八户屋和食料理

營業中

休息中

今日係屯門黎個小group 聚會，散步期間見到呢間野大家就一齊入左黎食野嚕～每人選左一款野食就黎個口水大交流（誤） 😂😂野食都正正常常，我地一班有啲嘈啲職員都幾包容我地，辛苦曬佢地啦🙊🙈😂饅魚飯定食，有味噌湯飲 刺身拼盤～唐揚雞塊，炸皮唔會太厚炒飯每人分一碗，小食多姿味，多食都唔壞肚皮～同行朋友推薦既茄子，果然好味道散叫既sushi 同一塊板上睇落即刻好食左卷物當然要另上先夠professional

難得放假同左屋企人去食 6半入座都未需要等位住叫左一個烏冬（原本係海鮮拉麵轉烏冬要加＄5）、一條鯖魚、三文魚刺身、海膽軍艦、拼盤、加州卷 個海膽軍艦一般加州卷有啲膩其他都接受到都夠曬飽，埋單兩個人＄335都唔算貴😛😛

第一次寫食評，就係奉獻俾八戶屋，因為呢間野態度差劣。入座果時員工冇話限時，食左1小時多D，有個類似經理物體黑住面咁問D野黎齊未，黎左就要盡快交返張檯出黎。我地都未食完，你之前又冇話有時限，咁既服務質素，冇下次！

星期日，想食個午飯入到去，想坐架位，“我地開始旺啦，無架位”哦，好啦（當時12：00）想點野食啦，“今日得3號呢兩款”最後，咩都無叫就走咁樣既服務態度，真係叫左都食唔落

今晚响呢間食日本野嘅食肆晚飯時，大約係晚上九點鐘嘅時間，其實八點時已路過，門口好多人等位，心諗禁多人等位，應該唔差啦，點知......等左一陣，終於有位，當時已九點，過左最多人時間都要等，期望更大女兒鍾意食三文魚，所以叫左兩份刺身，就咁睇，賣相係唔錯嘅，但一入口腥味比較重，本人唔太啱，個女食左兩塊都唔食了我地仲叫左個叉燒拉麵，份量比較小，一人兩啖冇晒，湯底味道尚可，不會太濃或太喊，叉燒都算惹味，但太多肥豬肉了另外，叫左幾件壽司食，味道正常，賣相正常，d飯都冇散開

湊完仔女放學約埋同學去食晏，十幾人比左一間房得8個位，雖然有一半係幼稚園小朋友，但點都塞唔落，結果個男侍應黑埋塊面話比多張枱，但要儘快還枱。第一，雖然有一半係小朋友，但唔係無比錢食野。第二，其實外面無人等位，而且個場亦唔爆，唔需要用咁嘅態度趕客囉到嗌野食，點左嘅野無落單又唔出聲，到問佢嗰陣就勁晦氣咁話無貨。大佬你無貨唔關我事，你出句聲話我知就得，唔使咁嘅態度，仲要收得唔係平，無諗過食餐飯都要受氣總括黎講，咁嘅價錢食物質素一般、垃圾服務，真係永無下次

本身想黎呢度食另一間野，不過可惜已經執左，見到有間日本餐廳唔錯咁，就去試試。自從呢個商場裝修左之後，多左好多唔同種類嘅餐廳，米又係多得果間ＸＸ，有好有唔好啦...講返野食先，因為我地有好多人，所以實行想食乜就嗌。壽司拼盤都唔錯，雖然唔算大舊，但材料都幾新鮮，尤其係個帶子～已經唔記得左個名...個炸豆腐黎，個炸漿唔錯夠薄又有啲一絲絲，吸埋啲汁好惹味。泡菜豬肉飯又食唔到泡菜味😅炸雞份量多，炸漿薄，幾好食。芝士焗茄子，不過不失，冇咩特別。冇哂鰻魚箱壓壽司咁就食鰻魚飯，鰻魚幾好食嘅，不過汁就少啲嚕...壽司拼盤都唔錯，件件都大件，尚算新鮮，海膽唔算腥，比我想像中好。連鎖野黎講，唔錯嘅。不過呢個價錢，可以再食好啲😂

上星期六晚,為慶祝朋友生日,我一家跟他們一家到了八戶屋食飯。今次已經是我第五次來光臨了,但之前沒有入座過房間(因為人數不夠),幸好今次人數多,而且到達時間較早,終於可以入座房間內,感覺特別舒適。我們叫了很多不同款式的食物, 由刺身(很新鮮),各款壽司(三文魚,帶子,蟹棒,玉子,鰻魚,粟米),炸物(炸雞外脆內軟),串燒(燒雞翼串,燒茘枝豬肉串),冷麵,中華沙律,蘿蔔牛腩,大家也吃得大快朵頤,而且價錢公道,值得推介!

每逢假日經過八戶屋都見到相當多食客，也要等位的，所以這天就特意吃早飯，來到餐廳才不過6:10pm，店內只餘下2, 3張4人餐桌，若稍遲一步，也要等位呢! 枱與枱的空間不多，不算是一間舒適的食店，但見到如此多客人，心想食物應該也有一定水準吧~ 蟹籽沙律 ($40) 大量脆卜卜的蟹籽，再加上爽脆的青瓜絲，簡單的拌上沙律醬已經很美味la~ 鰻魚炒飯 ($68) 即炒的鰻魚炒飯，熱度十足. 甜甜的鰻魚炒飯內有不少鰻魚肉，每口都香甜惹味，喜歡吃鰻魚的我覺得這炒飯很美味呀! 雜錦天婦羅 ($58) 一客天婦羅已有3隻大蝦、冬菇、茄子等，相當抵食. 不過炸漿略嫌厚了一點~ 炭燒魷魚筒 ($58) 煙煙韌韌的魷魚筒很有咬口，調味得宜，不會太鹹，個人都幾喜歡. 牛油果軟殼蟹卷 ($58) 軟殼蟹不是即炸的，不夠鬆脆的反卷又怎會好吃呢! 金龍蝦芝士卷 ($56) 金龍蝦芝士卷比牛油果軟殼蟹卷便宜$2，味道卻比後者好得多. 至於炸蝦是熱辣辣的，配上鹹香的芝士，兩者很夾呢! 這款卷物值得一吃~ 結帳為$37X，每人平均$12X已經吃到飽飽了，食物也有一定水準，怪不得這間日本餐廳長期要等

呢間日本野成日都好多人食, 但佢有個排隊系統幾好, 可以拎左飛去附近行下, 就返時間返黎就得, 今晚都等得唔耐, 好快就可以入座, 可能兩個人容易D啦。要推介下呢個茶, 好香好多層次嘅味道, 唔係一般便宜茶包。呢個鰻魚炒飯都好食, 色澤均勻, 調味剛好, 鰻魚汁好甜香, 而且鰻魚份量都好多, 個飯份量又多, 好抵食呢! 呢個飯夠我地兩個人飽!麻醬菠菜, 普普通通咁啦, 志在食吓菜。最後呢個牛仔骨, 醬汁幾惹味, 又係甜甜地, 肉質都幾軟淋, 唔多筋, 不過近骨果啲部分就咬唔到啦。

裝修不錯，食物還可以，問題出在服務員，所有服務員都沒有火，如果你注重餐飲服務，別到這裡來，又如果你喜歡服務員當你是家人一般，食物掉落枱就走開，隨隨便便可以一試。

今日下午又同老婆去左屯門逛商場，順便食埋晚飯，老婆話系openrice搵到間日式料理餐廳話去試下，所以行左陣就去左果間餐廳。由於時間尚早，我地一去到就有位啦👍🏻一入門口感覺同某壽司連鎖店既格局好相似，坐低order野食，款式種類都算幾多刺身算肥美，但不夠新鮮，無乜甘味🙈鰻魚壽司-正正常常啦三文魚頭鍋，呢個味道算吾錯，魚頭份量都合理牛舌，平時食開既牛舌都系一片片的，呢度系一粒粒的，好厚身，外面整得算脆，可惜牛舌甘香味不足😆紫薯栗子餅-呢個幾好味👍🏻

之前食過幾次覺得ok, 今晚和家人食第一輪晚市，今晚再食覺得食物質素已比最初開業差了，沒有特別出色的食物，重點是服務質素差得可怕，大部分店員都黑面，他們送錯食物來我枱我告訴店員，他們只是查完机發現送錯，什麼都沒說就拿回廚房，抱歉的說話也沒有，而且晚市用膳只得1hr 15mins 真的有點趕，本人坐下15mins 才有店員通知我們，我問他在那有注明限時這規則，那男店員只答門外有寫的，其實外面那裡有寫我看不到.... 我明白他們店生意很好，各店員都忙得不可開交，忙中有錯是可以接受，但作爲服務性行業，應有的禮貌相信是基本的。相信我再去食的機會不大。最後總結，如果不介意服務質素，不怕在急速的情況下用餐，食物尚可的。但用平均$100-150/人又趕又受氣，我寧願去其他地方吃。

今晚屯門我們喺做完嘢之後去咗安定邨H.A.N.D.S嘅「八戶屋和食料理」食晚飯！我們叫咗海鮮雜錦沙律係用多款唔同色彩繽紛嘅刺身舖面，而底層就係新鮮爽甜嘅沙律菜同青瓜絲，再配上和風沙律醋汁一齊食，真係好正呀！我們叫咗幾款唔同嘅刺身，師傅就將所有刺身組合成一個雜錦刺身拼盤，令到賣相相當吸引，海膽好甘甜軟滑，赤貝非常鮮甜爽脆！辛辣海鮮手打烏冬鍋嘅海鮮有帆立貝、青口、蝦肉同蟹柳，相當足料豐富，而烏冬嘅麵質超煙韌彈牙！牛油果軟殼蟹卷嘅軟殼蟹炸得好香脆，夾埋片香滑嘅牛油果一齊食，感覺好清新！芝士鰻魚卷嘅餡料有軟滑彈牙嘅鰻魚同軟滑嘅芝士，加埋啲木魚乾舖面，再淋上香濃嘅鰻魚汁，真係好惹味！炭燒蟹肉明太子玉子係用一層一層嘅玉子堆砌而成，相當嫩滑多汁同好厚身，口感非常豐富，而且係即叫即燒，熱辣辣真係好好味呀！帆立貝龍脷柳蛋包飯嘅帆立貝好爽甜彈牙，龍脷柳嘅肉質都幾軟滑，香滑嘅奄列蛋包著炒得好香口乾身嘅炒飯，味道好惹味！

早幾年八戶屋進入領展商場，我最初以為是大型連鎖式食店，後來有位朋友在內當廚房，跟我說其實只有兩間，一間在大埔，另一間就是屯門這間，兩間我都食過，都不錯。無論裝修，還是衛生都做得很充足，特別是這間屯門店，有一排大窗引自然光，可以同時享受冷氣同陽光，感覺很不錯。這間店最令我深刻是它的價錢，於領展商場內，中午竟然可以做四十多元一個餐，份量充足，就算選其他餐牌上款式也只是貴一點點，在我眾多吃過的日本餐來說，這間非常便宜。還可以用低價錢吃曼魚飯，實在太滿足。可惜的是經營幾年後，味道有點下滑，特別是自創叉燒拉面，肉質韌，味道淡，吃不出有什麼改變了，所以近年我多數叫飯類，因為拉面選擇比較少。但總括來說，這價錢配這價量很值！