八番麵工房 Deluxe (已結業)

最近去咗八番麵工房-deluxe喇，係上水嘅一間日本菜餐廳，試咗佢哋嘅拉麵同丼飯，好好味喎！特別推介嘅係佢哋嘅担担豚肉拉麵，麵條彈牙，湯汁香辣唔辣嘅啦，仲有啲花生碎同豆腐干，啲配料令味道更豐富呢！如果鍾意食豬扒就一定要試吉列豬扒丼啦，豬扒煎得香脆，仲有味道好正嘅醬汁，配埋啲蛋同飯，份量又多，飽肚又飽眼！整體上黎講，八番麵工房-deluxe真係好正，啲食物質素高，服務又好，環境亦都舒服。如果鍾意日本菜同拉麵，一定要嚟嘗試下啦！

非常普通嘅拉麵，食1次了解下就算，唔使再食拉麵夾上嚟有啲似公仔麵，蕃茄湯味道普通。侍應服務幾好嘅，有禮有笑容係食物質素需要提升下😂簡單講呢個價錢就唔值得嚟食佢哋。

I was so glad when I saw Landmark North opening a new restaurant. If my memory was correct, it use to cost more a year ago but its fairly reasonable now.In our more recent visit, we ordered a 3-type chicken rice, kimchi ramen, chicken tomato ramen (new), and some dumplings. Originally, we wanted to go for the spicy dan dan noodles but they sold out =( We went for the kimchi ramen and chicken tomato ramen instead, because one of us still wanted something spicy, and the other wanted a healthier ch

八番麵工坊，喺上水開咗間分店， 都好似開咗大概有三四個月，今日就去食下依間，上水廣場係最高嗰層全層都係食肆， 午市簡簡單單 食個拉麵杯嘢飲🥰 係手機自助點餐， 拉麵款色唔係好多，嘢飲款式都唔係多，嗌咗個微辣雞胸拉麵， 味道都可以🌟環境比較細 枱與枱之間比較迫🌟乾淨企理

環境舒服，人流不多，中學生放學也來此光顧，令人有一種輕鬆的感覺。好想試吓啤酒set，有送酒小食，仲有一支日式啤酒……但終於放棄。餐廳食品選擇多，令人開心，沾麵、飯、拉麵、小食……選隨都餐。担担豚肉拉麵：香辣口感，加上花生醬味及脆脆，令口感更多重。麵身有咬口，份量多，真係食嘢都好飽，而最開心係嗰都，十分出色的拉麵。日式奶茶：偏甜，奶味濃，茶味不明顯，完全係日本愛甜的感覺。放假下午茶時間，來此飲吓，食吓都不錯。

上水廣場走左一圈，最後見呢間餐廳比較早開門，並且少人，於是就入左去。我叫左吉列豬扒丼，$68，連加一要$75。吉列豬扒比想象中好食，偏薄身，炸得都脆，豬扒亦唔硬，幾好。而配菜洋蔥可以鹹少少

是晚九點幾先行到呢頭，下面一燒肉都已經唔接客，唯有上嚟搵嘢食，呢層好多餐廳揀，但想快快手食完，於是就入咗呢間八番麵工房試吓。入嚟最主要係見個環境唔錯，各樣嘢都好四正，望落都新同埋乾淨，座位都好闊落。第一次嚟，原來又要掃碼落單，真係好唔鍾意，好彩叫個店員俾份menu我睇佢都肯，始終攞住份menu又有圖睇吓會實在啲。其實有個晚市二人套餐都幾抵，但奈何太夜唔想食得咁heavy，所以喺主餐牌單點就算。我哋分別叫咗兩款麵，一碗湯麵一碗沾麵叉燒沾麵個湯汁有啲蟹王味，但食落又淡淡哋，叉燒又得兩片，一蘭都無咁少啦，但整體味道唔係差嘅，畢竟都唔係太多餐廳有得食沾麵，鼓勵吓啦叉燒野菜拉麵好重黑蒜油味，湯底算濃，但唔係濃就代表好味，叉燒叫做多兩塊，感覺好少少其實整體嚟講，味道都還可以，但本身我哋都唔係特別鍾意食粗身拉麵，所以唔會秤得佢哋太高，遲啲有機會再嚟試吓丼飯先

八番麵工房deluxe，呢間野既裝修唔錯，睇落d位坐得幾舒服，仲要係deluxe喎，咁就揀左呢間黎試下，點知係deluxe既伏拉麵😓!用QR code落單，點左個吉列豬扒沾麵同泡菜拉麵，泡菜拉麵個湯底冇咩特別，叫做有舊泡菜係度，同即食拉麵個湯底冇咩分別，如果係即食麵既價都可以接受既; 叉燒，得個咸味，冇肉汁同口感可言，呀唔係，叫做有口感既，一放入口就冇左，因為塊叉燒薄過紙咁😂吉列豬扒沾麵，呢個有咬口呀，d粉仲厚過我個妝😒完全係工場貨; 個沾麵汁，定沾麵水? 好懷疑人生 ...完全巔覆哂我對沾麵既印象。兩個拉麵既麵底有d似擔擔麵😍ok! 一定係日本crossover台灣，咁樣諗就可以接受!日本過江龍拉麵店? deluxe?只能說我輸了😧

結論放最前，都好難有間甘全面都崩壞食品既食店，可以話係浪費食物。沾面聽到似水，完全掛不了面，叉燒死咸，筍係罐頭未過水有陣味果隻；拉面湯底層次欠奉，味道亦不似字面理解的一回事，有點似用湯粉再加小小醬料開出呢既；燒物有燒焦過火問題，最重要係原料本身係次等，肉鞋口燒到好干。食物不吸引，直接會打擊整個體驗，環境並不算逼，但亦都只係跟隨整套體驗分；服務上沒有太多交流，都是傳菜等，坐低前水已針好，沒太敢飲未知放左幾耐；食物就上述都講得好明白。夠字評分了。

話說星期日行完山，諗住落上水搵啲嘢食，好唔好彩搵中咗呢間。叫咗個吉列豬扒沾麵餐加杯凍咖啡。本身都唔期望會好食，個沾麵嘅湯居然同普通嘅拉麵湯一樣嘅質地，然後吉豬就更加唔使講，當然係好厚粉同明顯係工場貨色。成餐埋單計埋加一要成百二蚊，說實話真係性價比極低。題外話，食麵時係坐bar枱，對正裡邊師父燒串燒，見到個網黑晒都唔換，師父仲離奇幫個黑網點火，跟手繼續燒嘢俾客食。最後上嚟寫評，發現都係負評居多，只好怪自己冇使足功課啦。

小弟第一次食八番屋拉麵，見到上水廣場開咗間，原先抱住一個試食心態試下。見到個餐牌都feel到啲拉麵麻麻，都唔方正宗，無得加麵、、加叉燒、加配料，焗住，點咗個貴啲豬骨Delux，加廿幾蚊配塊芝士豬肉餅。上枱見到實物同預期差唔多，碗麵好細碗，配料好少，叉燒又薄，再飲個湯底，唔難飲，但飲得出係用粉沖，同即食麵分別唔大，可能自己煮會再好食啲。塊芝士豬肉餅味度都ok,但廿幾蚊嚟講真係太細塊。唯一可讚就係有啲叫特式少少既飲品加幾蚊就有。

同女朋友係上水覓食😁，女友想試下沾麵係咩味道，所以去左八番麵工房試一試佢嘅特色沾麵，而家做緊優惠，加十零廿蚊就有個小食同野飲。🤩如果嗌個拉麵，80蚊有拉麵，有小食有野飲，個棒棒雞拉麵有雞胸同拉麵，3舊雞胸有d熟過龍，有d太韌😔，拉麵就普通，個小食餃子有蒜泥係面，帶返起呢款一般嘅餃子，拉麵都係普通，不過呢個價錢都唔可以要求太多。😛另外個沾麵唔夠乾身😅，d麵上枱個時痴埋一舊，另外個沾醬有少少覺得唔夠濃郁，不過個芝士豬肉餅好食😁，入面有半溶芝士真係好正👍總括黎講拉麵普通，沾麵有d令人失望，小食普通，cp值黎講唔算太高。😐T-able指數：2.3/5

前幾日入嚟上水影相，晚上去左上水廣場嘅八番麵工房晚餐，今次試吓組合好特別嘅泰式冬陰功同日本拉麵結合嘅冬陰功大蝦拉麵，拉麵配料有兩隻大蝦，青口，腐皮及魷魚等，配上龍龍嘅冬陰功湯底，拉麵仲可以追加炸雞球，另外亦都咁點咗中華拉麵同菇嘅串燒，中華拉麵用豬骨湯底有三四豚肉佢有洋蔥同蔥如果唔鍾意食蔥嘅朋友就記得要走蔥。食物價錢唔貴性價比都抵食，八番拉麵工房分別在沙田，元朗，大埔，尖沙咀，北角等都有分店，去開依幾區嘅朋友可以不妨試吓啦。

完全唔掂，衰過車仔麵，出前一丁麻油麵都仲好食廚房出品好有問題🤣😂冬陰功湯大蝦拉麵冬陰功湯唔似冬陰功話係喇沙又唔係喇沙😂麻辣豚肉野菜拉麵個湯剩係得辣椒油？仲有我係食緊台式擔擔麵？啲面質咁既？咁港式？😂仲有另外一個普通叉燒拉麵湯底飲緊水咁😂好啦到嘢飲日式奶茶你比3合1茶包我？😂仲有。。要叫客人掃QR code自己落單但又收服務費不過其實度度都咁🥹

陪屋企人嚟打針打針之前一定要食飽所以我哋喺樓下求其搵間食晏見到呢間啲lunch set幾抵就試吓鰻魚飯配雞肉串鰻魚好食，唔會太多骨雞肉串係雞肉碎整成嘅，口感一般但都OK棒棒雞麵湯底有少少辣，蔬菜都好多不過麵嘅口感唔夠彈牙沾麵呢個沾麵反而唔錯～份量仲要超級多都真係幾抵食！（但就唔好要求好似出面尖沙咀百幾蚊嗰啲沾麵咁正宗）值得一讚係午市套餐個咖啡又幾好飲似係咖啡機沖出嚟嗰啲！屋企人叫嘅果茶同埋檸檬茶都不錯！整體來講不過不失啦～