兩合海鮮火鍋飯店

營業中

休息中

街市熟食中心卧虎藏龍，細個嘅時候中意係依度食飯，久別重逢當然要大吃特吃，多數小菜一百蚊有找，十分抵食。茄子牛仔骨煲茄子煮得軟腍，牛仔骨亦夠入味，肉質唔韌，水準之上。平凡小菜韮菜豬紅小小辣，好開胃。椒鹽九肚魚即叫即炸，外脆內軟，亦唔會過鹹。家鄉蠔砵其實同砵仔焗魚腸相差唔多，不過焗蛋口感粗嚡，而且蠔仔量少，反而陳皮好多。油鹽水浸大蜆蜆肉肥大鮮甜，亦乾淨無沙。白灼墨魚味道清淡，配上Wasabi及刺身醬油，帶日式風味。比起大牌檔，呢度嘅室內環境較為舒適，更重要嘅係佢充滿童年回憶。

去朋友屋企耍樂完，就過黎食下野！一坐低，發現隔離檯係米雪姐，連佢都黎食，即係正野啦～朋友行左出去點菜，然後五分鐘左右就有得食！餐前小食有花生菜脯咸酸菜等等，同啤酒姐姐嗌左兩支啤酒，黎三支話飲唔晒再減。未飲完第一支已經幫你開第二支，以免佢再快手開第三次，都係cancel左先！我地四個嗌左幾碟餸，有蒜容豆苗，蒸扇貝，蒸帶子，蒸大蜆，生炒骨同埋豬紅！豆苗就比較老，但都OK既。蒸海鮮好好食！好新鮮！生炒骨不過不失，個豬紅微辣，又幾惹味喎～每一埋單平均百三，咁豐富，抵丫！

紅磡街市有三檔晚飯小菜，我們之前就幫襯另一檔，之後試了兩合，就時常來這裡晚飯，我鐘意這裡是因為似大排擋，即炒即上菜，D餸熱辣辣😋這裡都有火煱和打冷。溫馨提示：如果你唔鐘意人食煙，就要小心，因為好多人食緊飯或食完飯，都會食煙，他們都唔驚控煙辦😱，有幾次我都想打電話投訴，只係黎多咗，都見怪不怪了。椒鹽鮮魷－炸槳好薄，不太醎👍涼瓜牛肉－涼瓜唔苦，牛肉普通，味道都ok。油浸荀殼魚－炸得好香脆，魚肉鮮甜，連骨都可以食埋。腰果雞丁－腰果比較少，西芹香脆，雞肉都可以。鵝腸－又肥又新鮮，冇洗晒D肥膏，好好味👍咕嚕肉－炸得不錯，不酸不甜，味道正宗😋整體：食物夠熱，鍋氣夠，係地方不算乾淨。連3枝可樂及3個白飯，共$645

循著地址找過去，居然在街市的樓上，一出電梯真的是第一次見的景象。瀨尿蝦很新鮮 肉很多 鹵水鵝好好味 下面還有豆腐花生 很入味肥牛也好食茼蒿很嫩很綠 好吃 服務生大叔很親切 雖然普通話不好 儘量交流 還親切叫我們趁熱先吃瀨尿蝦 估計附近理工的學生沒幾個知道這裡的哈哈 三個女生吃的比隔壁桌三個男人還多。這裡很適合喝啤酒 菜都很下酒呢 會經常來的

飯聚份子開餐，喝點啤酒吃點東西，一樂也。啤了啤後，炒海鮮是必備的。蟹一定新鮮，爆炒得夠鑊氣，肉鮮而綿，只是份量較少，不夠那麼多張嘴。油浸荀殼，一般之作。魚肉不見得特別滑，不過又薑又蔥又油，那有不好吃的道理。鑊仔鮑魚又幾得意，以薑蔥炒是很有信心的做法，能做出鮑魚不靭仍有質感；但因鮑魚本身已很濃味，吸收不了多少薑蔥的香，其實可能清炒更能突顯鮮味。灼東風螺，無需太大技巧，只要洗得乾淨無沙，灼得不要過火，就吃到它的鮮爽，這兒是做到了。一口一粒，是吃不停的。乳鴿經滷過，入味是入味的；惟肉質不夠濕潤，稍嫌乾身，差了一點點。酒肉之夜，作為飯聚之選，總算不錯。

話說我地呢班哗鬼好耐無見！想揾個好坐可以傾計又好食！book間房5條哗鬼3仟幾吾化算！但有質素中菜吾会比你地咁嘈！最後诀定去幫襯左十幾年既大排檔！又feel .又可以開懷地食！必食拼盤乳鴿用新鲜鵝腸久菜太少！但味道不錯油鹽浸荀穀魚皮脆肉滑香蒜開边蝦加香菜必食推价沙拉骨配一流

我最鍾意坐大排檔，可以食得隨心輕鬆寫意講嘢大聲啲都唔怕，最緊要係個氣氛！！！喺紅磡做完嘢，同班手足去街市有冷氣嘅大排擋食埋晚飯。潮州打冷係我最愛，見最多人排隊呢間就呢間啦！　一坐低拼盆一定架啦！　最鍾意食紅腸～～普通貨色啦！最鍾意食呢個黑柏葉！爽口啲汁又好味！小炒我就鍾意食生炒骨。涼瓜牛肉；都幾有鑊氣。食埋炸子雞，鵝片好貴，叫半隻滷水鵝多d肉食，不過我就覺得好鞋口唔夠入味！再飲埋啤酒，吹下水講下粗口又一晚啊。想食個炒飯，三催四請先行炒，都炒得好乾身算合格。服務態度真係果然差到不得了，同食評講嘅都好吻合。

沒想到每款六十幾咁抵食，衛生都乾淨，野食質素不錯，卤水好入味但辣椒醬吾夠辣。魷魚炸得香口而吾油，魷魚本身都新鮮。沙拉骨沙律味少但豬扒輕輕炸左保持到肉汁係度。金銀蛋就一般，蛋係冇咩味但份量足，加枝大啤啤佢都不錯

朕約左一眾巴打黎呢度打冷海鮮，貪呢度可以無拘無束，可以啤酒粗口，一坐低就叫左個椒鹽鮮魷，粟米同埋賴尿蝦，用黎佐酒。個鮮魷鮮唔鮮朕就唔知，不過朕就知道佢一定夠味，又夠爽口，要黎佐酒一流。椒鹽粟米，聽落怪怪的，但係食落粟米粒又幾鮮甜，又有少少脆。椒鹽賴尿蝦，肉就唔多，不過炸得夠透又夠味，啜吓都過癮。豉油王中蝦，汁料夠濃，蝦先經油泡，再落鍋爆炒，火氣十足，蝦肉夠爽甜，味道一流。打冷又點少得墨魚紅腸，墨魚夠爽口，都係啤酒既涼伴。燒乳鴿，外表香脆，入面肉嫩，再加少少鹽，非常惹味！最後就係蒜茸蒸元貝，元貝夠大隻，鮮甜彈牙，蒸得時間剛好，唔會縮水同埋靭口，必食！－－－－－完－－－－－

近呢兩年都有幫襯紅磡街市頂樓嘅美食廣場一般都會系兩合兩合啲人串到爆粗口橫飛但係啲食物就OK啦潮州打冷嘢食幾好海鮮就貴啲同埋真係海鮮價通常我都唔知幾錢一樣淨係知道埋單如果十一二個人小菜海鮮連酒水要＄4000到扇貝更加係我每次必吃嘅同埋啲鍾意飲啤酒猜枚同講粗口嘅男人呢啲環境比較適合佢哋已經唔算貴比起酒樓抵食好多唔使加一又有冷氣

之前吃過1次覺得好好吃, 於是介紹比朋友, 點知上次太多人, 條龍好長, 朋友未能吃到, 今次就book 定位, 朋友終於吃到啦, but 可能期望太高? 定係師傅今次失手? 定係今天太多人? 朋友的評價話好一般, 公道d講, 雖然係我推介的, 但今次真是失準! 韮菜豬紅 : 味道普通, 唔夠野味, 豬紅唔新鮮, 有d 實, 韮菜又少滷水拼盤 : 都係普通, 滷得唔係好夠味椒鹽九肚魚 : 好吃, 好香口, 個粉漿唔太厚身, 魚肉好嫩滑, 正~ 椒鹽鮮魷 : 好吃, 好香口, 魷魚爽口彈牙, 大大舊, 啖啖肉, 正~ 蜆蚧鯪魚球 : 外皮淋左, 有d 失望, 好在裡面魚肉都幾好味彈牙, 而且仲好夠味, 唔洗點蜆蚧汁都ok蒜蓉粉絲蒸勝瓜 : 好香蒜蓉味, 粉絲索晒d蒜蓉味, 好野味, 勝瓜清甜, 可惜份量少左d 豉椒炒蜆 : 炒得好香好野味, 份量唔止少, 仲好多殼, 好少肉, 好失望薑蔥蠔煲 : 爆得唔算野味, 味道差d, 份量都係少乳鴿 : 好吃, 好香好野味, 又大只, but個皮淋左dd 除去今次的失準 & 份量少, 價錢係經濟實惠, 希望下次正常番啦~

暖暖羊腩煲，天氣比較冷朋友介紹到紅磡街市食羊腩煲人氣十分旺盛。原來訂枱的人來到都要等， 全場最旺的食市很多枱都點了羊腩煲味道濃郁而且羊腩真材實料，份量頗多而且食材新鮮，不會只得皮和骨和其它煲中的食材配搭得宜難怪這麽多人。胡椒豬肚湯顏色鮮明豬肚洗得清不會有太多的雜味亦沒有給胡椒的辣搶去。小菜大部份都不錯而且份量多，沙爹牛肉粉絲煲十分惹味，京都豬排和芝麻海哲雞則較鹹配粥品會比較好。

同場多數幫襯文記,今次轉場試試.叫左:菜乾豬肺湯,椒鹽鮮魷,香芋排骨煲,蝦羔蒸豬頸肉菜乾豬肺湯:一人都有3碗,菜乾味淡因煲得唔夠時間算可以嘅,反而豬肺好淋又好味.都算唔錯啦.椒鹽鮮魷:小有用大隻鮮魷做,爽口彈牙香口野味.香芋排骨煲:最差嘅一味,芋頭好硬又唔夠味,唔知點解個煲有好重檸檬味,排骨唔夠淋,味道好差.蝦羔蒸豬頸肉:超大碟,蝦羔味香濃用來餸飯一流,豬頸肉好淋又滑又夠入味,一流.整體:都唔平,味道都唔錯嘅.

相約一班舊友去大排檔大吃一餐, 就黎到紅磡熟食中心15人坐左一張大枱環境都係大排檔格局嘈吵熱鬧, 地面近海鮮檔所以比較濕滑要小心,食物質素夠鑊氣!所似所有關於要炒炸既食物都幾正, 好似墨魚餅: 煎得香脆但魚味濃D更好炒麵好夠乾身, 配芝麻菜絲吊味一流鮮魷, 魷魚新鮮若出面層皮更脆會更好炸大腸, 腸出面脆, 入面煙UN得黎好滑!炒蜆同炒蟶子個豉椒汁都做得不錯, 而且大大碟足料炸子雞味道OK皮夠脆, 但肉吾夠滑炸鯪魚球好正出面層皮鞋鞋地有咬口, 裏面既魚肉蓉熱辣辣得黎夠彈牙,再點蜆介汁, 正!焗魚腸都好正,出面焗到好脆而魚腸滑得黎吾鯹, MATCH番焗到比較硬身既蛋要黎撈飯！鹵水味食物好似鹵味併盤同鹵水鵝比較冇甘好, 始終吾係打冷.而且價錢都算幾平，可以再食！

有人話食街市係「蔗渣價錢燒鵝味道」，我就絕對讚同嘅，所以就同班朋友去咗呢間兩合食小菜，成班人聚舊打住牙絞咁食餸，d 兄弟情呀佬味呀簡直係大爆發咁！典型嘅街市餐廳 layout ，簡單裝修但無損氣氛！我哋有成 8 個人所以叫咗 8 樣餸，但今次就重點推介以下嘅兩款菜式！豬扒夠入味之餘，d 醬都好惹味，差d 就想嗌多碟嚟食！鯪魚肉夠爽口，feel 到應該都幾新鮮，完全無痴牙嘅感覺！成班人食飯圍起都係 6-70蚊左右就滿載而歸，正！