影片
更多
2023-10-16
1909 瀏覽
早前因為過到嚟炮台山一帶換禮品，估唔到時隔兩個多星期，又嚟呢頭食晚飯。但今次就近天后呢邊，揀咗賣台灣菜嘅「六兩三」，因為見佢有幾家分店，風評上佳，值搏率高。 整間店嘅裝修都好有心思，除了天花放咗幾幅竹簾之外，最大亮點喺兩邊牆上嘅壁畫，一邊喺紅燒湯麵，另一邊喺鐵路便當，加上全店深色木系枱櫈，一室甚有古早風！ 餐牌就簡簡單單兩大頁，一張喺各款台式小食、涼菜、炸物、湯麵、拌麵、飯品……等等，另一張就喺各款台式飲品。落單可以用二維碼，點知更有驚喜，因為有啲小食可以用優惠價加配，雖然細份啲，但可以試多啲嘢。 百頁豆腐 +$8正價賣$25，唔知有幾多正，依家加配就兩件，啱啱好一人試一件。豆腐都幾大件，外皮少少煙煙韌韌，裡面卻好嫩滑，甚有豆香，淋上濃厚嘅醬汁，頗為惹味。 台灣香腸 +$10除咗4片香腸，仲伴有生蒜頭，香腸切得厚薄均一，外層口感脆脆，肉質挺實，味道香口，帶有少少蜜香，配上生蒜頭一齊食，風味獨特。 牆上仲掛有一張教人食紅燒牛肉麵嘅攻略，不過，我哋無跟，因為臨走時先見到，哈哈！牛腱牛肋條麵 $85老友就幾鍾意食牛，所以，就揀呢一款既有牛腱，又有牛肋條，選幼麵，無論餸料，還是麵底，都非常份量
整間店嘅裝修都好有心思，除了天花放咗幾幅竹簾之外，最大亮點喺兩邊牆上嘅壁畫，一邊喺紅燒湯麵，另一邊喺鐵路便當，加上全店深色木系枱櫈，一室甚有古早風！
餐牌就簡簡單單兩大頁，一張喺各款台式小食、涼菜、炸物、湯麵、拌麵、飯品……等等，另一張就喺各款台式飲品。落單可以用二維碼，點知更有驚喜，因為有啲小食可以用優惠價加配，雖然細份啲，但可以試多啲嘢。
百頁豆腐 +$8正價賣$25，唔知有幾多正，依家加配就兩件，啱啱好一人試一件。豆腐都幾大件，外皮少少煙煙韌韌，裡面卻好嫩滑，甚有豆香，淋上濃厚嘅醬汁，頗為惹味。
台灣香腸 +$10除咗4片香腸，仲伴有生蒜頭，香腸切得厚薄均一，外層口感脆脆，肉質挺實，味道香口，帶有少少蜜香，配上生蒜頭一齊食，風味獨特。
牆上仲掛有一張教人食紅燒牛肉麵嘅攻略，不過，我哋無跟，因為臨走時先見到，哈哈！
牛腱牛肋條麵 $85老友就幾鍾意食牛，所以，就揀呢一款既有牛腱，又有牛肋條，選幼麵，無論餸料，還是麵底，都非常份量十足，而且，賣相十分吸引。湯底可以自己選擇濃度，揀咗正常，甚具肉香之餘，濃而不濁；選幼麵，麵條好有質素，柔韌耐浸，幼細順滑，；至於牛腱、牛肋條都好正，滷得好入味，牛腱口感柔韌，牛肋條肉質超鬆化，好有水準嘅一碗台式湯麵。
牛腱牛肋條麵
$85
18 瀏覽
1 讚好
0 留言
炸花枝蝦扒蕃茄紅燒湯麵 $83為咗試唔同嘢，小弟就揀咗個蕃茄紅燒湯麵，睇個樣，個湯已經無欺場，質感濃厚，蕃茄味非常濃郁，仲有好多蕃茄肉，貨真價實，唔喺搵啲茄膏開；而麵條就揀咗粗麵，好似烏冬咁嘅樣，一樣咁好食，口感好煙韌；配菜就揀炸花枝蝦扒，炸得金黃，外皮香脆不膩，裡面就彈牙，蝦味突出，加埋啲淮鹽味，正呀喂！
炸花枝蝦扒蕃茄紅燒湯麵
$83
4 瀏覽
1 讚好
0 留言
胚芽咖啡 $28老友唔單止要熱嘅，仲要無糖，但飲落又唔喺話完全無甜味，甜味應該喺嚟自啲胚芽，佢仲話覺得都幾重奶味，所以，口感都算香滑，唔苦澀，真喺幾特別。
小黑糖珍珠奶茶 +$15上述嘅胚芽咖啡就無加配優惠，要散點，但小弟呢杯黑糖珍珠奶茶就有加配優惠，變得低飲好多。奶茶做出基本水準，入口都幾醇厚，珍珠口感亦夠晒煙韌，揀咗少冰，就確喺少冰，飲到尾茶味都唔會太過淡。
店家仲新推咗兩款台式甜品，睇落好吸引，最正仲喺跟餐會平一半咁滯，作為飯後甜品，無理由唔點囉。
桂蜜躺雪山 +$28個名改得好有意景，其實喺啲乜？餐牌亦有寫得好清楚，就喺桂花蜜仙草+紅豆+芋圓+雲呢拿雪糕，一大碗，食完就啱啱好填埋胃裡面嘅剩餘空間。仙草好嫩滑，有陣陣桂花香，無過甜，紅豆就清甜軟腍，芋圓咬口，加埋一大球雪糕，令今餐飯有個完滿嘅結束。
荔液滿白峰 +$28呢一款甜品又喺乜家伙呢？就喺荔枝蜜仙草+荔枝球+芋圓+雲呢拿雪糕，個人感覺，荔枝蜜似喺無桂花蜜咁出，但一樣味道清潤；荔枝爆珠一咬爆晒啲汁，反而呢個啲荔枝味好強勁，配合埋仙草、芋圓、雪糕非常好食。
就朋友收工，我哋都晏嚟，但估唔到，過晒9:00pm，都仲有唔少客嚟幫襯，可見店家嘅出品具一定質素，當然，我哋今晚食完晒所有嘢，都無乜邊樣有失望！
張貼
