八方台式麵屋 (愉景新城)

營業中

休息中

❣️愉景新城內極具台灣風味嘅八方台式麵屋❣️今日同哥哥去愉景新城Shopping放電✨喺誠品書店望吓望吓見到原來裏面有間台式麵🍜價錢非常親民所以就同哥哥坐喺度休息食野😛叉叉電先！佢哋呢個套餐好抵可以揀飯或者面然後再配小食！然後再加配飲品！哥哥揀咗蕃茄原味水餃套餐🍅啲水餃有四隻！每一隻都勁大粒飽滿！肉汁鮮甜仲有啲菜半碟添🥬小食配原味鍋貼！鍋貼就有五隻！個底到好香脆！裏面嘅肉係半肥瘦仲有啲椰菜粒！一啖咬落去多重口感😚飲品佢就揀咗黑糖冬瓜茶！甜甜地好好味🥰我就揀咗懷舊飄香滷肉飯餐🍚有半隻滷蛋！d滷肉半肥瘦好香好好味😍加埋啲汁成碗飯唔使10分鐘就已經K.O.左👍🏻小食揀咗椒鹽地瓜薯條！哥哥佢以為係普通薯條😚點知原來係甜甜地嘅地瓜薯條🍠食到停唔到口😜大讚好好味😋飲品我就揀咗黑糖珍珠鮮奶🧋飲落唔會好甜！啲珍珠勁有咬口！呢個套餐價錢絕對性價比高😍下次再試埋其他小食先😛

今日lunch 又食台式野，同同事一人一個set。我的是番茄湯原味水餃麵，面比較軟生，蕃茄湯好鮮, 推中意這種湯底既人食。朋友嘅牛肉麵係粗麵，所以麵身彈牙，牛肉都唔會柴，厚肉又嫩又多汁。小食有皮蛋豆腐同埋地瓜薯條，皮蛋豆腐蠔油落得比較多，不過皮蛋是糖心的，如果可以再切一下會更方便食。地瓜薯條幾驚喜，外面好脆又熱辣辣，炸得剛好。飲品還可以，芋圓奶茶的芋圓甜度蠻高，適當中意甜的人, 且煮透了口感不錯，有小小的芋頭粒，幾有咬感。

今日同女朋友都要好夜放工, 在荃灣找到一間台灣小食店 , 環境雖然唔係好大勝在感覺好舒服, 還有啲似去咗台灣嘅感覺一樣 .餐牌上都有好多台灣地道小食 . 我哋就叫咗兩個套餐 , 其中有番茄花之丸麵 啲湯底好濃蕃茄味 , 而且啲花之丸都好彈牙 , 最重要連啲麵質唔會太淋 , 其次就係滷肉飯啲滷肉好濃味 , 最緊要啲肉唔會覺得好肥, 其餘就係小食鹽酥雞 , 鹽酥雞炸得好香而且肉質好嫩 , 而水餃 size非常大粒, 還有甜品炸地瓜丸 , 啲地瓜入面有好濃嘅蕃薯蓉又唔會太甜, 最後飲埋兩杯台式飲品黑糖珍珠鮮奶和黑糖冬瓜茶, 真係好滿足了。

今日同老公行荃灣愉景新城，經過誠品，見到裡面有間叫八方台式麵屋嘅台式料理餐廳，好似唔錯喎，試下先......座位唔算好多，但都坐得舒適。餐款選擇都頗多的。呢間麵屋由台灣人經營，食材由台灣直送，味道夠曬正宗。餐牌都幾多選擇喎，價錢都好實惠。老公想試滷肉飯，所以單點左個懷舊飄香滷肉飯，用上台東白米，滷肉半肥瘦，滷肉汁味道夠香濃惹味，38蚊真係好抵食。另外叫左個地瓜丸 $27，炸得好香脆，裡面有蕃薯及芋頭，外脆內軟。我就點左個蕃茄水餃麵餐 $56，有4隻水餃，蕃茄味香濃，無味精，水餃有椰菜及豬肉，無添加，配上台灣製嘅麵條，入口好滑溜。小食我揀左皮蛋豆腐，面頭好多木魚絲，配埋醋汁，口感味道都好正。加錢可以追加飲品，好抵，最重要係超好飲，台灣茶葉，正宗台式茶飲味道。我地揀左阿薩姆紅茶，台灣茉香綠茶，茶味好香。2款都各加6蚊就有喇，單點都只係14蚊，都係超值價 ! 下次要試埋台灣麵線，牛肉麵同伴麵先 !

「每一口麵，都是台灣幸福滋味！」這句子在荃灣愉景新城的誠品書店旁見到，立時被吸引着。新開了的誠品內有小型食店八方台式麵屋，見到食客的拌麵，我便決定要外賣回家做晚餐。好彩光速回到家，d麵仲係熱㗎！最正個佢pack外賣pack得好企理，湯麵自動分湯，d麵唔會浸淋。紅燒牛肉湯麵個湯底好正，似正宗台灣食嘅味道，微帶甘口少少菜材味。先諗起剛才所有員工都係講台語的，唔怪之得咁正宗。我點咗個麻醬椒香乾拌麵好好食，辣度剛剛好，帶點微麻感覺。跟餐加送小食絕不馬虎，煎餃同水餃同樣出色，而最鐘意就係個台灣古早味香腸，一盒份量唔少，食得滋味！台式飲品勁正，尤其個芋圓奶茶確係正，芋圓細細粒，好in un

今日中午食完飯想嗌杯野飲, 之前都有幫襯開呢間都知佢人手唔夠, 出餐係比較慢, 所以我就一早係個Openrice app度禁左外賣, 行下街之後先去拎.去到, 個App 版面show 左" 可取餐"(著左綠燈), 咁正常理解都係可以取餐, 點知show個版面個曲髮個個呀姐度, 佢話仲未得叫我等等, 我話: 下? App話可取餐. 之後一擰轉身, 個呀姐就係我背後講咩: 催催催...我之後再show多次個"可取餐" 個版面比佢話: 係個App寫住可取餐我先取餐! (心諗: 我有錯咩?)之後個呀姐話: 係佢(系統)自己轉架. (仲已經係態度好差個種好似我做錯野咁)呀姐, 我唔係第一次用Openrice App, 有時個餐過左預計時間都未得佢都係會show住"準備中"個制,咁個制又係你地自己禁, 禁完我黎取餐又話我, 你地都幾搞笑架wo.之後隔離個男店員都識做, 即刻沖比我仲要有道歉, 我想話要道歉唔應該係個男店員, 而係你呢個態度差勁的呀姐!雖然D野食幾好食, 但經過今次之後已經唔想再幫襯.

到愉景新城找食發現新開了間台式餐廳在誠品內，也很久沒有吃台灣料理，一於決定買外賣回家吃。套餐價錢都很便宜，大約$6x 已經包了粉麵，小吃，飲品，好像挺不錯喔！包裝也用上紙類物料，非常環保，而且保暖得還不錯。台灣牛肉麵 麵跟牛肉湯底分開盛裝，確保麵條不會過淋，挺讚，牛肉分量非常多，而且每一舊都份量十足，入口軟嫩多汁，有Q彈口感，湯底牛味香濃而且有陣陣藥材香氣，配上麵條非常好吃。原味水餃套餐揀選了配水餃，水餃外皮不會太厚，鮮肉饀料鮮甜充滿肉汁，令人食不停口。麻醬椒香乾拌麵餐麻辣醬辣味香濃，麵質有少少太淋，如果爽口一點應該比較好，滷蛋呈流心狀態，蛋香味濃厚。原味鍋貼拌麵餐配上鍋貼，外皮香脆可口，鮮肉饀料跟水餃一樣美味，沾上少少香醋可以減去油膩感，不錯不錯！黑糖珍珠鮮奶味道比較甜，但黑糖香甜味突出，配上鮮奶十分之夾。芋圓奶茶茶味香濃，而且入口順滑，芋圓保持QQ口感。

見到誠品新開台式食店，竟然星期日都唔多人(多數人買外賣)，見有位就坐低試試店舖位於誠品生活店內，只有10多個位叫左2個餐: 蕃茄湯牛肉麵 66蚊(加6蚊配凍苿香綠茶) & 肉燥飯配鹽酥雞 60蚊(加20蚊配黑糖珍珠鮮奶)，新張期滿150蚊仲送炸花枝丸! 幾抵飯食牛肉麵: 正常，麵幾有咬口肉燥飯 & 鹽酥雞: 唔太咸，幾好味花枝丸: 唔係剛炸起，微暖，但食到有花枝肉飲品: 2杯都好好好甜...黑糖珍珠鮮奶無得揀少甜性價比算唔錯，飲品甜度有得揀會更好

新店，位於誠品書店入面，閒逛時看到。今晚懶懶地不想煮，買了外賣回家嚐嚐。味道一般般啦⋯⋯不過不失，有台灣風味。上網search原來與八方雲集同一集團，怪不得鍋貼的味道是一樣😅😅飲品方面，如果茶味濃一點會比較適合我其他食物🤔與集團的百芳池上便當及八方雲集味道一樣囉，不用我多介紹吧😅😅你應該猜到的。