八麵玲瓏 (已結業)

Have wanted to try their 5-grain rice for a long time and finally made it! Ordered a eel + scallop 5-grain rice. While the rice and scallop were very good, the eel was not even lukewarm. It's probably part of my fault to have the eel and scallop come separately from the rice, but shouldn't they still be hot when being served to customers?

見它有這麼多好評, 今晚終於有機會試了, 首先覺得室內環境好新凈, 卡位算寬敞, 服務幾好. 老公想食棘故散叫了川椒牛根腩飯+凍檸茶. 他說牛腩好腍好入味, 棘棘地好開胃, 碟飯又好大碟, 食唔哂.我叫了dinner set, 美式煙肉龍利柳卷配天使麵, 包餐湯, 面包及茶, 即叫即做, 有3件龍利柳卷, 好大件, 配上那醬汁, 幾好味, 比一件老公, 他都說好味, 因配了天使面, 又係大碟到食唔哂面.總括來講, 食物中上與價錢合理, 埋單都是$99, 不加一.

一共去ｏ左２次，　２次都是食lunch set1) 唔收加一，　真係好抵(星期六以$28有得食有得飲真係開心）２）卡位好ｏ岩大家傾計，近窗口光線充足，Good!3) 食物選擇算多，　有飯　／意粉／拉麵等,比一般荼餐廳質素好4) 有電視睇抵佢有咁多笑臉，　希望出ｏ左名唔好迫爆啦～～PS　如果可加wireless 就perfect ，　好似同區cafe俾人打躉ma~~hahahaa

太太旺角上堂，四圍搵食是也！睇完『開飯』食評，決定摸上試。可能時間尚早，人唔多，差不多任坐。我倆個人分別叫雜扒餐同西冷牛扒餐。餐包同餐湯先到，一紅一白。紅湯味道濃烈，但有些少偏辣；白湯就味道唔錯。麵包唔夠熱，味道冇特別。雜扒跟薯條，份量唔少，而味道都唔錯，但煙肉同豬扒就麻麻地，有實同有硬。西冷牛扒跟薯條，份量相對少細。但口感同肉質都幾好，一男一女侍應，男o固個時時都好似唔耐煩咁樣，態度麻麻；女o固個比較有禮貌。整體：食物水準唔錯，但服務未到劉華標準！

頭先剛剛同老公去食午餐,幾平,同埋有粉面同扒食...我食左beef菠菜面,beef有點硬,面有點冷同平時食有點不同..平時食有9分,這一來只有大約6分左右,可能我2:30先去..不過老公份扒佢話好好味..而且環境不錯幾乾淨,可再反抄錄下來^

尋晚心血來潮, 於是兩口子就出左去旺角食晚飯, 諗左好耐都唔知食咩好, 女友又話想試下d新野, 真係諗到我頭都爆都諗唔到, 咁女友於是話想食麵, 可以去樂園, 又平平地又好味, 咁正當我準備去之際, 靈機一觸諗起食家"乜都放入窿"介紹過呢度, 而我又未黎過, 於是咪同女友去試下囉! 上到去唔多人, 等左5秒左右就有伙計出黎招呼入座, 佢仲話兩個人不如坐窗口位啦, 於是咪行埋去張窗口位二人度囉, 點知佢話不如比張四人我地, 等我地坐得鬆動d喎, 咁仲好啦, 我幾鍾意佢地呢個服務態度! 呢度地方相當清潔企理, 好舒服感覺, 同埋d位都幾好坐, 唔錯!我地睇左一陣餐牌都未叫野食, 而佢地亦都冇催, 感覺真係幾好! 我地見到佢個晚餐d扒好吸引, 又唔貴, 真係差d想叫黎試, 不過心諗冇理由黎呢度食扒架, 係於是我地決定要兩個八麵玲瓏招牌麵, 心諗冇理由唔食招牌野架嘛! 落左單後又比我發現多另一個小食, 見幾得意就叫埋啦!八麵玲瓏招牌麵有四款唔同配上豬骨湯底拉麵, 豬骨湯好清冇味精, 都幾好味; 配上粟米, 椰菜同埋海帶, 椰菜我冇食, 其餘兩樣都幾好味; 四款分別係雞中翼, 豬頸肉, 紫菜魚卷

之前都係睇到食評先會去試一試，雖然係舊樓樓上．但d裝修都OK喇！不過位與位之間就比較迫．honey叫了一個羊排set dinner要天使麵，我就要了一個招牌麵套餐．嗰招牌麵d餸有成４種款式，每款兩件，都算多餸，雞翼同豬頸肉都算幾好味，其中有一款成果球，白色好像係蘿蔔整成，不過有d苦苦哋，唔好食，嗰麵就普普通通．honey嗰羊排天使麵就比較差，如果先前唔知道係叫咗羊，真係食極都食唔到羊味，嗰天使麵好淋一pat pat，早知要飯就安全好味d，

嗰日一條友諗住去食mos　burger點知見到一條唔識郁既龍,當堂掉頭走人.正喺度苦惱緊食乜既時候,喺朗豪坊樓下見到朗晴坊個牌,令我即刻記得呢間我想試咗一段時間既麵店.入到去環境十分乾淨摩登,令人覺非常舒服,好似一間cafe咁!睇吓餐牌,選擇不少,好多嘢食都以健康為賣點.我叫左個豬軟骨2麫夾攻.　2麫即係波菜拉麫同普通拉麪双併,麫既質素尚可,但麫身偏淋,不夠彈牙,有啲可惜.不過個豬軟骨夠林夠入味,幾好！嗰個蕃茄湯確係掂添啦,又濃又鮮甜！仲有叫了碟生菜,反而呢個有D怪怪哋,唔知係D菜抑或蠔油有D薄菏味咁.講吓D服務,簡直掂呀,所有嘢都自動自覺,　跌了條麫落地,我用紙巾執番,佢地識得攞D新既俾我,叫生菜走油,蠔油又曉得幫我另上,又成日會行嚟睇吓你有冇野需要,非常體貼,好呀!都忍唔住要俾多幾蚊Tip史!第日一定會再嚟 !

要早一點食飯，隨意挑選了此店。還有tea供應，於是order了石斑沙拉(bf)--見他食得津津有味，而我又試了沙拉，都不錯!辛辣酸菜魚米線--我要走辣，但上菜時發現沒有酸菜，於是問問waiter，好在他都算不錯，回廚房裝了一小碗給我，酸菜食落都幾好味，而個米線就麻麻了，最後要勞煩男友幫我清底。雖然凍飲要+$3，但不用加一，又有tv睇，都算過得去吧!

都好耐之前去食飯! 由於我食齋既, 所以選擇唔係好多, 後尾叫左個五穀素桶飯, 幾好食, 一個人食既話, 絕對夠食!我朋友就食蔡欄介紹既麵, 不過, 佢話一般水準啦! 可能要食特別推介既麵啦!我地比較早到, 所以即刻有位, 但係當時根本仲有好多位, 個侍應竟然俾左個好窄既路口位我地, 更係要求換位啦! 雖然茶餐廳價錢, 但係坐得唔舒服, 都係會趕客架! 希望佢地會改善啦!衛生情況....見到既都ok既, 見唔到既就好難講啦....都話茶餐廳既價錢......所以衛生情況都可能係茶餐廳既水準......總括係ok既!

又黎食飯! 兩人叫左茶樹菇香肉菠菜麵...麵質岩岩好...不過, 蕃茄湯底無乜味...只見蕃茄數舊! 另外叫左個魚腐雙菇五穀飯....魚腐幾難食...不過...茶樹菇同雞脾菇就拉番高分! 飯連汁都幾好味! 另加兩杯熱飲...我叫左個菊花薑蜜...幾辣...冬天飲仲正!最好係佢唔收加一!

格局與一般茶餐廳無異, 只係上樓而已!有電視睇, 但唔知點解會係明珠台呢?餐牌就同茶餐廳唔同啦, 以健康麵做主打, 再加埋五穀桶飯, 完全feel到佢健康形象呀.兩麵夾攻$35 (凍飲+$3)撈麵: 日本拉麵+ 菠菜麵: 豬軟骨份量幾多, 味道可以啦, 但醬汁過多, 令到個麵唔洗撈湯都太濕啦!家常飯$48 (凍飲+$3)雜錦竹桶飯, 好多, 但問題一樣:太多汁啦!服務麻麻, 感覺上衛生情況都唔太好.

見到各位食家對呢間野既食評都唔錯，咁arm放工約左男友，我地就決定來試一試!!!我叫左一碗豬頸肉菠菜麵(蕃茄湯)，男友叫左個豬軟骨菠菜麵(蕃茄湯)。先評一下豬頸肉麵，味道一般,但份量都算多。個湯真係無味精ar!! 但食既時候有種感覺好似湯同麵唔多match! 豬頸肉有d怪味,應該用d唔知乜野鬆肉粉整過!! 男友個豬軟骨就好好味,very good!! 呢間野d扖餐好似幾okay咁, 見到隔離枱食得幾開心,下次一定要試!!

Oct 26 來了這裡吃一個快的晚餐,點了豬軟骨波菜撈麵。晚餐包一碗番茄湯和一杯飲料,我要了凍奶茶。番茄湯酸酸的,挺開胃,豬軟骨很軟,但肉比骨多,想多吃一點骨都唔得,aiya!波菜麵做得不錯,口感好!這裡的食物和環境在旺角來説算不錯,但是吸煙區太近非吸煙區,當所有餐廳開始實行全面禁煙會更好!

見食評ok，而且朗豪坊咁多人，緊係試。兩個人叫︰set dinner A - 什扒餐，要天使麵，有湯，蒜蓉包，飲品。豬扒、牛扒、雞扒& 珍寶腸，個汁配天使麵幾好味。豬軟骨菠菜麵- 唔食蕃茄，所以要清湯，但有咸，菠菜麵越食越水味，唔鍾意，豬軟骨幾好味，但太淋，冇得軟骨，配綠茶菊花蜜，麻麻地佢0既裝修用番上一手'麵軒'，全部梳化位，舒服，服務好，有禮貌有效率，唔洗等位唔多人，唔收加一，好抵，埋單$81