八道韓式燒烤 (已結業)

128任飲任食，呢個價錢都唔太有期望，食物質素還可以，但食食下見到有食客將唔啱食嘅食物偷偷地倒返落去自助bar到，哇，見到都唔敢再拎個兜牛仔粒，生嘅都話可以燒熟啲殺菌，之後見佢地將食唔晒嘅哈密瓜放返出去，但又再拎西瓜，哇，阿嬸...比返啲公德心好無，仲要教壞埋個孫女!

其實呢間嘅火爐真係十分不濟！要大火無大火。店員又成日加凍水去爐邊！搞到本身已經細火嘅爈連小小熱力都無。坦白講第一轉已經燒左成個鐘先叫食得落肚..正當我地見到火爈開始熱嘅時候，有個貌似店長嘅好似教定鬧鐘定唔知有超能力咁 識自動走過泥加水，搞到個爐又再次凍返。總之，今次真係真真正正體驗到「慢煮」！但唔係法式慢煮，而係「韓燒慢煮」！大家有機會不妨來試試💁🏽‍♂️不過要有心理準備，隨時讓你戒掉「韓燒」！

D爐垃圾到一個點！得個兩個鐘....個爐開左成粒鐘先熱..食到最後五分鐘先見到星火！平時食韓燒係燒到面都紅；依家係燒到面都青，越燒越凍，就如同該店嘅爐火般——星星爐火。d生肉對住d火真係想熟都難！仲有爐側邊圍住一堆凍水咁想快啲熱就難上加難！但D店員仲時不時加返D水上去！兩個鐘加左三次！咁就難上加難再加難！依家食韓燒搞到好似蒸野食咁！挽我咩！真係平野無好野！如果大家想食得盡興D就寧願比多少少錢食其他仲好！

星期六的晚上同屋企人去了樓下冬菇亭食韓燒。 話說這間八度之前曾經停了一段時間 ，聽聞是因為沒有續到飲食牌定消防牌？隔了差不多一年多的時間重開，我和家人便去試一試！價錢劃一， 沒有分日子和時段， 任飲任食兩小時，成人$128加一，小童$98加一， 比起市區相對來說比較便宜餐廳食物種類不算特別多，但擺放得整齊乾淨， 而且有名牌標籤各種食物， 店員亦refill得很快！食物味道都不錯， 唯一個人覺得咖喱魷魚比較鹹，辣的食物超級辣！！另外醬油都沒有什麼味道值得一讚的事除了韓式燒烤火爐中間還可以打邊爐！同時亦都設有甜品和生果 和一些前菜。飲品櫃有兩個， 普通汽水和紙包飲品都有 值得一提的是有鴻福堂的一些涼茶和啤酒。$128加一每人埋單都只是$141,十分抵食ps. 店員服務十分參差，男店員都可見十分落力， 唯一一個女店員是問什麼也答不到， 而且感覺到她是不想招呼客人的， 感覺十分差

未重整之前都有黎食過，相比之下宜家嘅食物質素好啲，比較新鮮啲。有新野食，食辣嘅朋友可以試下個麻辣雞翼，個人覺得幾正🤤。唔食辣可以試下豬頸肉都唔錯。啲侍應都幾有禮貌，問佢地啲咩都會好有禮貌甘答我，而且見我地個邊爐好耐未滾，仲比個蓋我地。啲冷伴唔錯，食完幾開胃，略帶點微辣。不過甜品選擇比之前少左啲，如果有番啲雪糕或者好似之前甘有cheesecake都唔錯🤭，同埋差緊啲韓國款式嘅野飲。在概括黎講都已經唔錯👍🏻👍🏻

良心食肆，$128加一韓烤+火鍋，有成三四十款食品，汽水啤酒（獅威）任飲，坐位舒適，服務也好。肉類醃得好味，五花肉牛仔骨牛肉粒既肉質都唔錯，辣味雞翼都幾辣非常野味。火鍋湯底白色咸咸的，另到淥過既蔬菜都特別甜。餃子燒比淥好味，最後仲有甜品生果，大滿足。原本以為咁大煙，食完個身一定好臭，但一啲味都冇喎

本人今晚和七歲女兒到呢間食韓燒放題，其實我經常光顧，最近一次只係10月份，因為本身住附近屋邨，而且價錢亦可接受，但今晚真係好激氣，事原我致電訂位時係講明一大人一小童，況且最近一次10月份都係咁樣收費，但今次食完埋單時計我二個大人收費，且有職員大大聲話如身高超過1.2米就要照計大人，但由入座至食緊期間一直無職員向我提過，其實相差只不過三十元左右，所以我照比錢離開，但諗諗吓條氣唔順，就致電該舖反映，接聽男職員真係超正！口口聲聲話已鬧咗有關職員，但又不問我：（你想點吖？你想點吖？）真係唔激氣都比佢攪到激氣，我問佢老細乜嘢時間喺度？有冇投訴電話？他竟然答：（老細唔係成日喺度架！無投訴電話架！）真係好嘢！間舖我經常幫襯，而且向朋友都有推介，但今次由於呢位職員，真係大打折扣！

痴線，128加一任飲啤酒汽水，又燒烤又打邊爐，仲要食物質素非常合格，啲人仲嘈咩嘢？坐低見到涼菜部分有四款，八爪魚太多汁浸住，都係嗰啲味但質地爭啲。泡菜，青瓜同中華沙律幾好。吃肉時間到，雞翼，魷魚，五花肉，鴨胸，雞軟骨，豬扒都得。中間個火鍋就耐啲先熱，見有啲枱有鍋蓋。一時醒唔起會食蔬菜，叫咗麻辣湯，個辣唔係好勁的。芝士丸，芋絲，冬瓜食完又食，仲有好多選擇，麵同其他蔬菜。佢醬汁嗰度有個辣醬幾好食，香而不太辣。有生果，有啫哩和椰汁馬豆糕，飽哂。

今日同friend去食，八個人四人一台分開坐， 一開始我個爐已經有問題 ，好似冇火咁， 但搵佢嚟睇咩事之後幫我哋換左Gas, 都仲係咁，叫佢哋幫手換枱，佢話個個爐一樣，最後冇換， 啲嘢食根本燒唔切，都算啦， 隔離friend嗰個爐猛火到燒上嚟，爭啲燒到個徦櫃(個櫃就喺個爐上面再高啲) 最後竟然係餓住咁樣出返嚟... 雖然環境同服務唔差 但係如果想食好少少就真係要再三思………………………………………………………………

冇咩服務生，啲甜品唔好食，食材都唔知新唔新鮮，甜品冇咩款，拍青瓜唔錯，麻辣湯辣到酸，啲啫喱超硬， 飲品唔錯， 態度差價錢貴， 啲嘢唔好食， 食完唔知會唔會肚痛，有啲擔心， 總括嚟講就係唔太點。

經過裝修後，野飲可以任飲唔再講🤤食物多咗，肉質比之前好咗。冇用甘多油，感覺上健康過之前🙈！不限時段入座，抽氣系統比之前個個好咗加上個到啲伙記比起之前個真係好咗好多就算野食冇曬都會好快再出過新嘅。我都係人冇甘多先影到少少，值得再去試嘅，平平地夠親民

價格一律128元，加一服務費，不限時段入座，任食任飲120分鐘，還加入麻辣火煱，可燒烤或火煱，不錯的選擇，因很小韓式烤肉店，在屋邨裏經營，方便幫襯，隨時想食在去食，不用搭車真方便

呢間係我光顧最多次數既韓式燒烤店，價廉物美既程度令我每次都好擔心下次再來會唔會已經做唔住執左，慶幸既係幫襯左年幾都重立不倒首推大家光顧平日下午5點時段，每位$100有找，除了可以燒烤外，爐既中心有一個好細既爐仔可以做邊爐；除了有燒烤配料外、亦有多款冷盤熟食、配菜，味道也相當不錯，還有啫喱糖、生果、沙律！燒烤既肉類醃製得很好味，大力推薦各款肉類都是必食！之前飲品是汽水機飲品，現在改為紙包更乾淨方便。環境舒適，這個價錢相信其他食店沒有這個質素了

唸住平平地，試下啦，點知差到冇人有我食1900-2200時段，成人百幾蚊個，本身唔係話要好好食，不竟係屋邨入面。店內啲抽氣系统唔好，食完嘢成件衫都係味，算啦，食韓燒係咁ga啦，忍一下啦。食物方面，佢啲野食名黏係野食盤上面，都分唔清邊個打邊個，有啲有醬係面頭嘅都唔知係熟嘅放出嚟涼哂定生嘅，啲鉗生熟都係同一個鉗夾，蓋又無，啲野食都唔知有冇麈。嘢飲好少款，檸茶都冇包，淨係得酒，解茶同水。服務方面，啲人叫兩三次先黎。廁所髒到死，坐廁廁板都無。下次絕對唔會再黎食

食物差，全部肉搵鬆肉粉醃得過份，原全食唔出食緊咩肉，無味。個爐不知所謂，生銹不得止，仲要油都唔提供，“痴”住晒。負評，不知所謂，唔會再黎。雖然話一分錢一分貨，170一位都唔係特別平，免費都唔會再黎