️《天氣咁熱比個門口位，話轉位侍應服務態度好差‼️‼️》食左咁耐，侍應服務一年比一年差‼️位吾岩大不了吾食，知客轉枱比我地食無所謂，可惜新鋪冷氣吾夠😒張枱仲滴水，仲要落漏單😫食咁耐咁多次，都未遇過咁Q差服務態度既侍應，舊鋪侍應檢討下啦吾該全記野食無問題，食物吾差有水準，係舊鋪某幾位侍應態度差係今朝去飲茶拎位侍應態度差，話轉枱態度更不知所謂‼️‼️‼️舊鋪間侍應態度真係好差，吾差我都吾會上黎評價仲要隔離張枱坐著條友，係咁咳吾掩口🤮離晒普

西貢食海鮮正就街知巷聞，氣氛一流，又chill又有feel係唯一猶豫既就係會貴啲，全記係西貢又老字號又米芝連咁，環境舒服又係海邊前面，唔太熱時坐出面既話實在好正好有feel閒日有套餐，按人頭揀幾款海鮮，價錢相當相宜，諗住上枱會份量少啲或者無咁好，點知驚喜連連先黎一個芝士龍蝦伊面，都唔細碟，賣相好正俾埋刀叉你起肉，本身龍蝦已經半起肉，一叉落去就成舊肉出嚟，肉嫩而且濃鮮味，肉質好滑，夾埋芝士汁無得輸整埋少少膏落芝士汁度食伊面，個芝士汁味道相當好，唔會太芝無晒海鮮味極之推介再黎蒜蓉粉絲蒸扇貝，一人一隻，手掌大小，肉都算大粒入口鮮味非常，肉質啱啱熟好鬼滑，鮮扇貝加豉熟油好好味粉絲都好有海鮮味，送飯一流套餐以外再出去揀海鮮，黎西貢食海鮮就係要出去個缸度睇下揀下先有feel揀左游水中蝦黎白焯，返入去坐坐等食，五分鐘就上枱，加埋蒜味豉油，鮮味十足一剝即離殼，好鮮甜，蝦肉又彈牙對比下係貴啲，但感覺良好另一套餐菜揀左薑蔥炒蟹，上枱好香下，都足一隻蟹既，幾唔錯既肉蟹，夠晒肉地，彈牙又新鮮味道相當不錯，雖然鑊氣普通，但個汁好正，葱都好食套餐仲有條魚，問左係倉魚，即刻決定加$88改為清蒸沙巴龍躉，賣相幾唔錯，

今晚天公做美，西貢的迷霧，趕走了郊遊的人潮，使行走在西貢海傍倍感安全。在海旁走着，選擇了平時好多人幫襯的全記，舒舒服服的享用晚餐。本來想寫享用海鮮，不過經理哥哥話，全記唔止海鮮出名，燒味都係招牌菜。咁就一於試下啲燒味啦。(原來可以自己排相，咁一於喺度繼續寫食評啦)鮑魚好大隻，實而不硬，鮮味同椒鹽味互相輝映。簡簡單單嘅咕嚕肉，喺寧靜嘅西貢海邊享用，直接升價十倍。龍蝦伊麵，無懈可擊。經理哥哥推介嘅燒味，真係幾好味，有燒烤味，夠腍。元貝夠大隻，鮮味十足。沙巴龍躉，香滑好味。呢個菜粒蛋白炒飯，入面加咗些少米通，令到平平無奇嘅炒飯更加粒粒分明，呢啲先叫做真奇脆啊﹗喺郊外食嘅油菜，重唔係郊外油菜﹗靚紅豆沙，食完好滿足，唔使再過隔籬食﹗重有橙皮添，認真超值﹗

西貢食海鮮和同事揸車去打golf，之後去食晚飯。六個人選了六款海鮮，一個菜，一碟沙薑雞腳，兩碗飯，配上Asahi，飯後還有糖水，紅豆沙起晒沙，很滿足！！！.芝士焗龍蝦烏冬底😋😋😋😋龍蝦肉質彈牙，第一次食烏冬底，友人好推介，喜歡烏冬多過伊面底。椒鹽賴尿蝦😋😋大大隻剪成幾件，味道偏鹹，肉質正常。椒鹽墨魚😋😋😋😋夠晒味，好爽口，好好味。蒜蓉粉絲蒸大元貝😋😋至愛，一定要多蒜多蔥夠豉油，可惜似急凍貨，不太新鮮。椒鹽鮑魚😋😋😋不過不失。薑蔥炒蟹😋😋失望，味道偏鹹，生粉過多，肉質正常都補不過味道過失。西生菜😋😋😋😋食得出有用滾油淋在菜上面。沙薑雞腳😋😋😋是晚驚喜，好味。紅豆沙😋😋😋甜品不是我最愛，但好足料，勁多豆，起沙。

早兩日見無咩嘢做，#小秘書 跟埋屋企人入 #西貢 #飲茶，佢哋話順便要呼吸下 #新鮮空氣 喎🤔 不過呢... 自從班香港人冇得去旅行之後，所有 #新界、#離島區 都變成佢哋嘅後花園，每逢假日都 #水洩不通、西貢咁近市區，當然唔例外😅 不過好彩我哋早出發，嚟到「全記」等咗一陣就有位。爸爸媽媽就話貪呢度啲 #點心 夠新鮮，#即叫即蒸，熱辣辣夠醒胃😚 爸爸係嗰種冇米氣落肚會暈嘅人... 咁啱我見「全記」新出咗個 #荷葉蒸蝦乾梅菜肉餅飯，諗住味道實唔會算差啦... 點知口味不似預期👉🏻👈🏻 肉餅鬆散，#梅菜 同 #蝦乾 都冇應有嘅香味，我只好猛加豉油嚟調味😅 早知就叫個 #白飯🍚 加啲 #點心 好過啦😌

原本諗住去西貢搵下cafe坐下chill下但經過海旁見到茶樓先醒起係喎好耐冇飲茶❣️兩個人都嗌左唔少野嗌完先發覺我哋食得好cheap 隔離枱食緊龍蝦伊面但唔知點解點心紙睇唔到 😂野食黎講我覺得唔差樣樣都好多蝦連鵪鶉蛋燒賣入面都有好多時都只係包豬肉所以覺得佢都幾足料 環境: 正！對住個海冇挑剔食物: 唔錯，勝在足料服務: 正常茶樓姐姐，會提水抄牌衛生: 好過大排檔咁抵食: 唔知係咪過左早茶又未到下午茶，未見有特價

【 西貢嘆茶 🍽】放假時候經常入西貢嘆早茶放狗狗對住個海嘆茶係幾舒服最喜歡就係到全記飲早茶覺得全記係暫時試過最好服務態度又企理既一間係門口企一陣就有侍應姐姐帶位開茶多數都喜歡選擇坐出面❤️吹吹海風成個人都精神d 全記就係好在有得畫紙入單唔使走來走去拿點心但佢地門口附近都有點心可以即時點選你鍾意自己拿又得呢到d點心都幾唔錯👍🏻春卷真係香脆同新鮮炸起燒賣蝦餃既都係大大粒最近點過一款蜂巢糕都唔錯，最喜歡中式甜點蒸糕整體上點心唔錯、服務唔錯、坐得舒服😎

海鮮酒家有茶巿，消費金額會因時段而改變，越早越平，想平不要要求太多。今次坐窗口位，可以寫食評。食具不夠乾淨，見過茶杯有唇膏漬、茶漬線，要自己動手洗食具。街坊飲早茶，OK。食物水準不穩定。服務員不會招呼周到。

我阿姐個特登黎西貢探我，例牌梗係要海邊食飯啦。碼頭邊我淨係知道，洪記和全記，洪記我昨日食完，個煎海蝦幾好，兩間都食咗龍蝦伊面底都可以。洪記好似大隻啲，全記就冇糖水囉，其他都可以嘅。叫咗燒鵝例牌，咁都唔錯。蛋白蒸蟹，太清呢一味唔係好識欣賞龍蝦🦞唔係話大，但味道算幾好！講真蟹呢好鮮甜！鮑魚仔都叫得過！其他小炒冇影呀自己嗌下啦應該都唔錯。由於我唔寫洪記喺度講埋，咕嚕肉味道幾特別，我就好鍾意食同行的人就覺得傳統好啲。冇所謂啦！全記都值得推介

去到西貢，香港老字號海鮮餐廳，上樓梯兩邊都是各種明星來過的合照 ❤️海膽刺身超新鮮,沾點芥未配上附送的紫菜包起來，吃進口很甜~🤩 扇貝粉絲好大隻💪🏻蒸的時間掌握的比多數的海鮮餐廳都好,值得試一下 椒鹽瀨尿蝦比我的手臂還粗同礦泉水 瓶一樣大，而且膏特別多😋 還有沙薑雞腳好吃,小食餸酒一流 空帝王蟹一蟹兩吃’蟹殼和蟹腳用蛋白蒸,蟹身係用薑蔥蒜炒’一種鹹香一種鮮甜都嘗試到了

環境地方大，座位多，交通自駕比較方便，近碼頭停車場，服務員態度正常香港食海鮮都有幾個出名嘅地方，例如屯門三聖邨，西貢，流浮山，鯉魚門等，所以今次去咗西貢試吓呢間小炒有情侶二人套餐，仲有四或八人餐，不過短期內就食唔到八人！😅 依家多人就買碼頭邊個啲艇仔既海鮮返屋企煮啦！我就揀左二人餐，有四餸一菜加甜品，芝士龍蝦伊麵底，芝士味濃郁，龍蝦亦都好新鮮有咬口，伊麵啱啱好吸收左海鮮味，唯一唔好嘅就係溫度，因為上枱溫度只係暖暖地，如果煮到熱辣辣更加好啦！鮑魚彈牙新鮮，經過椒鹽後仲好香添，夾埋炸蒜一齊食入口層次豐富上枱前仲加咗啲七味粉，所以未食巳聞到好香不過一人一隻就唔係好夠喉！蒜蓉粉絲蒸扇貝，溫度足夠，扇貝都夠林同新鮮，粉絲吸晒啲鮮味加埋醬油嘅味道，蒸得啱啱好唔老幾鮮嫩，不過又係得兩隻唔係好夠喉！😂薑蔥炒🦀火候非常掂，蟹入晒味，個份量都係唔多得一隻，薑蔥炒得好香食完又唔會口乾，雖然蟹肉唔多，但個蟹蓋居然有蟹膏。套餐仲有一碟炒油菜同甜品紅豆沙，呢個甜品就差咗少少啦真係，紅豆好少，基本上係得啲水，陳皮份量唔多，無咩味，所以欠一個完美嘅句號！總括嚟講依間海鮮係可以食嘅，但係食前各位就唔好抱有太大嘅期望，如