凱旋餐室

營業中

休息中

今日當完值就約老公去灣仔食飯，問佢食乜？唔駛諗，一見到間冰室就走入去，男人的浪漫….既然你問得佢，緊係順佢意，但估唔到間餐室令我喜出望外。環境光猛，簡約平實，乾淨企理。地方唔少，有多排闊寬嘅卡座，坐得舒適。選擇勁多，有晚餐精選、晚巿小菜、燒味、湯飯、粉麵、中/西式飯、輕食、二至四人套餐、飲味等。二人套餐配送油菜一碟、白飯、例湯或熱飲（$198）係我地最佳選擇。在A和B項各選一，我揀咗清蒸石斑，老公就揀川辣口水雞。例湯係眉豆節瓜豬骨湯（$0），落足料，煲得好夠火喉，熱辣辣。味道鮮香，唔會太鹹，完全無味精，好有家的味道，見老公喝得津津有味就知自己無做好老婆本份，無乜湯水給他….油菜（$0）仲可揀菜心或生菜，貼心！菜心翠綠粗壯，新鮮爽嫩，完全無渣，配些蠔油添鹹香。川辣口水雞 嘅醬料跟平時食唔同，唔止辣醬油咁簡單，好似仲有啲豆豉，可能係秘製的。估唔到份量咁足，仲有雞脾食，開心！黃油雞皮爽肉嫩，配埋醬料食，鹹辣惹味，但無辣到火辣，用來佐白飯一流，正！嘩！估唔到係餐室都食到清蒸原條石斑，仲有大大條，喜出望外。好厚肉，啖啖肉，蒸得剛好，嫩滑鮮美，好新鮮，我連頭尾都清埋，得！

今次去咗灣仔嘅凱旋餐廳，餐廳外觀簡樸，就係典型嘅港式茶餐廳風格，位置便利，一眼就搵到。入面環境乾淨企理，店員招呼周到，令人感覺好舒服。我試咗佢哋嘅蕃茄肉碎薯角，$48一份，價錢唔算貴。薯角唔似一般炸到硬脆嘅，佢哋嘅腍滋滋，一咬落去軟綿綿，好正。蕃茄肉碎嘅醬汁酸甜平衡得好好，肉碎香濃又有嚼勁，同腍滑嘅薯角配搭，成個味道層次豐富咗好多。之前我喺旺角一間西餐廳食過薯角，嗰度嘅薯角雖然脆口，但味道淡而無奇美中不足嘅係，份量有啲唔夠喉，食完仲想再食多啲。而且用餐高峰時間，店內有啲嘈雜。講到呢個蕃茄肉碎薯角，令我諗起以前喺屋企附近小食店食嘅薯仔製品，嗰種簡單又美味嘅感覺，而家喺凱旋餐廳食呢個薯角又重溫到，雖然唔係同一個食物，但嗰種勾起回憶嘅味道，真係好難得。

📍 凱旋餐室 (灣仔)灣仔莊士敦道194-204號灣仔商業中心地舖川辣口水雞飯 跟熱飲💰61😋😋😋😋.8/5午巿套餐川辣口水雞飯，真係好驚喜！雞肉鮮嫩，淋上特製嘅辣醬，味道香辣適中，唔會太過嗆，食落去一口接一口，根本停唔到口，係一個非常滿足嘅選擇！吉列魚柳沙律 💰45😋😋😋😋.6/5接住我試咗吉列魚柳沙律，魚柳外脆內嫩，炸得啱啱好，唔油膩。沙律新鮮，搭配咗清新嘅沙律醬，味道非常清爽，整體口感好平衡，呢個沙律適合想輕食嘅朋友，絕對係個好選擇！回頭: yes，凱旋餐室嘅食物質素高，無論係辣味嘅口水雞飯定係清新嘅沙律，都令我印象深刻！✨

今晚經開灣仔，諗唔到食乜嘢經過凱旋餐室睇佢個menu見到佢Menu好多款式選擇😍有燒味有小菜有蒸魚套餐等等唔想食套餐，常餐麵包都有得食同埋好難得夜晚仲有冇加一服務費～😆夜晚諗唔到食乜嘢，都可以去食✨奶油豬 $18奶油豬焗到好脆，外脆內軟，雖然好邪惡但係好好食😋✨豉汁粉絲蒸鱔 $98跟例湯或者飲品，再加個白飯鱔有八大嚿，每一嚿都好肥美🤤同埋好新鮮😍豉汁唔會過鹹然後啲粉絲又好索啲汁，好好送飯下次要試其他魚😍

今日lunch time去咗間茶記醫肚，叫咗個瑤柱肉鬆蒸水蛋飯60蚊🍚🥢個蒸水蛋滑嘟嘟，仲有啲瑤柱絲吊味，抵食夾大件，仲有幾條菜，確係幾唔錯！又比多飯！抵讚！👍🏻另一個梅菜扣肉飯都唔錯！肥瘦均勻嘅扣肉，炆得夠腍夠入味，啲扣肉唔會太肥，仲要都幾大份，又俾得多扣肉，梅菜又夠晒鹹香，兩個餸加埋一齊送飯一流！🍚🍚🍚 撈埋啲汁一齊食，可以食到lam lam脷！重點！上菜快，得一個鐘頭食飯時間完全唔夠👍🏻

今日去咗凱旋餐室食早餐，呢間餐室充滿住舊式香港茶餐廳嘅風味，入面嘅裝修同擺設，都好有年代感，好似帶我返咗上世紀嘅香港咁。叫咗個茄湯通粉同埋奶油豬仔包。先講茄湯通粉啦，湯底嘅番茄味好濃郁，酸酸甜甜好開胃，仲有啲牛肉塊，煮得好淋身，入口唔韌。通粉嘅口感唔錯，軟硬適中。但同意大利嘅番茄濃湯相比，呢個茄湯通粉嘅湯底就少咗啲香草同香料嘅味道，層次感上遜色啲。再講奶油豬仔包，包烘得金黃酥脆，牛油同煉奶搽得好均勻，甜度適中，咬落去又香又滑。價錢方面，兩樣嘢加埋三十九蚊，喺香港嘅茶餐廳入面，算係好實惠啦。小缺點就係環境有啲逼夾，座位之間距離唔大，而且因為餐廳有年代感，所以有啲設施可能有啲舊。同其他新式茶餐廳相比，凱旋餐室嘅環境就唔算好舒適。講到呢啲茶餐廳美食，真係好有香港情懷。細個嗰陣，最期待就係同屋企人去茶餐廳食早餐，茄湯通粉同奶油豬仔包都係經典之選。而家每次食返呢啲，就好似同過去嘅時光重逢咁，雖然餐廳可能唔係好華麗，食物亦都唔係山珍海味，但每一口都充滿住回憶，呢種味道同情懷，就係香港茶餐廳最吸引人嘅地方啦。

尋晚同朋友去灣仔睇舞台劇，完咗之後就去灣仔搵嘢食。見到呢間茶記環境幾舒服，又幾多人食，就決定入去試吓。我哋點咗幾個菜：- 焗鮮茄豬扒飯🍅🐷：焗得啱啱好，豬扒嫩滑，茄汁酸甜適中，好滋味！- 避風塘雞翼🍗：雞翼炸得香脆，醬料香辣惹味，非常開胃。- XO醬班球伴西蘭花🥦🐟：班球鮮甜，XO醬嘅味道豐富，西蘭花爽口健康。另外，小菜加$10轉套餐，有白飯同飲品，真係好抵！服務好，店員細心友善，令我哋用餐體驗更加愉快。值得一提係，星期日非繁忙時間都幾多人食，顯示呢度嘅人氣同受歡迎程度。☺️☺️整體嚟講，呢間茶記係一個不錯嘅選擇，無論係環境、服務定係食物質素，都值得推薦。大家可以試吓嚟品嚐一下！😊

喺金鐘跑完6K，漫步行至灣仔，剛好晚飯時段，便去“凱旋”醫肚。二人套餐$198已經有3餸1湯連白飯，我們毫不猶疑便選了這個餐。🐟清蒸石斑～坊間茶餐廳及冰室少見的石斑，在“凱旋”居然可以吃到。師傅蒸魚火候剛剛好，魚肉嫰滑鮮味。🥚凉瓜菜甫煎蛋角～充滿鑊氣，蛋角煎得香脆可口，非常美味。🥬灼菜心～菜心爽口清甜。🍅🥣蕃茄湯～茶餐廳例湯通常不是重味精，便是淡如水。這裡的例湯卻意外地有水準，湯料有蕃茄，豬骨及黃豆，鮮味可口。

以前響灣仔返工，凱旋餐廳係我嘅飯堂之一，選擇多，出菜快，味道佳，今日外出灣仔工作，當然嚟食番餐小菜嘅價位都仲係性價比好高，與同事二人叫咗蒸鱔套餐，葱油雞套餐，再加一碟蒜蓉油麥菜，食返一餐豐豐富富嘅先蒸鱔嘅時間剛剛好，香滑而有少少脆口，證明好新鮮，豉汁嘅調較又係恰到好處，加埋粉絲，打爆一大碗白飯吧，減肥遲啲再講啦！單點蒜蓉油麥菜，炒得翠綠而不油膩，蒜蓉香好配合。而葱油雞套餐用剁得好碎嘅乾葱，配合嫩滑嘅切雞，口感豐富並且有層次！紅豆冰係呢度嘅賣點之一，而“茶走”就一直都維持高水準，夠熱而茶膽好正！呢餐二人共$242，滿腹而歸

凱旋餐室真係好岩食晏快靚正啊！咁啱喺附近做嘢約咗個朋友喺活道返工行過嚟只係5分鐘。餐廳位置好方便💯✨.🍚 瑤柱肉鬆蒸水蛋飯真係一試難忘！水蛋超滑嫩💦，瑤柱肉鬆鹹香撲鼻🤤，飯粒鬆軟得嚟又夠飽滿，每一啖都係極品💥！配埋翠綠嘅西蘭花🥦，清新又平衡，好滿足啊～💛.🍗 例牌鼓油雞滑嫩得嚟超入味🍗✨，雞皮帶少少鼓油香氣🥢，雞肉鮮甜多汁💧，每一啖都係味蕾嘅享受🤩，真心好推！.🍲 例湯湯底濃郁又暖胃🔥，每一啖都飲得好過癮，好似飲緊家庭湯一樣❤️！.🥤 凍啡走甜，減肥人士必飲.而熱檸茶🍋，清香中帶有少少酸甜💛，飲完即刻提神醒腦⚡，perfect結尾！.

🍽️凱旋餐室 (灣仔)📍灣仔莊士敦道194-204號灣仔商業中心地下一個人想食快餐，揀港式茶餐廳都係一個好選擇，行過見到呢間「凱旋餐室」光猛夠大，食物款式有很多選擇，而且全部係卡位，坐得舒服，就入去試吓啦😊其實見到嗰啲鐵板餐同燒味好似好正，不過怕肥，唔敢食咁多，仲要留肚今晚食大餐🤣所以揀咗清蒸海石斑，呢個家庭菜夠健康啦掛🥰好掂呀！魚肉鮮嫩多汁，充分吸收了薑蔥蒸魚豉油的香氣，味道鮮美而不膩；石斑魚的肉質一啲都唔靭，口感細膩，簡單的調味已經好正了，絕對感受到在家吃飯的溫暖，再配上白飯，非常匹配，健康又美味，仍回味中🐟🍋🥢整體嚟講，呢間茶餐廳乾淨企理，嘢食多樣化，我揀的清蒸石斑魚幾好味，而見到其他食客的菜式賣相都幾正，下次再來灣仔附近會入嚟再試其他菜式😁

今日同朋友係灣仔泊完車，去搵吓有咩食，見到一間餐廳嘅套餐幾抵食，就決定入去試吓，點了幾款小菜：*鳳梨咕嚕肉* 🍍🍖：呢個鳳梨咕嚕肉酸酸甜甜，豬肉煮得非常嫩滑，加上鳳梨嘅香甜味道，真係一絕。*椒鹽蝦* 🌶️🍤：呢款椒鹽蝦煮得外脆內嫩，蝦肉鮮甜，加埋椒鹽嘅香味，每一啖都好有層次感。*蒜蓉炒菜心* 🥬：蒜蓉炒菜心清爽可口，蒜香味濃郁，菜心鮮嫩，抵讚！😋呢個套餐仲配埋白飯同飲品，真係超值😋整體嚟講，呢次用餐經歷非常愉快，食物美味，價錢合理，餐廳環境舒適，服務態度好。呢間餐廳真係值得再嚟，推薦俾所有鍾意小菜嘅朋友！😋🍽️😊

今晚到這間餐室吃晚飯。地點方便，裝修簡潔。食物種類也很多，原本我們打算點二人晚餐或一人晚餐，喜愛西餐的我想「鋸扒」，所以我點選了厚西扒。另外點了焗蒜汁牛脷飯。紐西蘭厚西冷扒紐西蘭厚西冷扒的肉質鮮嫩多汁，帶有自然的肉香，肉質厚實，油脂分布均勻，外層輕微焦脆，內裏則保持了肉的鮮嫩搭配自製的醬汁，口感香濃。配搭外脆內軟的薯條，鹹香可口。還有Creamy順滑的忌廉湯，非常滿足。焗蒜汁牛脷飯蒜汁很香濃，牛脷尚算厚實，咬下去時有嚼勁又有彈性。牛脷吸收了蒜汁的香味，讓每一口都充滿了濃濃的蒜香，還有拉絲的芝士，令人忍不住一口接一口。配上意粉，大滿足。這家港式茶餐廳的食物種類繁多，而且很有家庭式的味道，實在值得一試。

今日和朋友去灣仔見到這間茶餐廳環境不錯，餐牌上有很多選擇，粥飯粉面應有盡有，多款套餐睇到我眼花，雖然未到11:00，叫了一個燒鵝瀨粉，老闆都好貼心提早落單比我哋，英式雞扒腸仔炒蛋+牛油多士+茄汁豆，兩樣看上去賣相都很好，燒鵝瀨粉碗里都好多塊鵝肉，有的啖啖肉，有的肥瘦相間，充滿鵝油香。食完行出來餐廳門口才看到，原來凯旋餐室除了是一間茶餐廳，還有自己的燒味，怪不得燒鵝都好味，吃完沿着寶雲道去姻緣石，行一個小山，做個小運動，呼吸一下新鮮空氣，又一天過去了

嚟咗呢間茶餐廳食晚餐🤣呢度有 $198「二人套餐：A 任選一款 + B 任選一款，配送油菜一碟、白飯、例湯或熱飲（改凍飲加 $3）」，咁我哋揀咗「清蒸石班」同埋「家鄉蔥油雞」🤣「家鄉蔥油雞」：香蔥似乎係炸香過，大量放咗喺雞上邊，加埋醬油，非常香口好味🤣「清蒸石班」：石班新鮮肉質嫩滑，蒸得啱啱熟，加埋芫荽蔥，清蒸發揮鮮味🤣「油菜一碟」揀咗「菜心」：「菜心」新鮮，白灼簡單幾好食🤣「熱檸水🍋💦」：簡簡單單🤣「凍檸茶🍋🍹」：叫咗少甜少冰，咁樣即係甜甜哋，夠清新🤣再加咗一碟 $20「白灼生菜🥬」：生菜新鮮爽脆🤣$30「豬扒包」：豬扒肉質軟熟，整體幾好食🤣