凱日宴會廳

營業中

休息中

觀塘一向都是人流興旺，食肆林立的繁盛商業區。今晚到觀塘地鐵站旁的鱷魚恤中心8樓的「凱日宴會廳」晚膳。一出電梯，就是一個無柱的大堂，天花掛滿晶瑩亮麗的水晶燈，甚有氣派，可以筵開數十席。兩旁還有VIP貴賓房，可唱K，更附設電動麻雀枱供耍樂。彩色精美餐牌上展示很多中菜美食，而且價錢大眾化，相當吸引。「脆皮燒鵝皇」，新張酬賓，晚市半價優惠三選一之一，我們選了半價$73的“例牌”。一大碟，份量令人驚喜。燒鵝皮脆肉嫩，入口有獨得香味。「杭州一口骨」，糖醋排骨，肉質爽口，切得剛好可以一啖一塊，所以叫”一口骨”。糖醋醬汁調校得宜，不太酸而惹味。「沙薑焗鮑魚雞煲（6隻）」，原煲滾住上，熱騰騰，香噴噴。雞煲除了雞塊外，還有六隻大鮑魚。鮑魚切花，特別入味，肉質彈牙。雖然主角是鮑魚，但配角的雞塊也不俗：大件、嫩滑、入味。總括而言，以平民價錢，吃到高質中菜，而且環境和服務都講究，絕對是超值。

年紀漸大好似越嚟越鍾意飲茶一盅兩件，今日咁啱又同爹d媽咪去觀塘整完d嘢，順便飲下午茶當lunch。點了幾款點心一個炒飯，加壺鐵觀音認真唔錯。脆皮甘荀造型咸水角呢個咸水角造型成個甘荀仔咁，橙色，上面有d芫荽，好得意，層外皮都唔厚，料足，蝦米香。牛肉腸都幾足料，皮薄，牛肉係薄皮下望落去，好吸精，食落腸粉好滑。野菌棉花雞雞肉好嫰滑，魚肚好厚又腍，吸滿湯汁，野菌好香，好味。燒賣飲茶必食，呢度既燒賣蝦肉大大粒，豬肉都足料，加上冬菇，食落爽口，我自己食了2隻，唔錯。龍蝦湯鮮竹卷非一般嘅鮮竹卷，除咗嘅腐皮卷用龍蝦湯沾黎食，食落係唔同d，d湯幾濃厚鮮味，入面既料好似肉粒、甘荀、蝦肉都好多，皮薄餡靚。咸魚雞粒炒飯好足料呀，咸魚咸香，雞肉多多，炒飯粒粒分明唔太油，份量好多，食唔曬，要打包。假日酒樓好多人等位，我地好在啱啱整哂d嘢早黎，下午茶時間黎到啱啱好入到座。呢度嘅食物點心質素唔錯，一定會再嚟。個場地好大，晚飯仲可以打麻雀。

聽啲街坊講，鱷魚恤中心開咗間新嘅酒樓，今日特登過嚟幫襯一下，啲裝修好新淨好靚，都幾宏偉，好適合人哋嚟結婚擺酒，廳房有麻雀耍樂，私隱度十足，落地大玻璃採光度十足，又有風景睇，感覺開揚，仲可以打麻雀，正！即使係星期六日公眾假期，點心紙都有好多超值優惠，又多選擇，好抵食，茶杯碗碟筷子都好精美，脆皮燒鵝米線（碗）（優惠） - $24.8（六日價）脆皮燒鵝米線抵食夾大件，燒鵝的份量好多，而且皮脆肉嫩，啖啖肉，不會過肥，但有充足的燒鵝油脂香，在口中散發開來，凱日蝦餃皇（2件）（優惠） - $16.8（六日價）蝦餃皇有金箔點綴，而且大大粒，打卡一流，蝦餃皮薄，口感軟糯，餡料彈牙，正宗皮薄餡靚，宮廷濃雞湯煲仔翅（優惠） - $68/位實物如圖，無花無假，輕輕用匙羹潷一羹，已經見到好足料，好多翅，而且濃雞湯惹味，味道又不會過鹹，黑松露蝦春卷（大點）炸得非常非常非常香脆，不知是否因為用這個器皿盛載，令到春卷唔會淋咗，內裏的餡料也很彈牙，黑松露亦很香，木魚花脆皮蘿蔔糕（大點）第一次見酒樓會咁樣整蘿蔔糕，好特別，蘿蔔糕外皮特別脆，口感好好，加上醬汁和木魚花調味，惹味得嚟又不會過鹹，蟹籽燒賣皇（特點）燒賣好大粒

約左屋企人係觀塘食晚餐，擇左間酒樓係鱷魚恤中心8樓，應該係開左無耐既酒樓。晚市有好多特價菜式。花生 $15/碟、茶芥 $15/位，價錢都約宜。今晚黎食飯見到好多人黎打電動麻雀😂好似套餐好抵咁 。。晚市半價小菜有燒鵝，叫左「脆皮燒鵝皇 半價 $73」超抵食！皮脆肉厚！咬落爆少少汁，熱辣辣，呢個價超值👍🏼。🥢宮廷濃雞湯煲仔翅$68呢個又係好多人叫，雞湯煲仔翅一煲煲一人份量，上枱仲滾緊，雞湯好濃厚又香，一梳梳翅好足料。。🥢鍋燒斑頭腩煲$148炒香配料，再炸起斑頭腩，撈埋一齊又惹味。魚好厚肉大骨。。🥢秘製蝦乾唐生菜煲$108十分入味，有超多蝦乾同肉碎！整得有鑊氣。。價錢幾實惠又大份👍🏼下次可以同屋企人再黎食🤭

觀塘鱷魚恤大廈開了一間新酒家，凱日宴會廳，一於帶兩老去試下！🔸一人一個濃湯雞煲翅先，即場用has爐煮熱，生滾雞煲翅，好正！味道真係好濃，好香的雞味，而家翅一大疏！材料十足！優惠期間只是$68！🔸惹味的鮑魚雞煲，是用鮮鮑魚的，而且比想像中大隻，雞件也大大件的，很有肉，肉質滑嫩👍🏻🔸川味酸菜魚，與坊間比較，我是幾欣賞這個味道，這個沒有太濃烈，也沒有很麻的感覺，我家人都吃不到又麻又辣，而這個少少辣不麻的味道可以吃到魚的鮮味，魚質嫩滑，配料也十分喜歡，一粒粒像魚腐的，好好味！有薯粉和芋絲！🔸最後送上桂花糕，好開心，清香桂花味！

今日放假，同屋企人去鱷魚恤中心飲下午茶。喺水牌見到有間「凱日宴會廳」，記得之前喺西九龍中心幫襯過，晚市小菜相當有水準，原來觀塘都有分店。酒樓地方寬敞，裝修雅緻，燈光明亮，座位間隔亦闊落舒服，好適合同朋友嚟傾偈聚餐。先來一籠鮮蝦菜苗餃 ($35.8)，外形脹卜卜，餃皮晶瑩剔透，蝦肉鮮甜彈牙，菜苗非常新鮮，幼嫩又無渣，入口清爽不膩。甜梅菜叉燒腸 ($35.8)  腸粉皮呈半透明，入口又薄又滑，叉燒肥瘦適中，肉質緊緻又唔嚡口，加上適量嘅甜梅菜及自家調製甜豉油，更添滋味。香煎爽脆花枝餅 ($35.8)  花枝餅煎得很香，邊位好脆，而且用料十足，食到粟米同花枝粒。港式薑汁雞包仔 ($20.8)  包身好鬆軟，拿上手時仍熱辣辣，餡料份量十足，有雞肉、菇粒、蔬菜和薑絲，食落薑汁味好濃香。 紅燒妙齡鴿 ($58)  隻乳鴿 Size 雖然唔算好大，但賣相幾靚仔，外皮燒至紅噹噹，食落肉質好幼嫩，香濃又有肉汁。脆皮燒鵝米線 ($19.8)  點心紙寫住大師兄推介，當然要試下。果然有驚喜，燒鵝皮脆肉嫩，米線爽口彈牙，加上唔洗廿蚊一碗，以呢個價錢有這種質素，超值。化皮燒腩仔飯 ($48)  腩仔有兩排，外皮食

每逢星期六總愛與媽媽上茶樓，這天亦不例外，下午茶時段來到「凱日宴會廳」吃一盅兩件。這家酒樓其實我們也是第一次來幫襯，沒想到下午茶時段，食客經已這麼多，幸好它們佔地夠大，地方寛敞，不用等位就可以順利入座。待應表示酒樓開業不久，除了有早茶晚飯、婚慶喜宴，還提供打麻雀等娛樂服務，餐紙上亦可見到有多款新張推廣套餐及孖寶選擇。脆皮甘筍咸水角咸水角用上甘筍造型，非常精緻可愛，脆皮外層酥化，內裏餡料味道豐富，口感幼細軟糯，不會感到油膩。秘製醬蒸鳳爪鳳爪味道甜中帶點微辣，口感嫩滑軟糯，入口脫骨，啃著骨頭未端的脆骨，相當滋味。香茜牛肉腸私心推介！牛肉腸做得非常出色，腸粉皮薄薄的，但口感超級Q彈煙韌，而內層牛肉餡料挺多，入口有陣陣肉香及芫荽香，讚。沙嗲金錢肚金錢肚煮得淋滑入味，入口帶有濃郁的沙嗲香，味道有點點微辣，越吃越惹味。滑蛋蝦仁炒河蝦仁的份量挺多，而且每吃都是大大隻，口感爽口彈牙，而滑蛋汁的份量非常多，足夠讓每一條河粉都掛上醬汁，而本身滑捊捊的河粉掛汁後，口感變得更細緻，更香滑。趣緻芒果布甸杯來到甜品時間，點了芒果布甸杯吃，玻璃瓶造型可愛趣緻，上層是芒果粒脆珠，而下層是滑溜溜的芒果布甸，吃時將花奶灑

朋友說這間酒樓新開，今天便幾個好友結伴去試一下。剛好下午茶時段點心款式也不少天鵝酥簡直心心眼❤️造型精緻，當然要影吓相。食落鬆化，口感甚佳甘筍鹹水角賣相也吸引，將普普通通一個鹹水角造成甘筍的樣子，非常有心思金錢肚都幾大碟，非常口，夠惹味菠蘿焗叉燒餐包外皮很脆，內裏軟綿綿的，真的非常港式的菠蘿包👍🏻燒味米線下午茶有特價，當然要試一試！叫了燒肉米線，只是$32，但份量都幾多。燒肉卜卜脆，不會太肥，好味🤤小籠包也不錯，咬落去有汁流出來👍🏻揭餐牌見有炸乳鴿, 只是$58，忍唔住叫了。上枱時，熱辣辣，外皮炸得金黃，非常香口，肉質嫩滑🥰最後食了個甜品，桂花糕好少見白色的，不過甜，好吃😇

第一篇食評，估唔到食到一肚氣鱷魚恤8樓凱日1）10點鐘嘅點心紙，9點54分過嚟收走，我已經畫好嘢食準備交，部長就話截單唔俾落，仲話你交咗單就有，未交就冇，聽到我同我母親大人同岳母大人呆咗，究竟係服務嘅問題嘅溝通上嘅問題呢？2）好喇，咁3張點心紙收走一個，ok咁我叫另外2張，點知點心紙又出事，收走果張就10點前，另外2張，有1張半都要11點之後先叫得，咁我食咩？飯粉麵冇得食，燒味小食又冇，隔離幾張枱都問同一個問題，部長又話係呀，得呢個紙，一間咁嘅茶樓，幾好食都冇用3）味道方面，不過不失，唔會有好食嘅記憶點，最記得就係啱啱蒸起嘅粉菓細粒到一個點。但對唔住個價錢，母親節預咗貴，但呢個價位，大把茶樓好食過佢。4）雖然係母親節，但我飲嘅時間未爆場，上菜速度奇慢，6個點心上齊要40分鐘左右總結嚟講，想試嘅唔使試，同區大把選擇，我唔推介，費事俾人話打手。食過嘅，口味人人唔同，但我同母親大人岳母大人唔會再嚟

前日老細話 訂枱食Lunch一行九人，預多好過預少，見到 凱日 新開同埋個 Menu 好似都幾 OK，所以就嗱嗱臨Book 枱* 升級優惠可能要係訂枱時俾訂金脆皮金豬大紅袍薄身，脆！唔怕肥就得啦 上湯澳洲龍蝦伊麵份量係夠，好味富貴花蚌片玉帶玉子唔算好大粒，但西蘭花好有鑊氣翡翠盞沙律拌百花蟹鉗沙律偏少，但蟹鉗擺盤好吸晴，而且熱辣辣大大隻 古法厚花菰扣原隻鮑魚鮑魚大過五蚊銀少少，係易𡁻嘅鮮蟹肉海皇燴生翅 & 大海星斑呢兩個感覺無咩特別，可以之前嘅香口菜影響咗；條魚可能因為人數多預條大啲嘅，食得慢涷咗有少少"哽"?正宗海南文昌雞不過不失鮮蝦鮑汁荷葉飯大兜，飯粒粒分明，但食到呢度大家戰鬥力都下降，打包第二日食精美手工甜點綠豆沙 (我覺得入席時講係咩甜品 或者 俾人揀會好少少，始終有啲人食 "涼" 嘅嘢會抽筋, 未必人人都放心享用)整體都幾好，大家郁食得好開心見未有人寫過食評所以動筆霸個靚位，順便俾打算訂母親節餐嘅各位參考 (不過 Openrice 審批完都有可能過晒母親節，anyway, 祝母親節快樂)

今天到了鱷魚恤中心飲茶，發現空置已久的8樓新開了一間凱日宴會廰，本著一試毋妨心情，踏入了大堂，客人並不太多，看一下點心紙，跟一般酒樓也是大同少異，不覺特別吸引。劃上了點心紙，有些點心等了很久也未上桌，都明白新開酒樓員工可能還未完全熟悉，需要時間適應，希望日後有所改善。説回點心質素，只能説是一般，價格也並非吸引，在競爭激烈的環境下，要突圍而出還需下點苦功。總括而言，點心未見驚喜，服務有待改善，減少點心上桌延誤，那就萬幸。