八妹雞煲

營業中

休息中

一坐底叫左個大腸雞煲 同其他野打邊爐 食左一個鐘左右碟手切牛仲未到 其他野已經食得7788 問個姐姐碟牛系咪無落到 如果系可以唔需要 佢話等陣睇下先 之後走左去 隔左5分鐘左右經過我張枱 自己講左句系喎 就走埋落單個位度 我就即刻同佢講 靚女碟牛無落就唔洗加啦 我就快食完啦 之後佢當聽唔到咁搵反我落單個張紙入電腦 我望住佢入機然後我話未落既唔洗落啦 佢就話一早落左啦 㕑房切緊啊 之後唔夠兩分鐘就拎左碟牛出來 我好肯定系由雪櫃拎出來唔系啱啱切

💁‍♀️💁‍♂️ 19/4/2023(Wed), Dinner🍽繼續大埔既搵食之旅，今次為食妙妙同A先生去到舊墟直街既八妹雞煲食雞煲。餐廳裝修充滿本土風情，佈置成舊式香港🇭🇰既戲院🎬、大押、理髮店💈，好特別。而今晚我地order咗：🔆 花膠雞煲（半隻）（中辣）（$238）入面有半隻雞既雞件、4大件花膠、芫荽🌿、紫洋蔥、辣椒🌶️、芹菜等香料，上枱時侍應會幫我地再煮多一陣，兜勻所有食材同醬汁，同時又避免花膠痴底。煮既時候香氣四溢，深啡色濃濃既醬汁完全沾滿所有食材，醬汁集香、辣🔥、甜於一身，食落味道辣辣地又帶少少甜味。先試一件花膠先，都好大件好厚身，入口淋滑帶點彈牙，花膠本身無乜味道，靠既係醬汁既調味。呢件花膠吸收咗醬汁之後，辣得來又帶少少甜，好食😋。再試一件雞件，煮得剛熟嫩滑，醬汁滲入雞肉入面，食落惹味，即使係雞胸既部位都唔會嚡口。食到咁上下就可以加湯去打邊爐，每枱都放咗一樽奶白色既雞湯喺枱面，加入雞煲之後滾起就可以放其他打邊爐既食材去烚。🔆 八妹拼盤（$85）今晚既八妹拼盤有皇帝菜、蕃茄🍅、南瓜🎃、海鮮菇、BB蘆筍、粟米仔、秋葵同埋娃娃菜。蔬菜🥬都好新鮮，秋葵吸汁一流，輕輕烚一至兩分鐘就爽口又

一直都知道大埔有一間非常好味嘅雞煲，身邊幾個朋友都有介紹過，今日終於都如願以償，可以去探店👍🏻睇返餐牌，價錢合理，選擇頗多🤭醬油區除咗一般醬油之外，仲有特色小食😋竹蔗茅根～非常夠味，係眼見既足料😬店員奉上主角，惹味嘅香味撲鼻而來，除咗有不同香料之外，亦有洋蔥、芹菜、芫荽等等⋯⋯而家雞件非常厚肉，半隻份量已經非常飽肚😋食完雞之後可以加湯再打邊爐，本身已經非常夠味，基本上醬料都冇用過😆混丸～每款丸有兩粒，啱晒一枱兩位，樣樣都可以試到啲，冇咁悶🤣響鈴～響鈴非常肥大，層數亦比坊間嘅多，更加可以食到響鈴嘅多層口感👍🏻同時亦非常新鮮😊鮮蝦雲吞～雲吞餡料十分豐富，既有肉香，亦有蝦嘅彈牙，可以講係皮薄餡靚。滑牛～打邊爐唔一定要食肥牛，其實食滑牛會更加健康，而且味道非常不俗，十分推介👌竹笙～吸晒湯嘅精華，非常入味，而且質感非常爽口😬

今日同媽媽去左試八妹雞煲，果然聞名不如見面，好好食！❤️❤️🤤好彩6點就到🤗🤗好快就已經高朋滿座！食物:🌞秘制八妹雞煲❤️❤️❤️❤️❤️我哋叫左小辣，雞煲的醬味道好濃郁，辣度適中！混合左芫荽、乾辣椒、洋蔥一齊炒，應該係即叫即炒，雞肉質地嫩滑，每塊雞都啖啖肉，好滋味！食完雞煲，每張枱都準備左湯，可以加湯做火鍋湯底，個湯係奶白色，唔係水，真心要讚！👍🏻👍🏻🌞美國雪花肥牛肥牛嘅份量真係好多，係有幾層，油花分佈都均勻，而且牛味都重，口感唔錯！🌞墨汁墨魚丸超級好食嘅墨魚汁，好彈牙，應該係手打墨魚丸，咬開見到墨魚粒，好好食，世一墨魚丸！❤️❤️👍🏻🌞脆肉鯇魚片新鮮鯇魚片，媽媽讚不絕口，肉質爽脆、結實！🌞八妹拼盤蔬菜拼盤，內面有皇帝菜、蕃茄、南瓜、粟米仔、娃娃菜等8款，好豐富！一次可以食到8樣菜！而且都新鮮！🌞竹蓆茅根水足料茅根水，而且夠冷，同雞煲一齊食真係絕配！👍🏻👍🏻整體來講，雞煲真係好好味！而且火鍋配料全部都好高質，完全對得住個價錢！下次會再同朋友一齊食，希望可以試埋其他野！🤭😝🤤

雞煲小編都只係鍾意食兩間，兩間都係大埔嘅，呢間點解咁鍾意呢，因為夠濃味，而且甜甜地，雞又夠嫩，唔明白點解可以冇分店，真心推介大家過嚟大埔試一試，因為一定所有大埔友都食過👍🏻誠心推介，而且裏面嘅姐姐都好好，服務態度唔會差

八妹雞煲一直喺大埔人氣之選，今日特登走去試下😋一入去望到裝修，好有舊香港風味👍🏼🌟自選醬料區除左一般火鍋醬料，仲有炸花生同另一款脆卜卜任食小食，好食到停唔到口😆🌟秘制八妹雞煲(半隻雞)今次試吓中辣，一上碟已經可以即食，超級香濃惹味，中辣都唔會太過辣。而且雞肉好嫩滑，一啖咬落去香濃醬料充滿每件雞肉之上，正👍🏼🌟黑豚豬大腸豬大腸迷必試，放落雞煲醬到好夾，一啲都唔韌🌟鮮滑牛肉牛肉真係好大碗，兩個人食都食唔曬。最驚鮮牛肉嚡口，但呢份真係好滑同軟林叫左好多野食，一於俾大家睇吓大合照😆🌟鮮蝦雲吞，雲吞大大粒，仲有啖啖蝦肉🌟脆口墨魚鬚，淥兩淥就食得，真係好爽脆🌟即炸響玲呢個響玲唔係出面普通響玲，大大件脹卜卜，新鮮炸出嚟好味好多，放落雞煲湯底到淥兩下充滿醬汁😋😋必食推介😆我地仲有叫一揸竹蔗茅根，清甜好味👍🏼整體嚟講，八妹真係好惹味，無論係火鍋配料定係青菜大碟抵食😋同埋款食又多，可以俾大家參考下菜單

今日入咗大埔探朋友順便同朋友食餐飯,佢帶咗我去佢屋企附近嗰間雞煲,味道真係好正。八妹雞煲,地址喺大埔舊墟直街4至20號美新大廈地下,去到餐廳地方好闊落空間感非常足夠,望落去又整潔又乾淨，喺度食飯感覺真係好舒適。雞煲微辣 268元,一上枱已經聞到雞煲嘅香味,雞件分量好多仲要好入味,配菜有芫茜,洋蔥,味道好出,入口有麻辣嘅香味同雞嘅鮮味,雞肉仲有係好嫩滑煮到啱啱好。食完個雞煲就可以加少少湯打邊爐,其實食完個雞煲都有啲飽,所以唔係嗌咗好多嘢。點咗個滑豆腐,唐生菜,芋頭,竹笙, 我哋特登嗌咗幾樣嘢都係索啲汁嚟食,因為個雞煲味道調校得啱啱好,最正就係竹笙,食落去又爽口又有麻辣香味。另外芋頭味道都好香配埋個麻辣汁真係一流。朋友果然冇介紹錯,呢間雞煲真係好好味,性價比又高,食材新鮮 。100分

八妹雞煲喺大埔，係一間主打四川川菜嘅餐廳。呢間餐廳嘅裝潢好有特色，大堂嘅牆身攤滿咗紅色嘅條幅同埋各式各樣精美嘅字畫，啲氣氛好濃郁。用餐嘅時候，服務員好熱情同埋周到，不時會問下客人嘅需要同埋飲食習慣。呢間餐廳嘅招牌菜係雞煲，呢道菜受歡迎程度好高，所以要提前預訂先可以食到。雞煲上桌之後，就會散發熱氣騰騰嘅香味，好食唔停。入面嘅雞肉好嫩滑，配上竹笙、響鈴同埋其他材料，味道更加豐富，好好味。除咗雞煲之外，呢間餐廳仲有好多其他美食值得一試。西班牙黑豚豬腩片就係其中一款，呢道菜用黑豚豬嘅腩肉製作，肉質好鮮嫩多汁，配埋萵筍，清爽可口。如果鍾意食辣嘢，可以試試四川風味嘅川辣牛肉麵，呢道麵條好爽滑有彈性，加埋辣味十足嘅牛肉湯汁，好開胃。最後，都要提返餐廳嘅服務啦，佢哋好細心，會根據客人嘅口味同埋需求推薦啱啱哋嘅菜式，令客人嘅用餐體驗更加愉快。總括而言，八妹雞煲係一間好值得推介嘅餐廳，無論係同家人朋友聚餐定係商務宴請，都好啱啱哋。

以前住大埔 成日都過去八妹雞煲度食而家雖然唔係住呢區 但有時都會記住佢嗰種獨一無二嘅雞煲味錢㗎呢排天氣凍凍地又抽起條筋，特登入去大埔食咁多年來都仲係keep住咁高質嗰種秘製嘅香味 真係喺第二間雞煲舖度食唔到同大家開心share下啲相先Menu & drink menu嘢飲方面 10分推介大家飲竹蔗茅根水同椰汁冰超大杯打邊爐，最緊要就係飲嘢依個size同其他雞煲店真係有分別！好抵飲醬料方面，就係自己出去不嘅仲有啲脆卜卜做餐前小食主角嚟啦！半隻雞煲！順帶一提 雞煲嘅難道係可以選擇的我哋就係今次嗌小辣味道好濃正呢個A Cup安格斯肥牛 真係好香肥牛味雖然價錢都唔平成$200先嗌到碟小嘅但真係物超所值！呢個芝士豆腐本身係有多啲嘅但係佢一嚟到我哋就迫不及待食咗唔記得影相呢貼魚皮餃本身又係多啲嘅 又係偷食咗嚟到八妹雞煲 招牌雞煲同埋肥牛，真係必點食個包你返尋味除咗食物之外 員工嘅服務態度亦都一流食完啲雞 侍應會即時問你換唔換下隻碟好好服務無論係咪住大埔嘅 都好應該嚟試吓呢間八妹雞煲

🎈食物：🌕🌕🌕🌕🌕朋友話轉凍，想食下雞煲，記得好耐之前食過八妹雞煲印象係幾好食既，所以就推介左佢同朋友一齊食，果然無令我失望，味道同之前一樣咁好食，特別係響鈴，佢個響鈴同出面食既響鈴係唔同架，特別好食🤤，值得叫。陳皮魚蛋都好足料，好香陳皮味🤤我地主要叫左八妹雞黑豚大腸鍋，大腸同雞都好入味，味道濃郁🤤，餸就叫左烏冬、海鮮芝士豆腐、紅薯粉同油麥菜，d餸份量都幾多，而且係好新鮮，唔係cheap野，食完超飽der 。現場有個小area自助整醬料同有小食任食。野飲叫左一樽竹蓆茅根，超好飲的，好足料🤤🤤🤤🎈環境：🌕🌕🌕🌕🌕現場好懷舊，幾有特色，打卡一流，現場都幾大，好多位😁🎈服務：🌕🌕🌕🌕🌕現場既姨姨都好好人，好有禮貌👍🏻重點一入去，會比盤熱水你洗野，好岩我呢d鐘意乾淨人士😂🎈回購：🌕🌕🌕🌕🌕一定會la😁

雖然雞煲嘅餐廳開到成行成市，但係八妹雞煲嘅調味係與別不同，唔會剩係得咸同辣，有種特別嘅味道。所以每次嚟食都覺得好開心😁😁而且佢啲配料每樣都好足料，除咗牛肉會比較貴，其他價錢都係有一定CP值，岩4個人份量，可以試多啲配料。今次兩個人食，所以唔試得多。半隻雞煲叫咗中辣，但係都唔係話好辣，下次可以試下大辣。雞肉都嫩滑，調味好食。即炸響鈴超正，每次都要食🤩脆骨腩新鮮，特別腩骨同尾位又肥又爽😋😋萵筍同金菇嘅份量唔算少，正常質素鵝腸清潔得乾淨，而且份量多難得有手切肥牛就唔叫安格斯，叫咗細份，勁好味又肥又嫩口白飯餐單好似無，要自己叫，13蚊一碗，我係飯桶😂 想食飯多過烏冬飲品叫左大枝啤酒同大杯凍檸茶，都係30幾蚊無論天氣熱定凍，都可以食八妹雞煲🤣

朋友話好想食雞煲，見近近地就揀左呢間食，最好笑朋友見到有大腸鍋即轉😂呢個煲有雞同大腸，兩樣都食到仲要好好味Menu（朋友見到有八妹雞黑豚大腸鍋即刻轉😂）我地order左美國雪花肥牛芝士小籠包油麥菜金菇野飲揀大大枝天地壹號食評：首先，八妹雞黑豚大腸鍋$238雞肉好嫩，入哂味，仲要有埋大腸，全部材料越煮越惹味（加左小小湯會彈到周圍都係，建議打邊爐個下先加哂湯入去）到食到差唔多就加哂所有湯，然後打邊爐😋😋美國雪花肥牛同其他邊爐食到嘅牛唔同，佢唔會太油但保持肉嫩，推薦芝士小籠包好香芝士，會爆漿，食嘅時候小心最後叫埋油麥菜同金菇，新鮮同埋洗得好乾淨天地壹號好飲👍🏻最後想特別讚，全部野食好新鮮，性價比好高

香濃沙爹湯底 $98平時食八妹雞煲都會食雞煲配秘制麻辣醬，今次就試下沙嗲湯底，沙嗲湯底香濃，配以牛肉同公仔麵，好似自己整咗個沙嗲牛肉麵出黎。鮮滑牛肉 $55原本都諗緊食邊款牛肉好，但一叫咗沙嗲湯底，就即刻叫埋鮮牛肉，鮮牛肉牛味重，而且食落比較彈牙。蟹子墨魚滑 $96打邊爐緊係要叫手打墨魚滑，墨魚滑彈牙，唔會太實。美國桶蠔 $168每隻蠔都係肥嘟嘟，就算煮完都唔會縮。羊肉片 $60食落好有羊味，份量亦都好大碟。響鈴 $50打邊爐必食食材，八妹雞煲既響鈴出名大舊舊，擺落邊爐三秒都唔會浸淋晒成個響鈴。

高質足料秘制雞煲🥕秘制八妹雞煲半隻$168⭐️⭐️⭐️⭐️⭐️真係好足料，係完美既半隻雞，雞非常嫩滑有雞味，而且非常入味。叫左微辣係🐰同朋友可以承受既辣度，花椒好香又有微微既麻麻感覺真係好惹味，仲有好多洋蔥同芫荽令雞煲更加香！食晒d雞就可以攞枱面上既湯加落雞煲度跟住打邊爐🥕美國雪花肥牛(小)$128⭐️⭐️⭐️⭐️☆都有好多片，都幾重牛味，脂肪分布均勻🥕西班牙黑豚豬腩片$70⭐️⭐️⭐️⭐️⭐️層次分明，非常肥美脂肪感好正，放入口真係好滿足！🥕羊肉片$60⭐️⭐️⭐️⭐️☆非常重羊味，又不會太羶，而且非常嫩滑。🥕青口$58⭐️⭐️⭐️☆☆有6隻大大既青口，幾新鮮，口感不錯。🥕娃娃菜$35⭐️⭐️⭐️⭐️⭐️娃娃菜十分新鮮，又夠大份，吸晒雞煲汁勁惹味。🥕出前一丁$22⭐️⭐️⭐️⭐️⭐️食親雞煲一定會叫呀～完美索晒雞煲既湯汁就係正！🥕泰國粉絲$22⭐️⭐️⭐️⭐️⭐️完美索晒雞煲既湯汁，勁香濃，而且快熟爽口，好正！🥕凍檸柑桔$38/杯⭐️⭐️⭐️⭐️⭐️真係好大大杯，叫左少甜，表面有2粒話梅，幾香柑桔味，非常解膩。🥕可樂$17/罐⭐️⭐️⭐️⭐️⭐️每位醬油費$12有🐰最愛既芫荽、辣椒粒、辣椒油、蔥花、蒜蓉、乾蒜同埋豉油，而且仲有花生同埋三角脆任意添加。店舖裝修到好似去左大排檔

通常啲雞煲一上枱，都要煮多5分鐘，八妹雞煲一到便已經食得，哇！！好多芫荽，我的最愛，芫荽配雞煲，簡直絕配👍😋非任食雞煲，通常我都會比較有意見，這間的雞肉肉質及雞煲醬，都無可挑剔，雞肉多肉嫩滑，雞煲醬更能升上我心中top3排行，加上勁多芫茜😍😍麻辣味不只流放表面，已經滲入在雞肉當中，一定會再來另外叫了-👍必食項目A級安格斯肥牛/美國雪花肥牛/👎🏻鵝腸（腥）/雙拼蚌/墨汁墨魚丸/梅林午餐肉/👍野生竹笙/👍萵筍/👍芝士小籠包/👍日式芥辣貢丸/👍即炸響鈴/👍即炸魚皮/蟹柳/蜂巢豆腐/👍麻辣花生（任添）美中不足，第一轉太多湯打邊爐，湯底已經變得很淡😅不着緊，有下次😂😋