凱日宴會廳

營業中

休息中

打電話嚟book就叫你兩點先好嚟，去到明明好多吉房但係又唔比你要你坐大廳D間房，D阿叔係隔離食煙就係咁攻D煙味埋黎，下次再問點樣先有房嘅時候又叫你早啲嚟。於是下次早啲黎啦（1：30）都係好多吉房都係唔會畀房你。職員態度仲要勁差話一係你就坐呢邊聽，一係就坐另一邊聽，總之就冇房。小菜已經冇得揀（話做酒席系統一菜單），連唯一賣點獨立房都冇，咁不如booking嘅時候直接話啲房畀曬熟客，唔會有房㗎喇

打電話預約雀局，同員工確實11點，人齊去到話1:30-2點先比枱，阿姐坐地起價話補鐘可提早打（即係有房啦）我哋唔願意，又話打比經理，之後阿姐話等得就等，唔等得就取消。比你哋聽到會點？

行過深水埗西九龍中心凱日宴會廳，即管走去試一試佢嘅下午茶，望到特價點心紙感覺一般，見其他老人家多數揀$17.8嘅選擇，煎蘿蔔糕好靚，蔥油餅可以，上湯韭菜餃就真係麻麻，喺出邊街邊一包好多隻嗰種，但係我唔啱食，所以揀咗其他嘢⋯⋯蜜汁叉燒瀨粉$32.8見人哋燒味脆皮燒肉係分開上，所以嗌，但係叉燒就唔分開上，一上到嚟就見到浸住，就知道味道大打折扣，夾起一舊，見到佢用咗一個好特別嘅切法就係由中間劏開，賣相好靚，但係原來係少左一半嘅⋯⋯味道就真係一般般勝在夠熱鮮淮山棉花雞$33.8好少見用鮮淮山嚟做棉花雞材料有冬菇，沙爆魚肚，蟹柳，雞件⋯⋯味道不錯，份量十足，略嫌佢貴了點最後連茶位加一 埋單$82

一家大細去食飯 諗住酒樓會坐得舒服啲 入到去見到晚市都好多吉枱 都冇諗咁多 照落單嗌左個套餐 套餐跟左6罐汽水 咁就嗌左3種汽水每款2罐 食左3分1野食都仲未有 就叫人過黎問一問 第一個阿姐講唔夠兩句就話唔係佢落單 都未講到要咩汽水 第二個阿姐再衝埋黎又話都唔係佢落單 本身只係想嗌佢地攞汽水過黎 仲惡返轉頭問我要咩汽水 本身都唔係要追究佢地點解咁耐都冇上汽水 只係想再嗌佢地攞汽水過嚟都要推黎推去 全程態度都好差 好聲好氣問仲要惡返食客 難怪呢間野愈來愈無人食 唔會再有下次

走過來，感覺一下深水埗嘅平民美食風光！呢家凱日宴會廳，讓我有咗一段港式既享受時間😋。首先，欖菜海皇炒飯嘅每一粒飯都爽口彈牙，鮮蝦同帶子交織出一股鮮甜海味，再夾雜欖菜嘅微咸，完美！別有洞天脆皮腸，簡直就係口感嘅大爆炸🎇，外皮嘅酥脆，鮮蝦嘅爽彈，完美結合。黑椒燒鵝檬粉真係賣相勁吸引，燒鵝皮脆肉嫩，當黑椒香撲鼻，實在係過癮！湯頭的鮮魚湯雲吞雞細細粒嘅，但鮮美得黎無得輸，雞肉同餛飩嘅組合溫暖曬心窩🤗。燒賣同蟹籽就係絕配，每啖都充滿驚喜嘅味道。蘆筍蝦餃，皮薄餡靚嘅標準，食落口感分明，真心推介！姐係今次食評嘅大結局，乳鴿香烤得剛剛好，皮脆肉嫩，唔多唔少，激旨過人。依家食完，拍拍肚，滿足嘅笑容滿面😊。

服務態度非常差，一開始俾咗張麻雀枱俾我哋坐，張枱都唔穩，然後我話要換張枱佢叫我自己換，自己搬啲嘢走，然後我話+3個位，然後個服務員直接抌啲嘢俾我叫我自己整，而且佢俾我啲碗筷全部都係黐立立全部都係未洗嘅，我叫佢搵返個俾我，然後佢又抌一個過嚟，後我就唔想食啦話要埋單，佢就話唔緊要

個個說深水埗街頭巷尾都係小食天堂，但你又知唔知，其實呢度仲有間裝潢得好優雅嘅海逸宴會廳，食物又正又有驚喜架！入到去，一眼見到美極煎虎蝦拼燒乳鴿嘅套餐，呢個選擇真係好正！煎得啱啱好嘅虎蝦外皮微脆，夠晒彈牙而且香味四溢，好正！至於燒乳鴿就更加唔使講，皮脆肉嫩，啖啖肉汁滿溢而且入口即溶，正到彈啊🍤！再嚟就係傳統靚靚嘅文昌雞，每件雞肉都好滑好嫩，啲雞皮薄得嚟透哂光，一啖落去，噴香就係噴香，滿足晒我對嘅期望😋！湯水方面，西洋菜燉陳腎湯冇得輸，湯頭濃而唔膩，喝落去涼心又健康。落嚟篇幅有限，但依家講緊嘅桂花糕，都一定要提一提！椰汁同桂花嘅組合，清新得黎味道層次豐富，收尾就係咁perfect！咬一口，桂花香氣透心涼，真係令人回味無窮🍰。正所謂，大店唔一定只係大氣，呢度嘅食物質素同價錢比例，真係做到民之所好。下次再來深水埗，又要留個肚俾海逸宴會廳啦！

我今早去左西九龍中心飲早茶，凱日宴會廳環境寬敞舒適。我點左No802的抵食孖寶，每份$34.8。計有皮蛋瘦肉粥、三絲炒米、蜜汁义燒腸及健康粗糧糕。材料新鮮，樣樣都好好食。

今日係深水埗同屋企人食飯，搵左呢間酒樓幾抵食，坐得舒服又唔貴。。🥢紅燒乳鴿 $58：呢個紅燒乳鴿經過紅燒處理，肉質鮮嫩多汁，滋味濃郁。佢嘅燒汁入味，帶有微甜嘅滋味，配合乳鴿嘅鮮香，令人食得停唔住口。。🥢椒鹽脆香鮮魷 $108：呢款椒鹽脆香鮮魷既鮮魷炸至酥脆，外層裹著香口嘅椒鹽，入口爽脆，鮮味十足。食落去，鮮魷嘅鮮甜同椒鹽嘅香辣交織在一齊，味道好有層次感。。🥢麻辣鮑魚雞煲 4隻 $148：呢個麻辣鮑魚雞煲有4隻南非鮑魚，裡面有鮑魚、雞肉同埋辣椒，湯底麻辣香口，濃郁味道。鮑魚肉質彈牙鮮嫩，同雞肉一齊煮，超惹味。下次要試下佢地幾抵玩既雀局套餐先

與朋友相約在深水埗，到西九龍中心的酒樓吃飯。時近一點左右客人並不滿，見酒樓環境闊落，亦算整潔光猛。🍽今日叫了一個午市孖寶組合💢鮑汁野菌炆伊麵🍜份量一般，野菌數量不算多，個人倒覺伊麵底煮得不錯，炆不會太油亦沒有煮過腍，麵條咬落結實煙韌。😚💢鳳梨生炒骨這個小菜做得外表吸引，排骨配上鮮波羅🍍，甜酸度適中味道不錯，遺憾的是生炒骨的骨比肉多。🤔🔷️總括來說酒樓吃飯環境可以， 價錢亦算親民，食物質素中間水準，亦可以再來 一試。

星期六下午同屋企人去咗飲茶，嚟咗西九龍中心呢間酒樓，呢度嘅裝修都算幾新淨，好光猛，座位都幾寬敞，而且仲有麻雀房可以打麻雀，而家酒樓好少有。我地點了八款點心，慢慢一盅兩件傾吓計。准山綿花雞$36.8魚肚兩大件，吸入清甜湯汁，軟綿綿，超正。雞件亦都份量好勁，肉質爽滑，仲有淮山同冬菇，好健康。鮮蝦菜苗餃$29.8賣相唔錯，個皮晶瑩剔透，入面餡料飽滿，菜苗清爽帶少許蒜香，蝦粒爽口彈牙。高湯鮮肉小籠包$29.8原來呢個係上湯浸小籠包，有啲驚喜，上湯幾清甜，仲有啲娃娃菜。山竹牛肉球$29.8牛肉球好滑，真材實料，我好鍾意佢腐皮夠多吸喼汁。九皇鮮蝦腸$31.8幾抵食，有六件，每件裏面都有一隻蝦，腸粉皮做得幾爽滑。巧手合桃包$31.8賣相可愛，味道新奇，裏面好多合桃粒配上充滿奶香的醬汁，香甜好味。玉環節瓜甫$31.8賣相幾精緻，節瓜脯好腍甜，裏面嘅肉餡有啲似燒賣，有豬肉，蝦肉同埋冬菇粒味道唔錯，配上蛋白芡汁加上少少蝦米同埋金華火腿粒，味道清爽鹹香。蒙古肉夾饃$24.8呢款飲茶比較少見嘅點心，好有特色。煎香嘅酥脆酥皮裏面夾住肉餡，好惹味香口。總括而言，呢間酒樓嘅點心質素唔錯，款式都幾多，而且有特色，係一

冬至前幾天到深水埗買東西, 順道吃餐中菜提早兩人做節一爐火靚湯 - 花旗參人參瘦肉竹絲雞絕對有驚喜, 原隻竹絲雞加上人參及花旗參, 再加上瘦肉, 紅棗, 湯味甘甜, 還細心配咸豉油, 可以點瘦肉吃, 竹絲雞肉質鮮嫩, 天寒地凍飲這個湯飲完暖笠笠兼好好瞓凱日脆皮雞脆皮雞熟度掌握得極好, 外皮脆口, 肉質鮮嫩, 其實不用點任何醬料已經好好味, 但配上了甜豉油, 即管試試點來吃, 非常匹配瑤柱扒豆苗足料好味, 瑤柱香濃, 豆苗新鮮清爽這間中菜地點方便, 位於西九龍中心7樓, 原來亦是君爵會, 可提供麻雀耍樂, 餸菜味道及服務也非常好, 無論一家團圓吃飯, 朋友聚會, 或是二人世界, 也非常適合

今天中午去了深水埗西九龍中心的酒樓飲茶，餐廳環境佈置十分之明亮，原來還有麻雀局，可供大家攻打四方城。餃子🥟上湯韭菜餃湯底清甜，韭菜餃皮煙韌，韭菜香口。伊麵🍜鮑汁野菌炆伊麵的鮑汁味道豐富，令伊麵味道香濃。加上紅蘿蔔、韮黃、芽菜等，增加口感。鳳梨生炒骨 🍍這道菜將鳳梨的酸甜風味和骨肉的鮮嫩結合在一起，口感豐富，配上三色椒、洋蔥和鳳梨，中和骨肉的油膩感。菜苗餃 🥟鮮蝦菜苗餃也是即叫即蒸的，餃子皮晶瑩煙韌，蝦肉爽口彈牙。節瓜甫🥒翠綠的節瓜配上肉餡，節瓜嫩滑，味道清新，肉餡肥瘦適中。

平時飲茶就飲得多，見呢間新開冇耐而又好多人食嘅茶樓，於是決定入去食睇下佢好唔好食！因為我地去嘅係星期日，所以有張好抵食的點心紙就冇得叫了，平日30幾蚊就可以叫到燒賣孖寶、或者其他孖寶，抵食到爆！睇嚟睇去我地最後叫左午市推介，208蚊有得食鮑魚，而且仲有埋瑤柱蛋白炒飯，首先講講個果皮蒸大鮑魚先，佢同其他茶樓甚至餐廳唔同嘅位係，佢超級細心！！ 佢會將鮑魚起曬所以污糟的地方，直接就食得！ 另外瑤柱蛋白炒飯極有獲氣，下次會再去食。推薦指數：10/10🔥

在深水埗酒樓吃晚飯，西九龍中心的「凱日宴會廳」就很「就腳」了，購物完就上七樓用膳。今晚簡簡單單三餸一甜品喔！果皮蒸南非六頭鮑魚~南非鮑魚肉質軟韌細嫩，肉厚略帶嚼勁，用果皮蒸，味清香，鮮味十足。殿堂紅燒乳鴿~皮脆肉嫩，咬落甘香酥脆，齒夾留香。紅燒滑豆腐~這個滑豆腐醬汁鹹香入味、口感滑嫩，配合多款菇菌與翠玉瓜是完美的家庭小菜！呂宋香芒布甸~造型不俗，未吃已經心甜了！酒樓大堂非常寬敞。「君爵會」是為雀局晚飯的專門區。小型私人宴會廳。