凱日宴會廳

營業中

休息中

星期六想去食點心，嘆下下午茶。西九龍中心嘅酒樓平民抵食，而且點心種類多元化。下午茶幾抵食、兩個人食到飽飽都係二百幾蚊。鮮雞生滾粥，生滾粥熱辣辣，粥質地夠綿，而且清清地。雞幾滑。飲茶當然必叫燒賣，燒賣豬肉夠林，而且冇肥膏，啱晒我。蝦春卷係長春卷，充滿蒜蓉味、蝦幾爽口，春卷脆。我幾鍾意食！黑椒爽肚夠爽口，黑椒味又唔會太重。最後馬拉糕唔會太甜，係古法製造。蔥油餅及白灼菜心係一個孖寶餐，蔥油餅有3塊，估唔到相當香脆。灌湯餃大大隻足料。星期六慢慢坐慢慢食嘆吓茶。

作為街坊嘅我經常流連西九，見住7樓轉過幾間酒樓，凱日算係我幫襯過最多次嘅一間，裏面啲點心款式都特別啲，飲茶有新鮮感係幾唔錯嘅一件事，趁閒日帶家中一寶出嚟坐吓、飲吓茶～咁又過咗一個晏晝😄#先介紹最值得一試嘅腸粉，個名零舍別有洞天😜金金黃黃，望到即起食慾。饀料好豐富，主要有翠玉瓜碎、甘荀、蝦、蔥等，一層腸粉包住炸春卷，外軟內脆，食出多重口感，個人平時唔太食鹹，但腸粉會鐘意四面蘸上鼓油，一啖咬落去，好有層次。#雪山奶黃包同一般唔同係，表面脆脆哋，灑咗類似奶粉嘅「雪」，味道幾match，同埋佢好在唔會太多奶黃、爆晒饀咁，所以唔會太溜，點心師傅有留意到呢點，真係要畀個like佢！#嚟到好伏嘅甜品，焦糖燉蛋，好似食到成啖都係cream🤢ohh no, 蛋嘅成份接近零嘅感覺，比例嚴重失衡，完全冇布甸質感😵焦糖仲要真的燒焦了…應該叫做燶糖先啱。其他食過嘅甜品，例如洛神花果凍都還好，但今次中伏了。#鮮魚湯雲吞雞雞肉憑樣唔知係雞嘅邊部分，岩岩巉巉，比較多脂肪嘅物體依附，雲吞冇乜味，基本上係食緊出面塊厚皮。但湯係好飲嘅。#下午茶特價有合桃包同懷舊芝麻卷，對合桃包些微失望，饀偏少同埋嫌佢乾噌噌。芝麻卷質感唔錯

中秋節難得一家想開心食餐飯.老爺大人提早9月6日預定一圍$1288套餐.於9月18日一家人享用.點知18日當日.食到成肚火.臨時加價$1488不但止.原本預定的「脆皮燒雞」變為「白切雞」.原因係清曬.試問咁點解要預訂？？？還有.原本的「孝心桃包」變為「甜點.杞子桂花糕」唔記得影低.原因都係無曬！！！！！奶奶大人甚為失望！！！乜都無！點解要預訂！！要求部長或經理過黎解析.竟然烏龜唔肯浦頭！！垃圾酒樓！

幾日前經過、上去試、點咗個馬友鹹魚飯、但完全無馬友、老友就有一位。賣16.8真馬友鹹魚入口即溶…..佢唔係、打算上網開佢名同向消費者委員會反映嘉豪酒家D馬友係堅14.8，大家可以對比一下

朋友跟我在尖沙咀見面，可惜尖沙咀晚市不熟悉，結果，坐車去到之前一直想試嘅深水埗西九龍中心七樓。。。看地方的裝修，應該係婚宴專門店，閒日冇乜客人西九夜晚亦都比較靜。全場得四十台以上的空間得十幾台人。優點缺點都有。優點是：雞煲味道不俗，份量也可以，兩人一臺有半隻，4人就一隻。（唔好問我三個人會點，唔記得），我哋兩個半健身教練都覺得好夠食，由於客人偏少店員更偏少的關係，晚市廚房祇有一個廚一個執馬。速度會好慢。這個問題各個地方都有，鬼叫香港人工貴咩，我習慣每15分鐘入一張單就可以簡單解決此問題。食材比想像中新鮮。汽水啤酒自己雪櫃任攞。完全唔需要等候。二點五小時嘅點菜時間，足以同朋友好好暢談酩酊大醉一番，講真好過落酒吧逼逼夾。雖然人手不足，但係姐姐都好客氣。其實互相理解就行，百幾蚊，有裝修，有空間，又安靜，又任飲，又商場，交通方便，如果仲想要求食物快速上臺，執枱，倒骨碟，嗰百幾蚊想買咁多好服務，就真係過分咗喇。有些人，可以覺得噉嘅服務速度，係缺點。但係追求性價比嘅我，會覺得，甘叫做「值」！相信我，在香港百幾蚊，呢個價錢，呢個地方，呢間食肆，已經超額完成了。

雞煲火鍋每位$178， 等待雞煲上枱時間差不多20分鐘，雞煲上枱後，加入雞湯慢慢煮，又等多10分鐘， 一早已經落單已寫好火鍋料， 但要等到雞煲上臺後30分鐘才有火鍋料送到。 全部火鍋料嘅單位，我都係寫1， 但是，很明顯平價食材畀多D， 貴價食材畀少D。等到食完第一轉火鍋，再落單的時候，服務員的態度非常差， 又要等多一段時間，才有第二轉火鍋料上枱。 晚上九點半已經熄燈熄冷氣， 之後，你再行去汽水櫃拿汽水， 服務員喝住我，說汽水櫃已經鎖了。 唔會再幫襯。

今日星期六約了一班朋友親戚食晚餐，4人一枱的格局，我們點了8千幾的12人晚餐，估唔到每樣餸都出色好食服務環境都唔錯，服務員都好欣勤，友善好禮貌；環境寬敞光猛又舒服1. 高湯焗澳洲龍蝦啖啖肉，龍蝦肉彈牙又大件，配上伊麵好正2. 乳豬全體入味乳豬，皮脆肉嫩，但肥了點是肥豬豬3. 羊肚菌鮮淮山刺蔘炒帶子這個好正！淮山爽脆刺蔘吸了醬汁，羊肚菌及帶子都咁正4. 茶果子炸釀鮮蟹鉗好脆口熱辣辣，配上酸酸醬汁5. 原鼎火瞳燉鮑翅 滿滿的翅，大大塊口感一流，唔會太咸，爽呀6. 清蒸大海紅東星斑連愛唔食魚的老公都讚這個魚剛剛好，魚肉帶有彈性又鮮甜，好味道7. 蠔皇扣南非六頭鮑魚口感煙韌，吸汁美味，但老公同老爺話size不似6頭，我覺得唔錯8. 潮蓮燒黑椒鵝皇入味香黑椒，鵝肉好易咬，但也是肥鵝9. 六福炒飯足料乾身的炒飯配有櫻花蝦，口感唔錯10. 上湯煎粉果好好食又特別，煎粉果口感好，放在湯中吸了湯汁11. 南北杏萬壽果燉桃膠這個好滋潤又唔會太甜，好多朋友都讚好食，出色的甜品包了汽水及啤酒，也包了加一服務費；服務員友善有禮貌又勤快，抵讚

今日為左去鴨寮街維修部pad,由深水埗來回旺角步行三小時13300步，居然偶遇凱日酒家，最初以為一間普通酒楼，但位於西九龍中心收費實貴，諗住無所謂啦，陪兩老飲下茶，試下啦。。由母后發板，叫左蝦餃，燒賣，牛肉球，义燒包，牛肉腸粉，腐竹卷，泰式春卷(原來叫左咁多)，點知有驚喜，首到牛肉腸粉，原來即叫即拉，超滑。再到蝦餃同燒賣，加入露笋既蝦餃，超香，原隻蝦燒賣啖啖肉。再來腐竹卷，內裹素菜，美味。之後泰式春卷，裏面完隻蝦加粉𢇁伸有冬菇之類，不能不試，五星推介。食到晚飯都唔使食(慳返)，埋單258，大中午一點三個人仲想點，已經安排下星期夜晚試下，到時再分享。。值得推介

11月中，疫情期間小妹沒有出外旅遊的機會，但趁著早前確診個案較緩和，便與數個好姐妹外出相聚，他們提議到深水埗新開的酒家打麻雀，而且又能同時享用晚餐，向來愛嘗試新餐廳的我自然是不會錯過。凱日宴會廳位於西九龍中心，是新開的酒家，內裡特意劃分了一個空間作雀會，其裝潢金碧輝煌，整潔衛生，每間房子均有一張桌子和獨立電視，而且是不可吸煙的，因此空氣質素清新，與一般的雀會大有不同。鵲局菜式店內有兩款套餐可供選擇，我們選擇了 A 餐，價錢是 $688 的家常小菜餐，可供玩樂 8 小時，並且加 $100 即可轉電動麻雀，菜式方面提供有是日燉湯、4 個絲苗白飯、任選 4 款小菜，而食用時段可選6:30前或8:30後。絲苗白飯絲苗白飯共有四碗，其米粒色澤晶瑩潔白，外形尖長苗條，有著中國米中之王的稱號，食用時粒粒分明，軟硬適中，米香濃郁，而且油質很是豐富。是日燉湯是日燉湯是西洋菜陳腎湯，用料使用上西洋菜、瘦肉、雞腳、雞肉、鴨腎煲製。上桌時碗內放滿西洋菜配料，口感煲製至軟腍嫩口，而湯水味道鹹鮮清甜，是秋冬滋潤降火的佳品。粟米炸魚塊粟米炸魚塊色澤金黃，外形大塊薄身，粟米羹香甜稠密，味道濃郁，口感帶有粟米粒。而魚塊

十月第三個星期三晚上，深水埗。由於疫情關係，從年初我們的定期雀局已經沒有在開了，現在好了一點，大家都手痒了，朋友就找到這家在西九龍中心，新開的有晚餐跟麻將的宴會廳。門面光潔明亮，偌大的場地有不少客人在晚飯。看到原來$688已經可以選四個小菜和一個湯，四個絲苗白飯，最最重要的是，這個價錢居然包括了8小時的雀局，實在太吸引了，我們就迫不及待的先點菜。西洋菜陳腎湯，是日例湯，款式會按照食材而每天改變，這湯清熱潤肺，陳腎有降火之效，味道清香甘甜，而且完全沒有味精，撈起來每塊豬骨都是真材實料呢。杭州一口骨，外皮脆口，真的是一口一塊，有點像咕嚕肉，但是它是比較乾身的，不會很多醬汁，吃下去味道比較像糖醋排骨，喜歡甜甜酸酸的話不要錯過喔。燒味拼盤，有層層相間的脆皮燒肉；肥瘦均勻的蜜汁叉燒；嫩滑入味的油雞，還有爽脆彈牙的涼拌海哲，想不到這拼盤這麼大一份。鹹魚雞粒煮豆腐，一聽到有鹹魚，直覺會很鹹，想不到這個煲不死鹹，完美把所有食材結合，變成鹹香惹味的經典地道小菜。粟米炸魚塊，魚塊的炸粉使用恰到好處，不會過厚，包裹著軟綿的魚肉，炸到外脆內軟的魚塊掛著滿滿的粟米汁，香口開胃，忍不住多外帶一份回去，好友說不用下

早兩晚約左住深水埗既朋友食飯，我都驚嗰邊無咩好食，所以都問佢要唔要車佢去其他區，不過佢話帶我食好野，咁我就跟佢去睇下有幾好！去到西九龍7樓既凱日宴會廳，地方大又唔駛等位，裝修勁新淨，又真係估佢唔到！晚飯小菜價錢都算經濟實惠，有好多套餐做緊優惠，每個餸都係幾十蚊！抵食！選擇都幾多，豐儉由人！我同朋友兩個都係大食之人，見價錢唔貴就叫左兩個孖寶套餐，一於整餐大魚大肉！落完單，蒜香味十足既xxxx好快就送到，菜都幾嫩滑，幾好食！另一個好快到既冶味唐生菜煲，'炸炸聲'送到檯上，待應撈一撈，陣陣香味馬上撲鼻而來，生菜爽口，帶點蝦乾既咸香味，真係幾冶味！強烈推介9.8 / 隻既紅燒妙齡乳鴿，每人限叫一隻，賣相吸引，外皮香脆，鴿肉有肉汁得嚟都叫嫩滑，必食推介！炸得幾香脆，骨都食得埋！另一抵食孖寶既黑椒脆皮燒鵝，賣相吸引，陣陣黑椒香味，熱辣辣送到檯上！帶點油香黑椒味既外皮都燒得幾香脆，鵝肉肥瘦適中，有肉汁得嚟又滑口！一咬骨肉分離！壓軸出場既清蒸東星斑用料十足，大大條足一斤重！見到都食指大動！用湯匙撥開條魚，魚肉香味撲鼻而來證明火喉恰到好處，骨肉容易分離！淋上鼓油汁，鮮味十足既魚味既嫩滑又啖啖肉！推介！最

酒樓遍布全港，但說到好食又抵食的實屬不多，麻雀朋友推薦最近新開的酒樓，位於西九龍中心，佔地面積超大可擺約六十圍枱，還有貴賓房招待麻雀友，超推薦。本人並非超愛麻雀之人，但聽聞食物水準不錯，性價比極高，難得在附近活動即在「凱日」解決晚飯。紅燒妙齡乳鴿 兩隻十元一隻每人必點菜品！乳鴿熱騰騰上桌，外皮香脆，肉質柔嫩，咸度剛剛好。乳鴿雖然個頭不大，但勝在抵食而味道也很不錯。蒜茸粉絲蒸蟶子 5只（孖寶套餐）超抵食套餐，蟶子大大隻厚肉、爽口彈牙、味道鮮美。師傅蒜蓉粉絲比例多，蒜蓉爆香灑至每角落，粉絲口感煙韌、絲絲吸附濃濃蒜蓉醬汁，入味非常。配上湯蒜孖浸菠菜（孖寶套餐）個人本來不喜歡菠菜因其總帶點甘苦味，但這次卻嘗不出澀味。師傅以鮮濃上湯浸菠菜，湯頭濃香不油膩，菠菜吸附濃濃鮮湯。沙薑焗鮑魚雞煲鮑魚四大件爽口彈牙，雞肉份量不少，配料比例多包括洋蔥、蒜頭、甜椒等，味道濃香稠密，醬汁滲透雞件及鮑魚。椰汁桂花糕（送）店家還送贈一客桂花糕作甜品，比一般酒家的紅豆沙或綠豆沙高檔多了。口感柔滑富彈性，味道清甜可口。總括來說，無論是吃飯或打麻雀，性價比超高，質素還不賴，無飯家庭晚飯之選。

我間中都喜歡到西九龍中心逛逛與購物，今日和家人也到西九龍中心來逛逛，在「凱日宴會廳」午飯跟下午一起吃。先來特色風味孖寶 : 麻香雞絲粉皮、手拍青瓜海蜇。香噴噴的麻醬伴美味雞絲、爽滑粉皮，頗不錯的冷盤小食。厚身、脆口、清甜的青瓜伴爽脆海蜇，伴汁帶微辣，很開胃、好味道。泰皇炸雲吞，小巧籃子載住造型圓轆轆的炸雲吞，很香脆的雲吞皮，饀料是爽甜蝦肉，簡單却又美味！  大蝦燒賣皇，的確是蝦餃與燒賣皇的結合美食，大蝦與燒賣都鮮味，晶瑩的蝦肉與帶微微翠綠色的燒賣外皮，色調柔和悅目。承載和牛野菌千絲酥的盒子很雅緻，配合了和牛野菌千絲酥華麗出場，和牛野菌千絲酥饀料有切得幼細和牛肉、葱和菌絲，饀料味道鮮美，包裹饀料的千絲酥很薄，名符其實皮薄饀靚。瑞士汁乾炒豬頸肉河，河粉炒得夠香且夠乾爽，不太甜的瑞士汁是我喜歡，太甜，味道就怪怪的了！下次再來，還有不少選擇！

大家黎評下理!我點的是失傳鮑魚雞窩 $45但實物真係完全兩回事🤮我明白’圖片只供參考’ 相入面嗰舊野完全冇鵪鶉蛋同雞喺面頭再加上佢望落係似蛋撻物體 完全唔會係包囉!我能夠接受到你嗰粒鮑魚係’迷你袖珍鮑’!!但都唔會相差得咁離譜😡🤬

和老公在商場行過見此酒樓價錢平民化，環境舒適，燈火通明，便進去試試。見到點心熱呼呼的，尤其是蝦餃，色彩斑斕，吃下也感覺不錯，蝦也彈牙爽口。炸物上枱也用特色盤子，好Cate呀！BB乳鴿好吃，脆皮肉嫩，只是略為瘦了点。的確是不過失的酒樓。