八方台式麵屋 (九龍城廣場)

營業中

休息中

九龍城好少台灣野，得幾間台式珍珠奶茶可以飲下，近排九龍城廣場新開左一間叫八方麵屋，主打正宗台灣食品，見環境裝修都唔錯就試試！同朋友叫左兩個餐，一個主食配小食再加台式飲品。套餐價格有點小貴，但仍可接受～滷肉飯入味，肉有半肥瘦，配上滷蛋同埋菜，份量仲好足！香口但不肥膩，相當不錯。牛肉麵有少少辣，湯底不錯好濃郁，蘿蔔整得好入味，牛肉肉質都鮮嫩，大舊，好易咬開，都相當入味！麵質係比較粗少少既麵黎，配上少少酸菜好開胃，仲有半隻糖心蛋，幾好食。小食方面師大香酥豬扒不過不失，但的確好香。花枝丸完全係我心目中最愛花枝丸既味道，炸得香香脆脆，熱辣辣再配上椒鹽粉，十分十分好食！飲品我叫左係黑糖珍珠鮮奶同埋普通奶茶，兩杯都好飲，都正宗既！總的來說，我都幾滿意餐飯，上餐速度都快同埋味道都唔錯～

小弟今日收工去左同女朋友食飯，途中見到間台式餐廳經濟實惠又多選擇，就即刻衝左入去試下🤪台灣牛肉麵$58 食麵最緊要梗係試個湯先😎湯底味道有陣濃濃的骨湯味而且湯底有小小辣辣地配上佢個小小掛湯的麵底一起食👍另外佢d牛肉都煮得好軟身又入味。呢個價錢就食到有水準的牛肉麵，抵啊!😆 夜市花枝丸（隨麵加$15 ）香口彈牙，口感不錯，又唔太油膩👍懷舊飄香滷肉飯$60 配台式鹽酥雞用上肥美的豬肉配飯一起食，那香濃的豬油香慢慢咁隔化在口中🤤另外，醬汁份量同味道都幾適中，抵讚！鹽酥雞上枱個陣岩岩炸好，仲出哂煙咁😱味道外表幾香脆，但小弟略覺得入邊硬身左小小～最後叫埋兩杯野飲😛蜂蜜檸檬（+$10）同梅子綠茶（+$8）蜂蜜檸檬第一啖飲落去好酸，但飲落又覺得幾好飲～梅子綠茶就味道清新帶小許梅子酸甜，小弟推介🤓

🍜台式必食-又係懷念台灣時間。食台灣嘢第一樣諗到嘅就係牛肉麵同滷肉飯，見呢間晚市平平哋，一於同男朋友試試佢。台灣牛肉麵$58🍜，裡面有牛肉同牛𦟌兩個部位，湯底少辣夠味，讚吓溏心蛋非常流心。加$15追加咗夜市花枝丸🦑5粒，咬感彈牙，有章魚粒唔hea。懷舊飄香滷肉飯加埋自選小食香酥豬扒都只係$60仲抵食啊，滷肉飯🍚半肥瘦，夠晒油香，略嫌唔太夠汁送飯。香酥豬扒🐷熱辣辣，咬落少少脆，肉質鬆軟。套餐都可以加錢飲台式特飲🧃，$8梅子綠茶，少少梅子嘅酸味好清新。$10蜂蜜檸檬，第一啖偏酸要攪勻啲先飲，都好開胃，兩樣都好啱夏天飲，亦大大杯好抵！

台灣夜市有好多美食，但肺炎肆虐，只能夠留守香港。今日經過九龍城，見到有間台灣面店，緊係要入去解我相思之苦。台式雲吞面+煎鍋貼（$54）雲吞雖然細細粒，皮好滑。面線唔會煮得太林，食落雪雪聲，好有唔感。香煎鍋貼鍋貼用椰菜豬肉餡而製，幾多肉汁，外皮煎到少少燶但好香脆。 基隆廟口麵線 （$22）麵線尚算大碗有基本既貢丸同埋大腸，濃郁嘅湯汁飲味道好香，豬腸吾好韌，幾好咬，仲有d貢丸幾爽脆。份量嚟算太大。什錦酸辣湯（$18）酸辣湯材料好豐富，有荀，肉絲，蔥花，金針菇，豆腐。味道唔會好辣，食落好香，少少酸，食主食前飲番碗好開胃。整體而言，呢間台式餐廳性格比好高。下次會再嚟。

每次和朋友去九龍城，我們定必去九龍城廣場的Aeon逛逛。我們為了方便稍後逛Aeon，直接在九龍城廣場吃晚餐。在一樓電梯旁的八方台式麵屋蠻多人光顧，價錢亦不貴，想必味道不錯才這麼多食客惠顧，我們就吃八方台式麵屋吧。我最愛嚐台灣乾拌麵，尤其是濃香麻醬麵，麻醬的滋味均勻地包覆彈牙的麵條。蔥花和芝麻又為麻醬麵增添幾分香氣，再配上半顆流心蛋黃的滷蛋，幾根青菜，在我心中麻醬麵雖製作簡單，但它絕對是台式麵食中的經典之一。朋友則鍾情基隆廟口麵線，他覺得麵線很強，湯汁，麵線與食材做得到位，麵線咬感恰到好處，麵線撒上芫荽後，更為香噴噴，且湯頭毫不死鹹，有著柴魚的鮮美，貢丸彈力十足，教人愛不釋口。台灣風味豬扒刈包有別於一般台式刈包，非採用傳統滷五花肉做主角，而是豬扒。白胖胖，軟綿綿的刈包皮稍微近看一點，金黃香脆的豬扒比刈包還要大件，豬扒皮脆肉嫩，保有肉汁，混搭青瓜和醬汁後，豬扒刈包味帶清新。台式鹽酥雞可謂台灣人氣小食之一，鹽酥雞薄薄的一層炸粉，非常酥脆，丁點油膩感也沒有。雞肉嚐起來嫩嫩的，雞汁豐沛，鹹香入味，椒然果然是鹽酥雞的靈魂調味，將雞肉美味再升級。個人認為冷泡桂花烏龍最適合搭配台式鹽酥雞一起享用，讓人

今日去左九龍城買野順便係附近商場食埋野先番屋企😊, 由於太耐無去台灣旅行✈🎒好想食台灣野, 所以就去左食八方麵屋!😉懷舊飄香滷肉飯🍚滷肉飯上枱嘅時候係超!級!香!☺️一粒粒嘅肉丁肥瘦均勻, 肥肉入口即融😆, 非常入味, 醬汁富有咸香味, 濃而不膩, 白飯口感煙韌, 味道唔錯, 推介!😋紅燒湯麵🍜湯汁濃郁, 麵質爽口彈牙, 掛湯能力唔錯!😊原味水餃🥟水餃餡料足, 味道鮮甜, 配上微辣醬汁, 非常惹味!台式鹽酥雞🐔鹽酥雞外脆內軟, 雞肉口感柔嫩, 肉汁豐富😊熱黑糖冬瓜茶（左）, 黑糖珍珠鮮奶（右）兩杯都味道正常, 不過不失!

前日喺九龍城搵朋友食飯， 朋友話呢度有一間性價比好高嘅台灣嘢， 於是大家一齊出去食， 呢間台灣嘢係自助點餐形式， 但係都有人送餐。我叫咗呢個台灣牛肉麵， 牛肉都幾冧， 湯底味道啱啱冇唔會太鹹， 少少辣啱啱好， 軟硬程度都好適中然後叫個小食加咗 花枝丸，呢個真係不得了， 啱啱炸好， 個皮仲好脆， 調味都幾好， 好有夜市嘅感覺朋友就叫咗呢個 滷肉飯， 每舊滷肉都非常之滑， 半肥半瘦， 肉汁調味都唔錯， 而且用珍珠米呢塊豬扒就更加不得了啦， 唔知點解可以煮得咁𣺉， 食落香口之後朋友叫咗呢個鮮紅茶， 茶味都夠濃， 我就叫咗呢個冷泡桂花茶， 由於係冷泡嘅關係完全冇苦味， 再加埋無糖， 啱曬我口味。

有一段時間冇黎九龍城廣場，開左唔少新野！係aeon入完貨攰攰地比我發現尼間台灣食店，有唔少小食選擇吸引左我，掙扎左好耐到底要大腸麵線定大腸包小腸最後決定~~登登好似係香港都比較少見有賣，所以期待了一下但，比我想像中細份欸，以$27來講性價比頗低味道OK的，有齊最基本的酸菜、辣醬，台灣腸夠香同juicy，糯米有點散同淋但外皮煎到帶少少脆所以打和啦～唔好以台灣嘅味道、份量同價錢做比較，因為會失望，食到同回憶中相似而又掛念的口感算不錯了

係九龍城廣場又揾到一間非常有驚喜既台式餐廳要介紹比大家🥰 價錢抵食之餘 味道都很好👍🏻呢到有多款套餐可以選擇 都會包括主食同小食 仲可以加錢飲番杯台式飲品添😚 我地主菜就揀左試一個台灣牛肉麵同滷肉飯🤤 牛肉麵入面有牛腱同牛腩 好豐富 入味👍🏻 湯底濃郁而唔會好鹹 唔重味精食完都唔會好口喝😊 麵質彈牙唔會煮到淋哂 不錯😋 台灣滷肉飯既滷肉好入味好腍👅 睇落滷肉唔多但係足夠撈哂成碗飯架😚小食驚喜更大 我地試左大腸包小腸同鹽酥雞🤤 好懷念台灣食到既大腸包小腸 呢到食到既絕對足夠頂癮 熱辣辣 台腸烤得好香 夾住酸菜加上醬汁非常好食😋 鹽酥雞同樣新鮮炸起 皮脆肉嫩 無得輸👍🏻飲品我地就加配左冷泡桂花烏龍同黑糖珍珠鮮奶🍼 冷泡桂花烏龍一打開樽已經聞到好香桂花味 清新冰涼👍🏻 黑糖珍珠鮮奶本來沒有太大期望 因為始終係小店 點知出乎意料之外既好飲 黑糖珍珠係熱既 珍珠煮到岩岩好 粒粒都好煙韌 又唔會太甜 九龍城果然到處都係臥虎藏龍🌟

《食左當去左系列》疫情之後人人都無得去旅行，「好掛住台灣既食物成為左我每日既金句」，今日行去九龍城既AEON就去左八方台式麵屋，呢度就似台灣既小夜市，好多款既台式小食都可以係度搵到，都可以止一止旅行隱豐味牛肉麵套餐（$58）再追加夜市花枝丸（$15），餐飲就加左（$12）轉飲珍珠奶茶~ 🍜牛肉麵既牛肉都幾多，淋身無筋，湯底微微辣，酸菜係另上，最正係半熟溏心蛋! 🍡花枝丸一共5粒，每一啖都係有花枝，不其然咁諗起淡水掃街既日子🥤珍珠奶茶絕對係第一代引入香港既台式飲表代表，呢度既奶茶夠滑身，茶味不算太濃，珍珠夠晒煙韌，夜晚飲都唔怕訓唔著!台灣小食豐味餐 （$60），揀左懷舊飄香滷飯，小食揀左師大香酥豬扒，餐飲加左（$12）冷泡茶南投桂花烏龍🍚滷肉飯~豬肉肥瘦均勻，個汁有滿滿既醬油膏既味道，豬肉&汁既份夠晒餸一碗白飯🥩豬扒淋身不失香口，炸粉溥溥一層，再加上五香飯，無疑係台灣味道🥤冷泡茶南投桂烏龍~用透明樽上，放左大大烏龍茶包飲落就有淡淡桂花香，飲品沒有放糖，可以消滯解膩

《思念在八方》-八方，令人想到我的故鄉！我的故鄉在寶島……現在疫情下，思念拍打我的心扉半年未能回家，愁緒掩蓋我的瞳孔究竟這鬱悶的狀態何時才能消散呢？來到八方，味覺變得敏感，敏感在挑動我，也在撩動我的神經元！1.基隆廟口麵線: 滿滿的一大碗，拌勻三下， 底層還有戒子般大大腸及肉丸， 而且份量剛好， 而且麵線軟夾香， 勾芡的濃稠度也恰到好處， 加入了芫茜做提味，整體味道連吊鐘也發狂了！2.台灣牛肉麵: 濃湯浸泡牛肉，牛香已鬼祟地闖入我的呼吸中，再潛入我的食道，不得了！用筷子夾起台灣麵，浸過牛汁的麵好稔熟，入口不是化，而是爽口感！半熟蛋、青菜及紅籮蔔令牛肉麵生色不少，點綴了彩霞的天際了！3.香酥鷄翼三隻: 金黃色的外衣包裝著肉汁滿滿的白鷄肉，一口咬開，汁汁四濺，台式的香酥做法，就是皮不厚，酥香味渝溢在口腔花園裡！4.台式鷄排包: 沙拉醬與蛋黃醬混在一起，為鷄排默默守候，當主人入屋時，這個我見猶憐的鷄排包一定會令主人釋出同理心，可以溫柔地咬一口，真的真的很脆口，肉食者喜，大快人心！5.黑糖珍珠鮮奶: 甜就是她的內在美，配上柔軟的珍珠，奶味的質感很細滑，飲一口，回味在心頭，現在衹有甜在安慰我了！

黎九龍城唔一定食泰國野🤣🤣今次就搵到間經濟又好味既台灣野😼🐽 麻醬椒香乾拌麵🌶️ ($36)好香麻醬味🤤🤤而個椒香都好出 少少辣😗好夾 又惹味🤪🤪麵既質感岩岩好 唔會太腍🥳-🐽 基隆廟口麵線⛩️ ($22)入面有豬大腸同貢丸粒🐖味道幾濃 但唔會膩🤪🤪🐽 大腸拼小腸🌭 ($27)超懷念係台灣食既大腸包小腸🥺🥺烤得好香 飯出面有少少飯焦😙夾埋條腸同酸菜 棒🥳🥳🥳-🐽 香酥炸雲吞🥟 ($24)炸得好脆 🤩而且上面有少少胡椒調味 好香口 好食!😼😼🐽 黑糖珍珠鮮奶🍼 ($27) & 南投桂花烏龍🍵 ($22)個熊好得意!🐻🤪🤣🤣黑糖果杯我嗌左微糖 覺得岩岩好🤤桂花烏龍既桂花味香濃🤪飲落好冰涼 依個天氣一流😻😻

九龍城搵到價錢唔貴又經濟嘅平民食堂。➡️ 台灣牛肉麵 湯底辣辣地，麵質唔錯，牛肉夠林，份量都幾多。有菜及流心蛋。整體味道都幾台式風味。➡️ 滷肉飯滷肉肥瘦適中，汁夠多，撈飯一流🙃仲有隻滷水蛋同埋菜。➡️ 花枝丸賣相唔算好靚，但味道唔錯，有鹽酥味，夠彈牙➡️香酥豬扒熱辣辣，炸到金黃色，買相唔錯。夠香脆，肉夠林。飲品叫咗珍珠奶茶，半糖～半糖仍然有點偏甜，下次可以叫微甜。珍珠奶茶味都唔錯，典型台式珍珠奶茶🥤

知道最近九龍城廣場開咗間新嘅台式餐廳，台式餐廳係九龍城來講比較少，今次就黎試吓味道如何！懷舊飄香滷肉飯，大大碗滷肉飯仲有滷蛋同菜，望落賣相同台灣都幾似，食落油香豐富，好好送飯！台灣牛肉麵，湯底超濃郁！牛肉仲要炆得好入味，一啲都唔韌！煎鍋貼，香脆，不過如果煎得再耐啲嘅話就會更香口好食！香酥台灣餃，入邊仲保留着肉汁，而且熱辣辣，小心辣親！飲品方面選擇都幾多！我哋叫咗冷泡桂花烏龍同茉香綠茶。桂花烏飲落味甘，桂花味香，茉香綠茶飲落都唔算話特別好甜，抵讚！

台灣有好多小食攤, 去台灣旅行當然要大食特食。 但喺疫情之下， 要去旅行都唔係易事。 所以今次就去咗九龍城的八方麵屋， 食下台灣面之餘亦都可以食下唔同台灣小食， 一解想念去旅行之愁。 基隆廟口麵線 滿滿的一碗，拌一拌， 底層還有大腸及肉丸， 而且份量不算少， 而且麵線軟硬度剛好， 勾芡的濃稠度也恰到好處， 加入了芫茜做提味，整體味道 也不會太鹹。 原味鍋貼 雖然看起來比較平實 ， 但咬下去肉汁鮮甜， 外皮q彈不油膩， 讓人一口接一口都不會膩。香酥炸雲吞 一客有六粒， 香口酥脆很解饞， 一定要趁熱吃，配上一點辣醬也是不錯的選擇。 肉燥青菜 肉燥除了可以伴飯也可以伴上青菜， 醬油夠香而不會死鹹， 鹹香裏帶著青菜的清新，好食。 台灣牛肉麵 有兩款牛肉分別是牛腱與及牛肋條， 牛肉份量多，件件都有份量，而且滷得入味，質地淋滑。 麵條帶麵粉香質地彈牙。 食台灣食物當然會多叫兩杯飲品。 這餐分別叫了黑糖珍珠鮮奶與及珍珠奶茶。 黑糖珍珠鮮奶 鮮奶夠厚滑，而且攪勻後有黑糖香。 兩杯飲品的珍珠 也較咬口， 而且份量也頗多，不錯。