八鯨料理

營業中

休息中

又黎到大埔出名既日本小店，之前食過幾次，今次就諗住試下刺身丼飯男朋友嗌左海蟾三文魚籽丼配細烏冬，海蟾好新鮮。份量唔算大，所以仲配埋一個細烏冬，男士都夠食而我就嗌左什錦魚生飯，有三文魚，三文魚腩，帶子，三文魚籽同海蟾。兩個飯都有紫薑同玉子一齊上。呢個什錦都有海蟾，仲有其他刺身，我就覺得抵食d😝 八鯨既壽司飯唔黏，唔似出邊果d一part飯痴住晒咁👍 亦都唔係熱飯，有時出面食丼飯會配熱飯，連埋刺身食就有d古怪仲嗌左個燒雞泡魚乾，可惜冇啤酒配，不過都係好好味總括黎講環境 ⭐️⭐️⭐️味道 ⭐️⭐️⭐️⭐️⭐️舒適 ⭐️⭐️⭐️優閒 ⭐️⭐️⭐️回頭 ⭐️⭐️⭐️⭐️⭐️

衝住佢價錢合理，CP值高黎食唯一唔好係座位好少，又係要等位壽司飯唔係我喜歡，酸左d,同淋左d可以抖唔夠熱，焗住掛佢個刺身丼係好抵食刺身拼盤五舊幾，有海膽又有時令魚魚生片係我鐘意的厚切，Toro夠肥冇筋三文魚魚腩油脂靚，白身魚一般見圖不解釋

難得黎到大埔，就去試下好出名既八鯨料理，由於疫情關係，所以只可以外賣自取，有個外賣menu，有9折。叫左個刺身丼，睇落個兜就唔係好大碗，不過最後都夠食得飽。刺身飯好夠壽司醋味，味道唔錯，亦唔會凍到好硬刺身方面，三文魚口感唔錯，唔係超薄切亦好香三文魚味三文魚子可接受，唔會勁咸/勁腥玉子好香蛋味亦好鮮甜遲D有番堂食之後，會再試多D佢唔同既刺身，見佢黑板MENU有好多款刺身試過刺身丼唔錯，可以再去試刺身

大埔都有唔少日本野食，價錢有平又有貴，八鯨就係我長期都會叫既外賣，價錢平質素又唔錯汁燒雞扒飯配細蟹籽沙律 $54麵豉湯就正正常常無乜特別，蟹籽沙律可以用嚟一齊食飯，事關個雞扒飯食落就dry左少少，照燒汁都好夠味，但個雞扒就唔夠嫩，但個人認為lunch食倒都唔錯，份量又好足！啲飯就比較淋身濕濕地，係我鍾意嘅口感，飯上面有飯燒汁，唔會覺得唔夠味。不過如果有返少少菜就好～大家午餐揀食八鯨真係一個唔錯嘅選擇

相信大埔人一定對八鯨唔陌生，價錢平民，款式多，質素高，我由中學開始已經幫襯啦😛~ 唯一問題就係無論平日定周末，差不多任何時候都要等位。星期六大概兩點鐘到，等左半個鐘多D先有位。而且午市去到三點就完，想食到最齊全既菜式就要早D到了！🤭 本身想叫個碎葱三文魚井配面豉湯，可惜由於太晏已經無得叫。😿於是叫左個食過好多次既定食： 鐵板三文魚、金菇肥牛捲、炒雜菜配飯及面豉湯 $64大大塊三文魚，用鐵板煎至表皮香脆，肉質唔會實到硬邦邦，魚油令三文魚更光澤誘人。金菇肥牛捲分量足夠，肥牛唔會煎到好老，金菇吸收曬肥牛肉汁，不過一D都唔油膩。再配上椰菜、菇、紅蘿蔔等炒成既炒雜菜。雜菜爽脆，吸收左肉汁後唔會好寡，調味得宜。除此之外，呢度既燒鰻魚飯都好出名，下次再去試下先！

一至日都咁多人排隊既日本餐廳，今次等咗半個中就有位，好好彩，叫咗一個拉麵，炸串拼盤同三文魚奇趣。首先三文魚奇趣好推薦一定要食，三文魚卷中間夾住一啲脆米，好正，好特別，另外拉麵湯底都好正

係大埔應該無人唔知邊一間或者嚮邊到！每既同埋返學返工時間必定爆曬人，排到出面都好多人願意等既一間餐廳！夜晚去食 價錢黎講好抵！仲有海膽炒飯🤤🤤🤤見佢地忙到一頭煙超級好生意而且店員都相當友善親切

八鯨料理自選套餐吉列豬扒套餐價錢💲: $60/ $52好味程度😋: 4.2/5服務🍴: 3.8/5環境🗾: 4.2/5性價比🥢: 3.8回頭率😚: 3.6/5 (特別想食魚麵的時候)-大埔真係好多黃店，之前見到有人推介八鯨，話又平又大份，所以我都去左試佢地的lunchset。平日晏奏去到都要等一陣，真係坐到爆🧐但係質素冇我想像中咁突出。-我叫左個自選套餐，有細烏冬一碗，湯底係好清個啲昆布湯加粟米粒😂烏冬都有用急凍烏冬，所以煙韌，唔會太粉頭😋 佢仲配左4件自選壽司🍣，我揀左北寄貝，蟹子，碎葱三文魚同鰻魚。首先d紫菜睇相都知佢軟左唔脆😥 4舊都新鮮既，特別北寄貝好大塊。鰻魚都有烤過的味🤔 但三文魚就唔夠肥。到個一件手卷，我揀左三文魚手卷，又係一樣紫菜唔脆，三文魚質素一般，咁的壽司就好似爭鮮質素😂-個餐仲有小食，我揀左炸雞，佢有三小舊，外脆內嫩，都正常！配沙律醬食就更加分😝 另一份就叫左吉列豬扒套餐。呢個反而好小小，size正常，但幾有肉汁，粉漿都唔會大厚🥳係鬆脆的吉列豬扒👍🏻 但碗白飯就會比較乾，因為冇任何汁撈。整體其實好普通，係價錢合理又多款。我見隔離魚生飯正啲🤫 如果突登來食就唔需要，

呢間日本餐廳開咗應該有20年了掛，我諗。裝修雖然十分殘舊，生意卻非常紅火。晚市6:00開始，但係5:30唔到，已經有十幾20個客喺出邊等緊攞籌。間餐廳唔算大，我諗座位應該有三四十個。所以如果想去試下，最好提早去到攞籌。佢哋嘅刺身質素唔錯，但係烏冬就麻麻地。我order左碗帆立貝烏冬，帆立貝好大粒，足足有三粒，碗烏冬就大大碗。其實本人唔太好食生嘢，所以叫嘅刺身唔多，但係總體嚟講，佢嘅食物對得住距嘅價錢。下次如果去開大埔，都會再去翻呢間日本餐廳，食到多次。

#支持良心餐廳鐵板三文魚配金菇牛肉卷 炒雜菜配飯及麵豉湯$64未有藍黃之分前都食過一次 覺得性價比真心幾高 質素都唔差 路線都係偏清淡 唔會好油 三文魚少少鞋身但絕對接受到 牛肉卷幾juicy 同埋都幾多菜下如果住近啲應該會變左我飯堂😳

學生時代成日走嚟食八鯨，然後好多年冇再食，但最近食返，又重新愛上咗佢💕呢間一直都深受大埔街坊歡迎，無謂幾時去都係大排長龍通常都要等十五分鐘先有位不過佢真係好抵食，等一陣都值得！成日嚟都係食呢兩個set：金菇牛肉卷配麵豉湯＋飯 / 鐵板三文魚＋金菇牛肉卷配麵豉湯＋飯金菇牛肉卷真係好正，又香又夠juicy，唔會燒到好乾，調味啱啱好💕鐵板三文魚都係煎得好香，食到三文魚好香嘅油脂lunch time都係六十零蚊左右，抵食高質日本料理！侍應老闆都好nice～

由中學食到宜家啦 水準都係無變 一樣咁好味💛！ 雖然已經加咗額外嘅枱櫈喺店出面 但都記住要預番十五分鐘以上等位 繁忙時間好多人💁‍♀️而且唔係日日開架必點既係定食： 鐵板三文魚+金菇牛肉卷+炒雜菜 配飯同麵豉湯💕 三文魚皮煎到金黃香脆 金菇牛肉捲充滿肉汁 就連炒雜菜都好好味 唔係嗰啲 淡味嘅炒菜🥰 配埋飯同麵豉湯食真係一流！而且份量非常充足 大大份💁‍♀️除此之外 佢嘅壽司同魚生都非常新鮮 可以試下！

八鯨料理 (大埔)大埔安泰路1號大埔廣場地下57號舖位於大埔中心既黃店日本菜下午兩點都好多人系門外等位餐牌價錢都合理水平牛肉手打烏冬配壽司三件$52烏冬口感煙韌，湯底清淡金菇牛肉卷配飯+麵豉湯$52肥牛卷煎得好香口同埋餐廳好細心咁cut左一半令客人更易咀嚼🍣單點壽司壽司料十足三文魚同鰻魚大嚿都可以包住成舊飯三文魚子都好新鮮評分：8.5/10

好少嚟大埔食日本嘢，因為有種印象就係細店+平價+日本菜通常都麻麻地，不過因為呢間黃店店又就腳就試試佢！店内位置都不算太多，晚上8時左右已滿座，只係剛好有個二人枱俾我地入。餐牌上嘅嘢食都唔貴，合理水平。三文魚壽司（$20）鰻魚炒飯（$76）：上枱嘅時候仲係熱辣辣，而且米飯都炒得好均勻，唔會啲飯痴埋一粒粒，炒得幾香煮豬炒蛋飯（$60）：呢個飯食落嘅時候個豬扒都幾厚肉，惟獨可改善嘅係個蛋鋪咗係豬扒上令到個皮給變淋，另外就係成個飯甜味較重食到後面個感覺就會有啲膩。晚市來講整體性價比都不錯，最重要佢仲係大埔黃圈嘅一份子，有寄賣飯券，大家記得支持下💪🏻

又諗起八鯨料理，位置唔算係好顯眼但總是那麼多人食，開左咁耐我只食過二次，好生意到有次試過話想叫外賣都唔做住。今日又見咁多人唯有無耐性既我試下買外賣，叫外賣食。其實一直都覺得呢間店整既野用心做既好東西😋😍😊😘，所有野好好味，包括出品既炸雞又嫩又有汁，不過要挑剔下係三文魚壽司食到有一小塊魚鱗。連手卷既紫菜都係好味唔會係硬到好難咬個d。講完優點要講下缺點，可惜係地方細，唔係咁方便，企一企想點個外賣都好似好阻住出入。