其記

營業中

休息中

今天我們早上起床之後便在大澳找餐廳吃早餐，可惜整個大澳的食店大部分都要早上 11點之後才營業，現在只有一間茶樓和茶餐廳開門，不過茶樓連一個客人都沒有，所以最後我們便決定來這間茶餐廳吃早餐雖然餐廳的環境略為簡陋，但是它的食物價錢卻一點也不便宜，皆因餐廳是沒有套餐，粉麵和飲品都需要分別單點，所以最後加起來的價錢便比較昂貴了No.1【雞蛋腸仔出前一丁】$30由於出前一丁的烹調時間控制得剛剛好，所以質感微微煙韌彈牙，軟硬度適中，同時腸仔和雞蛋的味道也相當出色，總結來說味道都算不錯了No.2【啡走】$19可惜啡走的味道便遜色得多了，不單止缺乏咖啡的香味，口感更相當水稀稀，煉奶的味道亦怪怪的，而且需要單點索價 $19一杯，完全不值得推薦給大家總結來說，大澳的餐廳由於位置偏遠的關係，食材的成本會相對地高一些，所以今次早餐價錢貴一點也算正常的，不過其實食物味道並沒有什麼特別，而且早上亦沒有其他餐廳選擇，建議大家如果在大澳住宿的話，都是自己煮早餐比較划算

周中非公眾假期早餐時間,特地去品嚐招牌涷檸茶+油多.凍檸茶味道酸酸咪咪不太甜 比一般茶記的較開胃, 而且唔駛拮唔怕飲到核再大啖咬呃多士,內有凍牛油~~~好味而且電視播放Now, 有英超精華/now新聞餸飯, 喺大澳確實少有老闆&老闆娘都好nice,好有人情味總括而言係好滿足的早餐~~叮囑有興趣就盡早黎食老闆下晝好早收工的了.

一直聽聞大澳有好正的凍檸茶，今次難得入黎大澳，梗係要試下啦，黎到其記門口，係一間好傳統的小店，相信歷史好悠久，座位唔算太多，大約10多個位，而餐牌亦都係好簡單，只有飲品，三文治同麵類，明明最出名既係凍檸茶，但入到黎唔覺有人飲，於是我地就ORDER左凍檸茶，原來呢杯凍檸茶同我地一直係出面飲開既款式唔同，所以我地誤以為冇人飲，原來全部人都飲緊，凍檸茶好新鮮，濃味，冇落冰既，用我地平時飲既熱飲杯裝住，略嫌細杯左D。另外我地仲叫左餐腿麵、五香肉丁麵同埋老闆推介既鮮油多，老闆推介，果然好食。

Many likes in openrice, so go there to have a try! The cha Chaan ten is oldish decoration like 60s HK time! tradition setting is definitely an attractive point to visit. the menu is very simple with noodles or toast ! egg and spicy pork noodles! butter and condensed milk toast

Went here as this was on the top search results in tai o.Interestingly, this place is famous for lemon tea.Well it does look different with lots of lemon bits floating on top and the colour is very murky.The lemon taste and tea taste are both equally strong which makes it refreshing.

今天天朗氣清 重有點秋意決定坐車入去大澳 揾食因為 檸檬茶既關係『其記』 當然係不二之選讓大家欣賞下大澳風景先簡簡單單懷舊餐旦面 平凡中變得不平凡 用心制作 熱辣辣主角檸檬茶 不是普通制作 茶味香濃 酸度適中 入面有檸檬汁混在人起 一飲再飲不過略謙 細杯 各位一定黎試

盛夏，天氣酷熱，外遊，絕非明智之舉！星期五，決定放假，相約摰友去大澳兩天一日hea遊。早上出門，下起傾盆大雨。幸而，去到梅窩，天氣轉晴，天空更藍更清！藍藍天空高掛我的夢，Let's go.....搭車搭船再搭車，大澳，真的頗為偏遠！飢腸轆轆的，先去前舖後居的「其記」吃早餐，由中年兩夫婦打理。對小妹而言，離島最誘人的早餐，非餐蛋一丁$25配凍檸茶$17莫屬了！即叫即煮即煎，新鮮好味道。凍檸茶茶色深褐，不見檸檬，只浮著絲絲檸檬果肉，並沒有加入冰粒。原來，店主以鮮搾檸檬汁混合結茶，預先冷凍而成，故果味十足。呷一口，凍檸茶冰凍透心涼，入口味道既濃又苦，繼而回甘。餐蛋一丁麵有兩塊煎餐肉和一隻煎蛋，麵選用出前一丁麵，淥得剛好，挺有咬口嚼勁。喜歡老闆的煎蛋，蛋白香脆，蛋黃則只有半熟，咬下去十分滋味好吃。這個貼有「常滿」的古老木箱，是小店的錢箱，佈滿了歲月的痕跡，是代代相傳嗎？

大澳地方少少，但好飲好食既野絕對唔少!先黎介紹呢間茶記大澳既第一站我黎呢度主要係因為想檸茶先，要精神一下嘛。其實呢度既檸茶都幾出名架!呀大人就飲華田，我試飲左啖，唔甜，都ok。今次仲叫左餐蛋麵，好懷舊既味道!個麵係出前一丁黎架添!$25算平喎!!再要個咸牛肉蛋治烘底，識食一定食烘底!!估唔到咁好食喎!!!

最後一日嘅復活節假去大澳遊, 朋友住屯門, 大澳有船來往, 佢熟哂地頭, 首推就叫我地去其記, 當然跟住去囉。地方係傳统嘅茶餐廳feel! 有親切姨姨叔叔招呼我地入去, 嗰日假日又吾係話太多人排隊, 排一轉就入得, 朋友話反而平日假期係排到爆。當然聽朋友講食名物喇, 我叫咗餐腸丁! 麵係一碗一碗上, 我估計係逐個煮! 有兩大塊午餐肉同兩條腸, 足料到呢, 而且堅聞到丁麵招牌麻油香~ 兩款餸都係$25蚊! 正我地仲叫咗奶醬多, 多士脆, 醬又足料! 無拍照! 必試!!仲有啲檸茶同奶茶都係無冰雪櫃拎出嚟~ 我無叫到, 因為有帶水, 但飲咗朋友嘅冰奶茶一啖! 夠濃~去大澳朋友可一試~

去大澳玩，我有80%都只是想吃，無他，因為大澳的著名食肆實在太多了，不吃會對不起自己啊！其中一間必去餐廳，就係其記，重中之重，係佢既凍檸茶。去到既時候，其記仲未營業，門口用條鍊欄住。好慘呀，熱屎辣辣，響門口等左好耐。亦正因為天氣太熱，所以入到黎，人人都叫杯凍檸茶，又或者應該講，剛才每個願意係門口等既人，都係為左呢杯凍檸茶而入黎。呢杯野堅勁之處，在於佢係一杯無加冰但又夠晒冰凍既檸茶，茶味絕對唔會俾冰沖淡。但我個人就覺得味道太濃啦，又酸又苦，好「keng」呀，頂唔蒲。去呢d正宗茶餐廳，食多士係常識。我叫左一份油占多，一份奶醬多，其記烘到面同底都微焦，好香口，果然正斗，係香港人就叫份啦喂！

大澳水鄉，風情處處，有的是漂亮的風光，有的是純樸的人情。大澳的美食，亦教人津津樂道，念念不忘。在眾多的大澳美食中，唯一的一樣不是食品，而是飲品的，肯定是這間「其記」的「無冰凍檸茶」。這檸檬茶的特別之處，在於它沒有檸檬片，也沒有加冰，在濃茶內加進去的，只有新鮮的檸檬汁和少量的糖水，味道比一般的凍檸茶來得更加濃郁和自然，喝來檸檬的味道鮮明突出，但同時間又可以嚐到濃而不澀的茶味，喝後但覺解渴生津，暑氣全消。這「其記」「無冰凍檸茶」，只此一家，別無分號，坊間竟無模彷抄襲之作，要是其他地區有的話，我便不用遠道來到大澳才能夠喝到此夏日佳品了。

It was an honour and a pleasure to join the Tai O food tour held by Tai O Heritage hotel because we got to try different joints in the lanes of Tai O.There were three groups so each group tried different routes.Tai O is a lovely town on water which is themed as a Chinese Venetian with stilt houses on water.They are also famous for fermented prawn paste.其記 was one of the shops on our list and I was really chuffed because I have tried it before and the lemon tea is fantastic.The lemon tea here is

今日在大澳吃Lunch, 因為都打算吃不同的小食所以就不吃太多做午餐,飯伴在openrice search到其記的無冰檸茶令大家也十分欣賞, 所以我們又打算去試試看!佢GE餐牌就係普通茶記的食品。蛋牛治 - 正常野, 個蛋幾好味, 入面D｢涵｣夠熱辣辣, 好味.腸蛋麵 - 太陽蛋是飯伴要求的, 味道一般, 不過呢個價錢不能要求太多喇!無冰檸茶 - 今餐飯嘅重點其實本身我都唔知有咩特別, 因為今次呢間食店係飯伴Search出來的, 我是沒有看過openrice各位食家的介紹的! 杯野飲黎到嘅時候我都仲覺得咁細杯又無冰無檸檬, 覺得好奇怪。但係一飲左第一啖就勁中意喇! 成杯檸茶個茶味好濃, D檸檬味都好重, 我覺得呢個係叫做精華版的檸茶~~~個味道好refresh同好解渴, 所以即使細細杯都唔會覺得好唔夠! 呢個重點推介要試試看的啊!

一個如熱飲杯SIZE的凍檸茶要十多元一杯，貴嗎﹖不貴，一點也不貴。沒有多餘的冰塊，只有香濃紅茶 + 檸檬汁 + 少許糖水的組合，感覺很清爽，茶味濃。如果大杯一點就好了。

第2次飲其記的檸茶 如此有特色的檸茶真的只此一家以價錢來說就一點也不經濟實惠 但絕對值得一試以同樣的價錢的確可以在其他茶記order 更大杯的ot但無檸檬但極有檸味的ot就真的少見 眼見店員幾下手勢將預先已調教好的材料倒入杯內 正如剛才所講 檸味什至比坊間其實OT更重更自然而且茶的味道仍在 2者份量配合得很好 而且有淡淡的陳皮味雖然沒有加冰 但飲完都有涼快的感覺!