兩三碗餃子

營業中

休息中

路經慈雲山附近可以一試 質素不錯價錢合理煎餃係用鐵板上 煎餃食到最尾都仲係熱嘅餃子皮薄而且煎得香脆 餃子餡相當飽滿店內提供嘅辣菜脯充滿蝦米咸鮮味 推薦配餃子一齊食！另外仲要咗一份蕃茄薯仔湯餃 蕃茄味濃酸酸甜甜十分開胃湯餃雖然皮薄 但食到最後都無浸爛食得出係新鮮手工製嘅湯餃 非常有誠意下次如果再係附近食飯都會再選擇呢間餃子店

今日外賣透過外賣平台叫左白菜餃子及豆漿，餃子冇問題，但一開個豆漿已經有陣酸同臭味，打去餐廳，餐廳就話係因為換左供應商，但冇理由係會有陣壞既味道。佢仲話啲豆漿係每日新鮮運到，如果係就唔會有臭味，唔建議食呢間，個豆漿已經係壞左，餐廳唔應該比壞左既飲品客人！

長髮紮馬尾冇帶眼鏡後生個位店員態度特別差買個外賣搵佢點餐 啲態度好似前世欠咗佢咁其實唔想返工可以唔返 啲客冇欠咗你 🙂原本都好中意食呢間嘅餃子 但幫襯埋今次就夠了如果想貼錢受氣嘅 歡迎幫襯呢間店 👍

一開始真的好好食，就算lunch唔經呢到，都會專登叫外賣食。但質素愈來愈差，後來搬左呢到，呢條街真係又無咩好食，所以間唔中真係煮唔到又貪方便唯有去食，近呢兩次去食餃子，啲餃子皮浸一浸已甩，食物差左好多，環境比以前污糟，可能近來又雨季好多飛既昆蟲飛入嚟，擺枱面既調味料黐立立。同埋啲職員態度好差，唔係話要笑笑口，當然人地返咁多個鐘都辛苦，但問一句野唔駛態度勁差？其實「兩三碗」系列同一開始相比真係差左勁多，而家真係唔會再有下次。

睇咗網上評論走過嚟食餃子嗌咗蕃茄湯餃 芝士雞肉同埋西洋菜豬肉餃個湯係鮮甜 芝士雞肉一般般 無預期中咁好食西洋菜豬肉餃 豬肉同西洋菜嘅比例係好食嘅但係食到最後一隻餃 入邊竟然有條棉線👎唔知條線之前係做乜嘢用啦但係食到一半發覺有條線喺把口入邊嘅感覺真係好惡頂接受唔到啲食物可以有咁問題！

一路想試呢間舖好耐，上網睇餐牌款色多價錢唔貴！可惜今次去咗一次應該唔會再敢食，食到咁上下同行友人話：「嘩，咩黎架？」我一望過去隔離，好大隻曱甴係佢條頸度，係喺皮膚上面行🥹🥹🥹🥹轉過頭已經飛咗黎我心口！個吓驚謊已經難以用筆墨形容，我應該好克制咁嗌同撥佢落地店員即刻幫手捉走曱甴，但懷疑佢只係睇到曱甴係地，到我比錢講好大隻曱甴爬上我地身上佢先知道🥹公道講句淨係講野食係唔錯，蒜片牛柳粒好食，蕃茄薯仔湯都好飲（羊肉餃同芝士泡菜麻麻）。明白食肆始終難避免有曱甴，但成件事過於驚嚇，從天而降大曱甴，仲要上埋心口同頸🤯🤯同埋事後店員無任何反應，唔肯定反應唔黎定點，希望呢方面可以人性啲起碼都講吓唔好意思🥹對面後生女見到都極驚，睇到畫面應該好震撼🤯如果唔係有人一齊食，得自己一個遇曱甴上身我應該喊住走。

睇左IG介紹去買，好懷疑IG個KOL係收錢幫佢賣廣告，叫左煎餃同3餸面，仲有魚皮個面入面有嚿唔知咩肉，利申叫左蜆，蠔仔，同金菇only個面又好似未熟咁，勁硬囉跟住個蕃茄薯仔湯可以有洋蔥同蔥囉，勁奇怪啲餃子個皮又係勁硬，完全唔係俾人食既野黎個魚皮係唔爽口唔脆，仲要勁奇怪，有陣黐立立嘅嘢，好意思叫爽脆魚皮？買左200幾蚊外賣，垃圾桶表示食得好開心不過都見好多人讚佢好食，可能唔岩我口味啦，我就食唔慣垃圾啦

我平時好鍾意食煎餃，因為我好鍾意脆口嘅嘢食😝餃子有菜有肉，感覺上就算係煎餃，都好似健康啲。呢間餐廳位於慈雲山中心附近，叫做’兩三碗餃子’。佢價錢都幾平，雙拼煎餃八隻都係$45，加多$5有10隻。佢有好多唔同款嘅餃子，我揀咗韭菜豬肉同埋西洋菜豬肉餃。餃子嘅菜同肉嘅比例，應該係菜偏多嘅。佢啲菜好香甜，食得出好新鮮，而且啲肉唔會肥。最重要就係佢真係煎得好脆，鐵板上真係好有新意，全程聽到啲滋滋咋咋聲，而且好keep到個溫度，每嚿食落去都好熱！不過有樣嘢爭啲，就係佢個醋係紅醋，唔係鎮江醋。如果有機會再嚟慈雲山，我想試埋佢泡菜芝士豬肉餃同埋芝士粟米雞肉餃😋 同埋我會帶定自己個私伙鎮江醋😂🎀Melo‘s Rating: 🍑🍑🍑🍑 (5個🍑為滿分)

慈雲山啲餐廳大部份都好平民而且周圍學校做好多學生生意呢一間食餃子大部份都係$40-$50 相當抵食👍🏼 仲可以自加辣菜圃叫咗個自選生滾麵 ($48)可以揀三款餸 我揀咗豆腐、醉雞絲同埋蠔仔份量好多 豆腐好滑 蠔仔都幾大粒醉雞絲唔係雞絲 係普通雞件冇酒味 但味道都正常👍🏼麵有米線烏冬銀針粉同瀨粉揀咗烏冬 唔係煙靭烏冬 普通湯底揀咗蕃茄薯仔湯 幾香蕃茄味呢個價錢完全可以接受😎另外試咗個friend一隻芝士粟米雞肉煎餃好難得煎到出嚟入面芝士仲有少少流心好食！佢嗰個餐跟麵有五隻餃子 ($46)都好抵食👍🏼👍🏼👍🏼

鐵板牛肉粒真係好正啊！牛肉粒煮得嫩滑多汁，配上熱騰騰嘅鐵板，香氣四溢。每一口咬下，牛肉嘅香味充滿口腔，真係令人回味無窮。再加上他的蕃茄薯仔湯米線，絕對滿足飽肚。湯底是真材實料十分鮮甜，其實這間餃子舖的餃子也超好食，他的湯底是非常出色👍🏻👍🏻

通過外賣平台點餐，食物送到時仍然熱騰騰。煎餃子皮脆，餡料足，好味。烏冬配上辣蘿蔔，個人喜愛。湯分開上，還配有冬瓜，足料。豆漿不太甜，味道不俗。整體食物質素不錯，值得支持。店家更送上窩心祝福。

之前屋企附近幫襯開嘅餃子店都執哂，好食抵食嘅少至又少🥹小店雖然離我有點遠，但飽滿餃子平價抵食款式多🤩回頭率高啊👍🏻◂ ◂ ◂ ◂ ◂ ✐☡ ▸ ▸ ▸ ▸ ▸好多款都想食所以叫混合款，每款湯厎有兩款餃子(共10隻)，每款餃子皮薄且包有軟嫩豬肉😋1️⃣ 麻酸辣湯，湯底跟酸辣湯差不多，咸淡度剛好而且越食越覺辣🤤▸ 皇帝菜鮮豬肉餃好似第一次食有皇帝菜嘅餃子🤔，食落少少甜(菜嘅鮮甜)▸ 泡菜芝士鮮豬肉餃#芝士控 表示一咬爆漿，配埋泡菜咸咸辣辣好正🧀另有買現成返屋企煎黎食，但建議淥黎食的確會更合適🤣2️⃣ 鮮雞湯，湯底幾香飲落清甜▸ 韭菜鮮豬肉餃我唔好韭菜有得揀會唔食😂但比起淥個人更愛食煎嘅▸ 大白菜鮮豬肉餃最愛大白菜款因為母親大人都成日包大白菜🥰配豬肉好夾無得輸 煎餃雖然油少少但必叫，以石頭墊底上枱保溫，脆卜卜餃子皮餡料一樣飽滿😍▸ 招牌生煎餃：香芹芫茜鮮豬肉餃+韭菜鮮豬肉餃芫荽同韭菜我都唔愛食🫠兩者之下揀咗韭菜，幸好係配肉味道較易入口唔會太「臭」，母親大人會用蛋包所以味較「臭」🫣 另有叫其他小食同小菜：▸ 檸香酸辣無骨鳳爪，酸酸甜甜夠開胃，少少辣越食越上癮▸ 麻醬肉鬆凉拌豆腐，滑捋捋豆腐配麻醬好夾

用餐時間（3:47pm late lunch）食物 🍲諗住食餃子，但見有蕃茄薯仔豬骨湯底，決定試吓個湯飯。餸菜多選擇，有蠔仔、醉雞絲、豬腰、豬膶、豬粉腸（麻麻地內臟🐽）。最後叫咗肥牛、蜆、娃娃菜。上菜8-10分鐘，湯底夠熱，第一啖試試原汁湯底，落足料煲感覺無乜味精，晤錯 👍🏽，只嫌擺盤有點求其。肥牛一片片重疊住（熟嘅），娃娃菜琳夠入味，蜆有驚喜，一碗有15-18隻，大部份都鮮味，只有1-2 粒沙，同埋有1-2 隻個殼碎咗，蜆算洗得乾淨。.食到一半，再加埋個蝦米辣菜脯，令到成碗嘢更惹味提鮮，差唔多飲晒成碗湯。😋.餃子 🥟姐姐包緊餃子，本身諗住叫多碟煎餃，不過食唔落。見周圍枱都食緊，餃子煎到燶邊，有冇肉汁就唔知，下次再試。

一路以黎都幫襯開呢野兩三碗餃子，由佢新舖開張，一開頭以平同大大粒足料到之後開始出名了，都有少少名氣有youtuber 介紹中間餃子size 有一排細粒左少少，宜家叫回復正常la，而且愈出愈多口味不過老實講，質素就真係愈黎愈麻麻地！今日去到食左個湯餃，同埋試左個石鍋香辣煮蜆配烏冬湯餃上到黎個有幾粒餃子餃子皮未夾就已經穿左個石鍋香辣煮蜆真係極極極極極極極咸！！咸到好似食緊成堆鹽落口咁！都算la，問佢比碗熱水黎，個職員竟然話，冇。熱。水！ 真心想問句，一間舖頭點可以冇熱水？？！ 廚房點煮野食？？ 個職員話要熱水要去格離舖頭拎 （係ge，佢格離仲有兩三碗麻辣米線同兩三碗車仔麵） 而個職員好明顯係一副厭你麻煩唔想行去格離舖頭拎ge 態度la都算la，最後佢用左個細碗裝左個清湯比我地但食到一半清湯都變左做咸湯la，問佢拎多碗清湯格一格，個職員竟然話，只。會。比。一。次！唔會再比清湯！？？？家下你碗野煮到咸到飛起，連一碗正常熱水都比唔到，比碗細細ge 清湯仲要想要多碗都唔比？ 咩服務態度？？到底佢地有冇食過碗野係幾咁咸？真係好垃圾，太惡劣，冇影到咩相近年間野出名了，紅了，又開左幾間舖了，質素差了

好耐無黎兩三碗諗左一陣想要湯餃定煎餃最後都係叫返至愛嘅蕃茄薯仔湯有一舊蕃茄 兩大舊薯仔雖然係滾湯，但對我呢啲少湯水嘅人黎講已經好好仲要蕃茄味好夠 酸酸地岩夏天*西洋菜+羽衣甘藍 湯餃 $44/10隻餃子略嫌唔夠味唔知係咪預左啲客會沾醋/加菜餔食餃子調味好淡餡料打到碎哂 但又壓得實的的唔係啲肉打到起膠個種真係壓到實一實咁種唔係見住佢人手包我真係以為向工場用機啤到實一實先包餃子好似好細，但滿滿都係餡，好滿足！個湯飲哂，飲完唔口渴西洋菜同羽衣甘藍由於打碎哂，其實兩者好似 唔係用豬肉同墨魚肉都分唔到兩者大家可以避免叫差不多款嘅餃，分別不太大*因為隔左好一段時間，原來無左有醃蘿白個個自助區……