八時神仙草 (希慎廣場)

營業中

休息中

知道希慎樓下開左新foodcourt，趁經過銅鑼灣過嚟食個飯，見到八時神仙草開左分店，就同朋友講好左食完飯嚟食返個甜品。我地食甜品嘅時候已經大概9點幾，由於foodcourt唔算好多位，好好彩都成功搵到位置，不過估唔到平日夜晚甜品鋪嘅人流都非常多，超多人買。因為之前見到啲人打卡食手捧冰好似幾吸引，趁天氣唔太凍，我都叫左個手捧冰。冰嘅選擇都頗多，由$58-86不等，而我今次叫左個最普通嘅冰。但估唔到嘅係個冰嘅製作時間要等咁耐，一個冰等左差唔多20分鐘先有。可能實在太多客人等，朋友叫嘅冰仲耐，接近半個鐘先有，唔知係咪漏左單。今次食嘅係芋薯圓嫩仙草雪花手捧冰($58)，坦白講攞到手嗰刻覺得有少少失望，因為賣相唔算好吸引。不過始終我揀嘅係最平嗰款，所以都無得好講。雖然覺得個冰好頹，但如果為左雪糕要貴成十幾廿蚊又好似唔係好值得。依個手捧冰上半部分係雪花冰，下面底層係仙草，側邊有芋圓、地瓜圓同埋紫薯圓。雪花冰食落軟綿綿，而且神奇地會有拉絲，食落係入口即溶嘅感覺，冰嘅口感係唔錯。但芋圓就差咁啲，分量大概有8粒，覺得食落係偏淋身口感，唔算好煙韌。整體而言，以依個價錢同等候時間覺得麻麻，未必值得花咁長時

位於希慎翻新URBANHOOD B2層中，有好多open area好似Food court咁。環境黎講幾好，清潔姐姐都會好快清枱，算幾乾淨～坐得都幾c服🙆🏻‍♀️眼見未算好多餐廳選擇，有啲食poke，日本野咁。但呢間八時神仙草好搶眼，而亦非常有特色。抹茶嫩仙草雪花手捧冰，整體評分中上。Texture非常獨特，屬於綿綿拉絲冰感，出面從來冇試過咁既質地👀而且非常足料。不外乎係啲正常台式食材🙆🏻‍♀️紅豆、紫米、白珍珠等。但其中粒粒芋圓大粒煙煙韌韌，芋頭味好出，抵讚抵讚。個蕃薯圓就中規中矩啦！美味指數：⭐️⭐️⭐️⭐️/5️⃣

對上一次去咗希慎地庫買蕨餅，行過呢間八時神仙草，想試好耐㗎啦！😍奈何上次得我一個食唔晒成個冰🥹今次同屋企人嚟食飯，順便食埋個冰啱啱好😆🌟香草芒果奶蓋雪花手捧冰$86呢度比較特別係手捧冰，個人覺得其他分店個樣靚啲🤣最上面有球香草雪糕🍦再之後係奶蓋，側邊嘅配料有圓仔、紅豆芋圓、地瓜圓、芒果，主角仙草冰磚成的雪花冰，而最底就係仙草，十分豐富。😁成個冰其實都幾大，兩個人食都相當🫶🏻足夠當中最欣賞就係圓仔👍🏻非常有口感。另外，地瓜圓同芋圓都唔錯，有質感之餘仲有地瓜同芋頭嘅香味😊其他配料就不過不失咁啦。味道方面，主角仙草冰同平時食開嘅冰好唔同，係有一絲絲嘅口感，係幾特別嘅😂最底下嘅仙草都夠滑溜。不過個人覺得可能其他味道會好啲，覺得仙草冰同芒果唔係好夾🤔整體可以一試，有興趣可以試吓，幾特別嘅體驗😆

🇭🇰Hong Kong - Causeway Bay📍八時神仙草圓仔芒果甘露凍_____________________________終於比我遇到呢間台灣過江龍 - 八時神仙草。一直好想試，今次就試咗杯野飲。其實想試冰但當日食得太飽就無叫到。芒果甘露入邊有圓仔(小丸子)同八時最出名嘅仙草。原來芒果甘露就係楊枝甘露，柚子部分偏苦澀，而無咩芒果肉。比較出色係仙草部分，好滑亦都好香。而圓仔就好煙靭但就幾粒幾粒痴埋晒一齊，好難用飲管飲到。整體來講，整杯飲品不過不失。下次試埋佢出名嘅冰先再作果斷嘅評價。📍 銅鑼灣軒尼詩道500號希慎廣場URBANHOOD B2樓B218號舖尖沙咀厚福街5-6號多富閣地下2號舖中環歌賦街19號地舖

希慎廣場地庫兩層悄悄地已經開咗新既Food Court，我同朋友食完飯之後就去咗食甜品。我見到人哋嗌嘅雪花手捧冰份量超大，如果唔係天氣咁凍，我就一定會揀佢！我就揀咗「芋泥桃膠盛盤」$58，砵仔細細，份量其實都唔少，佢嘅桃膠鋪咗喺中間，撈勻咗之後，每一啖都食到有桃膠👍 雖然係熱嘅甜品，但係唔知點解攞到嘅時候，唔知係咪差唔多收工嘅關係，只不過係微暖，熱啲會更好！朋友揀咗「圓仔芒果嫩仙草盛盤」$58，我覺得就係普普通通，冇乜驚喜又冇乜特別。整體嚟講價錢真係幾抵，同埋冇時間限制可以任坐嘅food court，同朋友傾吓偈吹吓水都係一個唔錯嘅選擇！

同教會姊妹👯‍♀️食飯，希慎新開B2 food court都好好坐，食完主菜去埋新開既八時神仙草，難得收得晏，叫咗圓仔芒果🥭燉仙草盛盤（$58），收銀姐姐🧍‍♀️好好人，提咗我相個樣同實際有出入（好多女仔都係咁），盛盤係芋圓、薯圓、珍珠、紅豆🫘、紫米，用個小木碗上，朱朱叫芋泥桃膠盛盤（$58），讚芋泥味濃

之前已經好想試下，得知希慎近日新開就去幫襯，點知搞到成肚氣。當日星期六大約接近下午4點，我地叫咗個燒仙草同奶蓋冰，當時有位女職員話等20分鐘，我地等咗差唔多15分鐘就諗住行過去睇下，燒仙草有得攞，就諗住問下個冰仲有幾耐，個女職員話”半個鐘呀”就走開咗，我呆咗呆，開頭你話20分鐘依家半個鐘？再行過去同返女職員對質，佢即刻改口20分鐘或以上，一旁嘅男職員就話依加未夠20分鐘依家刨緊比你。個態度係好似講數咁🫠成品大家可以睇下…啲料少得可憐睇到佢地兩個係冧晒檔希望呢間店可以好好分配員工/時間，太忙你地可以唔好接單住，服務態度好啲我諗客人都會易啲接受同理解🫠

叫左仙草棒棒冰，外貌啱哂打卡，但放係枱面就有啲難度，好驚佢會淋低仙草混入刨冰，係香港真係好似無食過啲類似嘅嘢呀！所以啲冰拉到絲，好綿滑，但又唔會太甜，每個冰都有芋圓，仲要勁彈牙，好有芋頭味，真材實料架！

突然想食芋圓，想試新嘢便到希慎廣場新開張的地庫美食區。買了一個圓仔芒果嫩仙草盛盤外賣。賣相很一般（可能外賣是所有嘢塞晒入個杯入面）, 芒果太生有苦澀味，仙草太軟沒有咬口，食慣了鮮X仙, 覺得呢間味道好奇怪！幸好收銀員好友善，有問有答，可惜等待時間有點長，晚上9點幾周圍冇乜人，但係都等了十幾分鐘。