共度一燒

營業中

休息中

雖然望落去餐廳好似好細間咁，但入到餐廳都幾闊落，餐廳應該啱啱新裝修，環境衛生乾淨又企理，坐得幾舒服！餐廳仲做緊推廣生啤買一送一，啱晒鍾意飲嘅朋友仔！雖然餐廳主打串燒不過都有酸辣粉食，所以都叫咗一碗試試。酸辣粉：（烏冬，BB辣，豆卜，午餐肉，豬大豬）份量都幾多，唔會太酸，有少少花生榨菜肉碎仲有芫荽，唔鍾意芫荽嘅朋友記住走喇。串燒：雞皮，雞軟骨，雞腎，多春魚，燒得啱啱好，脆卜卜勁香口！安格斯一口牛，比相象中大粒好重牛味！翠玉瓜，一口蕃薯，牛油粟米，鮮甜多汁，燒得啱啱好唔會乾身，加埋牛油簡直絕配！芝士竹輪卷，外脆內軟，一咬落去啲芝士爆曬出嚟，正！XO醬粉絲娃娃菜，惹味！上湯煮花甲，份量都幾多，花甲大隻新鮮，鮮甜！

無意中發現左一間好正嘅串燒店原來串燒店都可以乾淨企理✨環境暗暗地裝修有少少酒吧、西餐廳feel坐得舒服亦好適合靜靜地傾下計食物選擇都幾多每款都可以揀辣/唔辣店主好nice見我哋第一次黎會主動推介👍🏼生啤做緊買一送一勁抵🤩【香辣牛肋串】雖然細細粒但肉質夠嫩，唔乾唔靭👍🏼【五花腩】唔會切到好薄油香同肉味完美混合【招牌牛舌芯】口感特別比平時食嘅普通牛舌軟滑【雞中翼】雞中翼燒得好香皮脆肉嫩【豚肉京葱卷】一啖咬落去會爆汁葱汁加豚肉汁🤤【雞腎】好香口，送酒一流！【大墨魚咀】口感爽脆如果可以再乾身啲就更好【魷魚一夜干】乾身得黎又夠煙韌😋【蒜香茄子】爆多蒜蓉但唔會過咸鐘意食蒜蓉嘅唔可以錯過【蒜香大虎蝦】虎蝦好爽口開左邊都勁厚肉🤩總括嚟講食物質素好高好欣賞調味嘅部份香口得黎唔會搶曬食材原味燒嘅力度亦拿捏得好好特別係肉類可以做到外層乾脆內𥚃保持都嫩滑❤️

相約閨蜜傾偈食晚餐，揀咗間串燒店，可以坐低慢慢食慢慢傾！串燒店環境不錯，好乾淨，食物選擇不少，價錢親民！我哋都好鍾意食香口野，點了幾樣！芝士年糕、芝士蝦球、櫻花蝦餅櫻花蝦餅好特別，外面好鬆脆，咬開有一粒粒櫻花蝦，蝦餅口感彈牙，有層次感！咬開芝士蝦球有流心芝士，好滋味！每次食串燒都想食雞泡魚乾，甜甜的味淋，慢慢咀嚼的魚乾，加杯酒就爽！芝士竹輪、金菇肥牛卷、雞肉串芝士控表示開心，好多芝士菜式！雞肉好稔！金菇同肥牛永遠都好夾！牛舌心、五花腩串、雞心串、雞軟骨推薦牛舌心！必食！好彈牙，肥美又香，不輸日式居酒屋！另外我覺得第二好食係五花腩，燒得好透，醃得好入味，有五香粉，帶焦脆，油份逼了出來！雞髀菇、台灣腸、鵪鶉蛋、黑豚肉、娃娃菜黑豚肉彈牙嫩滑！整體燒物不錯，調味合適，值得一讚的是每款都可以選擇辣與不辣，可根據個人口味，下次再試其他串燒！

食呢間店嗰一日係Happy Friday～呢間係荃灣嘅串燒雖然細細間，但係裝修得好舒適，啱晒同朋友吹下水、食下串燒、乾個杯🍻特別推介：🍢酒糟雞卷雞卷出色～食得到濃郁清甜嘅酒味，但又唔會濃到有苦味，雞卷保持到嫩滑😋😋🍢XO醬粉絲娃娃菜粉絲同娃娃菜煮得好夠冧好入味，配搭XO醬夠晒惹味😋😋🍢上湯煮花甲有好好好多隻花甲☺️個湯清清甜甜剛好突出花甲嘅鮮味🍢安格斯一口牛一口牛外層燒到微焦，內裡則燒到剛剛好，夠晒冧👍👍🍢厚燒牛舌名乎其實，牛舌好厚一塊，燒得好冧，好有牛味😋😋🍢芝士蝦球外層炸得好脆口，內層超超超拉絲，好正😆🍢菠蘿估唔到呢個菠蘿有成5-6舊咁多，而且燒得好甜菠蘿冇渣，好食😋不推薦：🍜酸辣薯粉叫左bb辣同正常酸，兩種味都唔係好夠，可能要叫辣d同叫多酸🤣🍢煙肉蘆筍卷蘆筍比較老，食唔到蘆筍嗰種爽脆鮮甜🤣🤣其他：🍢五花腩串🍢燒賣🍢司華力腸🍢牛油粟米推薦指數🌕🌕🌕🌕🌑

人住在大埔的時候，途經大埔主店時，每次見到都火氣十足，座滿很多食客及有人在等外賣；在宵夜時份特別熱鬧，有時OT之後都會外賣幾串燒物回家醫肚，回想起細佬佢地最愛深宵放毒。😅在荃灣泊好車，見到共度一燒，在8月份有1＋1 Asahi 生啤優惠，見到好多年輕人在摸杯底。 一於去chili chill 店員介紹時，下個9月份又有生啤推廣優惠，一人一杯，點了小吃又幾開心。＃雞泡魚乾 ：佐酒，餐前食，邊等人邊食邊飲，好chill ＃麻辣豬耳 : 涼拌小吃，豬耳，爽脆，麻辣左點，仍然好味道😋 ＃雞皮串＃大墨魚咀＃豚肉京蔥卷＃安格斯一口牛每人一串，一人一啖唔好掙，爽爆食。身邊的他，問我最喜歡吃哪一串？我說：「最喜吃一口牛，啖啖肉；大墨魚咀好咬口；雞皮第一次吃，唔肥膩，卜卜脆； 豚肉京蔥卷，外脆的豚肉，內包住京蔥，唔覺得豚肉燒乾，都搭配😅😂😎」＃芝士年糕＃櫻花蝦餅喜歡外脆內軟的，一定要點食芝士年糕，年糕超級軟糯，很香芝士，好味道，有驚喜！櫻花蝦餅，好脆口，蝦肉味好濃，異口同聲都話好食😋😋＃榴槤炸彈 ：炸左的榴槤香濃，但比較甜，但軟糯的口感，很不錯，令我想起之前吃過香芋波波，一樣令人回味。＃酸辣粉（米線

共度一燒 (荃灣)荃灣鱟地坊80-84號華成樓B座地下B1號舖 酸辣粉($29)有幾款麵底同唔同辣道選擇，就算唔食得辣都可以食，花生好多夠脆，湯底夠酸唔會太咸 五花腩串($20/串)半肥瘦，食落好juicy，唔會燒太乾太柴 安格斯一口牛(小辣)($36/串)燒得剛剛好，唔會太韌，有肉汁，孜然味幾香 雞泡魚乾($42/份)有嚼勁，燒得香脆，咬落鮮甜，越食越香，配埋沙律醬一流 白鱔($44/串)白鱔都幾厚，魚皮燒得好脆，好似食緊薯片咁，魚肉夠新鮮彈牙，辣既白鱔串就用左孜然調味 蒜香大虎蝦($50/隻)蝦肉結實，夠新鮮， 蝦殼燒得好脆，脆到可以食埋 紫心香芋丸($24/份)色澤金黃，唔會好多油，外脆內軟，香芋好濃郁綿滑 可樂($16/罐) 烏龍茶($20/支)

呢間位於荃灣新開嘅串燒店，裝修風格似韓式cafe，有一種小清新風格平日去親食串燒，如果係真心想食飽，動軏都要人均消費300蚊起先得🙊但呢度絕對唔需要！因為串燒本身單價較貴，所以通常一大班人都會選擇任食～但係呢度有酸辣粉同小食！呢2碟麻辣豬耳同酒糟雞卷分別都係$26，性價比真心高！平時係街食醉雞，最怕就係淨係得酒精味，但係呢個雞帶有淡淡醬油香同酒香，容易入口！菇類好juicy！因為朋友唔食辣嘅關係，全部都係食食物嘅原鮮味！肥牛金針菇捲得好好！唔會一路食一路跌D金針菇出黎多春魚燒得乾身香口蒜香燒蟶子$90/2件，是日最貴單品，平日比較少食燒海鮮，值得一試！上湯煮花甲，食咗幾粒先記得影相！花甲都幾大粒，而且處理得好乾淨，唔會食到有沙泰式豬頸肉口味偏甜，似蜜汁多D！煙肉盧荀卷入口唔油膩每次串燒ending必定係燒菠蘿🍍仲切開好一口size，好方便咬值得一讚呢度嘅可樂係超多冰，超適合呢個炎熱嘅夏天！

餐廳環境同裝修有少少似cafe ，以串燒店講呢度十分安靜企理。而且佢地嘅位置闊落，夜晚想搵一間唔使咁迫又同朋友坐得舒服嘅串燒店可以試下蒜蓉燒茄子蒜蓉味重，有好香嘅孜然粉味，而且茄子燒到淋晒好好味多春魚 多春魚正常發揮，如果冇咁乾身就更好味了金菇肥牛卷呢度嘅金菇同肥牛size係一樣嘅，金菇嘅份量多啲會更有口感😛 雞肉串雞肉串質感係雞胸肉 ，肉質比較結實有質感，如如果有少少雞皮可能會更正🤭#hkfoodie#foodie #hkigfood #hkigfoodie#食好西#香港美食#旺角美食#紅磡美食#好去處#美食#油麻地美食#深水埗美食#元朗美食#天水圍美食#葵芳美食#銅鑼灣美食#觀塘美食#尖沙嘴美食#荃灣美食#屯門美食 #相機食先#黃店#黃色經濟圈#黃店地圖#掃街#尖東

荃灣站📍共度一燒-好耐冇食串燒，今次去到荃灣呢間靚裝修既串燒店😋酒糟雞卷（$26）先叫下前菜，要個雞卷試下。酒味香得黎唔苦，幾清甜，雞卷嫩滑👍🏻上湯煮花甲（$58）花甲大大粒，清新酒香，配埋湯底好入味。送酒一流！酸辣粉（$41）酸辣粉$29一碗，另可加$6-$12既配料，我就要左豆卜、餐肉。酸辣粉最緊要夠酸辣，最like佢可以簡多酸😛辣就簡左少辣。粗身薯粉煮得岩岩好，唔會過淋。芝士蝦球（$24）芝士蝦球有4粒，酥脆香口，配沙律醬。串燒方面，要左司華力腸（$24 x 2)、香辣牛肋串（$20）、雞腎串2串（$22）。司華力太大條，最敗筆係叫兩條，因為勁飽😂😂😂😂牛肋串香辣可口。雞腎就略微燒得硬左少少。串燒可以簡辣同唔辣，食唔到辣同老細講要Bb辣都ok😎雞泡魚乾（$42）飲酒又點少得雞泡魚乾，香口脆身，煙煙靭韌。原條茄子（$42）食串燒必備嘅茄子🍆😋多蒜微辣，超惹味😻而且超大條！另外生啤做緊買一送一，叫咗兩杯1664都係$62🍻環境方面，餐廳裝修新淨企理，同一般嘅串燒店好大分別！同朋友嚟食下串燒飲返兩杯係一個唔錯既選擇，唔怪得知一路到九點都keep住有人等位👍🏻😹餐廳嘅通風系統亦都做得幾好

六點左右揾嘢食，網上見到有人推介呢間餐廳立刻打電話去訂位，話七點半會有位，即刻坐車衝落去，我隔咗幾分鐘，已經特登再打多次去confirm餐廳有無位，仲話由吧檯轉去table，我同朋友準時七點半前落到去，話畀唔到位我唔知幾時有位，我get到個意思係短時間內都唔會有位，有個男仔不停道歉唔好意思，咁我突然間可以去邊度食呢？？咁我訂位嚟做咩呢？仲要全部人去到你先話冇位，叫你有位打返畀我等咗成晚都又冇打嚟，唔知好唔好食！不過都祝你生意興隆！有咁多客人支持你！

想食港式串燒又想食涼拌小食，位於荃灣既共度一燒就有齊！仲提供好惹味既酸辣粉添啊~酸辣粉集麻辣酸香於一身，紅薯粉Q彈有嚼勁，好煙韌！五花腩串肥瘦相間好邪惡，肥而不膩。豚肉京蔥卷豚肉肥瘦均勻，入口軟腍香口，包住京蔥特別鮮香。泰式豬頸肉油脂豐富，肉質軟彈，口感真係一流！厚燒牛舌質地好爽脆又多汁，勁有咬口。金菇肥牛卷肥牛相當柔嫩可口，包住爽滑金菇，口感豐富。雞肉串口感嫩滑又JUICY。雞腎串彈韌有嚼勁，正。雞心串帶爽脆口感。白鱔肥美嫩滑，啖啖肉好鮮香。台灣腸煙韌多汁好有咬口。原條茄子軟綿口感，入口即化~

黎到荃灣宜間串燒店，入面乾淨企理，唔會好大油煙 串燒既款式好多，仲有酸辣粉食。不過我地今次就全部食串燒，d串燒仲可以選擇辣定唔辣。泰式豬頸肉 22燒得表面焦脆，裡面肉質彈牙多春魚 284條多春魚燒得好靚，咬落啖啖肉又好酥脆白鱔 44我地2人一人一串，一串辣一串唔辣，白鱔勁厚肉，出面層皮燒到好靚勁脆，肉質又厚實又彈牙又無骨，必食之選蒜蓉粉絲扇貝 90 （2件）大大隻扇貝鋪滿粉絲，夾埋蒜蓉，蔥絲同醬汁，扇貝肉質結實又鮮甜。鵪鶉蛋 15邪惡之選，一啖一粒雞脾菇 14 翠玉瓜 16宜2款燒蔬菜都好厚切，咬落去爆哂汁原條茄子 42估唔到係咁大條茄子，舖滿哂蒜蓉醬，味道勁香濃，質感綿密XO醬粉絲娃娃菜 40都好大兜既娃娃菜，連埋粉絲同蒜蓉食又係勁惹味烏龍茶 20 梳打水 18最近天氣實在太熱，一人一枝飲品邊食串燒邊燒暑就最岩。。共度一燒荃灣鱟地坊80-84號華成樓B座地下B1號舖。。

📍共度一燒______又一次發掘到好吃小店！事緣和朋友看電影後在荃灣順道晚飯，發現這家小小的串燒店人潮不絕，餐牌價錢也絕對相宜，不用多想就來個串燒之夜吧！沒看價錢隨心點各自想吃的食物。先來麻辣豬耳，香辣與椒麻並重，與冰凍的啤酒絕對是靈魂伴侶，一大碟才索價$26 . 串燒走港式路線，即融合了各地風格，根據不同食材用上蒜粉、麻辣、孜然和燒汁等作處理。白鱔皮脆肉質新鮮彈牙，牛舌心，五花腩，牛肋肉串都水準以上。蔬菜方面，娃娃菜保留了水份，完全不會過乾。必點的燒茄子是兒時熟悉的蒜蓉味道！終於不再是近年流行的燒汁或甜味噌了，實在令人感動。燒菠蘿出乎意料的好，$24 已經有六件新鮮菠蘿。榴槤炸彈炸得恰到好處，香口不油膩，一咬之下榴槤蓉滿口生香！二人食得飽飽才$402 且免收加一，絕對值得一試！______ 麻辣豬耳 $26各款串燒$16 - $44______📍 共度一燒 (荃灣)荃灣鱟地坊80-84號華成樓B座地下B1號舖______#旦食在香港 #旦會再來 #旦食在荃灣 #egginhk #eggfoodie #相機食先 #hkfood #hkfoodie #hkfoods #foodie #f

與朋友慶祝生日，而她又想攜帶狗隻內進餐廳。而此串燒餐廳可以讓狗狗🐶內進❤️❤️ 令朋友十分滿意🤩酸辣粉 $56 薯粉是叫了BB辣及加底，已足夠讓三人進食～ 並另加雞翼、響鈴卷的配料作。薯粉質感十分嫩滑，並不會過於煙韌。秋刀魚$32這個重點推薦～～ 秋刀魚❤️ 份量十足～ 又有濃厚的鮮魚味道而不會腥🤩鯖魚$44 魚的油脂分布較秋刀魚多～ 肉質鮮嫩，又不會太多魚骨❤️❤️ 原條茄子$42茄子上佈滿了很多蒜頭蔥花及辣椒，茄子又不會燒得很乾，繼續保持濕潤的質感🤩 菠蘿$24菠蘿是現時當造的水果，所以菠蘿本身的鮮甜果味，透過燒烤的烹調方法，令到甜度提高，味道更昇華。蒜香牛油雜菇$40內裡放了金針菇、雞髀菇、蘑菇等～ 菇類的味道10分鮮甜，又不會過於肥膩🤩上湯煮花甲$58花甲的份量十足，並添加了洋蔥的上湯，讓花甲更為鮮甜❤️ 而且花甲內沒有沙粒，可見餐廳用心清洗花甲十分乾淨五花腩串$20雖然係五花腩但完全吾會肥膩，仲好juicy,超級多肉汁且肉質地好滑溜，推介推介煙肉蘆筍卷$22經過烤脆的煙肉捲上短小爽脆嫩滑的蘆筍，令人眼前一亮～ 泰式豬頸肉$22伴有小小蜜糖味的豬頸肉，惹味可口，肉質好嫩口，吾會難咬開，超值

共度一燒 @nightbarbecue 📍：荃灣鱟地坊80-84號華成樓B座地下B1號舖🚗：荃灣地鐵B1出口 步行8分鐘📞：+852 3997-3467💲：~HKD220/head for dinner Food quality✔️：雞脾菇、雞泡魚乾、芝士年糕、牛舌心、泰式豬頸肉👌🏼：其餘均屬中下❌：雞皮串、雞腎串、雞中翼總結：😋一間同時售賣串燒同酸辣粉嘅小店 環境比同類店衞生及乾淨 價錢都算合理 味道就調味唔重 較單調 啱哂愛好健康又想過下口癮嘅你🌸😋雞脾菇好好食 所以encore咗幾次 索哂汁😋雞泡魚乾同年糕就送啤酒🍻一流😋牛舌心同泰式豬頸肉係唯二兩串想再encore嘅肉類 因為呢兩個係有調味嘅😋環境唔錯 有啲裝備咁 衞生都比一般串燒店乾淨 啱哂有潔癖但又想食串燒嘅人👏🏼🤔️整體調味太單調 冇咗食串燒風味 冇點落粉 食返食材本身味道就點解要食串燒呢？😅🤔️大部分串燒質素中下 廿蚊一串就正常味道 冇好唔抵食感覺 都冇一串除咗雞以外係好伏 主要係冇調味 所以扣咗幾多分🫥🤔️性價比就正常 唔知點解呢幾年香港啲串燒愈賣愈誇張 呢間算有啲良心 唔太貴都唔太抵🥲🤔️即叫即整嘅 所以上碟要啲時間耐心等待