凝香園

營業中

休息中

下午茶時間口痕行過叫咗燒賣拼腸粉姐姐幾好禮貌咖不過啲嘢食真係不了腸粉蒸到入口即溶燒賣有膠感無魚味廿蚊有三條長腸粉+10粒燒賣係ok但係咁嘅quality真係食唔晒...就咁。

食物齊全；多項選擇，而且交通方便...凝香園乃一間近鰂魚涌地鐵A出口...步行只須大約五分鐘於海光街，早餐及午餐及下午餐供應，咖啡，奶茶，汽水樣樣齊...普及上班一族....早餐午餐及下午餐多款菜式....有飯有麵....有肉類，魚類及素食...價錢公道至低價.…...以$40或50以下配以奶茶咖啡或其他紙包飲品.....普及打工仔及寫字樓工作人員...味道OK...不輸蝕快餐店...可推介...唯一不足係外賣....冇堂食.....

凝香園位於鰂魚涌地鐵A站出口行大約五分鐘...呢度所供應於上班一族及普羅市民，由早餐至下午茶...由早餐的咖啡，奶茶，及汽水...由麵到三文治....由飯到麵...由魚到肉以至素食都有，而且價錢公道...可普羅大衆巿民....味道也不輸蝕快餐店....服務周到好，各方面為方便了打工仔及周邊地區的各界的工作人士及鄰居....係一間唔錯且值得品味的一間食肆...不足之處乃為外賣....不設堂會....

Lunch time食乜好應該係每個打工仔由朝早就開始諗既其中一樣野 今時今日食個lunch 冇50蚊都埋唔到單 質素唔一定好😖哩間位於鰂魚涌既外賣店就俾到平民既價錢 有水準既午餐一眾打工仔喇😍今日買左盒冬菇肉餅飯（$30）連一杯凍/熱飲 想清淡d飲水都得 有支裝水提供！哩個肉餅望落普普通通 但咬落口非常滑 又多汁😋唔洗加豉油已經好夠味道！！如果想再健康d既話，可以加$10 另外俾是日靚菜你🥰記得叫餸前就講聲 因為佢地會俾個大盒你 裝多d餸！！咕嚕肉（$35）都值得一試 甜酸適中 最啱夏天既時候食 夠晒開胃！

今天午餐突然很想吃盅頭飯 盅頭飯之中 鳳爪排骨飯更是我的首選之前經過這店鋪 知道附近除了這間之外 也沒有類似的餐廳 所以就直接過來了這凝香園 只做外賣生意午餐的時候 門外還排著隊 約10名人客不過它的流通量十分快 通常大家買完後便離開了所以10至15分鐘內就能買完了 它的賣點就是便宜 快 和方便除了蒸飯外 看到還有蒸魚 這相信也是不少人的心選至於味道方便 沒想到會這麼好吃 調出來的豉油 剛好配合蒸飯 而飯的質量也算不錯30元能吃到這種質素 而且有飲品附送 相對來說是很高的性價比特別要提的是 它煮飯和餸的方法 是分開的 不是合併一起蒸 會看客人選什麼 然後在獨立的鋁碟中倒進去不同餸的汁亦不會混在一起鰂魚涌和太古坊附近 在午飯時間稱得上一位難求 價錢亦十分不相宜 而這種外賣店的運作模式 能滿足了不同人士對食物的需求 有時只想簡單吃一餐的人例如當工作上 時間真的太趕急 趕快地買一個飯盒到肚 感覺總好過只吃一些簡單的燒賣 魚蛋 或是三文治所以十分推薦 日後也會再光顧

呢排 #小秘書 有啲放肆，今日竟然以 #腸粉、#燒賣、#魚蛋 做 #早餐😅 哎呀 #HappyFriday ... 一次咁多啦😅 #Boss 放緊大假，#小秘書 個人放鬆咗，#自自然然 又好容易遲到🤪 不過就點都要買埋早餐先返工嘅。每次遲到，硬係頭頭碰着黑，「凝香園」門口條人龍排到去隔離地產舖，#小秘書 等咗大概五分鐘，終於到我。平時我買同一樣嘅嘢，都係擺得滿滿的，點解今日份量少咗咁多嘅？不過呢個都唔係問題，唔知係咪太好生意，啲 #腸粉、#燒賣、#魚蛋 都蒸得唔透，食落口只係暖暖地，似未熟、口感認真唔多掂呀😣

「一日之計在於晨」🌞，喺鰂魚涌返工，坦白講早餐選擇唔算好多，尤其你要平靚正飽肚既就更加少。但呢間早餐店一定係我頭三位既選擇。皆因佢價錢合理，選擇又多。佢地早餐Set只需$18已經可以叫腸粉魚蛋/腸粉燒賣/炒麵/炒米粉/三文治等等，全部包凍飲&熱飲我最中意食佢哋既炒麵，真係好好味。

小秘書每朝早都需要食個大早餐先開工，今朝亦唔例外 買咗腸粉、魚旦+燒賣... 仲加咗包檸檬茶 肥死人系列合共$23 晨早流流擺咗咁多高卡路里落肚，中午果餐要食少啲至得喇

前天幫趁過的街頭小店 --- 因為阿姐的'親善'關係, 今天我又來了, 所以打開門做生意, 你好/客好/大家都好!  因為她上次介紹魚蛋燒賣好食, 好~  一次過買晒佢試真啲 今日樣樣買咗少少大家share, 10蚊腸粉、 一客燒賣、 10粒魚蛋要少辣、樣樣都係十元八塊都好經濟啫.腸粉唔太滑, 食開'合興泰'當然不可拿來比較, 但10蚊5條成盒滿晒仲想點?  啲醬味道亦正正常常我已好滿足, 因為有時食到某啲店舖嘅甜醬陣味好難食我唔會食埋落去; 燒賣就普通。 反而魚蛋唔錯, 唔係那種大.大.大粒發大晒但又好削嘅魚蛋, 這魚蛋有少少彈性不會死實, 辣醬佢'畢'落個兜時望落去唔算濃稠但原來入口都好惹味, 最重要係辣得來唔會死鹹!   大家下午3點3口痕搵嘢食可以試試!  同英皇道上那C記比大家都不相上下。  因為不是我一個人吃當然不能要大辣, 下次再試吓辣啲~因為朝早食了那些食物作早餐, 所以食完飯自動自覺要清清, 乖乖哋走去飲番杯五青汁中和吓當補償~阿姐:   這間的五青汁調得幾好飲, 唔知係咪佢撞手神? 下次再試多幾次至知! 於等候期間, 阿姐又sell 嘢喇:    好, 我食咗,

今早去Pacific Coffee, 經過海光街見到有新店舖賣魚蛋腸粉炒米/麵早餐, 見有條小隊有點點人氣就好自然埋去湊熱鬧買番份早餐試吓, 好, 先過對面馬路, Let's go, Go Go Go~睇睇有咩好嘢食先~好多款都好想食, 腸粉、魚蛋、燒賣、炒米又熱騰騰咁好似幾吸引, 又有五青汁...etc...etc...未諗好想食咩, 前面兩位人兄一個炒麵、一個叫炒米, 突然到我但我仲未選定! 望一望店面那兩盤熱氣霧氣滿溢的麵盤, 而且感覺不算油膩好似清清哋咁, 看似唔錯~ 即刻有答案俾到阿姐: 阿姐笑笑口話: OK, 下次試, 今日食住炒米先~一打開, 配料蔬菜為主有椰菜及紅蘿蔔絲, 正合我意! 食炒米我最緊要夠'齋'唔駛料多, 何況十蚊咋, OK啦! 間中有兩三條魷魚條帶來咸香味道及有咬口, 算是這店的特色吧, 我就無咩所謂佢有定無. 米粉食落真的不太油, 這在於早餐來說非常重要! 希望保持水準, 加油啊~份量方面: 細胃口的女仔可以兩人Share 一盒, 都幾抵食!價錢方面: 份10元炒米份量真多, 大家樂淨炒米唔要飲品就盛惠$15元, 足足便宜了一半.服務方面: 落柯打及收