六合小巷 (已結業)

湯的味道非常濃郁，有著濃郁的雞味，口感滑膩且令人感到滿足和舒適。這個湯的秘密在於它是用整隻雞和雞腳熬製而成，至少熬製了四個小時。所以湯的顏色是半奶白色，而且還有淡淡的麻油香氣。裡面還加入了嫩滑的雞肉和脆脆的炸蟲草花，口感豐富，味道絕佳。為了充分品嚐湯的美味，我強烈推薦搭配叫幼麵。這種細而有彈性的麵條與湯完美搭配，吃起來更加美味。最後，我當然不能錯過嘗試一下珍珠奶茶，這是美食之旅的完美收官。奶茶味道濃郁，但並不過甜，珍珠的口感也很棒。

台灣美食******************************六合小巷最近熱度蒸蒸日上網上睇餐牌見到飲品有白玉苦瓜蘋果😍好掛住台灣白苦瓜汁嘅我即刻想趁happy friday去試下可惜今日冇供應🥹一入門口見到天花板上掛滿燈籠忍唔住先影幾張相打下卡😂***🥢黑麻油蟲草花濃雞湯麵 $68店員會將麵碗捧上枱後先倒湯好特別落單時店員問要粗麵定幼麵 揀左粗面底 以為會係類似粉麵舖嘅黃色粗麵點知原來係刀削麵質感有驚喜😍***🥢麻糬芭樂骨 $98平時嘅認知中喺甜品先會見到麻糬蹤影六合小巷大玩創意 - 麻糬×黑醋排骨用麻糬包住排骨入口 口感頗特別稍嫌黑醋汁太多蓋過左麻糬嘅味道不過呢個配搭幾新奇有趣🤭***🥢Oreo牛奶麻糬 $42講明係牛奶麻糬當然唔係口感煙韌嗰種呢款麻糬係冰凍甜點面頭鋪滿Oreo碎質感creamy入口即溶🤤***🥢紅棗杞子牛蒡養生茶 $26牛蒡味好香食完芭樂骨同麻糬呢啲比較膩嘅嘢飲就岩哂👍🏻

❗️黑蒜油蟲草花雞濃湯麵湯底好似粥既味道，味道似薑，冇黑蒜油味。啲foodie食評講到好鮮甜咁，但完全係兩回事。湯底濃稠，食得多會滯，完全唔似啲foodie 講話可以飲得曬啲湯…… 啲雞正正常常，份量都可以。Overall真係好麻麻，唔太推薦😵‍💫自己都做開飲食業，明白新開嘅舖頭需要foodie嘅宣傳，但大部份foodies都可以免費試食或者收到宣傳費用而誇大咗。希望其它食客可以睇到真實食評🙏🏻

在香港，台灣美食一直以來深受食客的喜愛！今天我就去了北角電廠街9-15號聯合大廈地下Ａ號舖這叫名叫（六合小巷）的台式餐廳品嚐美食！這間餐廳裝修風格很有特色，感覺頗有台式風味。擁有多張餐檯！開胃前菜酸甜得宜的前菜，打開胃蕾！吃起來口感不錯！六合牛肉面我叫的是粗面，面的口感彈牙，牛肉淋而且很入味。湯汁鹹淡適中，面跟牛肉的份量都很足！👍麻辣鴨血熱辣辣的麻辣鴨血，香味撲鼻，賣相討好！鴨血的份量都很多，還有蟹味菇、雞髀菇等配菜！感覺更健康呢！喜歡的食客一定要來吃哦！😋特濃雞湯浸時蔬濃濃的雞湯配上新鮮蔬菜，好味又健康！士林鹽酥雞扒台灣美食之一的鹽酥雞，令人食指大動，而且入味！香脆可口！雞肉嫩滑！這款士林鹽酥雞很有水準！喜歡的食客可以去品嚐品嚐😋

我地1點半左右去到，都要等一陣，用QR-code落單仲可以即時比埋錢，E個都幾好，可以減少同事同錢接觸蟲草花濃雞湯麵($78)麵底可以簡粗/幼麵，E個我地簡左幼麵，黎到先加D湯落碗，確保個湯仲係熱，上面既蟲草花係炸脆左，食落多一個口感，不過如果浸左湯佢就會un左，雞既量都足夠同埋嫩滑，啖湯飲到係漿口，又唔算膠口，但飲落唔味精同好味。加左小食雞湯時蔬($18)，擺得靚靚，不過時蔬到食唔出雞湯味六合牛肉麵($82+$18)牛肉麵緊係配粗麵啦，一樣黎到先加D湯落碗，確保個湯仲係熱，我本身以為會偏重藥材味，但佢係偏肉味多D，牛肉軟淋，但又唔一夾就散，同埋唔會痴牙，加左鴛鴦地瓜條($18)，地瓜條上面加左梅粉，食落冇咁漏，紫薯好出味麻糬芭樂骨($98)我根本就係為左E個而黎，上到枱係好吸引，酸酸甜甜既汁包裹住排骨粒，加埋下面既麻糬食又唔會覺得唔夾，會有少少芭樂伴碟，但我就唔係好岩口味喇餐廳裝修好有台灣小店感覺，黎打下卡都唔錯~

今晚約了朋友食台灣菜，位於北角皇都戲院對面，這間六合小巷門口掛滿了燈色，店內充滿台灣夜市feel🤙🏻。天氣比較凍，先來杯熱台灣珍珠奶茶🧋，暖笠笠，珍珠幾有咬口，朋友揀了六合鮮果茶，又香又靚😋。小食有鹽酥花枝丸，岩岩炸起脹卜卜👍🏻正，再來一口鹽酥雞，鹽酥魷魚鬚，份量都幾多😆，雖然好熱氣，但我兩係食到無停手🤭再來台灣夜市必食屙仔煎👏🏻👏🏻。台灣牛肉麵又點可以少得呢，不過今次改食牛筋，牛筋又粗又大條又入味😋😋而且個湯底好濃，必食。最後來個甜品Oreo麻糬，賣相似一盆花，麻糬黏滿Oreo，滿足🙏🏻。

喺炮台山唔算好多台灣菜式選擇，近炮台山地鐵同北角中間，城市花園對出有間六合小巷。台式飲品好似珍珠奶茶，鳳梨冰茶，白玉苦瓜，蘋果都幾高質素。座位唔算多，大約六至七張枱，天花有好多紅色，黃色燈籠寫住佢哋嘅撚手小吃。牆身放咗台灣有名嘅movie poster 好似等一個人咖啡，女朋友男朋友等。來台灣餐廳一定唔少得炸物，鹽酥雞，炸花枝丸，屙仔煎。鹽酥雞，細細粒幾脆口，調味料唔會蓋過咗個雞肉味。花枝丸都有大六粒，食完炸嘢叫返個油麥菜中和一下。半斤半牛肉麵，上枱時職員即時到牛肉濃湯入碗麵度。牛筋入味，仍然有少少趙口，唔會太淋。飲桂花凍雙奶，奶味唔算太重但桂花好香，仲有椰果可以咬下。

慕名而來，但覺得不算驚喜！整碗最好味嘅係炸蟲草花，係有驚喜嘅。湯我覺得過濃，反而冇咗個鮮甜，再配上幼麵線，麵線本身杰身，個湯都杰身，所以太濃厚了！而雞嘅份量唔多！個前菜係粟米加青瓜，講真冇乜誠意😞服務態度初時感覺麻麻，但之後我改呢樣改那樣，佢都記得兼肯改，所以加返分嘅！

台灣仲未正式開關，但係真係好掛住台灣嘢食，今日嚟到呢間最近炮台山好Hit嘅台灣嘢食，六合小巷！喺門面已經俾佢好多嘅燈籠吸引住，好似去咗台灣九份咁樣。入到去餐廳都佈置咗好多燈籠，仲有六合夜市嘅牌，好似真係去咗台灣夜市咁樣😍精裝牛三寶麵 粗麵牛三寶，其實係半筋半肉，再加牛肚。店員將濃濃嘅牛肉湯倒落去，激起咗好重芫茜味🥶 我真係頂唔緊，但係男朋友好鍾意🫠 牛肚非常彈牙，牛筋亦都好淋夠入味。粗麵係類似刀削麵咁樣，好煙韌！鹽酥豬扒飯加滷肉鹽酥雞粒就食得多，鹽酥豬扒真係好正好酥脆，啖啖都係肉。再加埋滷肉，極之邪惡😍😍 如果滷肉可以多啲就更好😍珍珠奶茶正常珍珠奶茶，叫咗少甜真係有少甜👍🏻台灣蚵仔煎呢個蚵仔煎唔係好正宗，冇台灣嗰啲滑潺潺嘅漿🤣有啲似港式蠔餅，蚵仔好鮮，唔腥！oreo麻糬最後點少得甜品作結，極度拉絲嘅麻糬😍😍 整體唔會過甜，正👍🏻

近排香港開左好多台灣夜市風的餐廳，朋友介紹北角電廠街的「六合小巷」氣氛好好，食物種類都好多，一於試下先！😋餐廳泛黃既燈光，經典台灣流行曲、木系風格再加上一個小BAR 檯，仲掛埋燈籠，真係好有懷舊既感覺，氣氛亦都好舒服呢！🥳餐廳有好多經典台式小食，亦都有好多款式加左麻糬 （例如麻糬芭樂骨)，超吸引食慾！可惜當日無晒麻糬呢～今次食左一個主食，兩份小食同一杯飲品🥢主食係原味牛筋麵，牛筋有連少少肉，仲要係炆得超淋，極好食，難怪係推介食物份量亦好慷慨，最少食左5-6條牛筋呢！湯底有藥材香味，感覺唔會好油，正亦有大量香茶同蔥，岩晒我呢D 青友～😆另外叫左碟蚵仔煎，不過佢似蠔餅多D，唔會太濕立立，唔似台式個種好黏既感覺。我本身都鍾意食蠔餅既脆口感覺，所以都幾鍾意😋仲叫左一份鹽酥魷魚鬚，炸得好香口，再加味粉，自然係輕鬆清晒了👌🏻最後叫左一杯麻糬奶茶，店員剛送上既時候，用羹會筆到佢既麻糬，最可惜係我食晒所有野先飲，個陣已經融左，再見唔到麻糬，咀嚼唔到麻糬了，不過奶茶味道都剛好飲，唔會太甜😛今次黎未有機會試冷盤，但睇D 食物名都覺得會係心機之作，下次一定要試下😋😋

北角同炮台山交界開咗一間台灣小食店 星期五喺附近就去咗試😊見到網上評價好好所以都非常之期待😚舖頭位置唔係好多位 但係裏面嘅裝修就好有氣氛 感覺自身係台灣嘅夜市當中～ 所以都叫咗好多台灣小食 鹽酥雞台灣香腸花枝丸仲有菇都唔少得 調味好夠 忍唔住一啖有一啖咁食！ 而呢度有幾款我想特別推介： ⭐️Oreo 麻薯 雖然食到好飽 但係甜品係另一個為你 特別見到呢一個麻薯覺得一定要食 質感非常之軟糯 配埋超級多嘅Oreo 個賣相本身已經好吸引 放落口煙煙韌韌 甜度啱啱好 ⭐️黑麻油蟲草花濃雞麵 平時喺台灣餐廳好少食到雞麵 但係呢度啦就特別有 呢個配搭好啱係冬天食 食落去成個人都好暖 佢嘅堂都好濃郁 雞肉好滑 仲可以無限添湯～⭐️半筋半肉麵台灣店又點少得牛肉麵 所以都叫咗一碗嚟試吓 店員話個湯係完全冇味精 有客人試過飲咗四碗湯😂講到咁冇理由唔試 湯頭來講都算係好清甜 有少少藥材味 感覺好似新加坡嘅肉骨茶 配埋個粗麵都幾好食 😋 不過我哋只係有能力添到多碗湯😂 另外佢嘅台式飲品選擇都好多 我哋就叫咗香芋奶茶 同熱麻薯奶茶 整體嚟講都幾好飲 唔會太甜😊我眼闊肚窄 其實仲有好多小食 有機會下次再食下😎

到達餐廳之前已經check 過一次OpenRice 食評，入到餐廳先知道原來呢個係一個咁浪漫地方，昏暗嘅燈光，播放住流行曲，難怪入到嚟都係一男一女囉。餐廳地理位置上雖然唔顯眼，但係到7:15pm就開始人多。鹽酥雞扒面（粗面）68hkd鹽酥雞唔會太鹹，配搭酸甜茄汁，咬落爽口，同麻油蟲草花螺濃雞湯麵一樣湯底，職員即場喺你面前d湯到入去面到，職員仲會好貼心咁同我講，如果覺得唔夠嘅話可以再添加。湯底都濃，但唔係唔會係濃味果隻。黑麻油蟲草花螺濃雞湯麵（粗面）68hkd蟲草花菇炸到好似一條軟殼蟹，口感十足，雞肉煮到剛剛好熟，夠柔嫩，份量方面唔算特別大份，女士食剛剛好，職員即場喺你面前將d湯到入去面到，天氣凍，熱水煲溫度有保證。麻薯奶茶 26hkd冰凍QQ麻薯，有口感，如果跟餐有優惠就抵食好多熱紅棗杞子桂圓薑母茶 22hkd適量紅棗杞子，冬天最啱養生飲雜果仙草凍 42hkd仙草比意想中滑流，混雜左藍莓雜果，係唔錯嘅飯後果，份量唔會太多。全日免加一，晚餐算平民價，如果晚黑都有涼伴食就更好啦

台式鵪鶉蛋滷肉飯 $53平時食開嘅滷肉飯都用上雞蛋，今次就用咗兩粒鵪鶉蛋代替，滷肉同醬料好香，同白飯個比例啱啱好。半筋半肉麵 $88餐廳安排咗上菜時先加湯，確保每碗湯麵都係熱辣辣送到枱到，湯係藥膳湯底，牛筋唔需要多講，一食落去已經好淋，好入味，有驚喜嘅係牛肉，牛肉淋到好似牛筋咁，食落唔黐牙，成個感覺好好。鹽酥魷魚鬚 $68魷魚鬚炸粉皮簿，而且魷魚鬚條條都好大條，要將佢慢慢咬開先得。抹茶麻糬 $42麻糬食落好彈，好QQ，配上抹茶粉，唔會太甜，係一個晚餐完美嘅句號。

有陣時尋尋覓覓想搵到道地好味道唔係咁易，譬如我上個禮拜突然好想食台灣嘢，好彩有朋友係識食之人，帶我係北角嘅一處巷仔搵到間比到我好多驚喜嘅餐廳。六合小巷嘅裝修都幾有夜市feel，燈光舒服。我地兩個人叫咗鹽酥豬排麵同台式鵪鶉蛋滷肉飯做主食。豬排麵我就揀咗幼麵。特別嘅係，佢嘅湯係可以無限任添嘅，尤其岩宜家凍冰冰嘅天氣。飲一啖，豬骨嘅香味暖入心，真係無得頂。小食方面我地就叫咗三款，分別係鹽酥魷魚鬚，鹽酥原條茄子同埋一口鹽酥雞。朋友最鍾意鹽酥魷魚鬚，佢炸嘅火候岩岩好，入口酥脆又唔油膩。我最心水係一口鹽酥雞，雞粒外脆內juicy，面頭有炸過嘅九層塔，好正宗！鹽酥原條茄子都好有驚喜，真係成條咁上，有我手臂咁長，切做頭部連結住嘅條狀，用黎打卡就最fit喇。嘢飲都正呀，茉香奶茶加桂花凍有真正花香味，香芋奶茶竟然有芋泥，珍珠都勁有咬口。

今晚黎到北角嘅台灣小店 - 六合小巷。餐廳裝修好有台式風格，一入門口就比天花裝飾吸引，掛滿五顏六色嘅燈籠，好有氣氛！鹽酥雞扒飯加滷肉🐥🐷🍚👍🏻鹽酥雞扒好大塊，外層炸得好酥脆，食落唔油膩，鹽酥味調得啱啱好，唔會太咸，而雞扒肉質鮮嫩，係必叫之選😍配埋滷肉飯，滷肉肥瘦適中又好惹味，啱哂平時鐘意撈飯食嘅人🤤精裝牛三寶麵-粗麵🐮🍜牛三寶有牛腩、牛根同牛肚，牛腩煮得啱啱好，食落唔會太淋有口感，而牛根炆得好入味，牛肚就彈牙爽口。適合一次過想食哂3樣野嘅人😆蚵仔煎🦪煎到金黃色，而且外邊位好脆，冇乜油膩感，用料十足，有唔少蠔仔，值得大家嚟叫嘅小食😋鳳梨乳酸爆珠鳳梨沙冰配上乳酸爆珠，酸酸甜甜好開胃，爆珠令飲品口感更加豐富。