八居酒屋 (旺角新城)

營業中

休息中

我喜歡日本料理，八居酒屋在香港有尖沙咀和旺角2家分店，交通非常方便，地鐵出來就到，酒屋食材時令魚鮮每日新鮮空運到港，非常之新鮮，菜式多元化，有刺身、壽司、串燒等。我們首先要了三文魚牛油果沙津：擺盤精緻漂亮，三文魚牛油果與沙律醬味好夾，醒胃又夠健康。吉列炸蝦：炸粉包著大大只蝦，大蝦鮮甜彈牙，夠香口。三文魚壽司：大大塊三文魚厚切肥美，口感豐富。雙重芝士厚鰻卷：買相十足，芝士味特濃，口感有層次，夠水準。日式和牛炒飯：招牌A 5和牛，肉嫩多汁，給炒飯增色，好好味。酒屋佈置具有日式氣息，服務也非常周到，以後會再次光顧！

以前都有去開旺角新城食嘢，最近見到呢間新開，就嚟試吓餐廳都幾大間，坐得都舒服嘅我哋先叫咗一客「原條池魚刺身」（$218）呢個價錢，有成條池魚，真係無話可說，份量好足，有成二十幾片刺身，好抵食 池魚薄切，食到佢嘅油脂感同甘甜，加埋醋、薑同蔥，鮮味更出+$20仲可以整做兩食，唐揚炸骨，一啲都唔會浪費炸完好香脆，檸檬汁提鮮，送酒一流之後就叫咗一客「金龍捲六件」（$68）餡料好豐富，有齊牛油果、蟹籽、炸蝦同蛋黃醬蟹籽口感豐富，炸蝦好滑身牛油果簡直係靈魂所在，令成個卷更清新，口感更幼滑🤤另一客係「火炙三文魚脆脆卷（六件）」（$72）呢款卷物都好特別，火炙三文魚下包住嘅真係脆米，一入口好有驚喜，完全係喺個口入面爆發咁，十分過癮三文魚燒過會香口啲，成個配搭幾有玩味跟住叫咗「吉列廣島蠔（三件）」（$42）廣島蠔好Juicy，同個酥脆的炸皮融為一體，呢度嘅炸物都炸得幾好，脆得嚟保留到入面嘅蠔汁最後叫咗一串「自家製免治雞肉棒」（$38）配月見醬汁，十分濃郁，雞肉棒都厚實，加埋少少軟骨，口感豐富見到推廣like 社交平台仲送三件三文魚刺身 (原價$48)👍🏻三文魚都幾厚切，幾有咬口！呢間日本嘢真係幾抵食！

今日去左旺角嘅 八居酒屋，餐廳喺新城樓上5樓。之前都有聽過尖沙咀天文台道店，仲已經 開業左8年。今晚晚餐一個人食，叫左個套餐。豚肉生薑燒定食，連茶碗蒸，什茶沙律，麵鼓湯，白飯。豚肉生薑燒幾出色，先讚下新鮮上菜熱辣辣。聞落有幾濃嘅薑味但食落唔會太辣，有溫和嘅薑汁香味。配菜 洋蔥份量超多，汁煮得好入味，非常下飯。豬肉片份量足，薄切肉質嫰滑。白飯飯香，粒粒分明。茶碗蒸蒸蛋幼滑什茶沙律新鮮清爽，配上胡麻醬，好開胃。麵鼓湯唔算太重味，味道適中，凍凍地嘅天氣，熱湯飲落好舒服~一個串燒 汁燒大蔥串賣相幾靚，大蔥切段，燒得夠火口。醬汁濃稠，香甜。大蔥質感嫰，帶小小清甜。同一件三色花之戀，由三種魚生組成。口感比傳統三文魚花之戀更有口感，味道都唔錯。

今日lunch黎食日本野，唔係朋友介紹都唔知依度有間咁抵食嘅日式餐廳。 午市有套餐，包味噌湯、茶碗蒸、醃蘿蔔。味噌湯好清甜，唔似一般整嘅得個咸字。茶碗蒸入面有好多配料，例如蟹柳、菇菇，非常豐富。醃蘿蔔酸酸甜甜好開胃。 第一份套餐係三文魚飛魚籽丼，三文魚好大片，食落口好鮮甜，而滿滿嘅魚籽佈滿整個丼上，每啖飯都咬到粒粒爽甜嘅魚籽。 第二份係蒲燒鰻魚丼，鰻魚燒得好香口，肉質肥美，而白飯撈咗雞蛋絲，一啲都唔寡。 套餐可以追加飲品同小食，我地追加咗忌廉蟹肉薯餅，外脆內軟，入面熱辣辣又綿滑。 飲品點咗日本青檸梳打同白桃梳打，好清香，仲可以一邊歎一邊欣賞風景。

今日朋友約我到八屋居酒屋食午餐餐廳環境闊落，架位位置 坐得好舒服午餐套餐價格相宜 ，食物質素也不錯午市定食附:茶碗蛋或沙律、味噌湯、甜品Assorted diced sashimi don角切魚生粒粒井 $80一上枱賣相好高質，佈滿角切魚生、吞拿魚、蟹籽、靑瓜等 增添色彩感，魚生新鮮 加上蟹籽卜脆彈牙 整體味道不錯。套餐仲配有幼滑茶碗蛋同味噌湯 份量相當足夠Grilled cod fish saikyo銀鱈魚西京燒定食 $88銀鱈魚肉質鮮嫩 加上西京燒香甜 提升味道層次感 珍珠米粒粒分明 有咬口。套餐同樣有茶碗蛋同味噌湯 巨峰乳酸梳打 $18巨峰乳酸梳打清新解渴又吾太甜熱柚子蜜 $12

今日又嚟旺角行街食飯朋友特登搵咗呢間日式餐廳雖然係位於樓上舖但入去被安排坐喺窗邊可以俯瞰成條彌敦道經理姐姐好nice會好似朋友咁得閒就會同我哋傾兩句原來尖沙咀都有分店嚟緊會搬嚟集中做呢間同埋都開咗好多年我諗食物質素都有保證- - - - - - - - - - - - - - - - - - - - - - - -1. 特上八盛丼被落單張圖耽誤嘅美食建議張圖轉吓好啲XD本身齋睇相嘅話唔太吸引到我點知實物嚟到件件刺身肥大肉厚我覺得要睇啲海鮮新唔新鮮試吓海膽就知 呢度海膽鮮甜不澀證明海鮮來源同處理都做得幾好另外$20可以追加以下幾樣茶碗蒸、沙律、麵豉湯不過當日冇晒蒸蛋轉咗忌廉蟹肉薯餅代替2. 牛肉壽喜燒鍋都話我係壽喜燒愛好者如果間舖有壽喜燒我都一定會叫入面有豐富嘅食材包括大蔥、豆腐、冬菇、金菇娃娃菜、粉絲、雞蛋同埋肥牛記得上次個間係冇豆腐今次就可以滿足返我個胃啦湯底方面鹹甜適中食材喺鍋入面滾下滾下滾到索晒啲汁 送飯好正～3. 仙台厚燒牛舌我問經理有咩好食推介佢介紹咗呢碟牛舌做法係由日本師傅鑽研返嚟柔嫩得嚟 又幾爽口配埋芥末籽醬芥末嘅辣可以帶嚟刺激仲可以平衡返燒完嗰出嚟嗰種多汁油膩感覺4.

旺角樓上舖是一家位於旺中大城的居酒屋，提供著方便的用餐體驗。這間餐廳環境安靜且座位寬敞，讓人坐得舒適。整個餐廳充滿了日本風情，播放著日文歌曲，彷彿讓人置身於日本之中。我們這次點了兩個小食，兩份煮食，以及特上八盛丼晚餐套餐。首先是忌廉蟹肉薯餅，我們點了兩件。這個小食外皮酥脆，內裡則是滿滿的蟹肉和薯仔，搭配上忌廉醬汁，味道濃郁而且美味。每一口都能夠品嚐到蟹肉的鮮甜滋味，絕對是一道令人滿足的小食。接著是唐揚炸雞，我們點了三件。這些炸雞塊外酥內嫩，炸得剛剛好，不會太油膩。每一塊炸雞都保持著肉質的鮮嫩，吃起來口感非常棒。搭配上酸甜的沾醬，更是增添了風味。最後是特上八盛丼，這道料理包含了蝦、三文魚和吞拿魚刺身。這些新鮮的海鮮放在碗飯上，搭配上醬汁和各種配料，讓整個盛丼色彩豐富且美味。每一口都帶來豐富的海鮮風味，令人回味無窮。此外，我們還點了晚市套餐，裡面有八件壽司。這些壽司新鮮美味，每一件都經過精心製作，口感絕佳。總體而言，旺角樓上舖是一家優質的居酒屋，提供著舒適的用餐環境和美味的日本料理。他們的忌廉蟹肉薯餅和唐揚炸雞都非常推薦，特上八盛丼和晚市套餐也是絕佳的選擇。

係香港已經可以食到日本定食既味道，好味而且性價比超高～🎀蒲燒鰻魚定食大大條經典既肥美蒲燒鰻魚，套餐仲有超足料又香滑既茶碗蒸感 + 新鮮雜菜沙律同埋暖笠笠麵豉湯～超豐富，而且味道超似係日本食到既咁，好有返左鄉下feel!!🎀汁燒牛肉定食牛肉加著濃郁汁燒醬汁，仲有好多菇同煮到軟淋入味既洋蔥，超惹味!! 🎀明太子玉子燒香軟既厚厚玉子試埋加左明太子醬再火炙，甜中帶咸，層次豐富，好回味～🎀燒銀鱈魚乾烤香左既銀鱈魚乾特別香口，超岩佐酒既小食

位於 彌敦道 新城中心 上一層樓 窗口位可以睇曬彌敦道 日景夜景。 呢度座位闊落 做啱同朋友傾計。過旺角食嘢 如果識得搵一啲上樓的小店 你會感覺旺角其實都唔係咁迫。呢度啲set褸都好抵食 講緊都係80蚊左右。我就叫咗個度鰻魚飯 再加一個 餐前小食。燒鰻魚飯 鰻魚燒到蕉香 咬落去非常之好咬 感。 鰻魚 啖啖 肉 非常之好 厚肉。餐湯有麵豉湯 仲有燉蛋 我叫咗日本柚子水 同樣用心製作。最後叫咗個番薯餅小食 炸 到鬆脆， 最後食完個餐仲有綠茶雪糕。 絕對係滿足的一餐。

-八居酒屋-📍旺角.之前係尖沙咀食過八居酒屋，覺得價錢合理，而食品質素不錯。經過旺角信和附近見到哩度都有分店，原來只係新開幾個月。.餐廳座位空間都寛落，窗邊的卡位仲可以望住彌敦道。食品選擇一樣好多，刺身、壽司、丼飯、串燒、鍋物等。.明太子玉子燒($58)玉子燒質地夠柔軟，加入香蔥提味，面層鋪了滿滿明太子沙律醬，燒香後味道更突出。.火炙左口魚邊壽司 ($38)必點的火炙左口魚邊壽司，火炙過的左口魚入口即溶，油脂豐盈。.帆立貝壽司 ($48)帆立貝都好厚身，肉質柔軟。.辛味三文魚小貝柱手卷 ($38)加上辣味沙律醬的三文魚小貝柱好味，稍嫌紫菜唔夠爽。.火炙三色丼 ($98)有火炙三文魚、左口魚邊同鰻，海鮮都好大片，燒過後更鮮甜。.泡菜豚肉鍋 ($128)天氣轉冷食返個暖笠笠鍋，泡菜同豚肉份量好多。豚肉帶點皮同脂肪，食落更香。.湯底唔辣的，加埋其他配料如金菇、冬菇同粉絲等，粉絲吸晒湯底精華後更好食。.

估唔到旺角彌敦道都有一間抵食嘅日式居酒屋！我哋見到六件新香小卷只需要$22，就問吓店主究竟咩係新香小卷？原來就係醃蘿蔔飯卷！我自己本身就好鍾意食醃蘿蔔嘅，所以即刻叫左！.另外叫咗忌廉蟹肉薯餅，忌廉醬配埋打碎咗嘅蟹肉，炸得都幾好食唔錯！.仲點左三寸串燒，分別係有雞軟骨串啦、牛舌串、同埋鹽燒冬菇串！冬菇燒得啱啱好，唔會柴唔會乾，雞軟骨就正常香口，牛舌就大力推薦！一啲都唔韌，而且一串都有三塊咁多！.火炙三色丼，竟然有兩舊大大嚿肥美嘅鰻魚！真係唔錯，啱晒唔係太鍾意食生刺身嘅朋友叫~.另外仲叫咗一個清湯牛肉烏冬，牛肉味都係半生熟嘅狀態，食得出都係高質嘅靚牛肉，而且份量唔算少，烏冬就係平時食開煙韌彈牙嘅稻庭烏冬！.離開買單嘅時候，發現好貼心，係門口counter放咗糖果！店員推介嘅梅味糖果真係幾好味！而且我哋仲見到門口有夾公仔機，夾中嘅話有相應嘅獎勵同埋優惠，好有趣！

Lunch上咗黎呢間居酒屋試下叫咗一份銀鱈魚西京燒定食銀鱈魚燒得啱啱好，一上枱魚肉散發出濃郁嘅香氣，魚皮燒至薄脆，肉質細軟同滑，入口即化。銀鱈魚既豐富又不會過於油膩，再配上日本桃汁，味道更加豐富。另一份蒲燒鰻魚丼，鰻魚肉質柔軟，配合蒲燒醬汁更加夾。鰻魚嘅外層燒至微焦，帶有一層微脆嘅口感，為整個味道增添咗層次感。鰻魚係日本料理中非常受歡迎嘅菜式，無論係配飯、壽司定係單獨享用，都能夠帶來滿足而美味嘅享受。同埋配上熱柚子蜜，真係好開胃。點咗個小食忌廉蟹肉薯餅，外脆內軟，好好味。餐後仲送埋綠茶雪榚，清涼又解渴，真係貼心。

去完旺角中心濕平經過呢間低調嘅居酒屋 價錢尚算親民貼地入去試試佢。 🧡特上8盛井 188 （茶碗蒸，什莱沙律，麵豉湯）🧡七味雞軟骨串 (1本) 22🧡火炙左口魚邊誇司(2貫) 40🧡鵝干壽司(1貫) 60🧡岩手山田生蠔 88 海膽刺身同生蠔都新鮮 呢個價錢有埋前菜 湯同沙律 算係咁。其他料理都不過不失～ 最特別係門口有部夾公仔機 每位客人有一個幣 可以夾一次 幾乎 100%中獎！ 我同朋友分別換到一罐可樂同一杯雪糕 有得食又有得玩 埋單人均200 我覺得可以🙂

今日去旺角做野，所以約左朋友係旺角食埋晚餐。地鋪大部分都食過晒，今次就揀左間樓上鋪試下。一出lift 好特別，見到一部夾公仔機擺係門口，開頭唔知點解，事後發現原來餐廳既特色環節。餐廳內部環境唔錯，乾淨企理。坐低之後店員過黎示意scan個qr code落單。咁我地二人就嗌左個芥末八爪魚做開胃小菜，芥末味道濃郁更加帶出八爪魚既鮮味，唔錯既一道小食。另外我地又嗌左朋友每次食日本野都會嗌黎食既日本小甜薯。朋友話小甜薯燒得好香，甜味十足之後就到主菜 炎～壽司盛 有8件壽司。 壽司擺盤幾精細，壽司既飯入味唔易散，食材亦新鮮。火炙三文魚脆脆卷呢個有驚喜，三文魚既油香加上脆脆既口感，推薦大家黎到要試試！牛肉壽喜燒鍋呢個亦相當唔錯，牛肉肉味香濃，壽喜燒湯底甜而不膩！最後就係上面提到既夾公仔機，原來呢間係旺角新分店做既活動，客人可以去店門口既夾公仔機夾波波，夾到唔同大小數量就得到唔同既分數，然後用分數換領唔同既獎賞，我夾左十幾分 差少少就換到最大嘅獎賞而第二大獎就係可以揀換牛舌一份或者動漫公仔一隻然後店員就推介我地要試個牛舌，因為佢地呢一道牛舌係由日本大師傅直接傳授。咁我地就試試呢道店員大推既牛舌，唔係講

近排終於有時間放假可以出去食飯，近排好想食日本居酒屋，於是上網搜尋，就搵到有朋友介紹位於彌敦道嘅旺角新城商業中心嘅居酒屋，發現食物嘅質素好高，而且價錢經濟實惠，裝修衛生，好乾淨，而且環境寬敞，仲有獨立廁所，呢度嘅刺身真係要介紹啊，三文魚食落勁新鮮，清爽，仲有呢度有飯類有烏冬，湯底都係清爽韻味無窮，仲有味噌湯昆布味道非常濃郁，而且餐廳唔算太多人，員工嘅服務態度非常好，一坐低就會斟茶俾我哋飲，自動自覺，非常主動，有賓至如歸的感覺，而且好友笑容，對於服務業真係好重要呀，呢度都好適合情侶，一大班朋友嚟聚會嘅地方，仲有呢度我都好推介佢哋嘅海膽炒飯，一上碟已經有大大既香味逼人，而且超級新鮮嘅大大份海膽，入口非常鮮甜美味👍👍👍