凱施餅店 (已結業)

葵芳附近麵包店少之有少，仲要一間一間咁結業，其他麵包連鎖店我唔會買既原因係價錢高又要唔足料同唔大個，所以每當我想食麵包就會去依度買，選擇多同價比值高。今朝因為太肚餓，買左個洋蔥豬扒包，可以話係份量級既早餐麵包鬆軟，中間夾住大大塊豬扒伴洋蔥，雖然賣相焦黑左少少，但豬扒咬入口幾冧，一D韌既感覺都無，配洋蔥絲夾住一齊食，好味食左半個已經少飽，非常足料

之前有聽過朋友說這兒有我至愛綠茶芝士半熟蛋糕，星期天行完街經過呢到，就買左黎吃，細細個，上面焗到比較深色，而下面蛋糕也很深綠色，好像好重綠茶味，蛋糕好濕潤，偏軟質地，好像有好多有空氣咁，幸好綠茶味亦濃，有丁點回甘味，又不太甜！

凱施餅店...開業多年...我買麵包食多...蛋糕真的第一次...讓我想當年一下...我的中學校舍附近有一間凱施餅店...早上我會買麵包做早餐...偶然放學會買芒果 PANCAKE 做 TEA ...蛋糕唔係唔吸引...只是...周街食唔太方便呢...十元一件...買了四件...埋單四十元...價錢好實惠...一件焦糖...焦糖味甜過火...唔太鍾意...只有...我自己一個食哂...一件士多啤梨...甜度岩岩好...慕絲食落唔夠幼滑...配上上層士多啤梨醬...增添小小酸味...一件芒果...慕絲食落比士多啤梨味幼滑...芒果味足夠...配上頂層啫喱...味道好好...一件朱古力...朱古力花最好味...食落甘甘地...慕絲就甜左少少...十元一件蛋糕...我覺得超值...味道不過不失...偶然嗜甜絶對食得過...

香港好多麵包/餅店的 牛角包 的製成品 , 大多數都係近乎 "麵包" 多過 "牛角包" .凱施 牛角包 ($6.5) 嘅 水準 , 大致上 都算得係較其他同業出色了 ....他的 牛角包 :  中央(內層) , 氣孔/薄膜 明顯 廣闊好多 ,  表皮的脆度亦佳 .  唯一較為遜色嘅係 "爽"度略差 ("韌" 性過大) . 我估計這個問題 應該是麵團嘅筋性 "過強" 所致 .anyway , 在香港的眾多 麵包/餅店 之中 , 它的 牛角包 仍然算係頗為突出 , 以 $6.5 這個價錢來講 , 是值得推薦的 .

入左凱施行左一轉，比金牌豬扒包既金牌吸引，但有見有人圍住，而眼見另一行麵包架又放左豬扒包係度(無名牌的)，所以就快快手夾左一個去俾錢。番到公司已嗅到好香既醬汁味，羅個包出黎睇真d，點解塊豬扒錦厚既，原來係雞扒包先真(燒汁雞扒包)，黎個包夾住兩塊細但厚身既雞扒，雞扒嫩滑配上燒汁，而麵包算係軟熟，好食！

今日比蒜茸多士個賣相吸引，多士表面係金黄色及燶左既深啡色法包上茶上牛油，蒜茸同香草然後羅去焗，雖然無焗爐番熱，但食落仲好脆同好香蒜茸味！之後放工番到屋企樓下既凱施睇下，都係葵芳黎間既蒜茸多士足料同賣相好好多！

今朝走入凱施睇下有咩包食，入到去見到有員工拓住盤新鮮出爐既朱古力軟包，見個款又幾吸引，所以就買黎試下先。因為係新鮮出爐，所以番到公司個包仲係暖既，色表面同包上面既朱古力粒都係脆既，包中間仲有流心朱古力醬，如果朱古力醬可以無錦甜，錦就真係perfect!

25-3-2013(一)今天的早餐，是媽媽昨晚買回來的「凱施餅店」 厚切提子方包。吃之前，沒有帶著任何希望，反而有所驚喜! 方包以厚身切開，非常有口感；吃下一口，不得了，質地柔軟細滑，鬆軟，麵粉味香濃，配合提子乾粒，酸酸甜甜，整塊麵包也很好吃! 吃完兩塊後，很滿足、很飽肚!誠意推介！

下午 6:30 , 揾定明日早餐。太多選擇, 又想方便一家, 袋裝麵包至啱使..揀了4隻味:粟米包(相片無提供)-- 未食過這做法, 包面少少酥, 裡面帶有粟米粒, 雖然不多, 但有粟米香味,夠清, 老人家都啱食 。鴛鴦卷: sz 夠細, 小朋友至愛, 有朱古力味, 不太多, 均勻, 帶少少甜, 唔錯 !牛油卷: 牛油味不太重, 少少硬, 淡而香, 唔怕食多個 。牛奶方塊: 3件少左少少, 但奶味好香, 包好滑及軟, 香蕉蛋糕: 同普通麵包店無大分別,香及軟。整體唔差。

2010年3月28日 ( 6-6 ) ( 凱施餅店 - 1 ) 小吃日程：( 新穎茶餐廳 - 有利海鮮漁村 - 鄉誼荼座 - 廣東燒味 - 超級自助壽司 - 凱施餅店 )逛過葵涌廣場後，經過凱施餅店，剛好遇上菠蘿紅豆包出爐，隨即選購了一個回家吃，菠蘿皮脆，紅豆香甜，是不錯的菠蘿紅豆包。

豬扒包是漢堡包的軟包，　不是澳門的硬豬仔包，　有另一番味道，　包是很軟，　ＯＫ收貨。主角豬扒，　十分細塊，　比起麥記的豬柳還要細塊，　味道方面，　比較ＳＡＬＴＹ，　加了很多炒過的洋蔥，　十分價錢：　＄１１，　太貴，　又不是新鲜熱騰騰，　下次都係食麥記豬柳漢堡好一些。

一月上旬非急趕的日子，亦不會催迫朋友作交收，而等人的時間，自己是喜歡到商場食店走走，多看些新事物。奈何是日偏偏落在四野無食店的蠻荒工業區，悶得發瘋天，乾脆拿起外賣手信，總算有點食事打發時間，剛齣爐的酥皮蛋撻，吃起來雖不太酥，亦不很牛油，但蛋漿甜甜亦有點熱度，是日的街頭小吃算是這樣子了。吃了兩件撻，似乎今晚亦主菜可減少一碟了．．．認真「徙氣」。

中式雞蛋糕:好好味，夠鬆軟，好香蛋糕味 估唔到凱施餅店，都有奇華都有得買的中式雞蛋糕 ，而且味道也不錯

買了蒜蓉多士回家吃因凍了先用焗爐焗番熱先再食脆卜卜,好味!有好多蒜蒜同香草係面頭,所以好香,讚!size比次前仲大左少少,笑臉!

呢日勁過凱施, 比蛋糕櫃的蛋糕吸引住..而且價錢都叫ok !!!一於買幾件返去試下~~買滿４件先有盒裝買左特濃朱古力 椰子塔 特濃朱古力, 一開始食d朱古力係幾濃幾好味, 有d似幕絲feel, 不過食到中間有舊酸酸地柚子味的jelly ?相信係為左平衡返朱古力甜膩的感覺, 但我覺人就覺得唔得 !!影響晒朱古力的感覺 !!!!椰子塔, 比左媽咪食~~佢話好好味, 唔太甜 !!!而且個樣都幾過癮呀