全記海鮮菜館

營業中

休息中

一般寫得評論嘅目的：勁好食、勁難食、勁搵笨、勁激氣有是旦一樣中就會願意分享下個感受！好野齊齊分享，劣野當然咪幫襯，否則必定後悔！「不聽網評言，吃虧在眼前😇」揀咗佢嘅每人套餐（2百幾3百到），搵笨到無朋友，樣樣都係一件仔，揀咗佢嘅每人套餐（2百6至3百到），搵笨到無朋友，樣樣都係一件仔，仲諗住呢度會食到新鮮啲啦，點知啲扇貝同飽魚都係用冰鮮交貨😆，5人份量嘅龍蝦伊麵都係只能每人食到幾條麵，最好笑係食完埋單同無食無乜分別😂如果你大把錢、想減肥又想食冰鮮，可以考慮食呢間唷🤪

全記海鮮（西貢）🐟🦐🦞🦀行完山搵咗間海鮮餐館外面睇都幾多人幫襯就試一試佢我哋五個人揀咗三種海鮮🌟第一樣就係豉椒炒蟶子份量都頗多 都炒得惹味嘅但係就食到有沙🌟第二樣就係蒸龍躉仔龍躉仔冇乜腥味 但稱唔想鮮甜主要係食到蒸魚豉油味 攞嚟送飯🌟第三樣呢 就係蒜蓉蒸扇貝扇貝肉比較有趙口🤣唔係好易咬 size都比較細 另外就叫咗啲雞呀叉燒呀咁樣同埋一個菜咁都冇乜特別 正正常咁我哋呢就就一路揀海鮮呢都冇問價錢嘅純粹就咁睇樣揀啦 諗住蟶子扇貝龍躉仔都唔會貴得去邊咁店員亦都冇主動報價俾我哋聽咁到埋單嘅時候呢就發現原來三樣海鮮（5人份量）未計手工費呢都要$900即係除翻開呢每樣嘢都大概$300喎最後連埋手工費 燒味拼盤白飯全部人均消費$350咁我哋平時都有煮開野食嘅都知道其實呢啲譬如街市買唔錯嘅扇貝日本扇貝 彈牙爽甜嘅可能五人份量都150有找龍躉仔咁上下size $200都比多啦嚟呢度食方便在行完山就腳可以坐得舒舒服服同班friend悠悠閒行咁傾吓計抵唔抵就真係見仁見智講到尾要食最足料鮮味嘅就緊係番屋企食阿媽煮嘅海鮮大餐👩🏻‍🦱👩🏻‍🍳我諗我都唔會再黎食第2次環境：🌟🌟🌟💫抵食度：🌟🌟味道：🌟🌟🌟

大年初四-聽日就要開工啦🥺🥺開工前梗係要食返餐好，然後繼續捱世界。我哋今次一行三人，叫左8個點心，再加兩份海鮮1️⃣炸雲吞2️⃣鹹水角3️⃣鳳爪4️⃣蝦餃5️⃣流沙奶皇包6️⃣珍珠雞7️⃣叉燒包8️⃣椒鹽炸墨魚🦑佢明明係一間海鮮酒家,意想不到啲點心都咁好味，炸雲吞皮超脆，流沙包流沙做得好出色。食完點心之後，就到壓軸我最想食好耐冇食嘅芝士龍蝦伊麵，龍蝦肉彈牙又新鮮，汁好creamy. 食完咁多點心之後再食佢都仲食得落超級推介最後叫咗一碟豉椒炒蟶子豉椒炒蟶子一樣勁新鮮，啲肉勁彈牙，食到佢本身鮮甜味

每次去到行嚟行去睇海鮮同揀海鮮都好開心🎶海鮮生猛就一定係啦另外烹調都好重要每次必食🦀花雕蛋白蒸花蟹好大隻😍蟹鉗都有手掌咁大酒香蛋白滑dodo椒鹽鮑魚，炸粉好薄，啖啖鮮美蒜蓉粉絲大扇貝，今次有啲過熟，蒜蓉粉絲好野味墨魚雪白帶半透明🦑爽爽脆可惜今次冇海膽…仲有飯後果，甜品，糖水服務不錯，執拾換碗碟清潔勤快總括嚟講：每次水準都保持到嘅大滿足❤️

嚟到西貢一定要到此一遊，服務態度非常好對老人家體貼。食嘢方面海鮮非常新鮮，價錢亦相對來講比較抵。話說三大人一齊去食咗一餐，除咗芝士焗龍蝦之外其他海鮮亦非常新鮮大家都食得舔舔脷。建議大家在疫情期間，去旁邊少啲人嘅海鮮譜食個套餐，有保證之餘，價錢亦唔錯，分量十足。Great seafood. Set courses for 2-4 are very reasonable, especially if allowed to choose your own seafood.

農曆新年過後終於開放晚市堂食，市區應該勁多人。為咗逃避人潮，去西貢市應該係唔錯嘅選擇。唔知係咪少咗遊客，啲海鮮菜館都好積極招徠，竟然完全冇推薦買新鮮海鮮再加工煮。由得啲客點海鮮套餐完全冇 upsell, 好多年都未見過咁。點左每位$295嘅海鮮套餐，再加豆腐海鮮湯同例牌燒鵝。燒鵝皮係吹嘅，肉有少少靭和有渣。最搞笑侍應問我要上庄定下庄，我話上庄，但係最尾嚟咗下庄。特濃芝士焗龍蝦伊麵底，芝士確係比平時食開嘅推得厚啲。龍蝦冇過熟，OK啦。跟住嚟咗蒜蓉粉絲蒸扇貝，呢個真係離晒大譜。令到成餐飯嘅觀感扣咗80%分。扇貝一食落去有重重嘅雪味，我好肯定佢係會回收啲殼再放雪藏平價帶子做呢一味菜。完全不誠實。雖然係套餐都成$300一個人，點可以咁！加咗$88 upgrade清蒸海上鮮做蒸沙巴躉，佢個蒸魚豉油有啲失望。椒鹽墨魚，冇椒鹽味，粉漿唔夠脆等咗咁耐先可以有晚飯堂食，第一餐咁有少少失望。

平日五點幾入座，點咗二人餐，揀四款餸，最後上菜上咗椒鹽墨魚，龍蝦伊麵，椒鹽鮑魚，清蒸海上鮮。最侍應服務態度非常惡劣，食到一肚氣🤮落錯單唔認，仲要以「已經煮緊」為理由迫我哋硬食🤮🤮原來點咗扇貝，最後變咗墨魚。如果最後係好味嘅都冇咁嬲，但每樣餸份量都偏少，質素同味道亦不比隔離嘅競爭對手好。特別係墨魚同鮑魚都令人大失所望。已經將依間餐廳入咗黑名單。以後都唔會再幫襯。附近實在有太多更加好嘅選擇，依間味道唔特別好之餘仲要受人氣🤮

行完山後, 今天到全記海鮮菜館食海鮮餐. 基本上周圍的海鮮菜館的海鮮餐都是差不多價錢, 分別可選擇四款或五款海鮮菜式. 我們四人選擇開心四人共聚餐, $268/位四人餐可自選5款海鮮:香蒜椒鹽墨魚, 粉漿不夠脆, 味道可以, 墨魚新鮮彈牙蒜蓉粉絲蒸元貝, 元貝size較細, 蒜蓉豉油粉絲與平時食的味道相若. 這個菜式不過不失特濃芝士龍蝦伊麵底, 芝士味香濃, 龍蝦肉彈牙, 可惜份量較少😅椒鹽瀨尿蝦, 椒鹽味非常好味(似食薯片味精粉🤭), 瀨尿蝦肉質都不錯. 不過份量有點不均勻, 我們亦與經理反映. 當然反映與不反映結果都是一樣🤷‍♀️ 若然叫二人餐, 又叫椒鹽瀨尿蝦, 會有多少件瀨尿蝦呢?!🤔薑蔥炒蟹, 整個餐來說這款菜式分量比其他較多, 芡汁味道偏鹹. 多薑多蔥段郊外油菜, 是日是菜心, 白灼加豉油或可每位加$10自選蔬菜海鮮餐平均每位價格看似便宜, 不過份量真的叫少. 若然4人淨叫這個四人海鮮餐, 我相信大家都不會飽肚&滿足. 今次我們另加白飯&4款點心, 我們食完也不太飽肚😅

態度惡劣，服務勁差。睇食評見麻麻地，考慮去唔去食，但一場來到西貢都朝聖下啦。人多，大家都乖乖哋喺門口排隊，點知一行七人喺側面鼠入去就被人招呼，仲安樂咁坐低食，因二人限聚關係，七人就霸咗4張枱。我已經走上前話人哋冇排隊，但個侍應冇理，只係叫我等，我心諗咁鬼亂，但算啦咁繼續等。卒之有個阿姐走來同我講「樓上有位喎」，我都未反應得切，半秒後佢就準備帶後面三人上去，我話係我哋排隊先，跟住阿姐話我哋冇應佢，我火來了，原來頭先個五個字意思係「樓上有位，你哋上唔上去？」我話佢完全冇等我地答就已經帶其他人上去，好彩後面嗰三人都好，知道係我地排先，畀番我哋上去。阿姐不斷大大聲聲話係我哋冇應佢，我頂！上到去仲精彩，另一位茶水阿姐嘲諷我地話新年流流嘈咩鬼，我話係你哋職員亂咁帶位，當然講完走人仲理鬼我地咩。然後一個疑似經理的阿叔/伯過來了解發生咩事，我複述事情，佢hea我話「得喇明白喇喺我地唔啱」我回應話「咁你明咩？」跟住就話唔洗講喇，發老脾叫我哋走。原來當自己人服務態度惡劣，唔想回應咪唔做你生意囉。人哋米之蓮，大把客，洗乜尊重你😠

收得貴 食物難食 蝦餃無味 鳳爪唔入味兼皮硬 糯米雞蒸到過晒龍 汁少無料 事但擺舊雞肉就算 唐記好食過佢 唔明西貢全記何來咁出名 全西貢幾十年 未試過飲茶有咁差 錢就識賺 貨就求其交 如果唔係陪阿媽去食 佢老細請我都唔來 難食到 衰過地踎茶樓 唔明啲遊客會盲中中中入到中伏 咁大個人未試過咁差飲早茶體驗🤬🤬🤬

吾好以為入西貢一定係海鮮，朝早入嚟飲茶都好正！仲要吾收茶位，去邊搵😏本人係奶黃包粉絲，去親飲茶都叫一籠！今次例牌啦，流沙奶黃包好好味！流沙架真係，又吾太甜，食左兩個都吾「漏」其他都好味，仲有舊式茶樓風味，下次入西貢食早餐吾一定飲咖啡啦😁食完仲可以行下西貢，買下海鮮😄

朋友生日只可以二人聚餐，所以我哋到西貢一行再吃點東西慶祝。西貢很熱鬧，原來比市區更加擠擁。全記海鮮菜館 坐滿了客人，當然是符合限聚令的人數，我們選擇了室內的位置，要點他們拿手菜式。二人海鮮餐選擇好多，不過原來客人多數選的都是那四五款。古法椒鹽鮑魚雖然細細隻，但係肉質很厚又稔滑。上湯龍蝦伊麵底 龍蝦🦞肉非常爽口，上湯伊麵底比較清爽。蒜蓉粉絲蒸元貝不錯，味道很鮮，粉絲亦非常好味。薑蔥炒蟹雖然是一隻蟹，但係size真係好細，但勝在新鮮。套餐還有生菜一碟，很爽口。另外叫咗一個雪山包是椰茸餡的，不太好吃，這個餡料配雪山包不太夾。

昨晚入西貢，星期日一早就帶同小狗海旁走走兼飲茶。西貢酒樓成行成市，據說是受惠於 SARS, 當時准許它們可以外面放餐桌做生意，主意因為外面空氣流通，受惠到現在。「全記」幾乎是最大最多位，所以輕易就有枱，西貢食肆大多不會拒絕毛孩，侍應對毛孩都友善，不過要坐 “膠椅”，很合理，所以很多毛孩主人都喜歡帶毛孩來西貢食肆。點了最基本的點心：蝦餃、燒賣、叉燒包、雞扎。自己帶備舊普洱，點心味精難免，不過都大大件，不過不失啦！點心加茶錢，星期六、日加一服務，盛惠 $153

在西貢區居住近30年，落西貢嘆茶偏好兩間酒家全記同永和，全記星期天(免加一，但是六、日、假期會轉貴小小餐牌)，再者週未假期入西貢遊客勁多要等位，11點前較容易入坐。全記老板親力親為，經常出現廳面幫手、招呼同街坊熟客，我喜歡坐閣樓，地方細細無咁嘈，缺點係抽氣不足，廳尾煎腸粉檔送你一身油煙味，秋涼首選坐門口海鮮缸前，清風送爽有海景，帶毛孩就要坐呢區。全記海鮮套餐抵食之選，厨房煮功比附近幾家都好，今次先講飲茶、茶太普通所以自帶茶葉，义燒包(麫皮軟滑)，蝦餃(蝦仁結實爽脆)，潮洲粉菓(皮薄，花生沙葛菜脯脆口)，煎薄撐(配料香口，中心軟邊焦香脆)，义燒腸粉(皮薄义燒不肥)，魚湯鮮竹卷(湯濃甜不咸)，糯米雞(傳統配料，糯有咬口)，芋角，牛肉球水也很好食，厨房我最喜歡干炒安格斯牛河，魚香茄子炆伊麫，新派厨房，用油適中不似老派手重！下次再分享海鮮餐經驗。

自從朋友帶過一次每次嚟西貢一定會嚟番呢間食海鮮態度有善 有時仲會大家講吓笑揀海鮮個過程感覺都唔錯唔會覺得佢哋為咗想貴啲呃你要啲重嘅真係會幫你揀新鮮 同埋推薦有啲乜嘢好食聖子超級彈牙 每次嚟到必點果皮鮑魚 果皮味道出奇地夾一啖鮑魚加少少果皮 回味無窮啲醬汁亦都加唔少分油焗蟹 屋企人好鍾意食我就比較鍾意食大閘蟹啦 哈哈雖然表面好油 但係食落去唔會啲膏味道都幾濃 肉質正常冇乜特別不過就比較麻煩食到成手都係好彩佢哋都有附送檸檬水清潔每次黎到食海鮮都會覺得放鬆 又喺正過海隔離唔會有一頸血嘅感覺😝雖然成條街都仲有好多間海鮮 但食過呢間都唔會想試其他8/10