兩三串串燒沙冰專門店

營業中

休息中

今日想食串燒，叫了foodpanda外賣，下單選了食物如下蜜糖燒鷄脾 ＄30燒鷄脾賣相超吸引，蜜糖汁塗上鷄脾外皮，超级惹味，而且燒得鷄脾外脆內嫩，真係超级推介鷄軟骨串 $16咬下去爽脆嚼勁，味道和口感幾好，配可樂或啤酒一流鷄腎串$19燒得十分彈牙可口，食一串真不夠喉蜜糖台灣腸$14皮脆肉香，蜜糖令香甜味更加突出

係香港食串燒真係唔平，呢間係我暫時食過最抵，而家質素又唔差嘅串燒店，價錢親民叫都叫得豪爽啲，唔駛就住就住🥰🥰🥰🥰🥰所有野大致上都滿意，雞泡魚干同墨魚咀份量超多，但墨魚咀炸粉偏厚，同埋佢係跟沙律醬，唔係太夾雞泡魚干嘅味道，好彩屋企有蛋黃醬😬😬共餘食物都係正常發揮👍👍👍係滿意嘅～～雞皮夠脆～茄子叫咗辣味，但個粉落得唔平均，有啲位好辣，有啲又唔辣，可以再改善少少🙈多春魚都係必食$30六條好抵，係出面食要$10條🤦🏻‍♀️牛舌又係勁抵食👍👍👍

住左喺慈雲山咁多年，有唔少嘅宵夜鋪，不過兩三串唯獨係我嘅最愛。佢哋嘅串燒種類好多，仲有炸物同解渴嘅鮮果沙冰，而且價錢又唔貴，非常之抵食。除咗串燒嘅種類好多之外，佢哋自家製嘅醬汁配搭唔同種類嘅串燒亦都非常出色。重點推介佢哋嘅燒牛舌同燒雞皮，牛舌燒到外面脆脆地，但入邊依然非常多汁，有啖啖的牛油香，而燒雞皮就非常脆，小小油膩感都冇，同出邊嘅日式燒雞皮唔同，唔需要點醬汁，少少椒鹽就好似食緊零食禁。而佢哋亦都有唔同嘅燒海鮮，價錢唔貴之餘，亦都好大隻，絕對值得一試。

其實經過呢間小店很多次，每次都停步细看佢貼喺店舖嘅食物相片，但礙於食店的座位和環境，總令我卻步。今次终於鼓起勇氣喺凌晨時分去試吓呢間靜觀已久的串燒店。雖然已經夜深，但是小店嘅生意卻越夜越精彩，可能呢區嘅老饕都係呢個時候出嚟覓食吧！我點咗好多款串燒，其實呢間串燒店吸引之處係無論食物的款式、種類，甚至飲品的選擇都很多，令人目不遐给。所以有選擇困難症嘅朋友都幾頭痕。當中一份三隻嘅燒雞中翼用上孜然粉燒，極之惹味，皮脆肉滑。烟肉腸仔卷及烟肉露筍卷，簡直係我嘅摯愛，可能我特别鍾意食加工肉卦，一串十五蚊！鹽燒鯖魚的質素與日本料理無乜分别，加埋檸檬汁食，更加將魚嘅鮮味提升，少咗份油膩的感覺。如果一條鯖魚份量太多的話，可以選擇叫半份，留返個胃試其他特色小吃。呢串燒魷魚乾的食味同時興隆嘅金龜嘜魷魚絲無乜分别，大家在此懷愐“昨天、今天、明天”吧！食完一輪肉後，總要回一回氣，燒韮菜和燒菠蘿可以中和油膩感。同時，帶你嘅味蕾去到另一個層次。我仲想介绍埋燒雞皮俾大家，師傅已經將雞皮的油份燒乾，所以吃時很爽脆。簡直係不可多得的小食，記得要試呀！天時暑熱通街食串燒，當然要叫返杯冰凍嘅飲品。由於我唔飲啤酒嘅關係，喺一般串

老實講 我個人都幾鐘意食串燒既 最好就加埋啤酒啦。大口食肉 大口飲酒 人生最痛快xd呢間串燒店比到呢個口味我 老實講佢既野食 一向都好有水準好好味 推薦比大家既野食係燒鯖魚同豬扒包呢2樣既都有共同點 就係好有口感同夠juice 岩我呢d鍾意大口食 大口飲既人

走過慈雲山毓華里這條食街，遇見這家小小的串燒店，眼發光了。一向對串燒沒有抵抗力的我，看到串燒店總會失控狂吃。串燒選擇很多，花多眼亂，叫了兩串最愛的加工肉，過一下口癮。等了差不多10-15分鐘才燒好。燒廚師腸燒得剛好，一點點焦，外皮微脆，本來咸咸的味道加上微焦的炭香，味道一流煙肉露荀卷通常都是卷金菇，這露荀卷比較新奇所以想試試看。想不到這個配搭也很不錯，煙肉燒得略油，但配上清新的露荀中和的剛好如果不是已經吃了晚飯，應該會再試其他，雖然等候時間稍長，但味道不錯，價錢算合理，入夜很多食肆都已經關門，這家開至凌晨，吃宵夜一流，最愛摺枱摺凳的浪漫

平時有幫襯開呢間串燒。今日先黎寫食評。其實佢水準 直好平穩。幾好食。唯獨是海鮮size實在太飄忽。燒扇貝之前好大粒。依家勁細粒。仲要收成$49兩粒。會唔會太貴呀?不過小區生意兼細鋪仔,服務都唔錯

我新搬黎慈雲山，晚晚都好夜番屋企。早幾日兩點鐘經過毓華里見到間「兩三串」，睇個名都幾特別就坐係度睇下有乜好食。睇張點餐紙價錢又唔算好貴，就點左個豬排包，焗金菇同墨魚鬚，加埋都係$50。個飽外脆內軟，沙拉醬同塊排好夾，熱辣辣。一打開份金菇，陣牛油味就飄出來好香，起初食好清淡，但加左辣粉後又另一番風味。最後到個燒墨魚鬚，加上沙爹汁後好好味啊！呢間舖細細哋，真係屋邨美食！

夜晚有少少餓，就落樓下食宵夜!呢間串燒絕對係我首選😋😋😋食物 有多種口味選擇!服務絕對係以客為先呀!而且仲係收凌晨3點我地兩個人食，第一樣係 蒜辣雞翼尖$16👍👍好夠大碟，又腍，又入味，越食越過癮!連本身唔食既友人，個個都讚呀！(已經推介過俾不少於5個)已經係我黎到必點既!第二樣，我地叫左牛油蒜茸焗金菇$18我地兩人都唔太鐘意太多蒜，所以叫店家放少了。你可以因應自己的口味同店家講講 唔好睇佢好少甘，其實份量都多嫁!第三樣就係我最愛既雞軟骨啦!$9每啖都有好香好香既油香味，越咬越香!另外有我另一喜歡-翠肉瓜!$8清清地，仲好juicy!最後係牛舌! $10薄薄地，有咬口，但又唔會好干!汁可以自己選擇!有幾種汁可以選擇!最後係超好食既-三文魚頭$48，皮絕對係不得不食，有焦香既味道，加上魚油，真係抵擋唔到!加埋啤酒，絕對一流!而且仲甘大隻，真係又平又抵食!附上餐單一張!!有沙冰嫁 但冇寫炸!