影片
更多
2023-06-17
555 瀏覽
今日放假，同屋企人去鱷魚恤中心飲下午茶。喺水牌見到有間「凱日宴會廳」，記得之前喺西九龍中心幫襯過，晚市小菜相當有水準，原來觀塘都有分店。酒樓地方寬敞，裝修雅緻，燈光明亮，座位間隔亦闊落舒服，好適合同朋友嚟傾偈聚餐。先來一籠鮮蝦菜苗餃 ($35.8)，外形脹卜卜，餃皮晶瑩剔透，蝦肉鮮甜彈牙，菜苗非常新鮮，幼嫩又無渣，入口清爽不膩。甜梅菜叉燒腸 ($35.8) 腸粉皮呈半透明，入口又薄又滑，叉燒肥瘦適中，肉質緊緻又唔嚡口，加上適量嘅甜梅菜及自家調製甜豉油，更添滋味。香煎爽脆花枝餅 ($35.8) 花枝餅煎得很香，邊位好脆，而且用料十足，食到粟米同花枝粒。港式薑汁雞包仔 ($20.8) 包身好鬆軟，拿上手時仍熱辣辣，餡料份量十足，有雞肉、菇粒、蔬菜和薑絲，食落薑汁味好濃香。 紅燒妙齡鴿 ($58) 隻乳鴿 Size 雖然唔算好大，但賣相幾靚仔，外皮燒至紅噹噹，食落肉質好幼嫩，香濃又有肉汁。脆皮燒鵝米線 ($19.8) 點心紙寫住大師兄推介，當然要試下。果然有驚喜，燒鵝皮脆肉嫩，米線爽口彈牙，加上唔洗廿蚊一碗，以呢個價錢有這種質素，超值。化皮燒腩仔飯 ($48) 腩仔有兩排，外皮食
今日放假，同屋企人去鱷魚恤中心飲下午茶。喺水牌見到有間「凱日宴會廳」，記得之前喺西九龍中心幫襯過，晚市小菜相當有水準，原來觀塘都有分店。
酒樓地方寬敞，裝修雅緻，燈光明亮，座位間隔亦闊落舒服，好適合同朋友嚟傾偈聚餐。
先來一籠鮮蝦菜苗餃 ($35.8)，外形脹卜卜，餃皮晶瑩剔透，蝦肉鮮甜彈牙，菜苗非常新鮮，幼嫩又無渣，入口清爽不膩。
甜梅菜叉燒腸 ($35.8) 腸粉皮呈半透明，入口又薄又滑，叉燒肥瘦適中，肉質緊緻又唔嚡口，加上適量嘅甜梅菜及自家調製甜豉油，更添滋味。
香煎爽脆花枝餅 ($35.8) 花枝餅煎得很香，邊位好脆，而且用料十足，食到粟米同花枝粒。
港式薑汁雞包仔 ($20.8) 包身好鬆軟，拿上手時仍熱辣辣，餡料份量十足，有雞肉、菇粒、蔬菜和薑絲，食落薑汁味好濃香。 
紅燒妙齡鴿 ($58) 隻乳鴿 Size 雖然唔算好大，但賣相幾靚仔，外皮燒至紅噹噹，食落肉質好幼嫩，香濃又有肉汁。
脆皮燒鵝米線 ($19.8) 點心紙寫住大師兄推介，當然要試下。果然有驚喜，燒鵝皮脆肉嫩，米線爽口彈牙，加上唔洗廿蚊一碗，以呢個價錢有這種質素，超值。
化皮燒腩仔飯 ($48) 腩仔有兩排，外皮食落超脆，肉嫩又多汁，淨食或點芥末都很好吃，用嚟送飯更係一流。
聽店員講，酒樓晚市廳房有免費卡拉 OK 同麻雀耍樂供應，下次同朋友開戰又多一個好選擇了。
張貼
