兩草 (銅鑼灣道) (已結業)

但日又係唔知食咩好，於是我地搭車搭到總站，落車係大坑行行走走... 我其實都睇左幾間(係openrice由灣仔search到天后... 呢間係其中一間shortlisted左...)，但都係睇下邊間吸引入邊間!可能係已經2點左右，有部分已落場，亦唔太想食其他，所以我地最後就黎呢間-兩草!入到去餐牌唔多，唔洗怕選擇困難症發作! 但我地去到無哂肉餅，所以我地只叫左個滑蛋叉燒飯. 又因為無哂蛋炒豬腸粉... 所以其實我地今餐唔多包，之後仲走左去掃街XD其實佢隻脆邊煎蛋只係5蚊係好抵，再10蚊一個飯，你唔夠食既話，咁都係加15蚊! 而且食得出唔係hea做，只係坐位有限，坐得唔太思服，咁但係咁既價錢，同整潔度，其實佢既CP值都好高下!

已經轉左親舖，唔係星期日中午黎食要排一陣隊，餐廳入面有幾張圓枱，所以同兩三個朋友黎食一定要搭枱的。小店都係主打幾樣食物，唔係好多選擇。我地兩個人叫左3樣比較出名既野食。就係香煎蛋脆邊煎肉餅飯，蛋炒腸粉同肉骨茶。本身見到出面玻璃d相有介紹馬來黑咖啡，好想試，不過佢話已經無賣。咁講返碗飯，其實好細碗，不過$30都預左係細碗既。個蛋煎得好靚，岩岩好個碗既size係好吸晴既。但個肉餅唔算煎得好香，好似只係煎左幾下咁，唔夠香口，大坑有間茶餐廳都有煎肉餅飯仲好食。不過最重要佢有d秘製撈飯豉油就好正喇，枱上仲有一支比你任加，所以都算滿足。蛋腸粉一碗都算多，岩岩炒起好熱好好味，而且炒得好香，我再加埋撈飯豉油食，更加正。肉骨茶唔算出色，一碗入面有3條骨，但d骨係無色無味既，要自己點返枱上既豉油食，同出面唔同，出面多數骨都入哂味唔洗點醬油既。今次無試佢另一個招牌滑蛋叉燒飯，因為覺得好普通。依家好多餐廳都有得食。

I ordered the wrong dish 😭 I thought The char siu rice bowl also came with a fried egg, but the fried egg only goes with the pork patty (( I realized after ordering and asked if I could change my order but they were already making it 😭 I also wanted some veggies as a side dish but they were out the dish was smaller than I expected; it was a bowl of rice with scrambled egg and char siu, topped with green onions, doused in soy sauce. It was really good though and the amount of soy sauce was just

中午時段，得悉兩草搬鋪後來一嘗午餐。價格、菜式一如往常，價廉款式不多，二人點了滑蛋叉燒飯、豬腸粉、咖央多士、羅漢果茶。先來的羅漢果茶，色深味濃，$20/杯。咖央多士咬口脆但不熱，味道較以往的遜。滑蛋叉燒飯，蛋滑，配上豉油味道住家，推薦。豬腸粉以往蛋多，現在的似炒腸粉，難再找到蛋絲。

如果吃膩了日韓泰菜，想簡簡單單填飽肚子，不妨試試看這家在銅鑼灣的兩草！這裡選擇不多，主食只有脆煎蛋肉餅飯、叉燒蛋飯、還有肉骨茶可以選擇！雖說是簡單的食材，但是味道非常棒👍🏻脆脆的煎蛋配上香嫩的肉餅，再滴上幾滴秘制醬油～幸福就是這麼簡單！肉骨茶非常入味，濃濃的胡椒味，在這種寒冷的天氣帶來一絲溫暖❤️排骨燉得非常入味跟軟爛，一口咬下去，肉就輕易地從骨頭分離出來。不要看這麼一小碗，份量還是足夠一個人吃的！

簡簡單單食一餐都可以好幸福😚【兩草】既定價平民貼地 係糧尾首選‼️香 煎 脆 邊 蛋 肉 餅 飯 🍚 $30堅脆邊既太陽蛋❗️好花功夫 而肉餅薄身 較普通白飯配上自家製豉油 飯既質感較淋身～雖然睇落細細碗 但食落都好夠飽啊😳蛋 炒 豬 腸 粉 🍳 $20腸粉滑身 加左蛋去炒 味道較淡 偏油膩份量亦比較少🙌🏻胡 椒 肉 骨 茶 (小籠包) $30湯色深 係胡椒味超重既肉骨茶‼️個人都係偏好馬來西亞式藥材味較重既肉骨茶🙈小籠包表現相對較好 肉質嫩滑 多汁🤤

—- 好味指數:7/10肉餅真係好出色 野味得黎又唔會話太咸 肉汁就略為遜色 如果個蔥能夠有爆香感 絕對能為此食 增添好味指數［蛋炒豬腸粉 $20］—— 好味指數：8/10 小編都幾推介呢個腸粉 一食就叫食唔停口既感覺 佢既醬汁幾特別 唔似淨係落左豉油 所以都幾推介 —-好味指數:7/10胡椒味令肉茶骨味不是太濃 小龍包皮薄餡靚 多汁 亦尚算不錯 — 好味指數: 8.5/10小編最愛食呢個了 真係又邪惡又一流 多士好香脆又薄皮 加埋個醬 真係冇得彈總括而言，好值得試既平靚正之選

肉骨茶可以話係星馬嘅平民美食，但當肉骨茶嚟到香港，就變咗上等菜（同泰國船麵一樣），貴得嚟味道仲要好參差。今日同M佬去到位於大坑，由舖搬到去大舖嘅人氣排隊餐廳兩草，餐牌選擇雖然唔多，但價錢大眾化，主菜由$20起跳，驚喜係連胡椒肉骨茶都只係$35，價錢就夠晒貼地，唔知味道又點呢？斑蘭咖央多士烘到好似餅乾咁香脆嘅多士，中間夾住牛油同椰香濃厚嘅咖央，一口咬落去，就被佢嘅椰香溶化，好有罪惡感，好好味。滑蛋叉燒飯份量唔多，以女仔嚟講都算夠飽，半肥瘦嘅叉燒切成長條型，再混入豬油、加埋半熟嘅滑蛋、蔥花同甜豉油，豬油令呢碗飯嘅香味十足，但就無咩味，我哋要不停加入枱面嘅豉油調味。另外，而切咗絲嘅叉燒份量唔多，口感欠奉。胡椒肉骨茶眾所周知，肉骨茶有主打藥材味嘅馬拉門派同主打胡椒味嘅新加坡門派，但呢間我就分唔清楚喇。藥材味同胡椒味都唔濃，係淡口味之選，不過，以$35價錢嚟講，仲有三條骨，都叫合格。不過，順帶一提，胡椒肉骨茶係無包到白飯，要另加$10。

首次來兩草, 發現搬咗舖, 幸好新舖相當近, 根據店舖資料, 只需前行約70步便到。舊舖新舖新舊兩舖風格不同, 舊舖走懷舊茶檔路線, 新舖走簡約路線。食物方面選擇不多, 勝在製作夠用心, 價格親民貼地。(肉骨)胡椒肉骨茶 $35胡椒肉骨茶的肉骨煮至骨離軟腍, 湯頭味道辛濃但清澈, 雖然是奢望, 如果湯可以免費refill或加少少錢添飲就好了。斑蘭咖央多士 $20咖央多士烘至香脆, 咖央醬多至流出, 味濃惹味, 值得encore。蛋炒豬腸粉 $20腸粉以葱花跟雞蛋炒至乾身, 味道稍淡, 但不油膩。香煎脆邊蛋肉餅飯 $30蛋煎至燶邊, 蛋黃80%流心, 肉餅煎得香口juicy, 店舖更準備了撈飯醬油供客人自行添加, 細心體貼。

我今天放假經過大坑銅鑼灣道， 見到一間懷舊餐廳叫兩草就畀佢吸引住入咗去見到個餐牌野食唔算多，我叫咗個滑蛋叉燒飯同埋馬來西亞咖啡，個滑蛋叉燒飯啲蛋煮8成熟好滑， 仲有少許流心加埋蛋絲同䓤好惹味，仲可以試下馬來西亞咖啡好香濃咖啡味。

最近比較窮，所以想找一間平價餐廳食午餐，於是就去返這間上次食過覺得唔錯的小店。佢搬左去隔一條街的鋪位，地方大左、寬敞左，但個裝修就冇以前咁有特色。今日我叫左滑蛋叉燒飯。講真，個飯的做法真係好簡單，但廚師明顯放左好多心機係細節度。首先有蔥花鋪左係飯面，所以食落會有啲層次。其次，啲飯煮得非常煙韌，好有咬口，叉燒亦唔會太瘦，夾埋一齊食，係有鑊氣，而且廚師亦都唔會落得太多鼔油，所以唔會太咸。以$30來講，質素極高。