再興燒臘飯店

營業中

休息中

再興，不經不覺幫襯咗30年，第一次食係94年，當年喺灣仔新世界扒房做，落場都會同D同事去食。食得最多就係94至99年，當時在灣仔世紀酒店做，只係一街之隔，特別係97年後Canteen外判咗出去，啲嘢難食到一個點，好多時放飯都過去食燒味。近10年威爾斯做，假期都常有幫襯，主要係情懷！雖然佢哋出品都偶有失手，但大部份都係能夠保持水準，一間舖可以食30年真係唔簡單，睇住啲員工由中坑變咗做伯伯，自己都有𡃁仔變咗做大叔⋯⋯今日個叉燒飯好好食，咖喱雞翼都好好食，碗湯就失手啦！成碗都係油，不過我原諒咗佢！唔知仲有幾多年食呢？會係佢哋執笠先吖？定我收皮先呢？是日消費：叉燒飯$42 小食咖喱雞翼$15 例湯$10共$67

钟意食香港街头的碟头饭，记忆中再兴的叉烧很好吃。重温旧日味道，却满是失望。🪴环境：湾仔的老字号烧味，曾经的米其林必比登推介。街边店环境，就餐空间局促。橱窗里挂着烧腊，看着有市井气息。门前售卖虾子面等手信，游客店即视感。🍛三宝饭：叉烧、油鸡、烧鸭三拼，叉烧肉腥味重，完全不香甜。切得也特别厚，很是粗糙。油鸡更是不新鲜，鸡皮都粉了。烧鸭稍微好一点，也寡淡。我算是几乎不会浪费食物的人了，基本都没吃，感觉吃下去都烂舌头，全浪费了。桌上有烧味汁，搭配吃了一点米饭。加的老火例汤，还挺好喝。价格适中，之前路过还能吃一吃的烧腊店，如今一口也吃不下去了。买单离场，永久不会再光顾。记忆中还能吃吃的烧腊店，没想到如今出品如此差劲，很是失望。🛎️服务：对比以前的服务，有了很大的改善，过去的服务态度非常差，对顾客没有耐心。点的例汤，结果上错餐端来一杯冻柠茶，提出质疑后，有马上更换。现在桌上有提供水杯和餐巾纸。📍香港特别行政区湾仔区湾仔轩尼诗道265-267号地下C座。

好多年前食過，好好食。今日有時間再試下，同回憶中的味道差天同地。人生第一次食燒肉飯係無皮，得一小舊有皮。 油雞好乾又無味，食完好後悔一般的連鎖店仲要好食過 20倍，浪費quota的一餐

背景：家族於光緒末年起經營廣東燒臘。2014年10月30日，獲入選2015年《米芝蓮指南香港澳門》車胎人美食，被香港旅遊發展局評為「紅牌館子」，美國CNN形容「再興是叉燒的同義辭」及「四十款生命中不能或缺的香港食品」星期六晚見到再興不用排隊等位，「拿拿聲」入去食個快飯先燒鵝叉燒飯燒鵝好肥，冇去肥膏，叉燒又太瘦兩者味道係好入味的燒鵝油雞飯燒鵝好肥，冇去肥膏，油雞正常水準兩者味道係好入味的靈魂人物：好味汁好味汁是鎮店之寶，加洛任何一樣食物，即刻好味升級好味汁真係好好味，溫馨提示吃完之後要多渴水喔地址：灣仔軒尼詩道265-267號地下C座

再興燒臘飯店，位於灣仔軒尼詩道265-267號地下C座。 餐廳是一間老字號的燒臘店，多年前已經食過， 店內舊式裝修。晚餐 ～ 叉油雞飯$42、 淨雲吞$33、 凍檸茶$10、茶走$10。 ▪️凍檸茶 ～ 凍檸茶甜到不足。 ▪️茶走 ～ 完全沒有煉奶， 味道非常苦澀。 ▪️叉油雞飯 ～ 叉燒是半肥瘦，油雞是雞胸肉，飯份量好少。 ▪️淨雲吞 ～ 一碗有六粒， 味道普通， 好少見淨雲吞麵一條生菜都沒有。 感覺沒有以前的水準了。 🏷️溫馨提示～ 整個用餐體驗均屬個人分享意見， 只作參考😊。

燒味飯真係百吃不厭，每一度嘅燒味都有自己嘅特色，但多人嘅口味就可能只得一種。😎每逢餐廳有例湯都必點的我，今日係西洋菜湯，顏色都幾靚，仲出哂煙超級熱，味道就超濃郁既西洋菜味，，差啲忍唔住叫多碗飲添呀！🤤我叫咗叉燒燒鵝飯，呢度嘅叉燒厚切，蜜糖剛好裏著叉燒，肉質很札實但沒有鞋，還帶點濃邊。燒鵝肥瘦適中，每次黎都係必叫！！🤤🤤🤤🍴叉燒燒鵝飯$70📌再興燒臘飯店🍽️灣仔軒尼詩道265-267號地下C座

再興燒臘係灣仔已經開咗好多年，每次路過都爆場，出品追求快、靚、正！～三寶飯三寶有义燒、切雞和燒鴨，肉明顯是急凍冷藏肉，入口有點過於鬆軟，失去彈性和肉汁。。。不過經醃制加上燒烤後味道還可以，喜歡的是汁可以按自己喜好而加，要挑剔的話白米飯溫度入口只是暖的。。。呢個失分好多。。。可能老闆希望大家可以盡快吃完盡快埋單盡快多做幾個客人。。。。。。綜合只是一家網紅店，不吃沒什麼損失，如果路過花過港幣52蚊一碟燒味飯打個卡也無所謂嘅。。。

呢間灣仔出名嘅燒臘店，今日就去咗食lunch，我就叫咗肥叉燒燒鴨髀飯，味道真係非常唔錯，叉燒嘅味道非常香，而且加埋半肥瘦嘅味道，送飯簡直一流，亦都食到師傅嘅工㗎，燒鴨髀亦都燒得非常香，肉質非常嫩，雖然份量唔算太多，不過以呢一個質素我都覺得對得住呢一個價錢，提一提佢加$10可以加個湯，係冇味精嘅老火湯，我嗰日係蘿蔔豬骨湯，非常正，飲完暖笠笠，而且非常足料，最緊要係冇味精，飲完湯唔使係咁飲水，$10呢一個價錢真係良心價！

10幾廿年冇去過，淨係記得佢嘅叉燒係好出色、忽然之間出開銅鑼灣就去再次幫襯吓！一入到去環境非常混亂地方好邋遢，😅地下仲係好多油好跣嘅😖叫咗一個叉燒飯一個乳豬飯🖐🏻乳豬係超肥同他們反映他們還告訴我肥才是好食的😤叉燒飯的叉燒真心不錯👌🏻可惜他們的飯落得太多水直程係起晒飯膏！真心失望！有時不明白點解香港啲餐廳既然做咗咁多年出咗名唔繼續努力經營要浪費曾經努力的資源成果！見到都有遊客慕名而去😕

叫叉鵝飯，d燒上到嚟無皮嘅。問點解會無皮？佢同我話正常架喎，要有皮要出聲😂食咁多年燒鵝飯都係第一次聽🤔🤔🤔呢碟野$75 認真嬲到要留食評環境差態度差 真心唔會有下次囉

前日晏晝，趁啲人未放飯就搶閘落再興食個快飯，唔駛等位，叫咗個燒肉肥叉飯，一罐可樂。等分半鐘，就有得食，呢啲咪就係效率囉，係嘅，賣相係唔靚仔嘅，燒肉係甩皮嘅，叉燒係切得唔齊嘅，但係加咗啲「好味汁」之後，擺到落口又係另一回事嚟。所謂嘅「好味汁」，老實講同其他燒味檔嘅汁我覺得係分別不大嘅，但係的確係唔加唔得，因為唔加，個飯會變得好難食。燒肉正常，偏少少燶，個人接受到嘅。叉燒中上，夠腍，夠味，係啲肉有少少柴。唔叫得上好好味，如果你可以抹走哂門口白色肥仔牌嘅記憶，響對佢冇任何期望嘅情況下去食，就接受得到囉。

當日中午專程往灣仔這間燒臘店惠顧，店內環境非常惡劣，服務欠佳，衛生情況不堪設想，垃圾燒味飯店，燒鵝，特別係义燒肉質非常之粗劣及乾，仲差過屋村內一般的燒味飯店，請各位不要上當，這飯店從此在灣仔區食肆名單內剔除。

人生第一次食燒雞潤再興， 平時今日好鍾意我我都對呢啲嘢麻麻哋， 但係有一次我同事就叫我試吓啦， 點不知一試難忘， 我覺得燒雞潤比燒味更加好食🤪🤪🤪如果未試過嘅朋友可以試吓😉😉😉

經過灣仔，滿心歡喜去買燒味，加下餸，點知換來勁不爽經歷😤😤😤走入店內，見掛了幾塊燒腩，向師傅指明那條燒腩仔，明明睇住佢切左一條骨，磅完叫我俾錢，轉身俾錢，之後阿姐叫我出去門口等。回到家，一打開個盒，變左另一條燒腩仔，完全唔係我要那條😠 塊皮變左色，食落似橡皮，完全唔係一條，似頭頭尾尾執埋一盒俾我，真係離晒譜😡😡😡如果店內多人，攪錯左，都叫情有可原，但當時得我一個客買燒味，無可能出錯囉！從此不會再幫襯！

見門口大排長龍,個個買外賣燒味飯,咁又排埋一份,排完一輪,叫個叉燒燒肉飯。一打開個蓋個心一沉,垃圾燒肉,,啲皮一忽忽,仲要有皮嘅地方係全燶嘅,但佢居然有本事可以做到全全燶但係同時亦都全淋,豆腐火腩飯啲燒肉應該脆過佢。叉燒死甜,鞋到似煲湯瘦肉,成盒掉落垃圾桶,可唔可以畀負100分?40幾蚊一盒飯唔該拎D良心出來,唔好比垃圾人食,早知去隔離嗰條街嗰間cheap cheap燒臘店,28蚊一盒雙拼外賣冇咁嬲