八福 (已結業)

是晚 ( 7/6/2008) 約 7:00pm 到場,8:00pm 左右已經住滿。全程服務: (1) 去到時已經好大雨,我係門口諗住整好把遮先入去, 點知個waitress 見到我地就好主動咁唔怕濕, 幫我地捲遮 and 放好, 服務勁好, (2) 我地入到去, 走來走去三次，搵一張最舒服的卡位坐， 佢地都無黑面, 反而我地有點唔好意思 (3) 食到中途，見到個外國人係cashier, 我以前佢叫外賣, 後來先知道佢只是買一支 coca cola, 個老闆都無黑面, 反而仲同佢傾左一陣 and 提佢用紙巾抹一抹個樽口先飲 因個外國人唔鍾意用飲管飲汽水，我聽到佢話咁會製造好多垃圾, ps: 我突然

上次想食壽司,但度度都排唒隊,所以咪入黎呢間食,點知'領'哂野......本小姐原本都是愛烏冬之人,但經此一彼後,點都留有些少陰影話說當時一坐底就嗌左碗蝦天婦羅烏冬,等左15分鐘後才到,一黎到見到個樣已知唔對路:啲烏冬咁林既?.......一pat pat的, 好似煮左成日咁!!! 算啦,唸住唔食烏冬食天婦羅啦, 點知啲天婦羅仲衰! 完全好似食緊一舊油咁, 冇錯, 係一舊, 你話幾噁心......如果閣下喜歡冒險或者有錢冇掟使既話, 你絕對可以試試, 訓練下自己膽量。但如果唔係既話我勸閣下三思.........

睇完食評都知,不用抱太大期望.既然主打是烏冬,當然要來一客冷烏冬,再加一個燒三文魚塊等了大約10分鐘,烏冬先來-份量不少,醬汁顏色如水,但味道是濃而有少許鹹的.有一碟蔥粒及wasabi說回鳥冬,與赤丸製相比,後者勝一籌!因為這兒的比較淋身,吃不到鳥冬味.不過紫菜條興幸不是淋的!再等10數分鐘後,燒三文魚塊到了-新鮮炸起...熱而不脆....至高境界!!!哼....吃不到三文魚味,見看到三文魚的色澤!三文魚不是三文魚排,而是三文魚鬆罷了....

今日三點幾一個人行過女人街,見到呢間標榜手打烏冬,就走入去一試.叫咗個下午茶餐$22,煙鴨胸湯烏冬,碎海藻,苿香綠茶.煙鴨胸得三塊,味道偏咸,湯底亦咸,但係佢個推介紙到寫住湯底味帶清甜可口,不含味精,建議連湯一起享用,如果真係跟住佢咁實咸到飛起,我就一啲都唔覺得清,至於烏冬本身彈牙程度一般.至於碎海藻淡而無味.最後嗰杯所謂苿香綠茶,唔知點解綠茶竟然唔係綠色,成杯普通熱茶咁,唔知係咪我見識少呢?

下雨天, 又一個人都係搵個地方快快趣趣食完就算叫了一支汽水, 一個熱烏冬, 一份雞亦 $ 32 冇加一坐得都ok 舒服o既湯底我覺得唔係太得, 面質都幾彈牙, 雞亦很一般另: 我見到人地的天婦羅, 上次2次d 漿粉都"疑似" 痴了毛髮....

新 假 期 早 排 用 半 版 篇 幅 去 講 ，間 舖 仲 放 到 鬼 咁 大 貼 佢 喺 門 口 吸 引 食 客 . . . Wasabi 雞 中 翼 上 到 枱 ，我 同 女 友 真 係 呆 咗 兼 O 晒 嘴！雞 中 翼 上 面 加 wasabi 就 係 Wasabi 雞 中 翼？我 喺 日 本 及 香 港 啲 日 式 居 酒 屋 食 過 ，人 哋 係 將 啲 wasabi 加 喺 雞 翼 入 面 攞 去 燒 架！OK！係 我 誤 會 咗！但 雞 翼 一 食 就 知 係 叮 嘅 ！又 硬 又 乾 無 晒 雞 味 唔 怪 得 $16 咁 平 啦 ！汁 煮 牛 肉 反 而 賣 $22 咁 貴 ，熟 過 頭 無 肉 味 兼 韌 到 死 。麵 豉 湯 鹹 到 飲 咗 一 啖 就 即 刻 放 番 低 . . . 天 婦 羅 虎 蝦 啲 粉 厚 到 難 以 接 受 ，$14 隻 亦 偏 貴 ，其 實 蝦 肉 只 得 幼 幼 一 條 ，雜 誌 話 足 有 14 寸 長 . . . 無 嘢 呀？誇 到 咁？14cm ( 5 寸 半) 就 有 . . . 14 寸 長 . . . 龍 蝦 咩？

見報紙介紹，於是前日下午六點半試試。淨手打烏冬有分大 ($17) 和細 ($10)，正猶豫份量大少時另一枱客人的手打烏冬上枱，於是問四眼侍應他們叫的是大還是細。侍應望一望後居然答：「細即是一份、大即是份半！」「那麼一份是多少？」侍應道：「那枱客人已經食緊！」然後走開唔再理我地。實在太唔專業！又好氣又好笑！後來點了日式餃子烏冬 ($22) 和煙鴨胸烏冬 ($26)。湯低唔熱、太咸，有點味精湯的感覺。烏冬質素一般沒舍特別、不太入味。日式餃子冇煎過、泡在湯內變得軟林林，點解唔分開上？如此質素，實在唔值廿幾蚊！好在不用加一，否則鬧爆。

呢間野D烏冬真係OKAY,吾可以話根靚,因為只係10蚊而且好大碗,叫左天婦羅個D,12蚊黎講真係幾抵食,重有幾好味.野飲都吾差,1個人都係20幾,30蚊到,我吾小心冇拎電話佢拎返黎比我;

好想食手打烏冬, 上網某論壇有人介紹這一間, 同 bf 去食餐好..由於怕迫人, 我地6點幾已經去到, 當然有好多位啦.一坐抵, 水都冇杯, 以為沒有供應啦, 但我地見到其他2枱都有, 就問個四眼女waitress比杯水我地, 點知佢即刻黑面 ..之後食物到, 叫左餃子手打烏冬, washabi 雞翼, 吉列豬扖烏冬..烏冬既口感不錯, 幾有咬口, 可惜成碗野是暖暖的, 湯不夠熱, 影響左...雞翼個washabi 醬幾好, 但雞翼是雪藏貨，明顯佢冇咩點醃下就炸, 變左麻麻地唔得..結果:[ 得烏冬 ok, 其他麻麻地)

o個日搵野食~行過見到d dinner餐$22咁平咪衝左入去叫左個豬肉餃子烏冬首先間野標榜手打烏冬 但d烏冬根本好似浸左兩日既發水公仔麵咁既質地真係唔識形容~另外d餃子又乾又硬應該冇煎過~雪跪拎出黎就dum落去雖然我地不段安慰自己係$22不過呢餐已經唔係唔抵既問題係真係"難食"~係貼錢買難受!p.s.食完出黎 仲驚見門口有張新◎期既推介話d烏冬爽滑彈牙之類 "||

昨日跟男友出來買禮物，行到咁上下，見是 LUNCH 時間，便轉入女人街搵食。看到這間在砵蘭街冰室隔鄰，標榜自家手丁烏冬的日式小店，不設加一之餘，午餐只是 $30 左右，即入去試試。看過餐牌，SET LUNCH 不太吸引，散點了燒汁吉列豬扒烏冬，厚燒玉子辣汁牛肉烏冬和天婦羅雜菜。上菜速度中慢，先來烏冬，賣相求其咗啲，但分量不少，厚燒玉子辣汁牛肉烏冬的香味有點似日清麻油，勁香，呷了一口湯底，算是清甜，帶微辣，牛肉是肥牛，厚燒玉子的厚度跟坊間用作玉子壽司店的玉子差不多，味道不清楚，因為冇食。先講烏冬，滑卻不彈牙，吉列豬扒皮脆肉嚡；重頭戲是天婦羅雜菜，不，應該是酥炸雜菜，分別是南瓜、茄子和冬菇，南瓜、茄子勁大件，盡顯廚師的不細心，而且粉漿勁厚，直頭同炸魚薯條的炸魚粉漿有得揮。更搞笑的是，蘸天婦羅的汁用小碟上，小碟淺而碟口窄，真是想問問侍應，應怎將咁大件酥炸雜菜放落碟中蘸呢？

星期六晚上在旺角和朋友相聚，決定不了去哪兒吃飯，於是便和往常一樣在女人街中邊走邊看尋找合心水的食店。最後走到這間叫八福的烏東店，看見價錢尚算便宜，門口又有新x期雜誌推介報導，即管一試。先說店舖的logo，和我平時去開的赤丸有9成相似，難道賣讚崎手打烏東的店都是用這個logo的？店內裝潢不錯，可能是新開不久，四四正正光猛整潔。侍應服務ok，最後朋友們都點了烏東，我就點了一個咖喱吉列豬扒丼。最先來的，是一碗麵史湯。我以為會有一點海帶和豆腐的，可惜只是純粹一碗很咸的湯，完全沒湯渣也沒什麼麵史味。然後等了好一會，才來一碗烏東，第二碗又再是好一會兒。那個烏東和我認知的讚崎手打烏東有很大的分別，眼看面前的烏東就像浸了三天的發漲公仔面一樣，朋友分了一口給我品嘗。感覺實在太詭異了﹗ 淋淋的沒有咬口，門口新X期所說的爽口彈牙烏東到哪去了？至於我的豬扒丼…等了半小時，催了兩、三次還未來 最後終於來了，不過都是很失望。朱扒望落很厚很大塊，但其實全是炸漿沒什麼肉，而且一夾即散。咖哩汁很少，但紅紅綠綠的海帶絲和不知名漬物(酸的)卻舖滿了半個飯盒。由於我對紅色那種東西的味道不敢恭維，我將它們和它們掂到的飯都挑出來

2/5(五) 7:30pm大考之日,緊接的是一個星期的黃金Sem Break.怎料惡耗傳來,令這碩果僅存的假期敗興不少.既成定局,欣然面對! 如常的來數句鐘的兼職,七時許於旺角會合男友覓食;跟此區的食潮脫勾了好一陣子,沿著女人街,找到了開業不久的"八福".港式日本店子,噱頭乃其自家手打烏冬,看其價格,低消費也;欲欲試個究竟!坐於近門的沙發座,店舖以簡潔的白色作主調,四四正正,不迫隘已感快慰.厚燒玉子$14,天婦羅軟殼蟹$22,滑蛋吉列豬扒丼$32及滑蛋鰻魚撈烏冬$36成了我們的肚中物.麵豉湯--味不濃,尋常的味道...厚燒玉子--玉子不滑不香,半熱不冷,厚度有限!天婦羅軟殼蟹--兩小隻軟殼蟹炸身滿乾脆,外乾內裏肉汁豐富,縱然鮮度不致出眾,但已是最可取的一味!滑蛋吉列豬扒丼--滑蛋內含洋蔥絲,蘿蔔絲,冬菇絲;別奢求滑蛋可如其名,沒啥蛋香兼沒口感.豬扒亦然,甫咬即散,次品!底部的珍珠米丁點不黏口彈牙;暗嘆:搞什麼鬼!滑蛋鰻魚撈烏冬--那滑蛋重蹈覆轍,老得可憐!纖薄的鰻魚帶點腥腥的.至於其手打烏冬入口頗幼滑,唯不怎麼煙韌富麵粉香;司空見慣的食味!千不幸萬不幸的當上魚腩部隊,$104買個小教訓