凱得餐廳

營業中

休息中

好耐無黎長洲喇一心諗住食陳通記西多士米通粉點知佢提早關左門😭傷心得很加上個肚已經餓到就黎凹 唯有係附近搵餐廳食下午茶.見佢餐牌有我想食嘅西多士諗住可以彌補返我食唔到陳通記嘅心情點知食到一肚火….我老公叫午餐 就黎食完個西多士先到我心諗 唔緊要 慢工出細貨 最緊要好食可能小朋友見到係會好開心嘅我老公睇到真係得啖笑我只係想講一句 「還我厚牛油!!」一切落去 已經唔脆 一咬落去 已經唔熱講真氣炸鍋整都高質過佢無花生醬我都原諒 因為唔係間間都有但佢用塊碌扁左啲面包去整 個芯都仲係濕架結果我用糖漿掩蓋佢嘅難食但個芯…sorry我幾餓都啪唔落.咁樣收人$42真係過份左我仲加左$12轉左杯貨不對辦嘅紅豆冰

丫姐見我推住BB車小朋友瞓着咗，就喺出邊張枱俾咗個位我，佢嘅面都比想像中好食，冇諗過求其坐一間小店都唔錯，小店好多熟客，見到好多街坊一個你就傾偈坐低食嘢，應該老闆都幾熱情，有唔少熟客

今次去長洲呢間餐廳好近碼頭🤪🤪🤪呢間餐廳雖然睇落好普通，但係我見到好多人排隊所以忍唔住去試下，雖然店舖好細但係座位都尚算闊落唔會間隔得好迫👍🏻👍🏻👍🏻首先就叫咗個酸菜魚湯飯，因為我見到台台差唔多都有叫估唔到鯇魚🐟🐟🐟件塊咁大，侍應好細心俾咗隻碟我哋裝魚骨🔥🔥🔥第一下當然試咗啖酸菜湯先啦，酸味十分足夠，食落唔會好辣🌶然後就睇吓有咩係入面，裏面有芽菜、酸菜、豆卜、鯇魚件等等，幾十蚊來講尚算大碗份量十分足夠，鯇魚好新鮮，應該係每日朝早返貨，新鮮劏👍🏻👍🏻👍🏻然後仲叫咗一個上湯雲吞雞，雞味都好濃郁，雞件好多舊都係厚肉，食落好嫩滑，好啱我呢啲食肉人士🤪🤪🤪雲吞應該就係急凍貨，但係味道方面都OK👍🏻👍🏻👍🏻勝在性價比超高，一個餐都係五六十蚊🥳🥳🥳

難得放假天氣又風和日麗唔出下街真係嘥晒所以就去咗長洲租間度假屋望住過海chill 下瞓醒第二朝肚餓就搵早餐呢間凱得餐廳雖然唔係好大但入邊好整齊個Menu仲有好少見嘅節瓜肉絲做早餐梗係要試吓啦另外叫埋沙嗲牛肉麵例牌有埋個包都係好有特色竟然有牛角酥同奶油豬晨早流流食個節瓜肉絲米粉清清地真係幾好味道好得來又健康佢個牛角酥真係好鬆化加埋煉奶雖然邪惡但係真係好正個沙嗲牛連我最鍾意佢有少少花生粒勁香口 唔係度度有個奶油豬仲有白芝麻真係冇得頂絕對值得翻轉頭再食

因為疫情，假期想去遊玩一下的話，就只好選擇香港境內的好去處了。而其中的一個好去處就是離島。那一天，是星期五的下午，小朋友放學後就立即來長洲，先來一個 day trip。到埗後，大家都肚餓了，我們矢志要找一個開心的地方午餐。在海旁的大街，我看中這《凱得餐廳》有一整系列的素食餐牌啊，遲來的中午飯，就決定在這兒了。一入來《凱得餐廳》，原來也是一個懷舊模型的小世界。仍有童心的大家，看見這一個小小的角落，肯定會開心的。但，令我們決定選擇這兒的主要原因並不是因為這個，而是我們好肯定這兒有素食供應啊。我們坐在細小的餐室內，周不時都聞到廚房傳出來的炒菜香氣。想必這兒的炒粉麵飯，應該是很出色。當日太太一看就看中了素食版的星洲炒米。出來的炒米，香氣十足，蛋香，薑黃粉香，再重要的就是每一條米粉都沾滿了味道，口感乾身爽脆，少一點火喉都炒不出這樣的星洲炒米啊。我選擇的，是一碟干炒牛河。這一碟牛河，可以用色香味俱全來形容。整碟牛河都非常之乾身，也熱力十足。亦正是因為這熱力，吃入口時半點也不覺得油膩。更好的，就是每一口都有牛肉香同豉油香，河粉有保持到有一定的爽滑感，非常之好。這一個叫得餐 (即是常餐)，是兩個小朋友

耐無入長洲.今次黎到長洲發現開左好多新餐廳❤️入到鋪好多人食.店內坐位幾闊.坐得舒服唔會好迫好焗叫左個酸菜魚飯餐.店員好細心比多隻碟仔裝魚骨👍🏻飲啖湯簡直係酸辣味十分.唔會死辣又唔會得個酸字魚用脆骨腩好好食.唔叻食魚既都可以食得好爽😄真係好好食❤️下次黎會再食

豬潤麵在個人認知中總是不算一個太穩陣嘅選項。就是那種不會帶朋友胡亂去食的。因為熱愛豬潤的人會欣賞他獨特的內臟的重口味與回甘～不喜歡他的人會解讀為血與腥交雜出來的怪味。而且豬潤麵，要數出名的，基本都散落於九龍。特別ssp地區。今日難得入長洲，一試，出乎意料的驚喜。唔知係咪因為近市場，d豬潤又大又新鮮，而且食得出有很好的浸水保存（養住）。鮮味十足～一咬下去那種粉嫩與爽脆交雜的味道。好吸引～而且一點都不會硬與有血腥味，這點很加分。配上大地魚湯～不錯不錯～一定再光顧

好耐無去長洲今次入去找以前認識的傳道人食午餐她推介這間餐廳餐牌太多選擇，款款吸引，最後揀了肉骨茶湯不太咸，唔錯肉也美味配油菜和白飯油菜淋上蠔油，有設計元素份量充足，飽肚原來老闆是基督徒，十分友善

睇完流星雨的第二日搵食，遇上合眼緣的餐廳，一入去D歌已經好合心意。食開深水埗維記豬潤湯米既小編見到餐牌有呢個就一定試食，唔試猶自可一試就上癮，清甜湯底，加有薑片同芫荽葱，係天冷之下更暖胃。然後伙記重窩心問我要唔要辣椒油，真係合晒好辣的我口味，加點辣油更加美味，鍾意食辣一定要試！飲左杯暖胃潤喉嘅蜂蜜紅棗茶，夥計仲向我推介蘆薈😆 下次黎試，真係人情味搭夠，好窩心。幾乎每年都入黎長洲一兩次，喜歡平日日常的美，也感受藝術文化的改變。

長洲遠離市區，雖然有好多茶記選擇，但質素參差，非本地人不會知道哪間茶記可以接受，而凱德是其中一間質素不錯的。首先它的選擇多。例如這一天，午餐有多款選擇，包括這個蝦蛋飯，但這個飯份量太少，連飲品過五十元，不化算。反而如果不叫餐，選擇更加多，例如招牌的豬軟骨菜飯，加飲品價錢也差不多，味道更加好，另外葱油豬扒/雞扒飯也很受歡迎。午餐其實是近來新增的特色，但反而有伏。最後值得一提是老門闆應該是基督徒夫婦，因此有一批教會捧場客，我第一次光顧也是基督徒朋友介紹的。

入左長洲，經過呢間小店，估唔到有驚喜！餐廳有下午茶menu 叫咗熱狗同焗豬扒飯非常足料，仲有特飲！叫咗鴛鴦涼粉冰，涼粉好有心思，有唔同形狀，飲得好開心。有店內裝飾得知呢一間餐廳係基督徒開，god is good !

第一次帶仔仔到長洲， 一到步就周圍掃街， 之後同仔仔去租單車踏了長洲一圈， 仔仔終於肚餓，因我們都唔熟長洲有咩好食，我見門口餐牌有酸菜魚我就入店了。入到去店我便即 order 酸菜魚 加凍檸茶，而仔仔就食黑椒汁西冷牛扒飯加熱朱古力配多士一片。酸菜魚個湯底夠酸小小辣，我成碗飯倒哂入去吸湯，魚肉都幾多件，不過有骨如去骨就仲加正，d 豆卜好吸湯。西冷牛扒夠淋， 仔仔叫黑椒汁，一路食一路話野味，轉眼間成個飯食哂， 佢話好好味。

今日長洲一日遊 咁夏日熱辣辣緊係行返入間有冷氣既餐廳啦 今次就揀左呢間咁佢既門面都幾試正 同埋個menu都幾吸引我 所以入左去 比個menu大家睇睇先我地2個人就叫左 個蔥油雞扒飯（$36） 阿埋法式西多（$32）加多2杯野飲 個雞扒煎得幾香口同脆 加埋個鼓油汁撈飯幾唔錯 另外個西多個牛油係隻米奇黎 都幾得意既 加埋糖漿真係超曬quota 不過一餐就唔緊要啦 呢間餐廳既炸野都係新鮮炸既 所以都唔錯最後2個人食左79$ 食個晏既價錢黎講都唔錯既 可能我地都唔算好大食 黎到長洲又想過下冷河既就值得坐底試試啦

本局長是日於長洲公幹，辛勤工作至午後終有一絲空間喘息。沿海傍散步，來到街市附近，遙見此餐廳有下午茶供應，遂入內幫襯。下午茶餐有炸雞脾、西多、扭扭粉等。本局長著小二來一美式熱狗，凍檸茶走甜。熱狗包香脆，上有沙律醬、芥辣、茄汁，包內除腸外有大片生菜、酸瓜、番茄片，甚是足料，層次豐富。飲品亦屬正常水準，檸茶清新不太濃，勝於九流茶記求其之作。總括而言，此餐廳熱狗好吃，本局長飽餐過後充滿能量，再度辛勤工作去也！

跟教會團契一行十幾人趁復活節假到長洲，幫趁過嘅姊妹大讚厘間茶記好味，我吔就專登來試試，叫左十樣嘢食，食物送上枱就即分晒落我吔嘅口，試左一口已覺得欲罷不能！到想起要寫食評已食左好幾道菜，所以唔係碟碟都有影相。第一味係豬膶湯，豬膶煮得唔老幾嫩囗，有鮮味，叫左兩碗都清光，鼓油炒麵好正，麵條幼得來有趙口，一D唔油膩。跟住仲叫左炒飯、星洲炒米，炒得夠鑊氣，我鐘意蝦仁炒蛋飯，飯粒粘住炒蛋，蝦仁彈牙，仲有叫椒鹽魚柳炒飯，嗰味道好正‼跟住炸雞髀薯角，熱辣辣炸起，外脆內軟，仲有五香同椒鹽味粉吊味，感覺到唔係求其嘅茶記貨色，另外，嗰西多竟然仲有驚喜，上面塊牛油係啤左米奇老鼠樣，香熱牛油加糖漿入口已好滿足，跟住仲taste到檸檬味，加多左嗰味覺層次之餘，係食完D油膩炸物口中仍保留住檸檬嗰陣清新嗰吓正！仲叫左紫菜四寶米，幼米線加清甜湯底。基本上食得出每樣都有heart嘅非一般茶記食物，難怪爆滿，所以我地只可坐係冇冷氣嘅門口，但都食得好開心‼