六両三 (鉅利大廈) (已結業)

我點左紅燒牛肋條麵，牛肋條經過細火悶燉，入口即化，搭埋濃郁嘅紅燒湯底同Q彈嘅麵條，真係好好食啊。🥹小食方面選擇多又吸引，有百頁豆腐、甜不辣，再加埋香噴噴嘅台灣香腸，甜不辣彈牙，豆腐沾上辣汁好惹味，香腸嘅香氣四溢。🍢台式飲品就個個拎鍾意啦，我就叫左經典嘅紅豆奶茶，濃濃嘅紅豆香氣同茶香交織喺一齊，清新中又唔失濃郁。另外，招牌黑糖珍珠奶茶都正㗎，濃厚嘅奶茶香氣同彈牙嘅珍珠好夾。🍹朋友嘅炸墨汁墨魚扒便當係我最推薦，外酥內軟嘅墨魚扒充滿墨魚味，香口又彈牙！🍱如果你鍾意挑戰辣，可以試吓佢哋嘅麻辣鴨血，辣味十足，鴨血鮮嫩。🌶️唔好忘記品嚐呢度嘅，係一種奶茶界嘅經典滋味。飲完整個人都充滿咗幸福感。🥤最後，鹹酥雞同炸花枝蝦扒係必點。🍗🦑

今日嚟台灣人主理嘅餐廳食牛肉麵，餐廳主打地道冇味精的台灣菜👍三寶牛肉麵～湯底味道濃厚，係以牛筒骨加上其他材料每日熬製，牛肋條、牛腱、牛筋各有兩大嚿，牛筋軟腍得嚟又有少少彈牙，牛腱和牛肋條非常入味，啖啖肉😋優惠價加咗小食：甜不辣～台灣地道小食，鹹鹹甜甜😋百葉豆腐～感覺有少少似食緊軟腍腍嘅魚蛋，好得意😄台灣腸～皮脆肉香，小食必選👍滷肉燙青菜～滷肉入味，肥瘦比例剛好，油麥菜爽脆清甜😋桂蜜躺雪山～桂花蜜好清香，仙草清爽，芋圓煙靭，紅豆起沙甜甜蜜蜜，仲有個雪糕球😍

小黑糖珍珠奶茶 黑糖味道啱啱好，唔會太甜，有台灣夜市珍珠奶茶嘅感覺🥹滷肉飯滷肉飯最重要就係肥瘦均勻，呢間做得好好👍👍 推薦大家一定要叫多汁，滿滿嘅滷肉同汁好滋味，食到最後一啖都仲有汁可以撈飯🤤我嘅最愛永遠都係麻醬拌麵，好多醬！超香嘅花生芝麻醬味，不得了🥹🫶紅燒牛筋丸麵牛筋丸超好食！彈牙仲要爆汁，牛味好重，必食🤤 湯底加咗麻辣，好惹味我哋加咗好多小食同埋牛肉，再加上甜品，兩人晚餐食到要打包都只係三百幾蚊，仲要每一樣嘢都好食！#良心小店🥹甜品都係必食! 🤤

星期五放工聽靜靜地食個飯之後放空休息依間好選擇，平時lunch人氣都幾旺原先稔住外賣，點知有位就同女友食埋先番屋企滷肉飯便當幾大份，可以叫多飯多汁。仲可以加錢要d 小食加左涼拌麻辣牛展頭 同 麻辣鴨血豆腐 唔太貴，不過真係好食牛筋牛肋條麵麻辣+$5 加完真係幾辣d 牛肉幾足料，份量幾多。滷肉燙青菜 健康之選桂蜜躺雪山 ~ 台灣甜品係必叫（最好堂食）又係勁大份，加幾廿蚊就食到。又雪糕又芋圓又紅豆又涼粉薑母茶 ~ 依家d 天氣開始轉涼，啱飲紅豆奶茶 ~ 台灣奶茶必叫，甜甜地就加左紅豆

約了朋友去鰂魚涌，有點肚餓，想找台灣麵吃，到了六両三 。餐廳環境寬敞舒適，提供多種美食選擇。其中一道菜，是「蕃茄紅燒炸花枝蝦扒麵」。這道菜品結合了蕃茄紅燒醬汁和炸花枝蝦扒，味道豐富多層次。花枝蝦扒炸得酥脆，搭配蕃茄紅燒醬汁的酸甜口感，給人留下深刻的印象。此外，配料中的麵條也煮得剛好有嚼勁，完美地襯托出菜品的風味。跟餐我就叫了「小黑糖珍珠奶茶」。這杯奶茶使用優質的茶葉搭配糖蜜，口感香濃順滑。而珍珠的口感彈牙，更增添了整體飲品的口感層次。另外，值得一提的是他們的「桂蜜躺雪山」。這道甜品以桂花蜜為主要材料，搭配仙草、桂圓、雪糕，呈現出獨特的甜香滋味。桂花蜜的芳香與雪山冰淇淋的冰涼口感形成了完美的對比，給人一種清新又滿足的感覺。十分滿足味蕾。

六両三今次要介紹天后嘅台灣菜嘅小店，佢哋喺今年4月新開，小店座位唔多，得32個座位，店內兩旁嘅壁畫好靚，樓底好高，位同位之間唔逼，只係門口有一級，其他都適合輪椅人士入去幫襯！1.三寶牛肉麵（牛腱、牛筋、牛肋條）（台灣粗麵，麻辣+$5）+蜂蜜咸金桔$100（9/10）呢碗三寶牛肉麵份量超多，麵揀咗台灣粗麵，口感彈牙，入面有牛肋條3舊、牛腱3舊、牛筋3舊，仲有油麥菜，湯底揀咗麻辣，辣度算中辣，辣得好過癮！蜂蜜咸金桔：甘甘地，微甜！2.炸花枝蝦扒便當（套餐）$73+涼拌小黃瓜$6+小黑糖珍珠奶茶$8（9.5/10）呢個便當入面嘅炸花枝蝦扒炸得好脆，入面其實係蝦肉同魷魚，一共有6舊炸花枝蝦扒，仲有台灣香腸2片、滷水蛋半隻、黃蘿蔔2片、牙菜同椰菜，佢哋仲加咗滷肉汁可以撈飯食，套餐仲跟埋貢丸紫菜湯！黑糖珍珠奶茶：茶同奶好平衡，珍珠好煙韌！3.台灣香腸$33（10/10）台灣香腸有15片，香腸外層口感少少脆，味道帶少少甜，仲有大量生蒜片添！4.炸黃金地瓜條（辣）$33（10/10）地瓜條好香甜帶少少辣，每條好粗長，炸得好香脆，大約有30條，份量勁多！5.荔液滿白峰$46（10/10）呢碗荔液滿白峰糖

六両三（天后）三寶牛肉台灣幼麵 （牛腱 牛筋 牛肋條） (+$10溏心蛋)一黎到大大碗，仲要超多肉。已經叫咗少麵仲係好多，大食既朋友一定夠食🤤講下牛肉質素先，牛腱薄度圴一，牛筋超級軟腍彈牙，牛肋大大條重牛味，而紅燒湯底牛湯偏藥材味，味道較清，而麵質彈牙爽滑，仲加咗成隻溏心蛋，熟度控制得好好，整體超足料超飽！！！炸墨汁墨魚扒便當呢個真係一定要試下，炸墨魚餅就聽過，真係未試過墨魚汁既墨魚餅，黑色墨汁更加可以見到超足料既白色墨魚粒，香脆彈牙不油膩，真係好好食所以我哋再另外叫多一份小食😎基於墨魚餅太搶眼，旁邊既台灣香腥被人無視咗鹹酥雞鹹香脆口基本野唔洗多讚，炸粉幾好唔厚適中，調味偏濃適合重口味既朋友仔，但配搭炸過既千層搭意外地配搭👍🏽👍🏽炸澳洲和牛牛筋丸見人網上推介所以叫咗黎試，唔試唔知果然一試驚人，爆汁彈牙！！！可能因為用和牛所以肉汁偏多，咬開則幾重牛香。呢個小食又係一樣想encore😍荔枝烏龍檸檬紅茶兩款茶飲都清甜角油膩，幾適合配搭炸物。👍🏽---評分標準食物:4/5環境:4/5服務:4/5性比價: 👍🏽pp$100-150地址：天后水星街9-11號鉅利大廈地舖

今日去左天后一間超高性價比台灣餐廳，食物質素都幾高👍🏻古早味厚切排骨便當首先試左排骨便當, 排骨嘅size相當大夠cover曬啲飯, 肉質偏向厚實😋 除左排骨其他配料都豐富, 有滷蛋、切片台灣腸、椰菜、芽菜等, 食落似係麻油涼拌好惹味~ 另外飯係mix左少少滷汁所以唔會太乾, texture都唔會太淋岩岩好👍🏻蕃茄紅燒炸墨汁墨魚扒麵另一款主食試左墨汁墨魚扒配台灣粗麵, 蕃茄湯底好濃郁面頭仲有大量新鮮蕃茄, 另外墨汁墨魚扒都幾有驚喜, 食落口感係似蝦餅好彈牙, 中間仲夾住啲墨魚粒超香墨魚味, 熱辣辣即叫即炸!✨ 粗麵條條分明唔會痴住或者煮到一pat~炸黃金地瓜條同樣都係即叫即炸, 每條都炸到金黃色, 而且幾粗身啖啖蕃薯肉😋 overall唔會好鹹, 同埋估唔到份量咁多~荔液滿白峰加配都只係半價, 主要嘅toppings有雲呢拿味雪糕、芋圓、荔枝味爆爆珠, 而主角黑糖仙草勁好食!!!! 仙草味好fresh, 口感少少彈又無涼粉咁硬, 成份唔會好甜, 食得出無落人工糖水, mix埋雪糕透心涼🌱白桃烏龍白桃烏龍係寫明係無糖, 用茶包沖出離但桃味都幾出, 食完咁多濃味野balance番都唔錯~

今日去接屋企人收工，見時間都夜所以都喺食完飯先番，心隱起又好想食台灣嘢，喺OpenRice search到附近有呢間台灣餐廳，諗都冇諗過就去食啦。屋企人叫咗古早味厚切排骨便當，排骨肉質幾好，食落酥脆，呢個便當嘅配菜份量我都覺得幾有誠意，有芽菜、滷蛋、椰菜同台灣香腸。我哋再另外加咗麻辣鴨血豆腐同一份台灣香腸，麻辣鴨血豆腐，睇落唔係好辣，食落都幾有後勁，但係辣得嚟送飯食都接受到。我自己就叫咗蕃茄紅燒炸花枝蝦扒麵，再加滷甜不辣同溏心蛋。炸花枝蝦扒真係好好食，又喺好酥脆，外層粉漿有戈種好正宗嘅台式炸物味道，入面有一粒粒花枝。所以如果係呢間餐廳嘅話我會覺得比較特別嘅係呢道菜，值得一試。嘢飲就跟餐加咗一杯小黑糖珍珠奶茶同無糖白桃烏龍，飯後甜品就叫咗桂蜜躺雪山同荔液滿白峰，配料份量都好充足，食完個甜品依餐就好圓滿

今日同老公一齊去咗食台灣菜揀咗呢間人氣小店六兩三！好彩我哋早嚟所以唔會好多人，之後晚飯時間就開始爆喇！呢度嘅菜式都幾多，價錢唔貴，又有嘢飲同有甜品🍮我哋揀咗一款比較特別嘅蕃茄湯麵配手打墨魚扒，蕃茄湯非常濃郁，麵係用咗粗麵所以好掛湯，食落非常煙靭！墨魚扒好特別入面有一粒一粒，口感非常豐富10分推薦🫶🏻🫶🏻另外都嗌咗牛筋牛肋條湯，牛肋條好林好入味！下面仲有啲生菜，同湯一齊食都幾唔錯😗叫咗幾款小食，特別鍾意皮蛋豆腐，上面有木魚碎，有日本嘢食feel~ 🫶🏻😝炸番薯條好大兜，唔會好油，食落好香甜而且都幾脆口！仲嗌咗炸花枝，好有有台灣嘅味道，上面有啲孜然粉！🥰🥰甜品都用咗優惠價加咗，芋圓幾好食😋作為一個晚餐wrap up唔錯~ #hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

見友人之前食過話ok，就決定去試下。同男友一人叫咗一個湯麵，一入口嗰下已經下意識講咗句「好難食」…..兩個個個湯底都係完全冇味。牛肉係牛展但硬到好似牛肉乾咁。牛丸係肥牛整，我個人偏好瘦牛多啲，呢到係一咬就爆曬啲肥出黎。加咗$18追加麻辣鴨血豆腐，又係冇味得個辣字，係咸味都冇乜嗰種冇味，未試過麻辣鴨血都可以咁難食。全餐飯得魯肉飯係最正常。最終成枱啲野都淨係食咗兩啖，覺得自己好冇衣食，但真係好難食…..

早前因為過到嚟炮台山一帶換禮品，估唔到時隔兩個多星期，又嚟呢頭食晚飯。但今次就近天后呢邊，揀咗賣台灣菜嘅「六兩三」，因為見佢有幾家分店，風評上佳，值搏率高。 整間店嘅裝修都好有心思，除了天花放咗幾幅竹簾之外，最大亮點喺兩邊牆上嘅壁畫，一邊喺紅燒湯麵，另一邊喺鐵路便當，加上全店深色木系枱櫈，一室甚有古早風！ 餐牌就簡簡單單兩大頁，一張喺各款台式小食、涼菜、炸物、湯麵、拌麵、飯品……等等，另一張就喺各款台式飲品。落單可以用二維碼，點知更有驚喜，因為有啲小食可以用優惠價加配，雖然細份啲，但可以試多啲嘢。 百頁豆腐 +$8正價賣$25，唔知有幾多正，依家加配就兩件，啱啱好一人試一件。豆腐都幾大件，外皮少少煙煙韌韌，裡面卻好嫩滑，甚有豆香，淋上濃厚嘅醬汁，頗為惹味。 台灣香腸 +$10除咗4片香腸，仲伴有生蒜頭，香腸切得厚薄均一，外層口感脆脆，肉質挺實，味道香口，帶有少少蜜香，配上生蒜頭一齊食，風味獨特。 牆上仲掛有一張教人食紅燒牛肉麵嘅攻略，不過，我哋無跟，因為臨走時先見到，哈哈！牛腱牛肋條麵 $85老友就幾鍾意食牛，所以，就揀呢一款既有牛腱，又有牛肋條，選幼麵，無論餸料，還是麵底，都非常份量

環境5分：台式小館格局，樓面高，兩邊牆壁圖案好特別，好精緻，非常地道，兩排梳化都坐得闊落舒服，唔算迫，滿分。衛生5分：地方非常乾淨衛生，枱櫈完全冇黐立立，QR Code落單，衛生爆燈。服務5分： 侍應生快手快腳，好有禮貌，上菜同收碟都爽手，滿分。食物5分：1)    三寶牛肉麵有牛腱，牛筋，牛肋條，各兩三件，牛筋非常軟淋，牛肋條好入味又唔韌，台灣粗麵非常煙韌，索哂D牛肉湯，份量十足，加八蚊配個溏心蛋，再加八蚊要埋個濃味百頁豆腐，再加多八蚊配個凍檸檬紅茶，非常飽肚。（$９５）2)    滷肉燙青菜好爽好新鮮，台灣A菜上面有Ｄ肥豬肉粒，非常嘢味。3)    阿宏蔥油拌麵好香，麵條有𡁻口，唔會好油，加八蚊有隻溏心蛋。另加十五蚊可以跟個小黑糖珍珠奶茶，香滑甜美，珍珠夠Q彈，抵玩！4)    炸澳洲和牛牛筋丸爽口又彈牙，鮮濃嘢味，一定要食。5)    鹹酥雞脆卜卜，而且唔油膩，仲好夠味。抵食5分：每個麵可以加配咁多項目，每樣幾蚊雞，性價比非常高，非常抵食！

之前已經係尖沙咀分店食過佢地嘅牛肉麵，今次就黎左天后分店食。牛腱牛肋條麵(套餐) $85牛肉麵嘅質素都一如往常咁好，牛肋條同牛腱炆到好林，好入味。濃底有得揀濃度，我揀左正常，覺得已經好夠濃喇！套餐有包野飲，我揀左蜂蜜紅茶，唔洗加錢。溏心蛋 $15套餐加15蚊有隻溏心蛋，上嘅時候係原隻上嘅，我呢度係我用匙羹自己切開左。台灣香腸 $33台灣香腸嘅外皮煎到好香脆，唔怕口臭嘅可以配埋生蒜一齊食。炸墨汁墨魚扒 $48墨汁墨魚扒真係超級出色！外面炸到好香脆，但係又冇炸到乾哂，入面有大大粒嘅墨魚肉，相當足料。

冇下次，唔知係咪唔夠湯，點咗濃湯，結果湯底淡而無味。試左同行朋友無加濃湯底，濃過我！見咁多人話要排隊食，去到大把位，銅鑼灣天后台灣嘢唔少，好唔好食比較下就知道，好失望！