凱悅茶餐廳

營業中

休息中

本身唔係住青衣區。疫情前曾經嚟過一次佢個西炒飯炒得好好味。尋日再嚟試埋個豉椒牛肉炒河麵，冇令我失望。 個麵底炸到半脆燶燶哋，個汁同牛肉都好味。賣相亦很好，單點$57我認為可以接受。另外值得一提，就係茶餐廳嚟講佢真係算乾淨企理，而且服務態度非常好，希望大家多啲支持小店👍

【葵青區】【凱悅茶餐廳】最近先睇我嘅讀者可能唔知，其實我都幾想食多幾次先寫一篇用餐體驗嘅，之前都卡住過喺呢個位，最後都係說服到自己食一餐就可以寫。喺說服自己嘅過程裡面經歷咗好多嘢，希望新嘅讀者體諒同理解。提到呢間餐廳又有故仔講，話說佢喺行政劃分上係屬於葵青區，咁大家都知葵同青係分兩邊嘅，有時都驚側重咗一邊會唔知點。之但係，又咁講，其實葵青區本身我都已經唔多講，實際操作上都唔會有咩大分別喎，哈哈。咁兩邊嚟講，我都各自會有理由前往嘅，不過葵嗰邊嘅理由就少咗，反而青嗰邊嚟講，因為我睇中銀人壽香港超級聯賽（按：簡稱中超聯）嘅賽事會去青衣運動場，所以反而就有機會去青衣嗰邊食嘢喎，都係一個契機嚟。我喺沙田出發，去青衣運動場就梗係搭 49X，落車行過去啱啱好啦。青衣碼頭一出就見到呢間凱悅茶餐廳，佢就喺海悅花園嗰度，位置上都相當就腳。而且我又咁啱都係要行嗰個方向，好啦，今次難得有時間就試吓你啦。入到去都真係好有街坊茶記 feel，有幾分溫情咁。我叫咗個「粉麵餐」，個配搭係好似常餐咁，不過個主菜係可以揀兩個餸。我揀咗「沙嗲牛肉」同「回鍋肉」，配「米粉」，幾有屋企 feel，普普通通，但係情懷滿滿。配菜嘅

係青衣運動場做完運動，青衣城已經無乜選擇，好彩附近仲有呢間小店。已經係飯堂，差唔多每次黎青衣做完運動都係食佢。之前食過雞係正既，但係今次碟雞好似縮左水咁🤔啲雞無之前咁滑，有少少失望。蒸魚呀😍第一次拎出黎發覺唔夠熟，要拎入去番蒸。本身諗住今次條魚無啦😢估唔到仲係咁嫩滑😲呢個枝竹蘿白牛腩煲，好一般，偏鹹，蘿白切得太細舊，牛腩偏un，枝竹太少😢唔想太多肉，嗌番個冬菇豆腐扒時蔬，啲菜心夠鮮甜😋

雖然係想減肥，但係教練話做完運動唔食番啲野補充下，反而仲傷身😱即刻仆倒去搵野食。夜麻麻，太興又last order左，好彩凱悦仲開緊👍🏻望住餐牌，食個晚餐又食唔晒，嗌最愛既雞脾又有罪惡感，好彩有全日供應既三文治餐🤗(碗湯係對面位哥哥既，我個餐配熱檸茶，無影到🙈)三文治唔係咩山珍海味，但係冷天有熱野落肚係爽既，又唔怕太飽，仲要係餐，更有齊晒所需要既碳水化合物，蛋白質同維他命C，夠抵食又夠營養啦掛😛P.s. 見到唔少顧客都同老闆老闆娘有傾有講，睇黎都係街坊小店，要多多支持下💪🏻

以往，想不到吃什麼東西的時候，總會想起叫凱悅茶餐廳的外賣。但是近年來，餐廳不停加價，也令我們減少了叫外賣的次數。附近開了譚仔，更加令到其生意淡薄，但是不時經過，也見到內裏仍然有熟客。有天，人們上來玩耍，沒有時間去買東西吃，只好叫外賣。海悅的辣椒醬非常之辣，點少少也覺得喉嚨痛。廈門炒米，雖然份量較多，比起公仔麵多，但是沒有酸瓜、或者五柳條，那廈門炒米，就沒有了神緒。只見到叉燒、火腿、蝦粒，沒有酸瓜、五柳。加個飲品， 30多元，是凱悅茶餐廳價錢比較合理的項目。

平時去開太興的，今日去到冇位又唔想等，所以咪行過黎呢間食下午茶，其實以前都黎過覺得一般般，今次隔咁耐冇黎希望出品有改善啦！最後揀咗干炒牛河凍O茶，等咗10分鐘左右就送到，睇相可能大家覺得賣相都唔錯丫，但可能係燈光問題，實物其實淡色好多的唔夠鑊氣，味道及感覺就好似喺屋企自己炒差不多，唔可以話係難食，但絕對未達到茶記應有水準囉！不過結合埋價錢，其實也可接受的至於杯凍O茶就稍稍濃味咗DD，可能茶葉唔太靚有少少苦味，總結和以前差不多，好過冇，多一個選擇也可！

今天的午餐沒有吃過，但卻又不甚肚餓，於是只想到簡簡單單的在茶記吃個粉麵便算，亦毋須要每餐那麼的奢侈吧。話雖凱悅茶餐廳在青衣的一個屋苑內，但是只要夠街坊，隨隨便便的就可以了。火腿奄列只需把火腿和雞蛋一起煎，再把雞蛋蓋著火腿便行。老實說蛋不是像在市區中的名店般的滑，只有平實沒有花巧的煎蛋，夠街坊樣子便可了。沙爹牛肉腸仔通粉是一如既往的茶記沙爹醬放在牛肉上，加一條腸仔就是這樣。沙爹醬是微甜的，牛肉是軟軟的，香腸萬世不變的味道，稍為煎過的，外層有點微脆的。通粉嘛，也不會過腍。來一個凍奶茶少甜少冰，已是不是第一次了，感覺上就是茶味多了，糖份少了，冰沒多了，也可以減少溶解後對茶味的影響吧。在茶記吃一個麵餐，為的是簡簡單單，去茶記的，可以麻甩一下，背心短褲踢拖，鬍鬚突晒出來。

這一間店我已經吃了幾年，間中都去吃下午茶。不過我一向愛吃的准鹽鷄翼薯條的質數每況遇下，薯條炸得還挺好吃的，但鷄翼就愈來愈細隻，只淨下皮包骨… 已經到了忍無可忍的地步

工作中午餐，青衣無乜選擇！碼頭泊車方便！茶餐廳格局，光猛乾淨，桌面同餐具都好乾淨！有快餐同午餐選擇！我揀「乾炒叉燒油麵」加熱檸茶，店員勤快，好快上咗熱檸茶，茶底好濃，唔澀，幾好，之後上例湯「蓮藕豬骨湯」，非常例湯味，飲唔出蓮藕或豬味，只係一碗味精湯！值得讚係夠熱，熱到燙咀！等咗一陣，同事嘅飯都到了，食到一半了！但我個油麵都未到，忍唔住問了店員一句，佢即刻同我去廚房睇下，應該只有一個廚師炒嘢，所以排長龍，好在我個麵都炒緊，好快上枱，上枱已經覺得賣相好靚，大大塊叉燒半肥瘦（通常茶餐廳叉燒炒麵都係全瘦）厚肉但唔嚡，淋身夠味！即炒鑊氣夠，油麵咬落似意粉，無炒斷，醬汁均勻覆蓋每一條油麵，夠味道，中間夾雜爽脆洋蔥絲同芽菜，！正！（怕肥唔好食，真係好多油）食物唔錯，服務勤快，因為食店好近碼頭公廁，所以我唔知食店有無廁所！無祈望反而有驚喜！

有時候不想吃那麼豐富的午餐和晚餐，但又不想吃粥和麵，唯有去吃一頓簡簡單單的飯餐。雖然今天是母親節，但是為在下來說，卻又變得很遙遠的節日了。今天到訪的，是住所不遠的凱悅茶餐廳，雖不是第一次來到，但是午餐卻是第一次吧。餐廳環境是清一色的茶記格局，有水吧廚房，卡座和長方餐桌。快餐和午餐，以至下午茶餐全都不點，因為在下想吃一個即炒的碟頭飯，可能就是因為即炒關係，總會覺得比起午餐快餐等來得新鮮熱辣辣，這才是在下想要的東西。例湯是蓮藕湯，內裡只有兩塊蓮藕，其他豆類欠奉，感覺上有欠誠意吧。例湯味道不濃郁，湯身也較淡味，沒有蓮藕煲出來的味道，也沒有蓮藕粉的感覺。時菜肉片飯是在下以往經常點的碟頭飯，雖然最近在茶記少吃，但是間中也會點來一試。有時候在下覺得肉片未醃得入味，故此要點上少許醬油一起吃［戈，今次的肉片也是同一情況，點一些醬油來一起吃，味會會好一點，菜心都幾多，軟腍又夠大棵，幸好菜心不太老，沒有渣。凍奶茶反而沒甚茶味，而且不夠香，奶味也不足，好像沖得不夠，有所欠缺感。這一餐算是普普通通，不是最好的一餐，不過今天在下只是求求其其找吃，醫吓肚便算。

普天同慶的聖誕節，充滿溫馨浪漫和歡樂的節日。在這歡樂的節日裡，讓在下悠閒地吃一個早餐。在下的早餐就選擇在青衣的茶餐廳吧！凱悅茶餐廳位於鄰近青衣碼頭，樓上便是凱悅花園，屬於一間屋苑的茶餐廳。早上十時多，依然很多住在附近的居民，在這裡吃早餐，所以都幾旺場。茶餐廳的早餐離不開粉麵加麵包和蛋，也有三文治早餐和西式早餐。在下或許已經很久沒有在茶記吃早餐，因此有種親切的感覺。點來一客沙爹牛肉通粉，沙爹味道不濃郁，有著淡淡的沙爹，牛肉不靭，加上沙爹醬，怎樣都會有惹味的口感呢！通粉不腍，軟硬適中。隨之而上的是火腿炒蛋方包，火腿沒有煎過的痕跡，炒蛋是一般茶記的炒蛋，沒有蛋汁流出，與火腿夾在方包，就變成腿蛋治。其實味道與大多茶餐廳一樣，不是特別的好味。熱咖啡仍有淡淡的香濃味道，不太濃烈，這一杯咖啡也較普通了一點，是茶餐廳的一般味道。整份早餐，不算很熱，只是有溫暖的感覺，再熱一點的話，就會好一點。

19-4-2013(五）是日早上，回家探望媽媽前，在 凱悅茶餐廳 先吃個早餐。我點叫了一份麵餐，包括有：五香肉丁蟹柳米線、腸仔奄列及熱檸茶（$34）。米線上桌時一片水汪汪似的， 喝口一下湯底，原來只是熱滾水！為甚麼連一點味精也省回？難道這是健康餐? 米線煮得極度冧身，像糊仔；蟹柳煮得欠熟透，還是硬硬的一塊；只有五香肉丁較好，有咬口，惜味道不夠濃郁；那塊腸仔奄列的厚度薄如絲，又是水汪汪，難嚥！你看，坐了半個多小時，全店也只有我一個顧客！沒有甚麼失望，因為青衣真的好少有較佳的餐廳！

好少去茶餐廳食吉列豬扒，因為通常唔會有好結果，唔係乾硬化，就係霉𣺉牌。第一次去呢間食，見到隔離枱叫咗份，即刻轉呔，叫番份試試。先講賣相，外表冇過燶，份量係一個字「勁」：塊扒有塊面咁大不特止，仲要有兩塊，跟嘅沙律有足一個飯碗滿。真係抵食。食落外脆內軟有豬味，雖未及啲要排個幾鐘嘅日本豬扒舖，但茶餐廳有咁嘅質素算係交足貨有凸。

2011年2月12日 青衣 ( 凱悅茶餐廳 - 1) ( 首評:274)天陰陰的早上，前往青衣逛山，青衣山頭，確實是觀賞汀九橋及青馬橋的理想地。行山過後，來到這所餐廳，嘆個早餐。揀選了自己喜愛的沙嗲牛肉麵，牛肉微腍，沙嗲汁濃郁，淥得合時的麵，不腍不硬...都幾好味。另有油包、火腿及炒蛋，包有點硬，而蛋就有點老，火腿就好味。飲品為熱柯華田，飲落對味，略嫌未夠濃郁。餐廳地方不大，都算幾多客人，今天...亦要搭檯...啊...。