八月茶室 (南豐中心)

營業中

休息中

啱啱同班友喺呢間食堂食咗個晏，對呢啲口味真係讚到五體投地👍！$188嘅招牌酸菜魚，魚片滑得嚟嘅，搭嗮濃郁酸菜湯底，呢個組合真係正！湯底帶嗲酸啖啖惹味，飲一口衝擊晒味蕾，幾興奮🎉。話埋$73嘅土魷馬蹄蒸肉餅，渣渣哥，咸香咸香嘅好好食，土魷吸足咗味，蒸肉餅嘅豬味又鮮香又唔肥膩，豬朋狗友一試愛上頭！跟住嘅$71瑤柱蝦米浸時菜，時菜爽口得嚟又清甜，蝦米蒜香嘅香氣，食落真係有層次，賣相都靚靚哋，起碼我食嘅時候眼神都閃閃發光✨。激辣愛好者嘅我仲點咗個$42騰椒魚皮，辣得啱啱好，正宗麻辣味，夠晒過癮，口感仲爽脆到不得了。連$12嘅凍檸茶🍋都得，酸酸甜甜清新過癮。總括嚟講，有呢啲平價仲可以咁正宗既菜式🥢，真心推介！CK仔你知我唔係浪得虛名，下次再約出嚟試埋其他款式！

今日加班後約同事在荃灣 南豐中心的八月茶室晚飯。餐廳燈光明亮，原木色裝飾，簡潔溫暖的家感覺，卡位闊落，食得舒適。川菜招牌酸菜魚 $188店長推介川菜小食，大胃王就選擇了很久沒吃過的招牌酸菜魚 ，這裡也可吃到正宗川味。熱騰騰上檯的酸菜魚，鑊氣十足，香噴噴！份量也很大，魚片大大件，嫩滑好香口，新鮮爽口，肉質結實，挾起唔會散，啖啖肉好嫩滑。酸菜爽口，配料相當豐富，藏了很多牙菜、萵筍爽口、寬粉煙韌，爽彈軟熟，酸麻味道調得好惹味！湯汁可以泡飯，酸酸辣辣非常之醒胃。土魷馬蹄蒸肉餅 $73白飯例湯 $12每個小菜都可加 $12 配上白飯和例湯，跟飲品也只收半價。例湯足料味道濃郁。土魷馬蹄蒸肉餅很有家的感覺，媽咪的味道超滿足，好味道，性價比高，晚飯小菜很好的選擇！小炒瑞士汁乾炒牛河 $59瑞士汁乾炒牛河更有驚喜！賣相一流，牛肉的肉質嫩滑，非常新鮮，廚師功夫果然了得，河粉炒的時間拿捏得準確，晶凝通透，有大酒家的水準。流心西多士，自家製沙律 $40 同事想食埋甜品，點了甜甜地的流心西多士，西多士外層金黃酥脆，裡面柔軟，一切開流出香濃的鹹蛋黃流心。另外自家製沙律，令人十分懷念，清新健康，減輕油膩感。招牌紅豆

今日搭完地鐵，喺荃灣站一出嚟， 走咗去南豐商業中心逛一逛， 行到咁上下晚飯時間見到有間茶記八月茶室， 居然有川菜食🫢 心癮起想食酸菜魚， 一於就入去食😋 招牌酸菜魚(小) 又話細， 但係一啲都唔細， 一大盤超多， 兩個人都食唔曬🫢 魚肉好滑， 去咗骨， 啱曬我bb食😆 酸菜魚湯底都好夠味， 微辣， 如果酸菜味可以再突出啲會更加正🤤🤤 除咗酸菜仲有萵筍， 雜菇， 寬粉， 真係勁足料👍 幹鍋椰菜花味道超香， 輕輕炸過嘅椰菜花炒起來更加掛汁， 辣辣地勁開胃😋 臘肉炒蒜苗臘肉係一舊舊切得超厚， 估計有成條臘肉嘅份量🫢 蒜苗吸收咗臘肉嘅香氣， 食落爽口🤗 茶室新開咗幾個月， 裝修新淨又乾淨企理👍 喺正地鐵站隔離商場， 夠曬方便👍 而且價格親民， 份量又足🤗 茶餐室價錢有酸菜魚食真係幾吸引😋 下次經過再試埋其他嘢食再分享畀大家🤗🤗

今日放工又唔想煮飯，於是就喺附近一間裝修雅致，坐得舒服而又多選擇嘅茶餐廳開餐。阿女去到茶餐廳，必會叫的乾炒牛河，河粉加入入瑞士汁同炒，甜甜地，乾身得來又不油膩，再加上大量軟滑的牛肉片，同幾條翠綠菜心，份量大到兩個女仔食都夠。另一必點就係厚切焗豬扒飯，因為即焗的關係所以需時，一上枱已經聞到芝士同蕃茄汁的香氣。厚切的豬扒鋪滿整隻碟，軟腍得來又不會鞋口，撈勻酸酸甜甜的茄汁芝士同炒飯底同食，不用幾分鐘就清晒。估唔到茶餐廳會有咁出色嘅酸菜魚，味道很正宗，拍得住某些川菜的酸菜魚，大大盤，而且用料十足，大大片的魚片軟滑冇骨，仲有大量紅薯闊粉、蘑菇、萵筍、大豆芽同鹹酸菜，豐富到不得了，最重要係味道很正宗非常啱我口味。涼瓜炆䱽魚，超級惹味而且碟頭都好大，䱽魚成隻碟咁長，份量十足，煎過的䱽魚加豆豉同涼瓜炆煮後更加入味，要來撈白飯一碗都不夠吃。雖然不一樣的格局設計，不一樣的菜式，但依然保持住茶餐廳大碟頭豪邁的風格。

好嘅原因：環境優美，部份服務良好差評嘅原因：唔建議嗌四川辣子雞丁好難食又乾又唔正宗冇見過炸嘅辣子雞丁個人覺得就係個廚師唔識整正宗嘅就咁灑啲辣粉就當川辣辣子雞丁食完哽胃

港式嘅茶餐廳飲食都幾多元化, 除咗傳統嘅中西餐粥粉麵飯, 還有地方嘅美食, 荃灣南豐中心嘅八月茶室, 就有粵菜和川菜嘅選擇。餐廳裝修平實簡潔, 卡位闊落舒適。川味肥腸滑雞煲 熱辣辣煲上, 雞件厚實而嫩滑, 肥腸肉厚有嚼口, 加上尖辣椒, 唐芹等, 清香辣辣地好惹味, 又唔會好鹹度, 送飯就最啱。四川回鍋肉炒得幾有鑊氣, 腩片膻香爽滑, 唔會愛肥膩, 配菜沾滿味醬汁, 少少辣又香口。黃金脆皮蝦球薄身脆皮很鬆化, 入口充滿鹹蛋黃嘅鹹香, 内裡蝦球鮮甜爽脆, 肉汁豐富。西蘭花腰果蝦仁這道菜賣相精緻又有鑊氣, 蝦仁好鮮味, 西蘭花嫩綠爽甜, 調味較清淡, 配合香脆腰果, 更有口感。

哩間餐廳啲侍應好有問題，出邊又無人等，佢地一定要迫你搭檯。入去食只會受氣，好似唔休做咁。成個場有幾張空檯，你都要迫人去搭檯，咁既餐廳，服務態度好有問題。茶餐廳咁多間，哩間都係數一數二最衰個間！沒有下次！ 成班侍應仲要不停催促你入去咁窄嘅位同人搭枱，真的不明白你地待客之道在哪裡？哩間餐廳我食過兩次，食物質素好一般，只係不用等位所以才選擇去。經歷過今日既事件，我以後不會再幫襯。態度惡劣，有位唔比人坐，食物質素幾好都沒有用，更何況你只是一間普通茶餐廳。

今日和朋友到荃灣買點東西，然後簡單的吃個晚飯，想到一間新開的茶室，叫八月茶室！其實是茶餐廳的風格但又比茶餐廳亮麗光鮮，食物也相當不錯👍🏻🔸中式餐湯大大碗，好飲！🔸瑞士汁干炒牛河：是不是瑞士汁的關係，特別好味，不鹹也不太甜，味道適中！河粉顏色炒得好靚，牛肉份量多👏🏻🔸川味水煮魚：叫了小辣，辣度非常好，少少辣可以食到魚的鮮味，份量多，魚肉夠滑！🔸椒鹽鮮魷：外面好脆，好香口，魷魚鮮嫩彈牙！

同朋友👩🏻‍🦰行咗入呢個商場，肚仔餓，見到呢間餐廳，朋友👩🏻‍🦰話睇落乾淨企理不如入去試吓，咁我梗係唔反對啦🤣$188「招牌酸菜魚」：飲啖湯先，湯底味道濃郁🤩；魚片白雪雪，肉質又嫩又滑，感覺好新鮮🤩；其他配菜包括 萵筍片、大豆芽菜、紅辣椒、芫荽、芝麻、薯粉等，都幾豐富🤩；「酸菜魚湯」仲可以撈飯食😋$73「土魷馬蹄蒸肉餅」：肉餅彈牙，肥瘦適中，好豬味🐷，加埋煙靭嘅土魷，更加好食🤩加 $12 有 「白飯+例湯」：大大碗白飯🍚，大大碗例湯🤣$71「瑤柱蝦米浸時菜」：菜心🥬大大條，新鮮爽脆😋；仲落咗好多蝦米同蒜頭，食落更加好味🤩$42「騰椒魚皮」：魚皮細細片，份量都幾多🤩，口感勁爽脆，非常辣🤩加 $12「凍檸茶🍋少甜少冰」：凍冰冰，配好辣嘅「騰椒魚皮」一齊食，超爽快🤣食完我話俾朋友👩🏻‍🦰知，我曾經去過佢另一間分店🤣

放假約咗朋友荃灣行山，lunch時間就落番黎南豐中心揾間餐廳醫肚。#八月茶室 餐廳位於南豐中心2樓，又鄰近地鐵站，大家搭車番屋企好方便架。餐廳環境寬敞，地方明亮整潔。適合一大班人聚會，現場見到唔少家庭客。菜式選擇種類有好多，西餐、廣東菜和川菜都有，就入內去試吓。❣️ “酸菜魚(小) ”$188即使屬於(小)但其份量屬於多，足夠2至3人份量。大量新鮮魚肉，肉質又嫩又滑，以薯粉做湯底，入口滑溜溜薯粉吸晒啲湯底，還有大量酸菜，萵筍等配料，系典型川式酸菜魚。非常豐富！❣️ “黃金脆皮蝦球”即叫即炸，上枱後嗅到好香咸蛋黃味，外皮炸得超酥脆香口，蝦仁又彈牙。❣️ “XO醬配四季豆”四季豆炒得乾身有鑊氣，好惹味，撈飯一流全部小菜加$10 可配白飯，飲品價錢半價，人圴消費價錢唔貴，無收加一服務費。

晚上途經南豐中心，想隨便食個簡單晚飯，見OpenRice上都有唔少好評，所以就揀左呢度。我地叫左一個麻辣海鮮炒意粉同一個牛扒拼雞扒。炒意粉先到，佢好多汁，我想像中既炒應該係比較乾身，呢樣都唔係重點，重點係佢超級鹹，自問本身比較重口味既我都頂唔順，要狂飲野。到個扒黎到，一切塊牛扒，個色水好奇怪，又淋到好似食緊鬆肉粉咁，完全冇牛味，淨係食到個黑椒汁味。以為塊雞扒會好啲？我錯喇。塊雞扒既肉中間有好多唔知係咩既麵粉類物體，所以我覺得自己好似食緊合成肉。奉勸各位試呢間野之前真係要有心理準備，呢個價錢附近有好多選擇。

    老友Call出來 撐枱腳吹吹水！地點約在荃灣地鐵附近的南豐中心二樓「八月茶室」。奇怪為何不約我到大排檔或打邊爐而是來這間茶餐廳呢？   來到餐廳環境光亮整潔木系裝潢感覺舒適，而且頗人氣的。原來這裡除了一般的西式小食，ABC茶餐和常餐外，還設有川味糸列，鐵板系列，石鍋飯等供選擇。老友表示 晚市粵式小菜做得相當不錯！小炒，煲仔菜式特別有鑊氣！點了~川味小食～泡椒魚皮   42元這個涼伴菜很久沒吃過，今晚在這裡也可吃到。魚皮爽脆，味調得麻麻辣很滋味！豬肚炆滑雞煲  98元熱騰騰的上檯，好有鑊氣香噴噴！雞肉件件啖啖肉都好嫩滑，豬肚爽彈軟熟麻麻辣好入味！羗蔥， 芹菜，蔥頭等 。都一樣咁香口！紅燒豆腐班腩煲  72元個煲好有份量，魚件大大件外脆內嫩好香口，豆腐夠滑醬汁味道調得好惹味 。豉汁蒸倉魚  89元這條魚更有驚喜！足有十両重！肉質嫩滑！非常新鮮！廚師功夫了得！時間拿捏得好準確大酒樓水準！魚厚身肥美鮮香！幾道菜餸飯佐酒都一流！有點 可惜就是這裡沒有啤酒叫。每個小菜都可+10元配上白飯和例湯，跟飲品只收半價。例湯足料濃郁。超滿足！好味道！性價比高，晚飯小菜好選擇！

在附近上班，自從開左依間就日日lunch time都幫襯無他既，種類多，質素都ok最中意食既係咖哩飯，咖哩勁香仲有溫泉蛋撈飯再黎川菜系列都好食香辣土豆絲好惹味，餸飯一流不過有時會煮到偏酸，都要睇彩數仲有回鍋肉都好好食，香辣適中，都係餸飯既良品土魷蒸肉餅都好正，土魷比得好足，肉餅唔會實的的不過即蒸既要等耐啲時間，要預早啲時間叫先得。由於lunch time依間係一定要排隊，所以次次都係叫外賣拎返公司食就冇特別影相

荃灣地鐵站旁的南豐中心，各種民生小店一應俱全，八月茶室裝修簡約企理，價格實惠，很受荃灣街坊歡迎。侍應先端上晚餐例湯，熱騰騰的，抵讚！蒜香蜜餞牛仔骨：牛仔骨伴以洋蔥爆香，口感鮮嫩多汁，經過蜜餞和蒜香調味，微甜中的略淡蒜香，肉食愛好者的美味選擇。農家臘肉炒蒜苗：臘肉的鹹香和蒜苗的清爽相互融合，口感豐富，香氣撲鼻，讓人回味無窮。豉汁蒸鯧魚：鯧魚蒸煮後淋上豉汁，保留了鯧魚的原汁原味，鯧魚鮮嫩的口感和豉汁的醇厚十分美味。是一道甚受普羅大眾歡迎的地道菜式。想吃得健康一點，加了這度花菜豬頸肉，肉質軟熟，椰菜花爽甜，健康又好味！餐飲點了港式茶餐廳經典：龍鳳七喜，檸樂，還有菠蘿冰！

因為要去荃灣南豐中心樓上舖買嘢就喺附近搵食見到餐廳門口勁新望下餐牌又竟然有川菜一於試下當然叫我最鍾意嘅酸菜魚因為同行朋友其實食左豐富早餐所以就叫左雞扒米線餐呢度最好嘅地方就係多元化普通茶餐廳嘅野食有石鍋飯又有得食連專嘅川菜都有真係滿足晒你所有願望👍入返正題我朋友個雞扒米線餐正常發揮重點米線湯底竟然唔差餐有埋丹麥吐司貴嘢好抵食跟住到我個重點緊係酸菜魚想講一上枱嚇親賣相都幾好重要係好大兜我勁驚食唔晒佢嘅魚比出面都多係落重料湯底啱啱好唔會太酸或太辣不過我叫左少辣魚片新鮮重要有我最愛嘅寬麵呀係好好味食到唔停得口不過實在太大份量我都要叫朋友幫手連佢平時唔好酸菜魚都話好食我覺得應該其他川菜都唔會差下次一定要試其他知唔知最爽係可以飲到正宗茶底嘅凍檸茶一路嘆係正嘅下次都一定會再來