影片
更多
2007-03-07
1 瀏覽
尋晚心血來潮, 於是兩口子就出左去旺角食晚飯, 諗左好耐都唔知食咩好, 女友又話想試下d新野, 真係諗到我頭都爆都諗唔到, 咁女友於是話想食麵, 可以去樂園, 又平平地又好味, 咁正當我準備去之際, 靈機一觸諗起食家"乜都放入窿"介紹過呢度, 而我又未黎過, 於是咪同女友去試下囉! 上到去唔多人, 等左5秒左右就有伙計出黎招呼入座, 佢仲話兩個人不如坐窗口位啦, 於是咪行埋去張窗口位二人度囉, 點知佢話不如比張四人我地, 等我地坐得鬆動d喎, 咁仲好啦, 我幾鍾意佢地呢個服務態度! 呢度地方相當清潔企理, 好舒服感覺, 同埋d位都幾好坐, 唔錯!我地睇左一陣餐牌都未叫野食, 而佢地亦都冇催, 感覺真係幾好! 我地見到佢個晚餐d扒好吸引, 又唔貴, 真係差d想叫黎試, 不過心諗冇理由黎呢度食扒架, 係於是我地決定要兩個八麵玲瓏招牌麵, 心諗冇理由唔食招牌野架嘛! 落左單後又比我發現多另一個小食, 見幾得意就叫埋啦!八麵玲瓏招牌麵有四款唔同配上豬骨湯底拉麵, 豬骨湯好清冇味精, 都幾好味; 配上粟米, 椰菜同埋海帶, 椰菜我冇食, 其餘兩樣都幾好味; 四款分別係雞中翼, 豬頸肉, 紫菜魚卷
上到去唔多人, 等左5秒左右就有伙計出黎招呼入座, 佢仲話兩個人不如坐窗口位啦, 於是咪行埋去張窗口位二人度囉, 點知佢話不如比張四人我地, 等我地坐得鬆動d喎, 咁仲好啦, 我幾鍾意佢地呢個服務態度! 呢度地方相當清潔企理, 好舒服感覺, 同埋d位都幾好坐, 唔錯!
我地睇左一陣餐牌都未叫野食, 而佢地亦都冇催, 感覺真係幾好! 我地見到佢個晚餐d扒好吸引, 又唔貴, 真係差d想叫黎試, 不過心諗冇理由黎呢度食扒架, 係於是我地決定要兩個八麵玲瓏招牌麵, 心諗冇理由唔食招牌野架嘛! 落左單後又比我發現多另一個小食, 見幾得意就叫埋啦!
八麵玲瓏招牌麵有四款唔同配上豬骨湯底拉麵, 豬骨湯好清冇味精, 都幾好味; 配上粟米, 椰菜同埋海帶, 椰菜我冇食, 其餘兩樣都幾好味; 四款分別係雞中翼, 豬頸肉, 紫菜魚卷同埋水晶丸, 雞中翼煎得都幾香, 不過乾身左少少同埋多左少少油; 豬頸肉就燒得好香同埋好爽口, 點埋d泰式辣醬一流呀, 呢個幾好味; 紫菜魚卷就得意d, 放少少紫菜絲係個魚卷上面, 而魚卷裡面就夾住條紅蘿蔔, 魚卷好多碎骨, 口感唔好, 紅蘿蔔就硬左d, 麻麻地; 水晶丸又係好特別, 白雪雪透明咁一個波, 買相唔吸引, 食落都係麻麻, 淡淡地帶少少苦, 我估係d白蘿蔔唔靚; 不過拉麵就幾好咬口, 唔錯; 另外個小食係脆炸金錢袋拼甚麼玉兔餃, 兩個外型相當吸引同得意, 脆炸金錢袋就好脆口, 幾好味; 玉兔餃有d似蒸素餃咁, 都好好味, 不過唔熱, 我諗熱d會好味d!
個招牌麵都係$38, 仲有有一杯餐飲, 而個小食就$22, 可以單拼或雙拼! 飯後我地仲坐左一陣傾計, d伙計仲不停咁添茶, 服務態度真係好架, 不過今次個招牌菜唔算好出色, 不過一d都唔算差, 下次一定會再黎, 至少都試下佢d扒!
張貼
