出前丼丼

營業中

休息中

之前未係呢間買過野食嘅，但因為屋企人突然好想食吞拿魚刺身，又唔想去咁遠而選擇係到買，但經過今次購物體驗我唔會再係到買任何食物首先我覺得我無問價錢就決定買係我嘅失誤，因為佢個吞拿魚刺身份量好少，加上佢選擇左切一嚿嚿而唔係一片片，同我以為所有刺身都會一片片地切有出入，重點嘅係我食左覺得一啲都唔新鮮，同市面上X鮮或X尚賣嘅味道真係差無幾可能係因為富安得一間獨大所以價錢相對上會貴，亦都可能我係新客所以俾左啲邊角位我都話唔定，但講真我真係覺得呢2-3舊唔值呢個價真係見仁見智，但我覺得用$50買呢幾舊真係好唔抵，仲要係佢一啲都唔好食🫠🫠🫠

因為老虎做壽司， 所以一般同佢食飯，都唔會去選擇壽司。今晚自己一個 ，諗唔到食乜嘢 ，就去幫襯樓下嘅日式(壽司/和食)舖， 開張左咁耐都無幫襯過舖面並不起眼，食物竟然有驚喜， 賣相 質素 價錢都ok值得支持一下既小店

行經富安見到有間壽司鋪，作為壽司迷一定要試試..因為住附近都好小壽司鋪，平時一定要出到中心先有..今次呢間近近地真係岩哂鋪出面有2-3張枱可以堂食..不過今次都係決定外賣返去慢慢食價錢係中上，不過好多選擇，有壽司又有丼飯最後選擇左15件三文魚係最基本啦其餘鯛魚，油甘魚，吞拿魚腩，3款魚都好香魚油好好食！由其個吞拿魚腩！超重魚油香$30蚊件絕對性價比高埋單$255，15件絕對值得再幫襯，希望小店都支持住

疫情下過第一個母親節，一家人要反傳統食壽司、Pizza同炸雞，早兩日去落單，師傅準時準備好比我哋。海膽軍艦、三文魚魚子軍艦都係我至愛，海膽真係好新鮮，三文魚子都好足料。牡丹蝦同皇帝蟹棒壽司真係好大隻，而饅魚壽司係原條鰻魚，真係好正。小朋友就最鐘意食青瓜、新春、蛋小卷同太卷果啲，一次過滿足晒大人細路願望。媽咪仲另外要多個三文魚魚頭返黎醃製過兩日再煮，個魚頭真係好大個😍師傅見我哋係慶祝母親節仲特意送了幾片吞拿魚刺身比我哋😍大家母親節快樂🎉

好多年前響呢個屋苑見到一間叫「出前壽司刺身店」出現過，不過已經結業了，咁最近又響呢個屋苑見到一間叫「出前丼丼」新開業，見新開又試下，細問下原來正是之前響另一鋪位已結業嘅「出前壽司刺身店」，老闆我唔識，反而其員工係之前另一日本餐廳師傅之徒弟，我最鍾意支持小店。見到門口旁邊有一幅有招財貓，寫住「招財進寶」字樣嘅暖簾(有拍片但唔記得影相)，門外有一張枱放上日式刺身豉油、七味粉及牙櫼，另外依家温度計量度體温及酒精搓手液就少不免。見到有多款刺身、丼飯、壽司、軍艦、手卷、和食等供應，最後叫了一客三文魚腩丼($68)試試水準，老闆攞了一杯用茶包裝嘅熱綠茶俾我，但唔好熱飲嘅我係無飲到的。三文魚腩丼，跟了2包日本芥辣(無影到亦無用到)，見到約有10片三文魚腩、上面有1小堆蛋絲、1小堆醃子薑、2片黃蘿蔔同1片紫蘇葉，賣相還可以，三文魚腩算肥美、入口即化，飯算夠煙韌，如果飯涼一些更好，蛋絲、醃子薑、黃蘿蔔都係現貨返嚟，不過不失，紫蘇葉....就無食到。見到有日本海膽軍艦，仲要賣$30咁平，身為窮L飯局admin嘅我當然叫返..........1件試下，影完相/片後就一啖啪落口，紫菜夠脆身、海膽鹹香柔嫩滑溜、