八番麵工房 Deluxe (已結業)

這個飲食市況，這個地點午市居然要求收服務費。咁都唔緊要，最弊個男經不禮貌回應問題。講返食物質素，午市沾麵 $69其實都合理，至弊質素差無倫，湯底完全唔係你過往經驗過沾麵嘅質素-鹹、水、感受唔到日本風味。叉燒賣相ok,但原來食落去係一個鹹味；麵質唔爽無咬口；旁邊有啲蔥花，加落湯之後先只有蔥花同鹹味，不倫不類的港式湯底。order了凍奶茶少冰，第一啖有味之後就完全冇味，總之整份野就一塌糊塗。台面面積有限，食物未到收據就擺正喺枱面中間，我要落手將佢擺埋一邊上菜，我係另外比服務費㗎。

提早晚飯，試吓依間，食物種類選擇唔算多，餃子、芝士豬肉餅唔熱，京風和菓子（黑糖味）味道口感一般，牛油北海道粟米帶子拉麵湯底幾好味，牛舌也淋身，味道可以，唔特別好味，份量較少，價錢偏貴，環境服務ok.

喺上水廣場搵食見到八番麵工房有個午市套餐好似幾抵最緊要係疫情下搵間人少少嘅餐廳好耐冇食過沾麵就試一試佢呢個沾麵套餐 $69 包飲品用電話點餐可以揀走蒽走筍等等不過就冇得多蔥如果可以揀多配料就好🤣沾麵份量幾多，賣相唔錯有兩片叉燒做配料叉燒味道還好，不過略嫌有少少肥食沾麵最緊要係個湯但係個湯真係令人有d失望… 個湯唔夠濃郁，令到個面唔係好掛汁仲會越食越鹹叉燒再加埋個湯食就更加鹹食到最後有d 寡總括而言，下次都唔會再嚟

上水廣場5樓新裝修原來開返多間食肆冇左原來既coffee shop 同大鋪位既餐廳劃分左幾間細鋪今日就去試試八番麵工房呢個價位既拉麵🍜都會對佢有返咁上下要求晚市二人套餐$180見佢包埋小食同野飲好似幾抵QR電子落單方便點左個泡菜叉燒拉麵🍜冇眼花得一片叉燒😨由於唔係好餓就唔追究啦但認真失望泡菜拉麵就純粹多幾塊泡菜冇咩特別😳麻辣坦坦豚肉野菜拉麵（中辣）🍜見到就已經感到辣😅小食反倒還可以但個碟太大好似冇咩誠意孤令令咁😅㨂左杯綠茶🍵真係純粹綠茶 冇咩特別由於臨近收工時間都理解會開始準備關門但清潔用品味濃感觀唔係咁好始終都仲食緊野…整體來講 只係賣日本裝修既普通拉麵試過一次就算

今次咁啱去到上水廣場行街，夜晚8:00好彩仲有餐廳未閂門❤️openrice同ig唔算好多，但其實質素都相當唔錯👍🏻就等我留下第一篇好評啦❤️-🐚極上汁燒海鮮丼$138三文魚🍣、帆立貝、鰻魚等。各種海鮮烤到香口鮮味十分，米飯採用珍珠米，每粒都飽滿，超好送飯🍚🐷直源叉燒沾麵$83勁大份！沾麵湯好香濃嘅豬骨味，濃郁細滑，拉麵質地軟硬適中，十分掛汁！叉燒好大片，肥瘦相間👍🏻👅牛舌$55呢個牛舌超級厚肉又juicy，烤到非常焦香🔥咬落完全感受到牛舌嘅軟糯🐔雞中翼$27超級juicy勁大隻，一份有兩隻👍🏻外皮超級脆卜卜，焦焦香香，非常惹味！咬落雞油爆曬出黎🥰好邪惡！🐚帶子$42帆立貝都勁大隻，食落新鮮無雪藏味道，挺鮮味👍🏻❤️雞心$20比較少地方食到雞心❤️呢個雞心好高質唔會有腥味！🇯🇵日式年糕$28、🍵日式綠茶日式蕨餅$28、🍋凍日式檸檬茶-日式年糕好煙韌咬落好軟綿綿，外皮係甜甜鹹鹹嘅醬油味表皮😚；日式蕨餅咬落都好煙煙韌韌，抹茶味香濃，配合埋黑糖醬，味道豐富；凍日式檸檬茶好開胃👍🏻酸酸甜甜，十分解油解膩。🐙炸章魚燒$28外皮脆卜卜，咬落爆哂漿入面仲有章魚粒，外面仲有木魚碎同甜甜惹味嘅燒汁😋

見上水廣場5樓食肆個層翻新左，一於去試吓😙。拉麵店嘅位置好充足，我哋有好早食飯，所以冇咩人。呢間餐廳都係用QR code落單，十分之方便。但係呢度啲餐具好奇怪🥢😢，比較完圓同粗，非常之難揸，好難夾野。叉燒沾麵🍜 （$69）個沾麵湯底完全唔得，水汪汪咁，唔夠濃稠，沾面好難掛汁，果汁係有啲似台灣滷肉開左出嚟嘅水，面身比較軟，冇咩日本麵應有嘅煙韌感，唯一比較可取嘅係糖心蛋🥚叉燒拉麵🍜 （$66）睇個賣相都好似好靚咁，但係個湯底都係差少少，係比較淡味，冇平時出面食嘅豬骨同味增嘅香味，碗麵嘅質素係預期之下抹茶黑糖蕨餅🍵🍯 ($28) 反而呢個甜品幾出色， 蕨餅唔會太甜，出面包左滿滿嘅抹茶粉，抹茶味都好香濃，同有埋啲黑蜜，味道balance得唔錯👍🏻呢間拉麵完全係喺水準之下，有啲諗返起係童年食嘅味千拉麵，食呢間不如返屋企自己煮個麵食好過🙈📍 八番麵工房 Deluxe (上水)上水龍琛路39號上水廣場5樓511號舖

依間嘢平平哋都要68蚊碗面/飯，再拗你服務費加埋都78。小弟就食咗個豚肉飯。筋又多，肉又韌，飯就少到喊，d汁好似好貴咁樣得嗰兩滴。小弟朋友食咗個泡菜拉麵，d泡菜似純白菜多d喎，70蚊碗面得嗰一舊叉燒。仲有d面似公仔面多過拉麵，碎到似媽咪面。感謝依間鋪令小弟回到童年啊🙃。仲飲咗杯6蚊嘅水同20幾蚊嘅溝水牛奶，啊唔好意思應該係綠茶同日式奶茶，毫無茶味。仲不如去茶餐廳，喊出嚟。仲有服務咗d咩啊，大哥？點餐都係自己上網點，咁就收我近40蚊服務費，合唔合理啊？最後四個人俾咗近420，食咗好似冇食咁樣。唔通依個就係凡人唔明嘅境界？咁小弟講聲對唔住先🙃

十月初聽人講呢度啲湯底好 淡茂茂 食物麻麻， 但係今天朋友 約我去呢度食麵咁啱我又經過上水 ，於是 我哋兩個人 抱住 試下心態， 一試之下 覺得啲麵質好 彈口，豬扒好軟熟，叉燒好好味， 沾麵湯底味道啱啱好 ， 服務員態度又好，常常問我哋要唔要加水， 冷暖熱水都得， 值得一讚， 我們計劃 還會再來。

今日去上水廣場消費消費，上5樓搵食，發現有幾間食店正在裝修，見這間八番麵工房已經開始營業，便坐下一試。餐廳選用自助點餐QR CODE落單，食品和飲品選擇都不多，價錢都尚算合理。我地隨便點了豚肉丼、網燒雞扒牛蒡丼、中華沙律、面豉湯、串燒秋葵、章魚燒和飲品。首先上中華沙律，準備夾上黎食，朋友發現對筷子竟然夾唔到食物上黎‼️夾完又夾都唔成功 ，最後要用筷子好似食意粉咁 卷住食物 入嘴。睇清楚發現對筷子設計有問題，對筷子 中段 肥圓，肥到 筷子頭 合唔埋，仲要頭重腳輕，請問點夾野？🔥😡最後我地2對筷子要一齊挑起食品先夾得起🔥🔥。見下圖如果你想食，建議你帶埋筷子去🤣😂，或者把筷子揸好低先會夾到食物。⭐🔥返到屋企，睇番OPEN RICE 見到有D 食評，都已經反映過餐具既問題，所以建議餐廳應該正視一下餐具問題🔥⭐投訴完餐具問題，講返食物，中華沙律和面豉湯，跟餐加$10，面豉湯入口順喉，好味。丼飯～飯份量適中，豚肉和雞扒份量多，配上雞蛋絲和蔥花，两款都屬日式口味偏甜，味道可以。炸章魚燒，跟飯加$20 有3粒，味道普通。涷即磨咖啡味道比較淡，日式檸茶口味偏酸。以這個價格來說，整體屬合格。但如果唔換筷子，

哩期上水開咗好多新店，八番麵工房都係其中一間，人流唔算太多，等15分鐘左右有位。我試咗帆立貝拉麵（唔記得全名），味道麻麻，d麵好少，如果冇記錯係$98，唔覺得值哩個價！燒雞肝都ok，不過燒噥咗！

白菜芽菜拉麵，清淡飲食之最。雖然叫野菜拉麵，都唔洗成兜都係芽菜白菜掛？個湯頭完全飲唔到豬骨味，成碗嘢俾d菜搞到淡某某，產品定價係豬軟骨貴過叉燒九唔搭八，唔知邊樣主打，原來樣樣伏，炸雞球睇得出即炸，上到檯成張吸油紙浸曬油，咬落又係成口油…成餐飯唯一可取係服務姐姐服務好，不斷加水，有禮貌，抹枱。食物質素，餐具真係完全睇唔出老闆有思考過顧客的體驗，個對不知所謂的筷子湯羹，嚴重懷疑拉麵係冇試過自己餐廳d嘢食。作為消費者俾咁的價錢食有呢種不愉快的體驗真係覺得翻屋企6個公仔麵好過。

2021.09.12 😐【穿梭於上水的拉麵工房】食在上水小寶貝已經滿月 就等如我這個新手媽媽亦坐完「坐月監」🤭🍼終於可以呼吸自由空氣第一彈 就同老公就近來到上水區內一間新開業的拉麵店裝潢以木色為主調 就似日式拉麵工房🍜座位也算舒適寬敞 就算帶著嬰兒車也可以放在身邊順帶一提下單以手機掃QR code方式 方便快捷 值得一贊🔸直源叉燒沾麵 $83直源 據說是日本名牌醬油之一既然一場到來 當然就選擇主打的直源醬油沾麵系列先來一啖湯底不肥不膩 口味順滑😊而小妹較欣賞麵質 爽滑、彈牙可惜湯底不能談上濃郁 未能緊緊的掛上拉麵另叉燒口感不過不失🔸餃子 $28/5件🥟🔸什果賓治 $32味道: 3.5/5；環境: 4.5/5；服務: 4/5；衛生: 4/5；抵食: 3.5/5八番麵工房 deluxe 💌上水上水廣場5樓511號舖Mon-Sun: 0700-2200🌗 Openrice:yee6192004

✅。不用等，立即有位。下單用QR code❌。沾麵沒有過冷水（最大問題）。餃子形狀過小，好像在吃餃子皮。日式檸檬茶好有粉沖感覺，老婆也同感。員工努力收拾食具，但不會主動加水（亦不會像日式拉麵店，每枱可以自行加水）總結：新開就進去一試，應該在試業期間。一開始感覺很好，因為不用等，亦都可以用枱上QR code 真接下單，但既然不經人手，可以在每枱放一個水壼，客人自行加水。點了沾麵，麵身類型是喜多方拉麵，但麵條居然是熱的，明顯沒放到冷水中。外加餃子，但好像在吃沒餡料的餃子皮。也點了「日式檸檬茶」但味道有童年（幾十年前）屋邨大排擋用粉冲出嚟果種感覺。

之前行過見到已經想試，今日星期日放假終於嚟試咗。大概1:15分嚟到，等咗一陣就有位，坐吧枱，自助QR CODE點餐。極黑叉燒野菜拉麵 加$10配餃子（3隻）Deluxe叉燒拉麵 加$10配燒雞中翼（2隻）老實講敗筆之處，係個湯底有點淡，唔夠濃味⋯⋯ 唯一欣賞係塊叉燒幾好食，夠鹹夠入味。餃子麻麻哋、燒雞中翼個面燒得幾香口，我覺得唔錯，雞翼同餃子我會揀雞翼。結論：適合口味較淡人士，一試無妨。（需收加一服務費）

今次特登去試試呢間拉麵店 😀見到門口寫住13:30開始 ～入到去職員都表示要用手機落單有冇問題，咁宜家都好多餐廳都推行手機自助落單都幾方便👍🏻手掃左個QR CODE 見到餐牌其實吾太多選擇..最後選擇2碗泡菜豚骨湯叉燒拉麵同北海道牛油帶子拉麵，落單既時候見到有得選擇走荀走葱 😅最後職員送上拉麵🍜表示其實我地拉麵係無荀。。但另一位職員又表示你們都選擇了走荀。。所以無。。好亂啊！咁啫係有荀定無？有無荀都吾緊要！碗叉燒拉麵🍜得一塊你無睇錯！佢係得一塊簿到震既叉燒🙂！我都怕係我睇錯。。誤會左。。原來真係得一塊都吾緊要碗拉麵要$66要叉燒拉麵🍜68 😒湯底仲要好咸😩😩佢仲要加1 😒😒😒😒？？餐具又好重完全吾明佢係咪想點？？？一擺底餐具🍴職員就即刻收碗餐具？？？PS : 吾會再光顧 ，試過就算 ，如果想體驗用重到爆既餐具去夾個一塊叉燒你可以去試😌我會選擇食出前一丁🙂🙂🙂🙂🙂🙂