八居酒屋 (天文臺道) (已結業)

食物同環境都非常好呢！！！！讚讚😋😋😋😋食物嘅賣相都好好🤣影相打卡啱晒又好食😆😆最推介係豚肉蕃茄卷🤣本人超級喜歡，次次都叫4串黎食，唔食唔安樂🤣🤣🤣🤣

天氣涼涼地 坐室外 感覺幾好 芥末八爪魚用嚟送酒一流👍酒煮蜆：啲蜆肉好鮮甜，酒煮蜆個湯啲酒精揮發晒可以當湯飲埋。都好鮮甜。鵝肝法包：鵝肝有啲汁配搭件法包🥰正👏仲有配沙律菜😋清一清鵝肝嘅油膩感。都幾細心👏👏

 第一次寫食評，竟然係負到爆炸嘅負評！上星期五同男友幫襯呢間，發生極不愉快事件，結果攪到報警收場，唔會再幫襯！😡事緣係我地坐室外座位，食到一半有啲熱叫個女侍應拿兩杯冰水，佢木無表情咁話無冰水，咁室溫水啦！結果拿來兩杯用啤酒杯裝嘅水(斟生啤果款有耳杯)，不為意飲咗啖卻是滾水，即時吐又唔係呑又唔係，結果呑咗即時感覺喉嚨灼傷，要求餐廳負責人出來對話，結果等咗45分鐘才有個經理出來，扮唔知問咩事，我男友要求話如果我喉嚨灼傷睇醫生要佢地負責，佢話唔到事要問老板同保險先，結果又等咗一陣佢話問過保險公司不會負責除非你地報咗警先差人跟進！即時慶到呢...咪報警囉！奇怪的是隔離枱用日式茶杯裝滾水，點解個女侍應用有耳啤酒杯裝滾水比我地，又唔講聲小心滾水好熱？灼傷後另一個侍應又拿來杯室溫水比我？ 燙傷咗客人點解個女侍應一句道歉都無呢？呢間餐廳唔好講話食物有幾好食，就睇個經理同侍應嘅態度，任你幾好食都唔會再幫襯！

今天在公司食外賣lunch 😊 就試下一間未食過既定食居酒屋，外賣黎講加埋運費唔算好貴 (而且有discount)先講包裝，我覺得幾好，冇漏瀉，d 盒表面全部乾身麵豉湯用左咖啡杯黎盛載，好聰明👍🏻叫左雞扒鹽雞定食，因為減肥 🥲 想補充多d 蛋白質做營養雞扒燒得幾好食，配上檸檬汁，冇咁熱氣開頭見到嚇親 😐 中華沙律同沙律菜放埋一齊，好驚兩樣汁會溝埋一齊變到好核特好難食，但好在中華沙律冇準，乾身，就冇哩個問題🙂中意食定食既人黎講，飯係好重要，佢係用左日本米，不過可能外賣既關係，都冇咁軟熟，一般般啦。外賣黎講，我下次都有機會再食👍🏻都OK

晚上預約左睇電影, 一放工就係尖沙咀附近快食dinner. 友人工作壓力太大, order左隻sake relax下. 店員推薦呢枝Koshu Yamabuki, 有淡淡茶香味, 好易入口, 不錯之選. 餐廳提供好多菜式, 可惜我哋胃口麻麻, 就主要order串燒佐酒. 清酒煮蜆: 好清甜, d蜆好鮮又肥美, 無沙.串燒: 雞軟骨, 豬腩肉, 免治雞肉中規中矩, 無咩特別. sashimi : 麻麻啲, 刺身未完全融雪就上枱, 硬冰冰咁, 感覺不太新鮮.

地點方便，3次都係同友人黎倾計幫襯。有預先book位，可以好快就進入。食過既燒雞類同蔬菜類都非常唔錯。秋葵、冬菇、蘆筍、牛肉、雞翼都快又正，唯個人不吃海鮮，由朋友嘗試，他們表示還是肉類比較好吃。同等價錢 ，均絕對會選擇食吃牛肉。環境不鬆動，但也沒有非常壓迫，只是隔離枱會聽到你哋講嘢。而且客人好多會keep住有人入，所以相對私隱度比較低。但正正咁遠先貼合佢居酒屋嘅風格，如果枱同枱之間距離可以預返少少就完美。

見依間餐廳外面望入去好令，所以今日lunch就黎試。午餐都幾貴，最平嘅set都要$88起，但只係燒鯖魚飯。店員安排咗坐一角嘅枱，跟住有隻蜜蜂係咁飛過嚟🙁等咗四五個字先有野食，鯖魚不過不失，燒得有少少過熟，所以肉有啲柴。最後上埋個甜品，竟然係頹爆嘅啫喱，超失望，食咗一淡放低咗。總結依間餐廳性價比好低。

整體食物是不錯，尤其牛舌，燒得剛剛好，還很Juicy。但最奇怪係食食吓，服務員拿來兩小兜毛豆，有沒有說什麼就放下。埋單時才知道每兜收$22+10。對，我沒有問清楚，但我也覺得有些搵笨。這令我有些不快，覺得中伏。為了20幾蚊，惹來這樣的評論，值得嗎？

星期六同個friend係尖沙咀上完瑜伽堂 係附近行來行去見到呢間居酒屋🏮有幾多嘢食 重點係有唔同種類嘅酒飲😆😆有汽柚子酒 no good 😔其實尖沙咀有好多其他選擇 喺附近有好多好好食😋同埋我好鍾意食嘅韓國餐廳🍴不過上完堂我唔想食啲太飽嘅嘢 重點係想搵個地方可以坐好耐咁吹水🤪 呢間餐廳正正合我意 我哋入去嘅時候係冇人嘅因為係啱啱開門😂😂 不過坐左成晚成間鋪都係冇全滿的😉啲食物中規中矩啦 服務唔太差 追加左菠蘿酒同黑啤 因為有汽柚子酒淡到好似冰水咁😂😂😂😂因為我個friend 佢太肚餓 所以佢叫咗個烏冬同埋燒飯團🍙來食 我個人比較鍾意食串燒 因為飲酒🍻一流😋我哋叫咗芝士年糕丶串燒就叫左雞肉串燒丶豬腩肉、大䓤雞肉串丶雞腎⋯⋯最好食係雞腎 除咗串燒，重叫咗燒羊架 炸生蠔 🦪炸雞🍗 炸蟹肉薯餅 羊架唔錯 啲肉唔硬幾軟身 個炸蟹肉薯餅甜甜的最好食😋 嗰炸生蠔同埋炸雞就普通咗啲重有燒粟米 同埋大啡菇 大啡菇最最最好食😋

因疫情關係好耐無出去食飯喇（有啲相係再之前去食的）其實已去過兩次。成日都掛住食就唔記得影相。最推介都係個蟹子沙律（女女自己都食一個）同燒牛舌。因有小朋友當然要叫啲飽肚啲嘅烏冬，啲番茄湯好濃加啲彈牙烏冬，女女都食左好多。今次有驚喜食埋個燒魚（較），我唔係好食熟魚的。但都食左好多，真係好得。炒什菜要叫的，食左咁多肉當然要食啲菜喇今次叫左燒大啡菇，睇個樣無咩特別，但原來好多汁，好味喎，牛扒唔駛講係我至愛，仍然好食。今次叫左個飯團係乾左啲，鐘意食飯焦的人應該會鐘意食，我就覺得麻麻（因我唔太鐘意食飯焦）。另叫左燒蠔，燒到啲蠔脹卜卜好多汁，食時真係小心個殼（辣）手同蠔肉（辣）咀。另燒雞翼（女女最鐘意食）。每次黎都會飲巨峰提子乳酪梳打今次自己飲左兩杯

師傅都有好一段時間，冇話食完後拿拿聲要出個食評，因為真係都幾忙，但是次呢單嘢，真係不吐不快呀。早幾日約咗詩人食飯，師傅知道詩人比較鍾意食串燒，於是就喺尖沙咀揀一間，眼見呢間評論都不太差 ，於是就去馬啦!話左比詩人黎呢間食店，詩人話知道上開飯網到訂枱可以有88折，於是就順手訂埋。兩個人準時去到呢間餐廳門口，發覺小貓三四隻，感覺有少少不對辦，但見係星期一加上疫症期間，所以都可能係合理，於是決定照食，量完體溫就被安排入座。坐低同詩人睇睇有咩好食，發覺串燒嘅款式都比較少，左睇右睇商量左一陣，於是一口氣就柯打咗幾樣嘢食，分別係串燒牛舌，雞心，清酒煮大蜆，燒飯團，燒帶子，免治雞肉，燒雞翼同燒牛肋肉，本來仲有燒蠔，問左侍應一客有幾多隻，佢話3隻，就柯打一客，點知轉頭就話一客一隻，於是就取消啦，最後加多一份壽喜燒。 嘢食落完單後，詩人話想飲啖酒，師傅當然奉陪到底，於是揀咗一支有氣柚子酒，落曬單後就等食。說時遲那時快，侍應好快就攞咗支酒出嚟，好認真地喺面前開，呢個做法當然非常妥當，同時端上兩個杯，子杯裏放著冰塊，就倒落我哋嘅杯度，師傅同詩人哼咗杯之後，再飲下杯酒，不過味道普普通通，冇乜大驚喜，但之後嘅事

一向都唔鍾情於打食評嘅我，都忍唔住要打篇嘢，提醒其他人光顧時要多加考慮！坐低，侍應即刻遞上餐牌，夾咗張粉紅色嘅特價精選。我地見一支720ml嘅有氣柚子酒特價$258, 見佢好抵又未飲過有氣，咪叫嚟試下。嚟到已經覺得好古怪，點解斟完2杯就冇咗大半支🤔細心一睇，支嘢得500ml😡 諗住問下侍應點解，見到個女侍應好忙咁換餐牌，原來將張粉紅色嘅轉做白色，靜雞雞改返500ml😡😡最吹脹係個極品女侍應嘅態度，開口就話支嘢係咁㗎喇，呢個價錢係呢支嘢。然後就好似怪我地好睇張舊餐牌咁，唔講以為我地自己拎張餐牌去食飯🤣支酒我地當豪比佢，到埋單又嚟料。話說正價餐牌做88折，咁我地叫咗個特價清酒煮蜆$68, 張單收$88, 正常人都問點解啦。呢個極品女侍應又嚟玩西面，一下拎走張單，然後氣沖沖走出嚟咁樣計比我地睇👇🏻$88, 88折優惠，收咗我地$77. 特價嘅話$68, 加一後$75. 跟手佢掉支筆喺枱再dump低個2蚊就走人。唔係小黃粉費事煩，我真係想同佢理論！$88, 88折後$77但佢已經收咗我地正價加一$8.8，總數係$86. 所以佢係收多我$11,唔係$2囉😡講真，$11又好，$2又好，真係好細數。

因疫情影響，限聚令及晩巿取消堂食已實施大約一個月，相信不少人對餐廳外賣質素都瞭如指掌，有些更考慮再去光顧堂食👍🏻👍🏻今次大中伏，無論服務(只是短暫的數分鐘)，食物質素都令人太失望😕/我們點了炒雜菜(原價$78)，外賣自取有折所以份量特少？味道過咸，所謂雜菜包括紹菜和菇，薄薄一層，三啖食完🙂/另外蟹肉薯餅(外賣價$20)，今次兩口食完，味道可接受，但外皮淋晒，用紙袋或盒面小開窿會更好吧一收到電話5分鐘內即刻返去拎但都比侍應黑面，所有食物都只係微溫，total $7x不可接受吧

尖沙咀返工，平時都人來人往，如果去商場嗰啲食肆一定排晒長龍，約咗個朋友喺呢頭食飯睇吓OpenRice呢度有得book枱即刻訂咗先我1:30嘅時間你都發現人數唔多，我諗佢平時呢度都唔係好full，可能係因為遠離左市中心嘅位置吧，天文臺呢度雖然行嘅路有少少遠不過呢間餐廳都幾舒服，雖然仲未知道食啲咩但係睇佢個餐牌$60至到200嘅set lunch都有，平有平食貴有貴食我哋兩個人都嗌左呢個特價嘅牛肉壽喜燒，佢仲有飯配！真心抵！壽喜燒好甜😋好味😋牛肉唔會太熟總括而言：尖沙咀地區中午食飯呢個價錢非常抵！下次可以再嚟！

依間居酒屋位於天文臺道，位置方面就唔算好顯眼，不過就好啱同一班朋友放工之後黎吹水聚會，加上價錢中規中矩，真係個唔錯嘅選擇🍻**********<仙台牛舌厚燒> $138如果係牛舌控嘅話，一定要叫依個仙台牛舌厚燒！睇人地啲相見到係一片片厚燒牛舌，不過我地今次食就變左做一粒粒😂牛舌食落爽口彈牙，感覺好嫩而且都幾有牛味，真係必食之選！**********<燒魷魚一夜干> $88叫個燒魷魚做前菜，因為係一夜干嘅關係，口感就好似平時啲魷魚零食，食落乾身偏硬，再配埋杯啤酒就一流！**********<免治雞肉串> $38雞肉串裏面會有少少軟骨，食落就更加有口感，沾埋個生雞蛋撈醬汁食好惹味，不過味道就咸左啲！**********<蕃茄濃湯牛肉稻庭烏冬> $88淨係食串燒唔夠飽嘅話，可以叫返個烏冬填下肚，個蕃茄濃湯真係好濃稠，啲烏冬幼身掛到湯，都唔錯嫁😋