影片
更多
2008-01-08
271 瀏覽
很多人都會忽視工廠食店, 今次就介紹這間超超班的食店。大家未必識去, 其實在荃灣消防局附近, 打電話去問六可。 由於在附近上學, 不難發現每天食店內車水馬龍。12點半去見到個奇景, 餐廳外賣量極大, 估計約200個以上。早兩天跟同學去了試菜, 果然不同凡響, 原因結論出以下幾點:1) 環境: 開揚清潔, 感覺似港式茶餐廳, 而且更寬鬆;2) 服務: 人手充足, 待應有禮;3) 食物: 款式, 種類凡多, 除了快餐, 仲有泰式.中式.西式.燒味.馬來野.四川;今次試左午市快餐; 泰式拼盆; 沙爹牛包; 香茅豬排金邊粉; 雞比;快餐冇影相, 做得唔算出眾, 但係食下午茶一流, 款式眾多。雞比我覺得係新鮮既, 所以12蚊一隻, 隻雞比唔肥, 即叫即炸, 同街邊既有些分別, 怕肥但又想食雞比的人就要叫啦。個面炸得好脆, 用番茄做底吸油, 隻比入面唔見肥膏, 做得香脆, 味道比街上的淡。泰式拼盆入面既春卷做得非常香口, 春卷入面有好特別既香草, 口感非常好, 而且熱辣辣, 下次一定再食。鮮甜的魚餅再加上清爽的炸蝦餅, 非常滿足。香茅豬排非常入味, 金邊粉份量足夠, 清甜的湯底帶點點香茅味道
由於在附近上學, 不難發現每天食店內車水馬龍。
12點半去見到個奇景, 餐廳外賣量極大, 估計約200個以上。早兩天跟同學去了試菜, 果然不同凡響, 原因結論出以下幾點:
1) 環境: 開揚清潔, 感覺似港式茶餐廳, 而且更寬鬆;
2) 服務: 人手充足, 待應有禮;
3) 食物: 款式, 種類凡多, 除了快餐, 仲有泰式.中式.西式.燒味.馬來野.四川;
今次試左午市快餐; 泰式拼盆; 沙爹牛包; 香茅豬排金邊粉; 雞比;
快餐冇影相, 做得唔算出眾, 但係食下午茶一流, 款式眾多。
雞比我覺得係新鮮既, 所以12蚊一隻, 隻雞比唔肥, 即叫即炸, 同街邊既有些分別, 怕肥但又想食雞比的人就要叫啦。個面炸得好脆, 用番茄做底吸油, 隻比入面唔見肥膏, 做得香脆, 味道比街上的淡。
泰式拼盆入面既春卷做得非常香口, 春卷入面有好特別既香草, 口感非常好, 而且熱辣辣, 下次一定再食。鮮甜的魚餅再加上清爽的炸蝦餅, 非常滿足。
香茅豬排非常入味, 金邊粉份量足夠, 清甜的湯底帶點點香茅味道, 非常開胃。不妨叫waiter另上, 可能會嚐到香茅豬排的脆感。
沙爹牛包個包佢烘過, 內裡牛肉鹹淡適中, 沙爹汁香氣陣陣, 唯個包只是暖, 希望能夠更熱(我較愛熱食)。
其中一杯飲品甘枯蜜味道太甜, 相信師傅加了過量糖水, 美中不足。
必食: 泰式拼盆; 香茅豬排
張貼
