再興燒臘飯店

營業中

休息中

今日一人午餐，便起去了座落灣仔軒尼斯道的再興燒臘飯店。我點了叉燒切雞飯$32，等了大概5分鐘就有了。拎到返公司，打開飯盒，飯仍然熱騰騰。叉燒：油香夾肉香切雞：皮爽肉滑會再次幫襯。

許多茶餐廳最近都開始革新，力求做出口味更中西合璧、味道營養俱佳的創新菜餚。可是香港總是有很多人是可以一年到頭都吃燒味雙拼的，如果中午吃一碟色香味俱全的六寶飯，下午茶吃一碗油光可鑒的燒鴨瀨粉配凍檸茶，晚上吃半肥瘦的一大碟叉燒配上灼油菜和老火排骨湯，那這樣的日子對他們來說就像在天堂一樣。如此專情又固執，看似漫不經心卻又挑剔講究，這倒也算是香港人的浪漫之處。 

真係好想知佢燒鵝出名喺邊呀，皮又唔脆，又唔入味。50文一碟燒鵝飯得六嚿燒鵝。之前買過百幾文燒鵝返屋企，以為係因為路上面焗左，所以皮唔脆。原來堂食都係唔脆嘅以後都唔會再嚟。凍奶茶係加八文嘅。茶苦，唔好飲。

🇭🇰#香港捐窿捐罅記 instagram: foodkiller_dk可能係香港最耐歷史既燒臘店🤤 由清朝已經係香港島灣仔賣燒味😅 亦曾經係2016拎過米芝蓮推薦🦖 主賣叉燒 比外面既叉燒淋 並且堅持冇做鬆肉粉🤤 更出色可能係上菜速度 快過澳牛 我食果時15秒內上左菜 但價錢又合理 所以都冇對服務 環境有要求🦖-三寶飯（$42）🐥🐷🦆叉燒飯（$32）🐷三寶飯係切雞 燒鴨 叉燒 切雞 燒鴨 普通質素 冇柴 算正常😌叉燒叫左肥燒 又唔係太肥 但的確幾淋 我諗淋到老人家都應該食到😂少少甜 幾好味但之後我買左半斤（$40）返屋企 都要肥叉返到屋企 一開全部都係瘦 一冇肥肉就少左肉味所以唔太好味☹️總結一下 唔洗特登去食🐷-🎈灣仔軒尼詩道265-267號地下C座-平均傷害：$37好味值：5.5/10

I walk around Wan Chai area to find local BBQ pork restaurant and I found Joy Hing.Staff invite me to come and recommend me many menu with smile and say a little Thai language.(สวัสดี) So I think many Thai people come here.I order baby roast pig with rice. It's amazing. Tasty is so good. I never taste this before. I really really like it. On table many sause to try. When I back to HK I will come back this restaurant.

又凍又下雨都堅持去吃叉燒。要排隊，不過人流去得很快，不消一會就進去了。坐得很逼，但沒有辦法，把它說成地道風味會好過一點。點了叉燒米粉加紫菜湯，$42，算是便宜。很好奇店員們是如何放工的。落完單，店員向著師傅大叫，即使幾人疊聲都沒問題。30秒內，食物便出現在面前，叫人嘖嘖稱奇。叉燒很瘦，很乾，大大件，放入口至少咀嚼上一分鐘，直至牙骹軟而勉強吞下，硬得誇張，跟記憶中的半肥瘦，稔中帶咬口完全兩回事。唯一慶幸的是，味道還好，不太甜不太鹹。米粉偏稔，再硬一點會較好。紫菜湯算是最好，麻油香卻不會太重，紫菜夠多。對叉燒太失望，以後都不來了。

幾年前黎過食都已經麻麻地，但聽親戚講再興係有一排無咁好食，但而家已經返”返生”。咁就滿懷希望再試一次。由於唔鍾意食瘦叉，所以落單強調2碟肥叉。點知黎到😦😦😦說好的肥叉呢？我問落單個呀伯：呢隻係米肥叉黎？佢好肯定既語氣答：係呀！呢隻係肥叉呀！Ok....you win...只能夠話，呢碟肥叉，真係肥到又乾又柴！P.S. 對面2位遊客叫2拼飯既叉燒無指明要肥叉都肥過我地個2碟呢間野，無可能會再黎。。

每次中午經過，都總會看到人龍。燒味店黎講，佢算乾淨，不過店舖細，位置唔多。叫左個雙拼瀨外賣，門口直接落單俾錢。燒肉切雞瀨，都係$30。好抵呀！D呀姐做野好快手，等幾分鐘就整好啦。由於門口企左堂食條龍，同等外賣既人，再加上行人，都幾迫下。佢d燒肉既皮好脆，係鬆脆。係我食過最脆既燒肉，味道適中，係肥左少少啫。值得一提係佢既切雞，佢d皮係爽架，食落一d都唔覺肥，本來唔食皮既我，今次連皮都唔放過。而佢既薑茸，同出面食到既味唔同，係有蒜架。中意食蒜既朋友，可以試試。不過瀨粉份量唔多，但呢個價錢，絕對超值。佢地仲會將餸同湯分開，咁就唔怕浸到淋晒啦。

又黎到一間出名嘅燒味鋪，灣仔嘅再興。住咁近竟然未黎過，一於試試佢啦，真係正嘅話就發喇。本身想黎試叉燒，但見有燒鵝，就叫左雙拼飯，個人例牌加葱油唔要燒鵝醬。講叉燒先，份量唔多，但係精華，肥瘦適中，食落有少少咬頭，似係帶少少筋嘅感覺，味都好食，所以好滿意。燒鵝，一睇個食色水怪怪地，檢查下有冇鵝油，係有但分佈唔均勻，一舊成舊油，另一舊又冇油，奇怪。算啦有油咪好囉，一試點知鵝油竟然冇鵝味，只係普通一舊冇香味嘅油脂，再一個奇怪。即係有油都唔香嘅燒鵝，真係冇point去食。葱油方面，冇乜香葱味，一pat油，又係奇，明明有葱冇葱味，係咪燒鵝d friend? 總結黎講，今次試食有d出乎預期，就係d野冇味果下，叉燒就可以再食，所以下次叫叉燒飯就算喇

突然想食港式燒味飯然後諗起灣仔好似有間好好食嘅燒味飯就揸車過去車就停係駱克道然後行過去都係轉過彎就到外表睇上去呢間就好似一間好舊嘅鋪頭外型唔吸引傳統燒臘店都係俾人一個邋邋遢遢嘅感覺本身我諗住食個叉雞飯就算仲幻想緊有冇外賣會平好多嘅呢點知原來堂食同埋外賣都係差幾蚊坐低左之後再睇難得黎到冇理由唔識最出名嘅乳豬飯㗎嘛所以我就點左個$54嘅乳豬飯外型都係唔討好嘅一啲白色嘅粉再斬幾舊乳豬俾你感覺真係一啲都唔吸引但係當你咬落乳豬上面你就會發現佢果皮真係好趣乳豬雞肉亦都好嫩滑下面上面亦都有支叫做好味汁嘅醬汁俾你自己任落

如題，9點夜晚吃飯，咩都話賣灑，都已經賣剩叉燒油雞，無問題，之前見多客同佢歷史悠久，諗住幾好，經過開都試下，明知無野賣都差不多收工大吉，結果我食左d咩，真係唔敢相信，係叉燒【油雞骨】飯，無錯，係油雞骨，成盒都係油雞骨，唔知佢收工淨低雞肶雞肉黎係咪餵狗，客人連狗都不如，叉燒太瘦仲有硬到可以扔死人，又無菜，成盒飯可取嘅係飯幾熱薑葱幾好，$30算好平，不過認真可以幾個月唔駛再食燒味飯住，食骨食到有陰影.……

一份下庄燒鵝110蚊，得385克，得2/3斤。哩個重量入邊仲有另外搭買嘅一個鵝腎。即係話一斤燒鵝接近200文，簡直係貴到飛起。至于口感，唔明個米芝蓮點俾星嘅。所謂嘅脆皮燒鵝，啲皮一啲都唔脆。個燒鵝無腌到，一啲都唔入味。好彩，另外俾嘅汁都唔算難食。總結，此燒鵝同街邊任何一檔燒鵝冇乜區別。門口個店員，十分之識sell,同我講加十文搭個鵝腎，我仲以為咁樣係特價添，原來，個鵝腎本身就係十文。如果个鵝腎本身非常冧，一啲都唔好食。

燒味飯真係百吃不厭，每一度嘅燒味都有自己嘅特色，但多人嘅口味就可能只得一種。每逢餐廳有例湯都必點的我，今日係青紅蘿蔔湯，顏色都幾靚，仲出哂煙超級熱，味道就淡咗啲，只飲到清清的甜味，不過切到一口大細嘅湯料就幾貼心啦。我叫咗叉雞飯，哩度嘅叉燒厚切，蜜糖剛好裏著叉燒，肉質很札實但沒有鞋，還帶點濃邊。不過這肉質可以切薄一點點會更方便食。白切雞外皮就油淋淋咗少少，肉都薄身過頭，無乜肉食。朋友嘅肥叉不太肥，豉油雞不太豉油。

叉燒燒鴨瀨粉 Char Siu and Roasted Duck Noodles💰HKD45-叉燒油雞飯 Char Siu and Soy Sauce Chicken Rice💰HKD47-👦🏽最中意食嘅燒味飯叉燒半肥瘦啱啱好，有少少蜜糖嘅焦味。最值得一提嘅係佢哋無限添加嘅特調鼓油，加落啲飯度一齊食認真一流😍👦🏽Favourite Siu Mei restaurant in town!We went there for their famous tender Char Siu, doused in their signature sauce and it was blended with a hint of sweetness. Soy Sauce Chicken was moist and moderately flavoured.

再興呢個名，其實一直已經想試好耐，不過一直冇機會。今日難得有事過灣仔，而到食飯嘅時候已經係2點幾，不如就去試一試，應該就唔會太多人。點知，呢個鐘數都好多人，不過其實好多係遊客。如果係怕迫嘅人，我勸諭你唔好去了。當然除左地方迫之外，味道先係最失望。今次揀左叉燒燒肉飯，一上枱就知有d不妙，一來菜都冇條，二來叉燒瘦到唔吸引，三來燒肉連皮都冇。。。至於味道，其實可以另外落醬，不過我就覺得一般。叉燒太瘦嘅關係太dry啦，燒肉其實都冇乜特別，真係唔明點解仲有咁咁多人知🤷🏻‍♂️雖然唔算好貴，雙拼32，唔通大家都係第一次或者係遊客？