影片
更多
2016-05-13
857 瀏覽
今早去Pacific Coffee, 經過海光街見到有新店舖賣魚蛋腸粉炒米/麵早餐, 見有條小隊有點點人氣就好自然埋去湊熱鬧買番份早餐試吓, 好, 先過對面馬路, Let's go, Go Go Go~睇睇有咩好嘢食先~好多款都好想食, 腸粉、魚蛋、燒賣、炒米又熱騰騰咁好似幾吸引, 又有五青汁...etc...etc...未諗好想食咩, 前面兩位人兄一個炒麵、一個叫炒米, 突然到我但我仲未選定! 望一望店面那兩盤熱氣霧氣滿溢的麵盤, 而且感覺不算油膩好似清清哋咁, 看似唔錯~ 即刻有答案俾到阿姐: 阿姐笑笑口話: OK, 下次試, 今日食住炒米先~一打開, 配料蔬菜為主有椰菜及紅蘿蔔絲, 正合我意! 食炒米我最緊要夠'齋'唔駛料多, 何況十蚊咋, OK啦! 間中有兩三條魷魚條帶來咸香味道及有咬口, 算是這店的特色吧, 我就無咩所謂佢有定無. 米粉食落真的不太油, 這在於早餐來說非常重要! 希望保持水準, 加油啊~份量方面: 細胃口的女仔可以兩人Share 一盒, 都幾抵食!價錢方面: 份10元炒米份量真多, 大家樂淨炒米唔要飲品就盛惠$15元, 足足便宜了一半.服務方面: 落柯打及收
睇睇有咩好嘢食先~
好多款都好想食, 腸粉、魚蛋、燒賣、炒米又熱騰騰咁好似幾吸引, 又有五青汁...etc...etc...未諗好想食咩, 前面兩位人兄一個炒麵、一個叫炒米, 突然到我但我仲未選定! 望一望店面那兩盤熱氣霧氣滿溢的麵盤, 而且感覺不算油膩好似清清哋咁, 看似唔錯~ 即刻有答案俾到阿姐: [淨炒米呀唔該! 因為我買咗咖啡先行到嚟...]阿姐笑笑口話: [唔緊要, 我哋多少都賣, 新鋪多啲幫趁, 下次試魚蛋呀! 我哋主鋪响銅鑼灣都有多人讚我哋魚蛋燒賣好好食.] OK, 下次試, 今日食住炒米先~
一打開, 配料蔬菜為主有椰菜及紅蘿蔔絲, 正合我意! 食炒米我最緊要夠'齋'唔駛料多, 何況十蚊咋, OK啦! 間中有兩三條魷魚條帶來咸香味道及有咬口, 算是這店的特色吧, 我就無咩所謂佢有定無. 米粉食落真的不太油, 這在於早餐來說非常重要! 希望保持水準, 加油啊~
份量方面: 細胃口的女仔可以兩人Share 一盒, 都幾抵食!價錢方面: 份10元炒米份量真多, 大家樂淨炒米唔要飲品就盛惠$15元, 足足便宜了一半.
服務方面: 落柯打及收錢阿姐好好口又好笑容、四眼執食物的阿姐就有少少手忙腳亂轉個頭就唔記得人家叫的是什麼, 但態度都是好街坊有點笑容唔錯的、後防沖飲品的男士都係笑笑口, 所以感覺良好! 大佬呀, 依家賣早餐呀, 晨早流流你想見到笑面定X面? 我梗係識揀啦~
有少少意見: 我今日買的一份咸了少許, 希望不是它的恆常味道, 我會期望再淡口些就更好, 因為如果要食重口味的可以在店面'畢'少少豉油又或者要求加甜/麻/辣醬, 我今日正正是想'清清哋'所以叫炒米, 況且少鹽少油少糖的早餐好似感覺健康啲, 留番肥・肥・肥quota下次用來食魚蛋燒賣吧!!
張貼
